BSIS On The Go

08/08/2025

Makabagong Estratehiya sa Pagtuturo, Tampok sa LAC ng BSIS

Sa layuning pagyamanin ang kaalaman at kasanayan ng mga g**o sa pagtugon sa pangangailangan ng makabagong henerasyon ng mag-aaral, isinagawa sa Bagong Sikat Integrated School ang Learning Action Cell (LAC) session na pinamagatang “Level Up Teaching: Empowering Educators for Gen Z and Gen Alpha Learners” noong Hunyo 27 at Agosto 1, 2025.

Nakatutok ang sesyon sa pagbibigay ng makabago, makalearnar, at makataong estratehiya sa pagtuturo na umaangkop sa ugali, interes, at estilo ng pagkatuto ng mga mag-aaral mula sa Gen Z (Grades 9–12) at Gen Alpha (Grades 7–8). Inilahad sa programa ang mga paraan upang mapalawak ang paggamit ng teknolohiya, mapalalim ang critical thinking, at mapalakas ang emotional resilience at well-being ng mga kabataang kabilang sa digital generation.

Pinangunahan ni Gng. Reina Ester P. Subaba, Teacher-in-Charge / OIC Principal ng paaralan, ang unang bahagi ng talakayan hinggil sa masusing pag-unawa sa mga katangian at pangangailangan ng mga mag-aaral mula sa Gen Z at Gen Alpha. Inilatag ang mahahalagang pananaw upang matulungan ang mga g**o sa mas epektibong pagdidisenyo ng mga aralin at interbensyon.

Kasunod nito, ibinahagi ni G. Carlo E. Medrano, Master Teacher I mula sa San Jose City National High School, ang mga estratehiyang tumutugon sa digital integration sa 21st century classroom. Tinalakay ang mga praktikal na pamamaraan ng paggamit ng teknolohiya upang mapanatili ang interes ng mga mag-aaral at mapabuti ang kalidad ng pagkatuto.

Nagsilbing daan ang aktibidad sa makabuluhang palitan ng ideya at karanasan sa hanay ng mga g**o, habang pinagtitibay ang layunin ng paaralan na maghatid ng makabago, makatao, at makabuluhang edukasyon sa panahon ng mabilis na pagbabago.

08/08/2025

Rehistrasyon ng Botante para sa 2025 Barangay at SK Elections, Isinagawa sa BSIS

Isinagawa ngayong araw ang Voters’ Registration para sa nalalapit na Barangay at Sangguniang Kabataan (SK) Elections sa Bagong Sikat Integrated School (BSIS). Pinangunahan ng Commission on Elections (COMELEC) – San Jose City ang aktibidad na naglalayong makalap ang mas maraming rehistradong botante, lalo na mula sa hanay ng kabataan.

Nagbukas ang rehistrasyon para sa mga estudyante ng BSIS at mga residente ng Barangay Bagong Sikat na kwalipikadong bumoto. Dumalo ang maraming aplikante upang isumite ang mga kinakailangang dokumento at kumpletuhin ang proseso ng pagpaparehistro.

Tinututukan ng COMELEC ang pagpapalawak ng partisipasyon sa eleksyon upang masig**ong maririnig ang tinig ng bawat mamamayan sa pamahalaan. Patuloy ang paalala mula sa mga tagapangasiwa na sundin ang tamang hakbang sa pagpaparehistro at tiyaking kumpleto ang mga isinusumiteng dokumento.

Kabilang ang aktibidad sa kampanyang nagpapalakas ng responsableng pagboto at aktibong pakikilahok ng mamamayan sa nalalapit na halalan.

08/08/2025

Boses ng Kabataan, Pinalalakas sa Voter’s Education ng SIDHA

Tumimo sa puso’t isipan ng mga mag-aaral mula Grade 9 hanggang Grade 12 ng Bagong Sikat Integrated School ang diwa ng pagboto matapos ang matagumpay na Voter’s Education Talk na isinagawa nitong Agosto 7, 2025

Dumalo bilang tagapagsalita ang mga kinatawan mula sa SIDHA – San Jose City Inc., na naghandog ng masinsin at makabuluhang diskusyon tungkol sa karapatan at responsibilidad ng bawat Pilipino sa halalan. Tinalakay ang proseso ng eleksyon, mga katangian ng isang mabuting kandidato, at kung paano nakaaapekto sa kinabukasan ng bayan ang bawat boto.

