DelRem Gazette

23/08/2026

𝑩𝘼𝑹𝙍𝑰𝙊 𝙁𝑰𝙀𝑺𝙏𝑨: 𝙒𝒂𝙡𝒂𝙣𝒈 𝑵𝙚𝒘𝙗𝒊𝙚, 𝑳𝙖𝒉𝙖𝒕 𝑩𝙚𝒔𝙩𝒊𝙚!

Hindi lahat ng bagong kakilala ay nananatiling estranghero. Minsan, isang ngiti, simpleng bati, o sabay na tawanan lang ang kailangan para magsimula ang isang pagkakaibigan.

Iyan ang naging diwa ng Acquaintance Party 2026 ng paaralan na ginanap noong Agosto 21, tampok ang temang “BARRIO FIESTA: No Newbies, Just Soon To Be Besties!”

Sa gitna ng musika, sayawan, palaro, fiesta-inspired na mga booth, at iba’t ibang pagtatanghal, unti-unting napalitan ng tawanan ang hiya at ng pakikisalamuha ang pagkailang. Ang mga dating magkakakilala lamang sa pangalan ay nagkaroon ng pagkakataong maging magkakaibigan.

Higit pa sa makukulay na kasuotan at masiglang programa, naging pagkakataon ang pagdiriwang upang ipaalalang hindi kailangang maging matagal na magkakilala upang maging bahagi ng isang samahan.

Sa bawat kuwentuhan, larawan, at tawanan, may mga bagong ugnayang nabuo, mga pagkakaibigang maaaring magsimula sa isang araw ngunit manatili sa mahabang paglalakbay bilang magkakasama sa paaralan.

Dahil sa Barrio Fiesta, walang tunay na newbie, lahat ay soon-to-be besties!

DISCLAIMER: No copyright infringement intended. For entertainment purposes only. We do not own the audio in this video. They belong to their rightful owners.





Lathalain ni: John Vince Subijano
Mobile Journalist (English): Alyanalei Solis

23/08/2026

𝑩𝘼𝑹𝙍𝑰𝙊 𝙁𝑰𝙀𝑺𝙏𝑨: 𝙒𝒂𝙡𝒂𝙣𝒈 𝑵𝙚𝒘𝙗𝒊𝙚, 𝑳𝙖𝒉𝙖𝒕 𝑩𝙚𝒔𝙩𝒊𝙚!

Hindi lahat ng bagong kakilala ay nananatiling estranghero. Minsan, isang ngiti, simpleng bati, o sabay na tawanan lang ang kailangan para magsimula ang isang pagkakaibigan.

Iyan ang naging diwa ng Acquaintance Party 2026 ng paaralan na ginanap noong Agosto 21, tampok ang temang “BARRIO FIESTA: No Newbies, Just Soon To Be Besties!”

Sa gitna ng musika, sayawan, palaro, fiesta-inspired na mga booth, at iba’t ibang pagtatanghal, unti-unting napalitan ng tawanan ang hiya at ng pakikisalamuha ang pagkailang. Ang mga dating magkakakilala lamang sa pangalan ay nagkaroon ng pagkakataong maging magkakaibigan.

Higit pa sa makukulay na kasuotan at masiglang programa, naging pagkakataon ang pagdiriwang upang ipaalalang hindi kailangang maging matagal na magkakilala upang maging bahagi ng isang samahan.

Sa bawat kuwentuhan, larawan, at tawanan, may mga bagong ugnayang nabuo, mga pagkakaibigang maaaring magsimula sa isang araw ngunit manatili sa mahabang paglalakbay bilang magkakasama sa paaralan.

Dahil sa Barrio Fiesta, walang tunay na newbie, lahat ay soon-to-be besties!

DISCLAIMER: No copyright infringement intended. For entertainment purposes only. We do not own the audio in this video. They belong to their rightful owners.





