https://www.facebook.com/108406228422917/

San Pedro News Update, Barangay San Antonio, San Pedro (2025)

06/06/2023

KAPITAN EUGENIO "JUN" YNION, JR. SUSPENDIDO NG ANIM NA BUWAN!

Hinatulan ng Sangguniang Panlungsod ng San Pedro si Barangay San Antonio Kapitan Eugenio "Jun" Ynion, Jr. ng suspensyon ng anim na buwan dahil sa patong-patong na reklamo at kasong administratibo na isinampa sa kanya ng limang kagawad ng barangay na sina Kagawad Gerry Hatulan, Kagawad Erick Casacop, Kagawad Leo Berroya, Kagawad Vic Inovio, at Kagawad Eloy Ambayec.

Sa inilabas na desisyon ng Sangguniang Panlungsod, pinapanagot nila si Kapitan Jun Ynion sa limang kaso ng Abuse of Authority sa ilalim ng Section 60 ng Local Government Code sa hindi nito pagpasa ng mga kopya ng Budget ng Pamahalaang Barangay ng San Antonio sa cityhall.

Pinapanagot din si Kapitan Jun Ynion sa kasong Abuse of Authority sa ilalim ng Section 60 ng Local Government Code dahil sa pagtalaga kay Patricia "Pepper" Jimenez bilang barangay secretary kahit ito ay walang pag-apruba ng mayorya ng Sangguniang Barangay.

Ang desisyon na suspindehin si Kapitan Ynion ay kinatigan ni Vice Mayor Ina Olivarez at mga konsehal ng Lungsod na sina Konsehala Niña Almoro, Konsehal Mike Casacop, Konsehala Vivi Villegas, Konsehal Vincent Solidum, Konsehal Marky Oliveros, Konehala Lesli Lu, Konsehal Aldrin Mercado, Konsehala Bernadeth Olivares at Konsehal Sonny Mendoza maliban lamang kay Konsehal Lonlon Ambayec na matalik na kaibigan ni Kapitan Ynion.

Sa unang pagkakataon sa kasaysayan ng ating lungsod ay magkakaroon ng quasi - judicial proceeding ang Sangguniang Panglungsod upang balangkasin at imbestigahan ang reklamo laban sa nakaupong kapitan sa ating lungsod.

Dahil dito, Si 1st Kagawad Albert B. Fojas ang papalit pansamantala kay Eugenio Ynion, Jr. bilang Kapitan ng Barangay San Antonio.

- Kurt David | News Reporter

06/06/2023

NATAPONG MANTIKA MULA SA TRUCK, NAGING SANHI NG AKSIDENTE

Tumapon ang mantika mula sa truck ng Spring Cooking Oil ang naging sanhi ng aksidente sa ilang motorista kaninang umaga.

Ayon sa mga nakasaksi, hindi napansin nng driver ng truck na tumatapon na pala ang mantikang lulan nito. Kung kaya't naging madulas ang daan mula sa Suki Market hanggang sa Savemore.

Limang motorsiklo naman ang sumemplang dahil sa dulas ng daan at nagtamo lamang ng ilang mga galos at sugat. Naging sanhi din ito ng trapik sa mga motorista.

Kaagad namang rumisponde ang Pamahalaang Lungsod ng San Pedro kasama ang Bureau of Fire Protection para linisin ang mga mantikang natapos at hindi na ito maging sanhi pa ng insidente.

Kinukuha naman namin ang panig ng pamunuan ng Spring Cooking Oil tungkol sa nangyari ngunit maglalabas na lang umano sila ng opisyal na pahayag tungkol dito.

- April Tan | News Reporter

01/06/2023

CONGRESSWOMAN ANN MATIBAG, NAKIPAGKWENTUHAN SA MGA BATA

Nakipagbonding si LaguNanay Congresswoman Ann Matibag sa mga mag-aaral ng San Roque Elementary School. Nagkaroon ng story time, kwentuhan at kulitan sa mga kabataan.