Sa pamamagitan ng mga talakayan, open forum, at tanong mula sa mga mag-aaral, lalong naging buhay ang usapin ukol sa pagiging aktibong bahagi ng demokrasya. Pinuri rin ang pagiging mausisa at bukas-isip ng mga kabataan sa mga isyung panlipunan.

Lumabas sa pagtitipon ang malinaw na mensahe: hindi hadlang ang edad sa pagiging mulat sa tungkulin bilang mamamayan. Mula sa silid-aralan, sinimulan ng mga kabataan ang paglalakbay tungo sa pagiging matalinong botante sa hinaharap.

Sa pagtatapos ng nasabing gawain, dala ng mga kalahok ang bagong kaalaman at inspirasyong maging gabay ng bayan — hindi lamang sa panahon ng halalan, kundi sa araw-araw na buhay bilang Pilipino.

07/08/2025

Linggo ng Musikang Pilipino, Ipinagdiwang nang may Puso at Sining

Buong sigla at pusong nakilahok ang Bagong Sikat Integrated School sa pagdiriwang ng Linggo ng Musikang Pilipino, na ginanap kamakailan sa paaralan at nilahukan ng mga mag-aaral mula Baitang 7 hanggang Baitang 12.

Ang nasabing aktibidad ay pinangasiwaan ni G. Christian N. Batugal, ang itinalagang coordinator ng programa, sa ilalim ng pamumuno ni Gng. Reina Ester P. Subaba, TIC/OIC-School Principal ng paaralan.

Layon ng pagdiriwang na palaganapin, pagyamanin, at ipagdiwang ang mayamang kultura at kasaysayan ng musikang Pilipino, mula sa mga tradisyunal na himig hanggang sa makabagong anyo nito. Sa pamamagitan ng mga inihandang pagtatanghal, pinamalas ng mga mag-aaral ang kanilang talento sa pagkanta, pagtugtog, at pagsayaw sa saliw ng mga orihinal na musikang likha ng mga Pilipino.

Nagpakita rin ng pagkakaisa at pagmamalasakit sa sariling kultura ang bawat baitang sa kanilang aktibong partisipasyon sa iba't ibang gawaing inorganisa sa buong linggo ng selebrasyon.

Naging patunay ang matagumpay na gawaing ito sa patuloy na pagsuporta ng Bagong Sikat Integrated School sa mga programang nagtataguyod sa pambansang identidad at sining, gayundin sa paglinang ng kakayahan ng mga kabataan sa larangan ng musika.

01/08/2025

01/08/2025

𝐁𝐮𝐰𝐚𝐧 𝐧𝐠 𝐍𝐮𝐭𝐫𝐢𝐬𝐲𝐨𝐧 𝐬𝐚 𝐁𝐒𝐈𝐒, 𝐍𝐚𝐠𝐛𝐢𝐠𝐚𝐲 𝐧𝐠 𝐈𝐧𝐬𝐩𝐢𝐫𝐚𝐬𝐲𝐨𝐧 𝐏𝐚𝐫𝐚 𝐬𝐚 𝐌𝐚𝐬 𝐌𝐚𝐥𝐮𝐬𝐨𝐠 𝐧𝐚 𝐏𝐚𝐦𝐮𝐦𝐮𝐡𝐚𝐲

𝘕𝘢𝘳𝘪𝘵𝘰 𝘴𝘪 𝘔𝘩𝘪𝘤𝘢 𝘈𝘯𝘥𝘦𝘦 𝘋𝘶𝘭𝘭𝘢𝘴 𝘱𝘢𝘳𝘢 𝘴𝘢 𝘪𝘣𝘢 𝘱𝘢𝘯𝘨 𝘮𝘨𝘢 𝘥𝘦𝘵𝘢𝘭𝘺𝘦

01/08/2025

Ugnayan ng Paaralan at Magulang, Pinalakas sa BSIS General Assembly

Sa layuning mapatatag ang ugnayan ng paaralan at mga magulang, matagumpay na isinagawa ng Bagong Sikat Integrated School ang kanilang 1st General Assembly noong Hulyo 9, 2025 sa Multi-Purpose Gym ng BSIS-High School Department. Dumalo sa pagtitipon ang mga magulang, g**o, at kinatawan ng barangay upang pakinggan ang mahahalagang ulat at plano ng paaralan para sa taong panuruan 2025-2026.