Lathalain ni: John Vince Subijano
Mobile Journalist (Filipino): Jaden Ericka Comendador

17/08/2026

# 📢 *PABATID

Work-From-Home (WFH) at Alternative Learning Modes — Agosto 18, 2026 (Martes)

Ipinababatid na ayon sa Memorandum Circular No. 128na nilagdaan ni Executive Secretary Ralph Recto, idineklara ng Malacañang ang Work-From-Home (WFH) sa mga tanggapan ng pamahalaan at alternative learning modes sa lahat ng pampubliko at pribadong paaralan bukas, **Agosto 18, 2026 (Martes).

Layunin nito na matiyak ang kaligtasan ng lahat bilang paghahanda sa inaasahang patuloy na pagbuhos ng malakas na ulan dulot ng Habagat

Alinsunod sa rekomendasyon ng National Disaster Risk Reduction and Management Council (NDRRMC), ipatutupad ang WFH at pagsususpinde ng face-to-face classes sa mga sumusunod na lugar:

*National Capital Region (NCR)
* Ilocos Sur
* La Union
* Pangasinan
* Benguet
* Zambales
* Bataan
* Tarlac
* Pampanga
* Bulacan
* Cavite
* Batangas
* Rizal
* Laguna
* Occidental Mindoro

Hindi sakop ng WFH ang mga ahensya ng pamahalaan na may kinalaman sa pagbibigay ng basic at health services, paghahanda at pagtugon sa mga sakuna at kalamidad at iba pang mahahalagang serbisyo.

Ipinauubaya rin sa mga Local Chief Executives (LCEs)ang pagpapasya kung kinakailangang magsuspinde ng pasok sa mga lugar na kanilang nasasakupan na hindi kabilang sa nasabing Memorandum Circular.

Samantala, nasa diskresyon ng pamunuan ng pribadong sektor ang pagdedeklara ng suspensyon sa trabaho.

Pinag-iingat ang lahat. Manatiling alerto at sumubaybay sa mga opisyal na abiso ng inyong lokal na pamahalaan at mga kinauukulang ahensya.**

💙 Del Remedians, manatiling ligtas!

01/08/2026

𝗢𝗽𝗶𝗻𝘆𝗼𝗻 || 𝗛𝗶𝗻𝗱𝗶 𝗟𝗮𝗵𝗮𝘁 𝗻𝗴 𝗣𝗿𝗼𝗴𝗿𝗲𝘀𝗼 𝗮𝘆 𝗣𝗮𝗴-𝘂𝗻𝗹𝗮𝗱

POV: Madaling tawaging progress ang bawat bagong proyekto, lalo na kung may kalakip itong bilyong pisong pamumuhunan at makabagong teknolohiya. Ngunit ang tunay na sukatan ng pag-unlad ay hindi kung gaano kalaki ang proyekto, kundi kung gaano karaming Pilipino ang tunay na makikinabang dito.

Sa gitna ng tumitinding kompetisyon ng mga makapangyarihang bansa sa larangan ng teknolohiya, nakisabay ang Pilipinas sa pandaigdigang karera sa artificial intelligence (AI) at semiconductor industry. Kasabay nito ang mga pangakong trabaho, pamumuhunan, at mas matatag na ekonomiya. Ngunit sa likod ng mga pangakong ito ay nananatili ang isang tanong: Hindi ba't may pagkakaiba ang progreso at pag-unlad?

Noong Abril 16, lumagda ang Pilipinas sa Pax Silica, isang inisyatibang pinangungunahan ng Estados Unidos upang palakasin ang pandaigdigang supply chain ng semiconductors, AI, at iba pang kritikal na teknolohiya. Bahagi ng plano ang pagtatatag ng humigit-kumulang 4,000-acre na AI-native industrial hub sa New Clark City sa ilalim ng Luzon Economic Corridor.

