Laguna News & Current Affairs

Laguna News & Current Affairs We are dedicated to fostering transparency, promoting civic participation

At LAGUNA NEWS & CURRENT AFFAIRS our mission is to empower our community by delivering timely, accurate, and relevant news that informs and engages our citizens.

10/07/2026

Developing Story San Pablo City Laguna
Antabay po tayo

09/07/2026

Mga akusasyon ni BM Adajar sa administratibo pagkukulang ni Governor Sol Aragones hinanapan ng Beripikasyon at dokumentasyon ni BM Olivares

SANTA CRUZ , Laguna — Naging sentro ng talakayan sa naganap na sesyon ng Sangguniang Panlalawigan ang tamang proseso ng pagsasagawa ng legislative oversight kasunod ng manifestasyon ni Board Member (BM) Burns Olivares hinggil sa privilege speech ni BM Karla Adajar.

Sa kaniyang pahayag, nirebisa ni Olivares ang mga naging alegasyon sa naturang talumpati at binigyang-diin ang kahalagahan ng pagkakaroon ng sapat na batayan bago maglabas ng mga pampublikong konklusyon.
Ayon kay Olivares, walang sumasalungat sa gampanin ng konseho na magsagawa ng oversight o humingi ng mga opisyal na dokumento mula sa mga tanggapan. Gayunpaman, ipinaliwanag niya na dapat munang mauna ang masusing beripikasyon bago maglatag ng anumang akusasyon.

07/07/2026

Sta. Cruz , Laguna - ALARVA, IPINAGTANGGOL SI GOV. SOL ARAGONES SA ISYU NG SAHOD NG MGA DOCTOR

Ipinagtanggol ni 3rd District Board Member Angelica Jones Alarva si Laguna Governor Sol Aragones kaugnay ng mga kumakalat na paratang na hindi umano pinasasahod ng pamahalaang panlalawigan ang mga doktor sa lalawigan.

Ayon kay Bokal Jones, walang katotohanan ang mga akusasyon. Nilinaw niya na nagkaroon lamang ng aberya at problema sa mga kinakailangang dokumento o requirements ng mga naturang doktor, dahilan kaya naantala ang proseso.
Dahil dito, personal na gumawa ng paraan si Governor Aragones at nag-abono muna out-of-pocket o gamit ang sarili niyang pera para lamang masigurong may magagamit ang mga doktor habang inaayos ang kanilang mga papel.

Dagdag pa ni Alarva:
Walang Reklamo: Mismong ang mga apektadong doktor ay walang naging anumang reklamo laban sa pamahalaang panlalawigan.
Malinis ang Records: Walang anumang negative audit findings anumang ahensya laban sa Provincial Government kaugnay ng isyung ito.

Nanawagan din ang mambabatas na huwag basta-basta maniwala sa mga usap-usapan na walang matibay na basehan.

Good Job LiLiw , Pasado sa COA Audit; Zero Suspensions at Disallowances, NaitalaLILIW, LAGUNA — Nakamit ng Pamahalaang B...
06/07/2026

Good Job LiLiw , Pasado sa COA Audit; Zero Suspensions at Disallowances, Naitala

LILIW, LAGUNA — Nakamit ng Pamahalaang Bayan ng Liliw ang isang malaking tagumpay sa usapin ng tapat at malinis na pamamahala matapos itong makapagtala ng "zero" o walang anumang audit suspensions, disallowances, at charges mula sa Commission on Audit (COA).
Batay sa inilabas na Statement of Audit Suspensions, Disallowances and Charges ng COA para sa panahong nagtapos nitong Hunyo 30, 2026, opisyal na nakuha ng lokal na pamahalaan ang markang “NONE.” Nangangahulugan ito na walang nakitang iregularidad o anomalya ang mga auditor sa paggugol ng pondo ng bayan sa nakalipas na mga buwan.

Ayon sa pamunuan ng lokal na pamahalaan sa ilalim liderato ni MMayor Ildefonso "IDE" Monleon, ang resultang ito ay malinaw na patunay ng kanilang walang humpay na pagsunod sa mga umiiral na alituntunin at batas patungkol sa wastong paghawak ng pananalapi.
Binigyang-diin din ng pamahalaang bayan na patuloy nilang isusulong ang mga prinsipyo ng transparency (katapatan), accountability (pananagutan), at good governance

upang masiguro na ang bawat piso ng yaman ng Liliw ay nagagamit nang tama.
Sa pamamagitan ng tagumpay na ito, muling pinagtibay ng lokal na administrasyon ang kanilang pangako sa mga mamamayan na panatilihin ang integridad sa serbisyo publiko, alinsunod sa kanilang adbokasiya na itaguyod ang tapat na pagkalinga sa bawat mamamayan.

