https://www.facebook.com/100799561759573/

Ang Daluyong, Talahiban 2. 0, San Juan (2025)

19/05/2025

| Sa temang "Beyond the Horizons: Embracing New Beginnings," matagumpay na isinagawa ngayong araw, ika-19 ng Mayo, 2025, ang Local Recognition ng Pambansang Pamantasan ng Batangas - Ang Pambansang Pamantasan ng Inhenyeriya - Kampus ng San Juan. Tampok sa programa ang pagkilala sa mga mag-aaral mula sa iba’t ibang programa na nagpamalas ng kahusayan at dedikasyon sa buong Taóng Akademiko 2024–2025.

mga kuhang larawan nina Denmark Sweden V. Hachuela at Kristine A. Magsino

Balikan ang mahahalagang tagpo! Narito ang iba pang mga larawang kuha ng mga litratista ng Ang Daluyong: https://drive.google.com/drive/folders/1K74IKc9DoyUsGfLE7oR7S-q-9lr_85Lj?usp=sharing

19/05/2025

| Sinimulan ng isang banal na misa ang Local Recognition 2025 ng Pambansang Pamantasan ng Batangas - Ang Pambansang Pamantasan ng Inhenyeriya - Kampus ng San Juan, na may temang "Beyond the Horizons: Embracing New Beginnings."

mga kuhang larawan ni Denmark Sweden Hachuela
likhang pubmat ni Neil John Hernandez

11/05/2025

Idineklara ang araw na ito, ika-12 ng Mayo, 2025, bilang special non-working holiday sa bisa ng Proclamation No. 878 upang bigyang-daan ang paglahok ng mga Pilipino sa 𝐇𝐀𝐋𝐀𝐋𝐀𝐍 𝟐𝟎𝟐𝟓. Tinatayang libo-libong posisyon sa lokal at pambansang pamahalaan ang nakataya sa halalang ito.

Huwag nating sayangin ang pagkakataon na pumili ng mga tamang lider na may tunay na malasakit sa bayan at kapuwa Pilipino. Bumoto nang matalino, para sa bayan, para sa kinabukasan.

24/04/2025

Balikan ang mahahalagang tagpo! Narito ang mga larawang kuha ng mga litratista ng Ang Daluyong mula sa unang araw ng JMA Days Ver. 3.0 na ginanap ngayong araw, ika-24 ng Abril, 2025.

mga kuhang larawan ni Kristine Magsino, Denmark Hachuela, Renzo Magtibay, at Rinz Apuyan

.3.0

24/04/2025

| JMA Days Ver. 3.0
Kasalukuyang nagaganap ngayong araw, ika-24 ng Abril, 2025, ang unang araw ng JMA Days Ver. 3.0 sa Pambansang Pamantasan ng Batangas - Ang Pambansang Pamantasan ng Inhenyeriya - Kampus ng San Juan, na may temang, “Faction of Legacy: Unleashing Marketing Supremacy.” Tampok sa selebrasyon sa unang araw ang seminar, live band performance, at ang inaabangang Mr. & Ms. CABEIHM 2025.

sa panulat ni Arianne Monette Maralit
mga kuhang larawan ni Renzo Magtibay at Rinz Apuyan
likhang pubmat ni Renzo Magtibay

.3.0

12/04/2025

| Borbonians, Wagi ng Ikalawang Puwesto sa Cheerdance Competition sa ginanap na University-Wide Intramurals 2025

Ibinandera ng mga mag-aaral mula sa San Juan Campus ang kanilang kahusayan bilang kinatawan ng Pablo Borbon sa ginanap na University-Wide Intramurals 2025 Cheerdance Competition. Matapos magwagi bilang kampeon sa isinagawang Pablo Borbon Intramurals, naging opisyal na kinatawan ang San Juan Campus sa nasabing patimpalak na ginanap naman ngayong araw, ika-12 ng Abril, 2025, sa Batangas State University - The National Engineering University, Alangilan Campus.