Ayon sa administrasyon ni Pangulong Ferdinand Marcos Jr., magbubukas ang proyekto ng mas maraming oportunidad sa trabaho, pamumuhunan, at paglago ng ekonomiya. Hindi maikakailang mahalagang makasabay ang Pilipinas sa mabilis na pag-unlad ng teknolohiya upang manatiling kompetitibo sa pandaigdigang merkado.

Ngunit hindi dapat natatapos ang usapan sa mga pangakong ito.

Nagpahayag ng pangamba ang ilang sektor, kabilang ang Advocates of Science and Technology for the People (AGHAM), ukol sa posibleng epekto ng proyekto sa mga komunidad, likas na yaman, at pambansang interes. Ayon sa kanilang tagapagsalita na si Dr. Giovanni Tapang, hindi sapat na sukatan ang halaga ng pamumuhunan o dami ng trabahong malilikha. Mahalaga ring tanungin kung sino ang higit na makikinabang, sino ang maaaring mawalan ng lupa o kabuhayan, at kung paano mapangangalagaan ang kapakanan ng mga komunidad na maaapektuhan.

Hindi ito usapin ng pagtutol sa teknolohiya o sa pag-unlad. Sa halip, ito ay panawagan na maging mapanuri sa direksiyong tinatahak ng bansa. Sapagkat may mga proyektong maaaring magdala ng progreso sa estadistika ngunit hindi nangangahulugang nagdudulot ito ng pag-unlad sa buhay ng bawat Pilipino.

Madaling purihin ang isang proyektong nangangako ng libo-libong trabaho kung hindi ikaw ang nangangambang mawalan ng tirahan, kabuhayan, o likas na yamang pinagkukunan ng ikabubuhay ng iyong pamilya. Kaya bago tayo humanga sa laki ng pamumuhunan, nararapat ding itanong: Ano ang magiging kapalit nito? Sino ang unang maaapektuhan? At sino ang tunay na makikinabang?

Ang progreso ay maaaring masukat sa dami ng imprastraktura, teknolohiya, at dayuhang pamumuhunan. Ngunit ang pag-unlad ay nasusukat sa kalidad ng buhay ng mamamayan, sa pangangalaga sa kalikasan, sa paggalang sa karapatan ng mga komunidad, at sa patas na pakinabang ng bawat Pilipino.

Kung tunay na para sa bayan ang isang proyekto, hindi ito dapat matakot sa masusing pagsusuri, bukas na konsultasyon, at malinaw na pananagutan. Sapagkat ang tunay na pag-unlad ay hindi lamang nakikita sa mga blueprint, kontrata, at pangakong ekonomiko. Nakikita ito sa mga mamamayang hindi naiiwan, hindi napapalayas, at hindi isinasakripisyo alang-alang sa tinatawag na progreso.

Hindi lahat ng progreso ay maituturing na pag-unlad. Ang pag-unlad ay hindi lamang tungkol sa kung gaano kalaki ang naitayo, kundi kung gaano karaming buhay ang tunay na naiangat.

Isinulat ni: Savannah Lynn Cargullo
Iginuhit ni: Aedan Gabriel Recon

31/07/2026

𝘼 𝙢𝒊𝙡𝒆𝙨𝒕𝙤𝒏𝙚 𝙬𝒆'𝒓𝙚 𝙥𝒓𝙤𝒖𝙙 𝙩𝒐 𝒔𝙝𝒂𝙧𝒆 𝒘𝙞𝒕𝙝 𝙚𝒗𝙚𝒓𝙮𝒐𝙣𝒆! 🎉

DelRem Gazette, the official student publication of Del Remedio National High School, has been officially recognized and registered with the DepEd CALABARZON Regional Registry of Official School Papers under the 𝗨𝗻𝗶𝗾𝘂𝗲 𝗢𝗳𝗳𝗶𝗰𝗶𝗮𝗹 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝗡𝘂𝗺𝗯𝗲𝗿 (𝗨𝗢𝗥𝗡): 𝗥𝟰𝗔-𝗦𝗣𝗖-𝟳𝟭𝟬𝟮𝟬𝟲.