84 Ordinansa 746 Resolusyon Isinulong sa Unang Taon liderato ni VM Justin Colago San Pablo CitySAN PABLO CITY, Laguna— K...
30/06/2026

84 Ordinansa 746 Resolusyon Isinulong sa Unang Taon liderato ni VM Justin Colago San Pablo City

SAN PABLO CITY, Laguna— Kabuuang 84 na ordinansa at 746 na resolusyon ang naaprubahan ng Sanguniang Panglungsod sa ilalim ng pamumuno ni Vice Mayor Justin Gapit Colago sa kanyang unang taon ng termino (Hulyo 2025–Hunyo 2026).

Nakasentro ang mga nasabing batas sa kapakanan ng mga sektor tulad ng kababaihan, PWDs, senior citizens, at mga transport groups—kabilang ang pagpasa ng libreng prangkisa para sa mga tricycle. Sakop din nito ang mga programa sa edukasyon, kalusugan, turismo, trabaho, at suporta sa mga lokal na negosyo.

Bukod sa lehislatura, pinangunahan din ng Tanggapan ng Pangalawang Punong Lungsod ang ilang mahahalagang proyekto:

✔️San Pablo City Health Convention:Pagpapalakas ng serbisyong pangkalusugan sa mga barangay katuwang ang San Pablo City Medical Society.

✔️"Just In, Gabayan Ko Career Mo”
Career guidance para sa mga senior high school at kolehiyo.

✔️Serbisyong Medikal at Ayuda:Pamamahagi ng medical supplies, medical missions, bloodletting, libreng flu vaccine, at mabilis na responde sa panahon ng kalamidad.

Anunsyo pa ng bise alkalde, ibabalik ang pagdaraos ng mga regular session ng konseho sa iba't ibang barangay katuwang ang mga programa ni Congressman Loreto "Amben" Amante upang mas mailapit ang pamahalaan sa tao.

📍Konsehal Francis Calatraba, nag-abot ng tulong-edukasyon sa BJMPSAN PABLO CITY : Konsehal Francis Calatraba, nag-abot n...
25/06/2026

📍Konsehal Francis Calatraba, nag-abot ng tulong-edukasyon sa BJMP

SAN PABLO CITY : Konsehal Francis Calatraba, nag-abot ng tulong-edukasyon sa BJMP San Gregorio ngayong araw, Hunyo 25, 2026. Namahagi ang konsehal ng mga school supplies para sa mga PDL Learners bilang suporta sa kanilang programang pang-edukasyon at pagbabagong-buhay. Ani Calatraba, “layunin ng inisyatibong ito na magbigay ng inspirasyon at pag-asa sa mga detenido na patuloy na nangarangarap ng mas magandang bukas.”

₱5-MILLION halaga ng Comfort Room sa Sampaloc Lake, Inulan ng Batikos Umani ng matinding pambabatikos mula sa mga mamama...
24/06/2026

₱5-MILLION halaga ng Comfort Room sa Sampaloc Lake, Inulan ng Batikos

Umani ng matinding pambabatikos mula sa mga mamamayan ang kamakailang pag-apruba sa milyong-milyong pondo para sa pagpapatayo ng mga kubeta sa lungsod ng San Pablo, na tinawag ng marami na "luho" at "kaduda-duda" ang presyo.

Inaprubahan ng Sangguniang Panlungsod ang mahigit ₱16 milyong supplemental budget na realigned sa ibat ibang departamento ni Mayor Najie Gapangada para . Subalit ang kumuha ng pansin at galit ng publiko ay ang ₱5 milyong pondo na ilalaan lamang para sa pagpapatayo ng mga comfort rooms sa paligid ng Sampaloc Lake.

22/06/2026

WARNING SENSITIBO VIDEO!!!

Dalawang Minorde-edad, Arestado sa Insidente sa Tacloban School; Klase, Suspindido

Inaresto ngayong umaga, Hunyo 22, ang dalawang minorde-edad na suspek kasunod ng isang marahas na insidente sa San Jose National High School sa Tacloban City, Leyte.
Ayon sa Tacloban City Information Office, kinumpirma ng mga awtoridad na may mga naiulat na biktima (casualties) sa pangyayari. Bunsod nito, agad ding isinuspinde ang mga klase sa mga kalapit na paaralan para sa seguridad ng mga mag-aaral. Kasalukuyan nang nasa kustodiya ng mga pulis ang mga suspek habang patuloy ang imbestigasyon.

ccto video Sir Bam Alegre

Address

San Pablo City
4000

Website

Alerts

Be the first to know and let us send you an email when Laguna News & Current Affairs posts news and promotions. Your email address will not be used for any other purpose, and you can unsubscribe at any time.

Shortcuts

Share

Category