Sa ipinamalas na husay at galing sa paghataw, nakatanggap ito ng pinagsama-samang bahagdan na 94.33%, dahilan upang maiuwi ang ikalawang puwesto sa naging pasiklaban.

Samantala, naiuwi ng JPLPC - Malvar ang kampeonato matapos makalikom ng kabuoang 94.67%. Ang Alangilan Campus naman ang nag-uwi ng ikatlong puwesto at ang Lipa Campus ang ikaapat.

Ang kompetisyong ito ay bahagi ng taunang selebrasyon ng University-Wide Intramurals na layuning isulong ang pagkakaisa at pagpapakita ng galing ng mga mag-aaral mula sa iba’t ibang kampus ng pamantasan.

sa panulat ni Kaye M. Jimenez
mga kuhang larawan ni G. Jeric I. Luistro
likhang pubmat nina Arianne Monette D. Maralit at Renzo R. Magtibay

12/04/2025

| Cheerdance Competition, kasalukuyang ginaganap sa Alangilan Campus

Kasalukuyang nagtatagisan ng husay sa pag-indak at paghataw ang iba't ibang kampus na kalahok sa Cheerdance Competition na ginaganap sa BatState-U Alangilan Campus. Bahagi ito ng University-Wide Intramurals 2025 na idinaraos bilang isa sa mga tampok na aktibidad sa pagdiriwang ng Charter Days o ang ikatlong taon ng Batangas State University bilang isang National Engineering University. Maghaharap ang mga kinatawan mula sa iba’t ibang mga kampus ng pamantasan, kabilang na ang mga mag-aaral mula sa Alangilan, Lipa, Malvar, at San Juan.

sa panulat ni Kaye M. Jimenez
mga kuhang larawan ni G. Jeric I. Luistro
likhang pubmat nina Arianne Monette D. Maralit at Renzo R. Magtibay

10/04/2025

| 2nd SaliKalinga, isinagawa bilang pagkilala sa mga natatanging mananaliksik at taga-kalinga ng BatStateU-TNEU Pablo Borbon

Idinaos ngayong araw, ika-10 ng Abril, 2025 ang 2nd SaliKalinga – Research and Extension Exemplars sa Higher Education Building, Pambansang Pamantasan ng Batangas - Ang Pambansang Pamantasan ng Inhenyeriya - Kampus ng Pablo Borbon, bilang pagkilala sa mga proyektong may mahalagang ambag sa Research and Extension. Inorganisa ito ng Office of the Vice Chancellor for Research, Development, and Extension Services ng nasabing kampus.

Sa pagtitipon, pinangunahan ng mga mananaliksik at extensionists ang pagbabahagi ng mga inisyatibong nagpapaigting sa ugnayan ng pamantasan at pamayanan. Isa sa mga proyektong pinarangalan ay ang WIKALAYA: Wika at Karunungan para sa Lahing Mapagpalaya, isang extension activity na isinagawa sa Don Leon Mercado Sr. Memorial National High School noong Buwan ng Wika 2024. Pinamunuan ito ni G. Jeric I. Luistro at kinilala bilang Champion of Skills Excellence Awardee sa kategoryang Distinction in Technical Vocational Education and Training (TVET), dahil sa pagtutok nito sa pagpapalawak ng kaalaman sa wika at kasanayan.

Pinarangalan din ang Project Lingap: Unveiling Cultural Tapestry of San Juan, Batangas, isang pananaliksik na nagbibigay-diin sa makulay na kultura at kasaysayan ng bayan ng San Juan. Ang nasabing akda ay pinagkakaisahang buoin sa kasalukuyan nina Dr. Joy M. Reyes, Dr. Riza C. Banaera, at G. Jeric I. Luistro. Layon nitong mas mapalalim pa ang pag-unawa sa lokal na identidad at pagkakakilanlan ng komunidad.