This milestone belongs to every writer, artist, contributor, and supporter who has believed in our mission: "𝗧𝗶𝗻𝗶𝗴 𝗻𝗴 𝗞𝗮𝗯𝗮𝘁𝗮𝗮𝗻, 𝗦𝗮𝗻𝗱𝗶𝗴𝗮𝗻 𝗻𝗴 𝗞𝗮𝘁𝗼𝘁𝗼𝗵𝗮𝗻𝗮𝗻."

As the voice of the students, we remain committed to upholding truth, serving the school community, and telling our stories with integrity, responsibility, and purpose. 🖋️📖

Layout by: John Vince Subijano

21/07/2026

𝗕𝗮𝗹𝗶𝘁𝗮𝗻𝗴 𝗜𝘀𝗽𝗼𝗿𝘁𝘀 || 𝗙𝗥𝗢𝗠 𝗧𝗘𝗔𝗠𝗠𝗔𝗧𝗘𝗦 𝗧𝗢 𝗖𝗛𝗘𝗖𝗞𝗠𝗔𝗧𝗘: 𝗘𝘀𝗽𝗶𝗻𝗼𝘀𝗮, 𝗽𝗶𝗻𝗮𝗯𝗮𝗴𝘀𝗮𝗸 𝗮𝗻𝗴 𝗱𝗮𝘁𝗶𝗻𝗴 𝗸𝗮𝗸𝗮𝗺𝗽𝗶, 𝗻𝗮𝗴𝗵𝗮𝗿𝗶 𝘀𝗮 𝗰𝗵𝗲𝘀𝘀

Mula sa pagiging magkasangga sa iisang koponan noong Grade 7 hanggang sa pagiging magkatunggali sa kampeonato, isinakatuparan ni Justine Steven Espinosa ang isang matinding checkmate matapos manaig sa isang taktikal na bakbakan sa chessboard upang masungkit ang ginto sa Intramurals ng Del Remedio National High School (DRNHS), Hulyo 18.

Ipinamalas ni Espinosa, mag-aaral ng Grade 9-Emerald, ang matalas na board vision, disiplina, at estratehiya sa buong torneo. Nilampasan niya ang 18 lalaking manlalaro bago umabante sa final round kung saan naghihintay ang dati niyang kakampi na si Kenjie Devesa ng Grade 10-Dagohoy. Sa laban para sa korona, hindi lamang talino sa paggalaw ng mga pyesa ang nagsalpukan kundi maging ang matagal na nilang pagkakakilala bilang dating magkatuwang sa iisang koponan.

Ayon kay Devesa, naging masaya lamang siya at walang naramdamang kaba dahil una at ikalawang puwesto na lamang ang kanilang pinaglalabanan.

"Manalo o matalo ay sabay pa rin kaming lalaban sa iba't ibang paaralan," aniya.

Samantala, inamin ni Espinosa na nakaramdam siya ng kaunting kaba bago ang kompetisyon dahil hindi siya nakapag-ensayo.

"May kaunting kaba [ako] since ‘di naman ako nag-practice, pero na-overcome ko ‘yun by believing in my own skills and knowledge."

Sa kabila nito, matagumpay niyang naipanalo ang limang sunod na laban sa pamamagitan ng matiyagang positional play, maingat na pagbabasa sa galaw ng kalaban, at mahusay na endgame ex*****on.

Mas naging makahulugan ang kanilang paghaharap dahil sila ay dating magkasangga sa iisang koponan noong Grade 7. Gayunman, dahil sa pansamantalang pagtigil ni Espinosa, napunta sila sa magkaibang baitang at muling nagkaharap, ngunit ngayon ay bilang magkatunggali sa chessboard.

“Medyo kabado ako dahil alam ko na ang mga kaya niyang gawin mula pa noong teammates kami nung Grade 7. Pero may advantage din kasi alam ko ang level ng skills at mga moves niya. Ang downside naman ay alam niya rin ang akin,” paliwanag ng kampeon.