Pinangunahan ni Gng. Reina Ester P. Subaba, Teacher-in-Charge / Officer-in-Charge ng paaralan, ang pagbibigay ng ulat tungkol sa kalagayan ng paaralan, kabilang ang pagtaas ng enrollment, pagkilala bilang 2nd Happiest Secondary School, at suporta ng komunidad para sa Brigada Eskwela. Ibinahagi rin ni Bb. Christine Jane E. Trinidad ang mga hakbang at layunin ng ARAL Program, habang ipinaliwanag naman ni Bb. Precious B. Ladores ang mga School Policies and Guidelines. Kasunod nito, tinalakay ni Gng. Marie E. Fontanilla ang mga proyekto sa ilalim ng Gulayan sa Paaralan.

Matapos ang pagpupulong, isinagawa ang Homeroom Parent-Teacher Association (HPTA) Election at School Parent-Teacher Association (SPTA) Election kung saan nahirang ang mga bagong opisyal na magsisilbing katuwang ng paaralan sa pagpapaunlad ng mga programa at proyekto para sa kapakanan ng mga mag-aaral.

Nagpahayag ng mensahe si G. John Raniel Garcia, bagong halal na SPTA President, kung saan binigyang-diin niya ang kahalagahan ng pagtutulungan ng mga magulang at paaralan upang higit pang mapaunlad ang kalidad ng edukasyon at kapakanan ng mga mag-aaral.

Nagsilbing patunay ang isinagawang General Assembly at SPTA Election na nananatiling matibay ang pagtutulungan at pagkakaisa ng pamunuan, g**o, magulang, at komunidad para sa ikabubuti ng mga mag-aaral sa Bagong Sikat Integrated School.

30/07/2025

𝐍𝐨𝐫𝐭𝐡𝐞𝐚𝐬𝐭 𝐂𝐥𝐮𝐬𝐭𝐞𝐫, 𝐊𝐚𝐛𝐢𝐥𝐚𝐧𝐠 𝐬𝐚 𝐏𝐚𝐠𝐬𝐮𝐬𝐮𝐥𝐨𝐧𝐠 𝐧𝐠 𝐄𝐝𝐮𝐤𝐚𝐬𝐲𝐨𝐧𝐠 𝐀𝐛𝐨𝐭-𝐋𝐚𝐡𝐚𝐭 𝐬𝐚 𝐀𝐑𝐀𝐋 𝐒𝐚𝐧 𝐉𝐨𝐬𝐞𝐧𝐢𝐨 𝐒𝐮𝐦𝐦𝐢𝐭

𝘕𝘢𝘳𝘪𝘵𝘰 𝘴𝘪 𝘊𝘩𝘳𝘪𝘴𝘵𝘪𝘯𝘦 𝘑𝘢𝘯𝘦 𝘌. 𝘛𝘳𝘪𝘯𝘪𝘥𝘢𝘥 𝘱𝘢𝘳𝘢 𝘴𝘢 𝘪𝘣𝘢 𝘱𝘢𝘯𝘨 𝘮𝘨𝘢 𝘥𝘦𝘵𝘢𝘭𝘺𝘦

02/04/2025

Fire Drill at Fire Prevention Orientation, isinagawa sa BSIS.

Narito si Kenneth Dionisio para sa iba pang mga detalye.

26/03/2025

𝒀𝒐𝒖𝒕𝒉 𝒇𝒐𝒓 𝑴𝒆𝒄𝒉𝒂𝒏𝒊𝒛𝒂𝒕𝒊𝒐𝒏 (𝒀4𝑴) 𝑪𝒂𝒎𝒑𝒂𝒊𝒈𝒏 𝒏𝒈 𝑷𝑯𝑰𝑳𝑴𝑬𝑪𝑯, 𝒊𝒏𝒊𝒍𝒖𝒏𝒔𝒂𝒅 𝒔𝒂 𝑩𝑺𝑰𝑺

Narito si Alleyah dela Cruz para sa iba pang mga detalye.