Bilang pagkilala sa mga natatanging kontribusyon sa larangan ng pananaliksik at extension, ginawaran din si G. Jeric I. Luistro ng Certificate of Appreciation bilang Research Coordinator ng College of Teacher Education, San Juan Campus, at isang Appreciation Award bilang Extension Services Office (ESO) Coordinator ng nasabing kampus.

Ang isinagawang pagtitipon ay hindi lamang naging isang selebrasyon ng tagumpay, kundi naging isang plataporma rin ng inspirasyon at kolektibong pagsulong.

via Arianne Monette D. Maralit, Renzo R. Magtibay, at Denmark Sweden V. Hachuela
mga larawan mula kay Dr. Riza C. Banaera
likhang pubmat ni Renzo R. Magtibay at Arianne Monette D. Maralit

10/04/2025

| JUAN Research 2025 inilunsad bilang bahagi ng ika-3 anibersaryo ng BatStateU bilang The National Engineering University

Sa layuning patatagin ang kultura ng pananaliksik at hikayatin ang makabuluhang publikasyon, isinagawa ngayong ika-10 ng Abril, 2025 ang JUAN Research 2025: Journal Understanding and Academic Navigation, isang publication training para sa mga g**o at mag-aaral ng Pambansang Pamantasan ng Batangas - Ang Pambansang Pamantasan ng Inhenyeriya - Kampus ng San Juan.

Binigyang inspirasyon ng mga tagapagsalitang sina G. Jeric I. Luistro at Gng. Riza C. Banaera ang mga kalahok sa programang idinaos sa G. Katigbak Gymnasium. Itinampok sa kanilang talakayan ang mahahalagang kaalaman mula sa kanilang dinaluhang pagsasanay, lalo na sa wastong pagpili ng lehitimong dyornals at sa proseso ng publikasyon ng pananaliksik. Inorganisa ito ng Office of Research and Extension Services bilang bahagi ng pagdiriwang ng ikatlong anibersaryo ng pamantasan bilang The National Engineering University.

Ang nasabing gawain ay layunin ding hikayatin ang pamantasan na mas makapaglimbag pa at patuloy na itaguyod ang pananaliksik bilang mahalagang haligi ng akademikong kahusayan sa loob at labas ng pamantasan.

via Arianne Monette D. Maralit
mga kuhang larawan ni Denmark Sweden V. Hachuela at Eric D. Briñoza
likhang pubmat ni Renzo R. Magtibay at Arianne Monette D. Maralit

28/03/2025

| BIDA KABABAIHAN: Pagdiriwang ng 2025 National Women's Month, idinaos

Ipinagdiriwang ang 2025 National Women's Month na may temang "Babae sa Lahat ng Sektor, Aangat ang Bukas sa Bagong Pilipinas," ngayong araw, ika-28 ng Marso, 2025.

Sinimulan ito sa isang mensahe mula sa direktora ng kampus, Dr. Joy M. Reyes gayon din ang isang padalang mensahe mula kay Dr. Riza C. Banaera, Gender and Development Coordinator ng BatStateU- San Juan.

Agad naman itong sinundan ng pagpapakilala ng mga imbitadong tagapagsalita sa pangunguna ni Bb. Edelren Joy C. Jarina.

Ang mga imbitadong tagapagsalita ay sina Gng. Joanna S. Almarez, JMA Adviser, Gng. Mia Jasmin S. Manguerra, Guidance Counselor ng BatStateU- San Juan at si Gng. Analyn Moraleja Macaraig, Municipal Administrator ng San Juan.

Pagmamahal sa trabaho, ito ang unang ideya na nagbukas sa panel discussion na sentro ng seminar na ito.

"Love yourself. Mahalin mo muna ang iyong sarili para magawa mo ito sa iyong kapwa. Ganiyan din sa trabaho dahil nandyan ang dedikasyon, para maibigay mo ng buo ang lahat sa iyong ginagawa," ani Gng. Analyn Moraleja-Macaraig.