Dahil sa pagiging pamilyar nila sa istilo ng isa't isa, naging mas maigting ang mind game sa bawat galaw ng mga pyesa, kung saan bawat hakbang ay maaaring magbukas ng pagkakataon para sa opening advantage o tuluyang mauwi sa checkmate.

Nanaig sa huli ang husay ni Espinosa sa pagbabasa ng sitwasyon, mahusay na taktika, at matatag na disiplina upang tuluyang maangkin ang unang pwesto. Bitbit ang kanyang tagumpay, hahataw siya bilang kinatawan ng DRNHS sa nalalapit na Cluster Meet, tangan ang layuning muling maghatid ng checkmate laban sa mga pinakamahusay na manlalaro mula sa iba’t ibang paaralan.

Isinulat ni: Jaden Ericka Comendador
Kuha nina: Keisha Nicole Mendez, Cheska Jeline Julia, at Francisco Anthony Abril III

20/07/2026

11/07/2026

𝑷𝒆𝒏𝒔 𝑷𝒐𝒊𝒔𝒆𝒅, 𝑽𝒐𝒊𝒄𝒆𝒔 𝑽𝒊𝒄𝒕𝒐𝒓𝒊𝒐𝒖𝒔!

From the INKSPIRE 2026 Campus Journalism Workshop, the newly selected Editorial Board and staff of DelRem Gazette, the official student publication of Del Remedio National High School for School Year 2026–2027, now step into the spotlight. ✨📰

They are the 𝗧𝗶𝗻𝗶𝗴 𝗻𝗴 𝗞𝗮𝗯𝗮𝘁𝗮𝗮𝗻, 𝗦𝗮𝗻𝗱𝗶𝗴𝗮𝗻 𝗻𝗴 𝗞𝗮𝘁𝗼𝘁𝗼𝗵𝗮𝗻𝗮𝗻—youthful yet unwavering, creative yet courageous, ready to craft chronicles that capture campus life and champion truth.

With words that weave wisdom, wit, and wonder, they will transform silence into stories, spark ideas into inspiration, and turn pages into powerful platforms for student voices. 📣

This year marks not just a beginning, but a bold banner of belief, where campus journalism becomes a journey, and every article an anthem of advocacy. 🖋️🔥

Layout by: John Vince Subijano

06/07/2026

𝗕𝗮𝗹𝗶𝘁𝗮𝗻𝗴 𝗟𝗮𝘁𝗵𝗮𝗹𝗶𝗻 || 𝗣𝗮𝗻𝘂𝗹𝗮𝘁 𝗻𝗴 𝗣𝗮𝗻𝗶𝗻𝗶𝗻𝗱𝗶𝗴𝗮𝗻: 𝗗𝗥𝗡𝗛𝗦 𝗰𝗮𝗺𝗽𝘂𝘀 𝗷𝗼𝘂𝗿𝗻𝗼𝘀, 𝗺𝘂𝗹𝗶𝗻𝗴 𝗵𝗶𝗻𝘂𝗯𝗼𝗴 𝘀𝗮 𝗜𝗡𝗞𝗦𝗣𝗜𝗥𝗘 ‘𝟮𝟲

Magsulat. Mag-ulat. Magmulat.

May mga akda na basta na lamang sinusulat ng mga panulat, ngunit mayroon ding mga panulat na kayang bumuo ng kamalayan, nagpapahayag ng katotohanan, at nagsisilbing tinig ng mga hindi naririnig.

Ito ang layuning isinabuhay ng Del Remedio National High School (DRNHS) sa idinaos na INKSPIRE 2026: Campus Journalism Workshop noong Hulyo 4, 2026—isang araw na hindi lamang nakalaan sa paglinang ng husay sa pagsusulat, kundi sa paghubog ng mga kabataang handang maging responsable, mapanuri, at makataong mamamahayag.

