1TVi News

1TVi News DIGITAL NEWS & CURRENT AFFAIRS

NAPAKALAKING SINKHOLE, BUMUKA SA BANGKOK, THAILAND — TRAPIKO AT OPERASYON SA OSPITAL, APEKTADOBangkok, Thailand — Setyem...
24/09/2025

NAPAKALAKING SINKHOLE, BUMUKA SA BANGKOK, THAILAND — TRAPIKO AT OPERASYON SA OSPITAL, APEKTADO

Bangkok, Thailand — Setyembre 24, 2025
Nagulantang ang mga residente at emergency workers sa Bangkok matapos bumuka ang isang napakalaking sinkhole sa kahabaan ng Samsen Road, malapit sa Vajira Hospital.

Ayon sa mga ulat, umabot sa 50 metro ang lalim (katumbas ng 164 talampakan) ng naturang sinkhole at kumalat sa sukat na 900 metro kuwadrado sa harapan mismo ng ospital. Dahil dito, agad na ipinatigil ang trapiko sa lugar habang iniiwasan ang posibleng dagdag pang pagguho.

Sa gitna ng insidente, inilabas ng Vajira Hospital ang abiso na pansamantalang hindi ito tatanggap ng mga pasyente upang matiyak ang kaligtasan ng lahat.

Sa isang pahayag, sinabi ni Prime Minister Anutin Charnvirakul na ang pagguho ng lupa ay dulot umano ng pagkakadulas ng lupa mula sa isang underground train construction project malapit sa lugar. Patuloy ang imbestigasyon ng mga awtoridad upang masigurong ligtas na ang paligid at maiwasan ang muling pagguho.

Wala pang naiulat na nasaktan o nasawi sa naturang insidente, ngunit patuloy ang pagtutok ng mga emergency responders at mga city engineers upang matugunan ang sitwasyon.

-

John Heart Carlo R Laureta
1TVi News


ISS Nakakuha ng Larawan ng Mata ng Super Typhoon Ragasa at NeoguriNakunan ng International Space Station (ISS) ang malak...
24/09/2025

ISS Nakakuha ng Larawan ng Mata ng Super Typhoon Ragasa at Neoguri

Nakunan ng International Space Station (ISS) ang malakas na mata ng Super Typhoon (Nando) at Typhoon Neoguri (Opong) habang bumabaybay sa Pacific Ocean.

Courtesy: International Space Station

--

Jorelyn Flor
1TViNews


AFP-Philippines Army Personnel Tatanggap ng P1.64-B Performance BonusInaprubahan ng pamahalaan ang paglalabas P1.64 bily...
24/09/2025

AFP-Philippines Army Personnel Tatanggap ng P1.64-B Performance Bonus

Inaprubahan ng pamahalaan ang paglalabas P1.64 bilyon para sa 2023 performance-base bonus(PBB) ng opisyal at tauhan ng Armed Force of the Philippines--Philippine Army (AFP-PA), alinsunod sa direktiba ni Pangulong Ferdinand R. Marcos Jr. Ayon Kay Presidential Communications Undersecretary Claire Castro, mahigpit 110,000 sundalo ang makikinabang sa insentibo na inilabas ng Department of Budget and Management (DBM).

Makakatanggap ang mga kuwalipikadong sundalo ng hanganf 45.5% ng kanilang basic salary bilang PBB, batay sa kanilang performance rating noong Disyembre 31, 2023. Kabilang sa pamatayan ang public satisfaction, kalidad ng serbisyo, paggamit ng resources, at accountability ng ahensya.

Iginiit ni Pangulong Marcos na karapat-dapat lamang na suklian ang husay at sakripisyo ng mga sundalo bilang tagapanggol ng kalayaan at soberanya ng bansa. Layunin ng bonus na kilalanin ang kontribusyon ng militar sa pagsusulong ng seguridad at mabutinc pamamahala.

--
Jorelyn Flor
1TViNews


VP Sara Duterte, Umalma sa Ginawang Welfare Check ng PH Embassy kay ex-Pres. Duterte sa ICCMariing tinutulan ni Vice Pre...
24/09/2025

VP Sara Duterte, Umalma sa Ginawang Welfare Check ng PH Embassy kay ex-Pres. Duterte sa ICC

Mariing tinutulan ni Vice President Sara Duterte ang isinagawang welfare check ng mga opisyal ng Philippine Embassy sa The Hague kay dating Pangulong Rodrigo Duterte na kasalukuyang nasa kustodiya ng International Criminal Court (ICC).

Ayon sa bise presidente, ang naturang pagbisita ay isang banta sa kaligtasan ng kanyang ama.