"Pag nasosolusyunan iyong problema ng mga bata, parang nasosolusyunan na rin ang problema ko. Be a seed-minded, magtanim ka ng kabutihan para mag-ripple effect siya sa lahat," Gng. Manguerra, Guidance Counselor.

Kaugnay ng panel discussion, nakasentro ang unang segment sa kahulugan ng pantay pantay na pagtingin sa kasarian sa kasalukuyang kapaligiran ng trabaho o pag-aaral sa Pilipinas.

Nabanggit ni Gng. Analyn ang Magna Carta for Women, RA 9710 na nagpapahiwatig ng pagkakapantay pantay ng bawat isa. Ayon naman kay Gng. Almarez, suportado na ng komunidad ang mga hangarin at adbokasiya ng mga kababaihan.

Nakasentro naman ang ikalawang segment sa mga pangunahing hadlang at paglaban sa balakid na kinalaharap ng mga babaeng lider.

"Societal expectations, I have to balance being a teacher, being a mother and a wife. As a woman, malki yung responsibility in terms of nurturing the minds of our children and doing the duty of an educator. In order to address this, one important thing is self-respect," Gng. Almarez.

Sa huling segment naman tinampok ang kwento ng tagumpay at personal na paglalakbay ng mga tagapagsalita gayon din ang mga payong maiiwan nila sa mga kabataan at kabbaihan

"Maging totoo kayo, kung ano kayo, ipakita niyo at iparamdam niyo," ani Gng. Analyn.

"I am always trying my best to be a good role model for my children and for my students," Gng. Almarez

"Hindi dahil leader ka, kailangan perfect. I'm still teachable," Gng. Manguerra.

Ito ang mga pangwakas na payo at mensahe ng mga tagapagsalita sa lahat ng mag-aaral at tagapakinig.

Sa pagtatapos ng seminar, ginawaran ng sertipiko ng pagkilala ang mga babaeng lider na naimbitahan bilang tagapagsalita ngayong selebrasyon ng Women's month at para naman sa mga tagapakinig, baon nila ang mga ideya at kwentong kanilang nakuha sa seminar na ito.

Via Mary Joy G. Almarez
kuhang larawan nina Denmark Sweden Hachuela at Rinz Apuyan

28/03/2025

| Tatak Spartan, Tatak Kababaihan: Pagdiriwang ng 2025 National Women's Month sa kampus ng San Juan

Kaugnay ng selebrasyon ng National Women's Month, kasalukuyang isinasagawa ang programa tungkol sa mga kababaihan na may temang, "Babae sa Lahat ng Sektor, Aangat ang Bukas sa Bagong Pilipinas" ngayong ika-28 ng Marso 2025. Pinangunahan ito ng Gender and Development Coordinator ng Pambansang Pamantasan ng Batangas - Ang Pambansang Pamantasan ng Inhenyeriya - Kampus ng San Juan na si Dr. Riza C. Banaera. Sa pagsisimula ng programa, nagbigay ng pambungad na pananalita si Dr. Joy M. Reyes, Campus Director upang pormal na umpisahan ang aktibidad.

Sa pagpapatuloy ng mga kaganapan, sa ilang sandali na lamang ay magkakaroon ng panel discussion kasama ang ilan sa mga natatanging indibidwal upang magbahagi ng kaalaman at karanasan sa paglilingkod bilang isang babae. Ang selebrasyong ito ay naglalayong ipagdiwang ang kakayahan ng mga kababaihan at ipagmalaki ang mga natatanging talento na kanilang ipinamamalas sa iba't ibang larangan. Binibigyang diin din nito ang kahalagahan ng pagkakapantay-pantay ng bawat indibidwal sa lipunan anuman ang kanilang kasarian lalo't higit sa larangan ng pamumuno at pagiging isang aktibong lider at mamamayan.