Sa bawat talakayan, bawat payo, at bawat pahinang napuno ng mga bagong kaalaman, unti-unting nahasa ang kakayahan ng mga kalahok sa iba't ibang larang ng campus journalism—mula sa pagsulat, pagwawasto, broadcasting, hanggang sa editorial cartooning at photojournalism.

Ilan sa mga naging tagapagsalita ng workshop sina Ronnel De G. Guia, isang dating staff ng DelRem Gazette na nagbahagi ng kanyang kaalaman sa Feature Writing, Column/Editorial Writing at Science and Technology Writing. Kasama rin si Mark Anthony G. Lavarro, na nagturo tungkol sa News Writing at TV Scriptwriting and Broadcasting. Samantala, ibinahagi naman ni Kim Arnie D. Gesmundo, School Paper Adviser ng DelRem Gazette, ang kanyang mga karanasan at kasanayan sa Copyediting and Headline Writing, Sports Writing, Editorial Cartooning, at Photojournalism.

Para kay Gesmundo, higit pa sa paghahanda para sa kompetisyon ang tunay na layunin ng isinagawang programa.

"Bilang SPA at sa tulong ng DelRem Gazette staff, isinagawa ang workshop upang mahasa ang mga kalahok sa iba't ibang categories ng campus journalism. Hindi naman ako lubos na umaasa na maging mahusay na agad ang staff ng Gazette pagkatapos ng isang upuan dito. Ito ay umpisa pa lamang ng kanilang paglago at pagmamahal sa pamamahayag,” aniya.

“Nawa rin na hindi manatili sa isipan ng staff na para lang sa kompetisyon kaya sila narito, sapagkat ang mga matututunan nila rito ay magagamit nila sa tunay na buhay—kabilang na ang critical thinking, pag-verify ng fake news, pagiging mulat sa lipunan, at pagkilos para sa bayan," dagdag pa niya.

Patunay ang kanyang mensahe na ang pamamahayag ay hindi lamang tungkol sa paglikha ng mga artikulo, kundi tungkol din sa paglinang ng responsibilidad at integridad bilang mamamayan.

Hindi rin nawala ang pananabik at inspirasyong dala ng workshop sa mga miyembro ng publikasyon.

Ayon kay Ida Bathan, Managing Editor ng pahayagan, naging daan ang programa upang higit niyang mapalawak ang kanyang kaalaman bilang manunulat.

"Bilang isang manunulat, natutunan ko ring maging mapanuri, malikhain, at responsable sa pagbabahagi ng impormasyon. Ang mga kasanayang ito ay hindi lamang makatutulong sa aking pag-aaral kundi maging sa aking personal na buhay at sa aking magiging propesyon sa hinaharap," saad niya.

Sa pagtatapos ng programa, nagpahayag ng taos-pusong pasasalamat si Nadine Ramos, Editor-in-Chief, sa lahat ng mga tagapagsalita, tagapag-organisa, at mga kalahok na naging bahagi ng matagumpay na workshop.

Sa likod ng bawat kuwaderno, kamera, at panulat ay may mga kabataang patuloy na hinuhubog upang maging mga tagapaghatid ng katotohanan. Sapagkat ang tunay na layunin ng pamamahayag ay hindi lamang ang makapagsulat ng magagandang kuwento—kundi ang maging ilaw sa gitna ng ingay ng maling impormasyon at maging tinig ng isang lipunang naghahangad ng pagbabago.

Sa bawat tintang dumadaloy sa papel, unti-unting isinusulat ng kabataang mamamahayag ng DRNHS ang kanilang sariling kuwento—isang kuwentong may layunin, may katotohanan, at may pag-asang magbibigay-liwanag sa susunod na henerasyon.

Isinulat nina: Cheska Jeline Julia at Axcel Corpuz

Kuha nina: Nadine Ramos, Ida Bathan, Keisha Mendez, Reila Tegio, at Kate Manlapaz