“The permission given by the ICC in allowing the agents of the very government that abducted FPRRD to intrude upon him, without seeking permission from family members who are in the Hague, places his life and safety in an imminent danger,” ayon kay VP Sara.

Tinawag din niyang pakana ng kasalukuyang administrasyon ang ginawang pagdalaw.

“These are nothing but orders of President Marcos disguised as consular functions, and we strongly object to such visits,” dagdag pa niya.

Hindi pa nagbibigay ng pahayag ang Department of Foreign Affairs (DFA) ukol sa isyu sa oras ng pagsulat ng balitang ito.

—

John Heart Carlo R Laureta
1TVi News


Viral Protester na si “Kwek-kwek Man,” Isa Palang PWD; Ina Nananawagan Para sa Gamot ng AnakNakilala na ang viral na lal...
23/09/2025

Viral Protester na si “Kwek-kwek Man,” Isa Palang PWD; Ina Nananawagan Para sa Gamot ng Anak

Nakilala na ang viral na lalaki na si Alvin, mas kilala ngayon bilang “Kwek-kwek Man,” matapos siyang maging simbolo ng protesta nitong Linggo laban sa korapsyon sa Maynila. Sa kanyang panawagan na pababain ang presyo ng fishball, kikiam, at iba pang street food, agad siyang naging usap-usapan online.

Ngunit sa likod ng kanyang pagiging viral ay isang mas seryosong panawagan—si Alvin ay isang person with disability (PWD) na umaasa sa araw-araw na gamot para sa kanyang kondisyon.

Ayon sa abogadong si Sol Taule sa isang Facebook post, kabilang si Alvin sa mahigit 200 kataong inaresto ng Manila Police District (MPD), sa kabila ng hindi pa malinaw na dahilan ng kanyang pagkakaaresto.

Dagdag ni Taule, naghintay sa ulan ang ina ni Alvin sa labas ng MPD headquarters upang ipakiusap na maihatid ang gamot ng kanyang anak. Bitbit nito ang PWD ID ni Alvin bilang patunay sa kalagayan ng kanyang anak.

Mariin namang umapela ang ina na bigyang-daan ang paghatid ng gamot, lalo’t may karamdaman ang anak at nangangailangan ng tuloy-tuloy na gamutan.

Patuloy na nananawagan ang mga kaanak at tagasuporta ni Alvin para sa agarang paglilinaw sa dahilan ng kanyang pagkakaaresto at para matiyak ang kanyang kaligtasan at kalusugan habang nasa kustodiya ng awtoridad.

-

John Heart Carlo R Laureta
1TViNews


MARAMING KABAHAYAN SA CALAYAN, CAGAYAN, NASIRA SA HAGUPIT NG BAGYONG NANDOCALAYAN, CAGAYAN – Hindi nakaligtas sa matindi...
23/09/2025

MARAMING KABAHAYAN SA CALAYAN, CAGAYAN, NASIRA SA HAGUPIT NG BAGYONG NANDO

CALAYAN, CAGAYAN – Hindi nakaligtas sa matinding pinsala ang maraming kabahayan sa bayan ng Calayan matapos ang pananalasa ng Bagyong Nando.

Ayon sa ulat mula sa lokal na pamahalaan, ilang barangay ang lubhang naapektuhan ng malalakas na hangin at ulang dala ng bagyo. Maraming pamilya ang nawalan ng tirahan matapos gumuho o tangayin ng hangin ang kanilang mga bahay.

Patuloy ang isinasagawang assessment ng mga awtoridad upang matukoy ang kabuuang bilang ng mga naapektadong residente at ang lawak ng pinsala. Nagpapatuloy rin ang relief operations upang matulungan ang mga pamilyang apektado ng sakuna.

Samantala, pinayuhan ng mga opisyal ang publiko na maging alerto at sumunod sa mga abiso ng awtoridad lalo na sa mga lugar na patuloy na nasa ilalim ng banta ng masamang panahon.

-

John Heart Carlo R Laureta
1TVi News


ICC Naglabas ng Mga Kaso Laban Kay Dating Pangulong Rodrigo Duterte Inilabas ng International Criminal Court (ICC) burod...
23/09/2025

ICC Naglabas ng Mga Kaso Laban Kay Dating Pangulong Rodrigo Duterte

Inilabas ng International Criminal Court (ICC) burod at detalye ng mga kasong isinampa laban Kay dating Pangulong Rodrigo Duterte, ayon sa public redacted version ng Document Containing the Charge na inilathala sa website ng Korte nitong Setyembre 22.