via Justine Sebuc
likhang pubmat ni Renzo Magtibay
kuhang larawan ni Rinz Apuyan

25/03/2025

| Pamunuan ng BatStateU-San Juan, Nagdaos ng Kumustahan kasama ang mga Student Organizations

Isang kumustahan ang isinagawa ngayong araw, ika-25 ng Marso 2025, sa Pambansang Pamantasan ng Batangas - Ang Pambansang Pamantasan ng Inhenyeriya - Kampus ng San Juan, sa pangunguna ni Dr. Joy M. Reyes, Direktora ng Kampus. Ang nasabing aktibidad ay dinaluhan ng iba't ibang student organizations sa loob ng pamantasan, kabilang ang Teacher Education Students' Association (TESA), Junior Marketing Association (JMA), Initiative for Languge and Literature Advancement (ILLIAD), Organisasyon ng mga Nagpapakadalubhasang Mag-aaral sa Filipino (ONMAFIL), at Sports and Culture Association (SCA).

Sa kaniyang pahayag, binigyang-diin ni Dr. Reyes ang kahalagahan ng direktang pakikipag-ugnayan sa mga organisasyon upang matukoy ang mga suliranin at pangangailangan ng mga mag-aaral.

“Napakahalaga ng pagkakaroon ng kumustahan sa iba't ibang organisasyon sa campus dahil ito ang nagbibigay-daan para malaman natin kung ano ang mga bagay na kailangang solusyonan. Naniniwala ako na ang mga student leaders ay magiging katuwang ko sa implementasyon ng mga kailangang ipatupad at gawin sa buong campus,” ayon sa Direktora.

Dagdag pa ni Dr. Reyes, mahalagang malaman ang mga hamon at pangangailangan ng bawat organisasyon upang maibigay ang nararapat na suporta.

“Dito ko nakikita ang mahahalagang detalye at pangyayari na kinakaharap ng bawat organisasyon. Mahalaga rin ang kanilang pananaw bilang mga lider ng kanilang yunit upang mas maipaabot nila ang kanilang mga pangangailangan para sa ikauunlad ng kanilang pag-aaral at mga gawain sa organisasyon,” pagbabahagi niya.

Samantala, sa isang panayam kay Gng. Abegail Pasia, isa sa mga tagapayo ng student organizations, nabanggit niya ang kahalagahan ng pagkakaroon ng dayalogo sa pagitan ng mga mag-aaral, g**o, at iba pang stakeholders ng pamantasan.

“Minsan kasi nami-misinterpret natin ang bawat isa. Sa ganitong pagkakataon, nalalaman natin ang iba't ibang pananaw, mula sa estudyante, faculty, at iba pang kasapi ng unibersidad. Nagkakaroon tayo ng mas malalim na pag-unawa at mas matibay na kolaborasyon,” pahayag ni Gng. Pasia

Ang isinagawang kumustahan ay isang hakbang tungo sa mas inklusibong pamamahala sa Pambansang Pamantasan ng Batangas - Ang Pambansang Pamantasan ng Inhenyeriya - Kampus ng San Juan. Inaasahang patuloy itong magiging daan upang higit pang mapalakas ang ugnayan sa pagitan ng administrasyon at ng mga mag-aaral, nang sa gayon ay mas epektibong maisakatuparan ang mga layunin ng bawat organisasyon sa loob ng pamantasan.

via Arianne Monette D. Maralit
likhang pubmat nina Renzo Magtibay at Neil John Hernandez
kuhang larawan ni Renzo R. Magtibay

Ang Daluyong

19/05/2025

19/05/2025

11/05/2025

24/04/2025

24/04/2025

12/04/2025

12/04/2025

10/04/2025

10/04/2025

28/03/2025

28/03/2025

25/03/2025

Address

Telephone

Website

Alerts

Contact The Business

Shortcuts

Share

Category