Batay sa dokumento, inakusahan si Duterte ng murder at attempted murder bilang crimes against humanity kaugnay ngm ga insidente noong Siya ay alkalde ng Davao City at kalaunan bilang pangulo. Kabilang dito ang siya na insidente sa Davao City mula 2013 hangang 2016 na nagresulta sa 19 biktima; limanc insidente ng pagpatay sa mga "High-Value Targets" mula 2016 hangang 2017 na may 14 biktima; at 35 insidente ng murder at attempted murder sa mga barangay clearance operation mula 2016 hangng 2018 na may 45 biktima, kunaf saan 43 ang napatay.

--


DepEd, Iniimbestigahan ang 1,000 Hindi Pa Natatapos na Silid-Aralan ng DPWHIpinag-utos ng Department of Education (DepEd...
23/09/2025

DepEd, Iniimbestigahan ang 1,000 Hindi Pa Natatapos na Silid-Aralan ng DPWH

Ipinag-utos ng Department of Education (DepEd) ang pag-audit sa mga infrastructure project nito na ipinatutupad ng Department of Public Works and Highways (DPWH), matapos matuklasang may humigit-kumulang 1,000 silid-aralan sa buong bansa ang hindi pa natatapos ang konstruksyon.

Lumabas ang datos mula sa mga ulat ng regional at division field offices ng DepEd noong Setyembre 12.

Ayon kay Education Secretary Sonny Angara sa isang panayam sa radyo noong Setyembre 19, kailangang baguhin ang kasalukuyang sistema upang masolusyunan ang kakulangan sa mga silid-aralan.

“Kapag hindi natin iniba ‘yung sistema natin, hindi natin maso-solusyunan iyan at lalaki at lalaki yung kakulangan ng classroom,” saad ni Angara.

Tinataya ng DepEd na nasa 165,000 ang kulang na silid-aralan sa buong bansa, ngunit mahigit 4,000 lamang ang naitatayo kada taon.

Ayon sa mga eksperto at mambabatas, ang kakulangan sa classrooms ay isa sa mga dahilan ng mababang kalidad ng edukasyon sa Pilipinas.

—

John Heart Carlo R Laureta
1TVi News


News

SUPER TYPHOON NANDO PATULOY NA LUMALAKAS; BABUYAN ISLANDS NASA PANGANIBPatuloy na lumalakas si Super Typhoon Nando (inte...
22/09/2025

SUPER TYPHOON NANDO PATULOY NA LUMALAKAS; BABUYAN ISLANDS NASA PANGANIB

Patuloy na lumalakas si Super Typhoon Nando (international name: Ragasa) habang kumikilos ito pa-kanluran patungo sa hilagang bahagi ng bansa, ayon sa Philippine Atmospheric, Geophysical and Astronomical Services Administration (PAGASA).

Sa huling ulat ng ahensya, taglay ni Nando ang lakas ng hanging umaabot sa 215 kilometro kada oras malapit sa gitna, at may pagbugsong umaabot hanggang 265 kilometro kada oras. Inaasahang lalapit o tatama sa bahagi ng Babuyan Islands ngayong Martes ng hapon.

Nakataas na ang Tropical Cyclone Wind Signal (TCWS) No. 5 sa ilang bahagi ng Babuyan Islands, habang nasa Signal No. 4 naman ang iba pang lugar sa Batanes, Cagayan, at hilagang bahagi ng Ilocos Norte. Kabilang din sa mga nasa Signal No. 3 ang Apayao, karagdagang bahagi ng Cagayan, at iba pang lugar sa Northern Luzon.

Nagbabala ang PAGASA ng matinding pag-ulan, malalakas na hangin, at storm surge na maaaring umabot ng higit tatlong metro sa mga baybaying dagat ng Batanes, Cagayan, Ilocos Norte, at Ilocos Sur. Dahil dito, pinayuhan ang mga residente sa mababang lugar na magsagawa ng agarang paglikas upang maiwasan ang posibleng pinsala.

Kasabay nito, nagpatupad ang mga lokal na pamahalaan ng preemptive evacuation at no-sail policy upang tiyakin ang kaligtasan ng publiko. Patuloy ring pinaalalahanan ng PAGASA ang publiko na manatiling nakaantabay sa mga susunod na abiso hinggil sa galaw ng bagyo.

-

John Heart Carlo R Laureta
1TVi News


LALAKI, ARESTADO NG NBI SA GENSAN DAHIL SA PANGGAGAHASA UMANO SA STEPDAUGHTERGENERAL SANTOS CITY — Inaresto ng National ...
22/09/2025

LALAKI, ARESTADO NG NBI SA GENSAN DAHIL SA PANGGAGAHASA UMANO SA STEPDAUGHTER

GENERAL SANTOS CITY — Inaresto ng National Bureau of Investigation (NBI) ang isang lalaki sa General Santos City matapos kasuhan ng qualified r**e at sexual assault laban sa kanyang menor de edad na stepdaughter.

Ayon sa imbestigasyon, naganap ang unang insidente ng panggagahasa noong Enero 10 sa loob ng kanilang tahanan, habang nangyari ang ikalawang insidente noong Enero 11 sa loob ng nakaparadang tricycle.

Naglabas ng warrant of arrest ang Regional Trial Court Branch 11 ng General Santos City para sa nasabing kaso. Nahuli ang suspek noong Setyembre 12 sa kanyang pinagtatrabahuhan at kasalukuyang nakakulong sa Bureau of Jail Management and Penology sa lungsod.

Patuloy na isinasagawa ang legal na proseso laban sa akusado, habang inaasikaso ng mga awtoridad ang kaukulang tulong at proteksyon para sa biktima.

—

John Heart Carlo R Laureta
1TVi News


21/09/2025

VICE GANDA, HINAMON SI PANGULONG MARCOS SA EDSA RALLY

Sa ginanap na rally sa White Plains, EDSA kamakailan, isa sa mga naging matapang na pahayag ay nagmula sa kilalang komedyante at TV host na si Vice Ganda. Sa harap ng libo-libong mga kalahok, hinamon niya si Pangulong Ferdinand "Bongbong" Marcos Jr. na panindigan ang laban kontra korapsyon sa pamahalaan.

"Kaya hinahamon ka namin, pangulong Bongbong Marcos, kung gusto mong magkaroon ng magandang legasiya, ang pangalan mo, ipakulong mo lahat ng magnanakaw."

Umani ng malalakas na hiyawan at palakpakan ang pahayag ng komedyante, na kilala sa kanyang pagiging outspoken pagdating sa mga isyung panlipunan. Hindi rin ito ang unang beses na nagpahayag siya ng saloobin tungkol sa mga isyung kinakaharap ng bansa.

Ang naturang rally ay bahagi ng patuloy na panawagan ng iba’t ibang grupo para sa transparency, accountability, at tunay na reporma sa pamahalaan.

—

John Heart Carlo R Laureta
1TViNews


40 Sugatan sa Gulo sa Ayala Bridge; 17 Arestado, Karamihan Pulis ang nasaktan.MAYNILA -- Umabot sa 40 ang Nasaktan, kabi...
21/09/2025

40 Sugatan sa Gulo sa Ayala Bridge; 17 Arestado, Karamihan Pulis ang nasaktan.

MAYNILA -- Umabot sa 40 ang Nasaktan, kabilang ang 39 na pulis, matapos magkagulo sa pagitan ng mga awtoridad at mga maskaradong demostador sa Ayala Bridge nitong Linggo ng hapon. Ayon sa ulat naganap ang kaguluhan nang magsimulang maghagis ng bato, bote, at pintura ang ilang kabataang reliyista at magsunog ng gulong sa harap ng police barricade.

Iniulat ng Philippines National Police(PNP) na 17 katap ang naaresto dahil sa panghahasik ng gulo, kabilang ang pagsusunog ng gulong at paghahagis ng mga bato. Ayon sa NCRPO, ilang menor de dead ang sangkot sa kaguluhan ngunit nilinaw nilang sila ay "nasagi, hindi inaresto." Nasira rin ang isang playloader at Isang motorsiklo, habang Isang track ang sinilaban ng mga reliyista.

Bandang alas-4 ng hapon, nagawang Alison ng mga nagpoporotesta ang police barricade at nakatawid sa Legarda Street patungong Mendiola Bridge. Narinig din ang isang pagsabog na hindi pa matukoy ang pinagmulan. Ilang pulis ang nabuhusan ng Hindi kilalang mabahong likido, habang si DZBB reporter Manny Vargas ay tinamaan ng bato sa Mukha habang nag-uulat ng live.

Sa pahayag ng PNP, sinabi nilang agad nakontrol ang sitwasyon sa tulong ng mga bumbero at karagdagang puwersa ng pulis. Nanawagan din sila sa publiko na manatiling kalmado at umiwas sa karahasang, dahil nakapipinsala ito sa kapwa at nakasisira sa tunay na mensahe ng mga nais magprotesta nang mapayapa.

--

Jorelyn Flor
Reporter


Address

Guitnang Bayan 1
San Mateo
1850

Opening Hours

Monday 8am - 9pm
Tuesday 8am - 9pm
Wednesday 8am - 9pm
Thursday 8am - 9pm
Friday 8am - 9pm
Saturday 8am - 9pm
Sunday 8am - 9pm

Website

Alerts

Be the first to know and let us send you an email when 1TVi News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category