Ayon kay Congresswoman Ann Matibag, nais niyang maiparating at maituro sa ating mga kabataan ang kasaysayan ng Sampaguita sa ating lungsod at ang kahalagahan ng pagkakaroon ng mabuting asal na magiging gabay nila sa kanilang paglaki.

Tuwang tuwa naman ang mga magulang ng mga mag-aaral dahil masayang nakabonding ng kanilang mga anak ang ating kongresista.

- April Tan | News Reporter

01/06/2023

KONSEHAL LONLON AMBAYEC, HINDI SASALI SA ANUMANG DISKUSYON AT BOTOHAN HANGGA'T HINDI PINAPAUPO SINA VIERNEZA AT ACIERTO!

“Labag sa batas ang pagpigil sa dalawang halal ng bayan upang magampanan ang kanilang sinumpaang tungkulin.”
Ito ang naging pahayag ni San Pedro City, Laguna Councilor Carlon Ambayec sa kanyang talumpati sa harap mismo ng Sangguniang Panlungsod ng San Pedro ngayong Martes (May 30).

Sa naturang talumpati ay kinuwestiyon ng konsehal ang patuloy umanong paghadlang ng Sangguniang Panlungsod sa pangunguna ni Vice Mayor Ina Olivarez na paupuin sina proclaimed councilors Iryne Vierneza at Marion Acierto bilang mga ganap na konsehal.

Ito ay sa kabila ng utos mula mismo sa Commission on Elections (COMELEC) at Department of the Interior and Local Government (DILG) na payagan na ang dalawang konsehal na gampanan ang kanilang mga tungkulin sa sanggunian.

Inanunsyo rin ni Ambayec na hindi siya sasali sa anumang botohan sa sanggunian hangga't hindi napapaupo ang dalawang konsehal.

“Hindi po ako magpapasok ng boto sa kahit anumang panukalang batas o anumang kailangang pagbotohan ng ating sanggunian hangga’t hindi isinasama sa kahit anong diskusyon at botohan sina Konsehala Vierneza at Konsehala Acierto,” saad ni Ambayec.

Dagdag pa ng konsehal, ang ginagawang pagtutol na ito ay paglupig sa mga naisin at hangarin ng mga mamamayan ng San Pedro.

Kanya ring tinawagan ang mga miyembro ng Sangguniang Panglungsod na tingan, tugunan, at sundin ang sinasabi sa kautushan ng Comelec at DILG.

“Lahat tayo ay sumumpa na gagawin natin ang ating mga obligasyon sa taumbayan, marapat na ating panigan ang mga aksyon na papabor sa kanila," aniya.

18/05/2023

CONGRESSWOMAN ANN MATIBAG, IPINAKITA ANG SUPORTA SA MGA LOCAL BUSINESSES SA SAN PEDRO!

Sa pagbubukas ng Hapag Food Park, ipinakita ni Congresswoman Ann Matibag ang kanyang suporta sa ma maliliit na negosyante sa ating Lungsod.

Kasama sa naki-saya sina Barangay Nueva Kapitan Abet Alon-alon at Rev. Rowena Lantion na pinangunahan ang ribbon cutting.

Sa mensahe ni Congresswoman Ann Matibag, nakahanda ang kanyang opisina na tumulong sa mga maliliit na negosyante sa ating lungsod na lubos na naapektuhan ng pandemya. Marami ring mga programa para sa mga maliit na negosyante tulad ng pagpapautang na walang tubo, mga seminar at iba pa ang kanyang opisina.

Sa kanyang Facebook post, inihayag din ni Congresswoman Ann Matibag na siya ay nagdadalang tao sa kanilang ikatlong anak ni Atty. Melvin Matibag.

- Kurt David | News Reporter

17/05/2023

BREAKING NEWS: Dating Chief of Police ng San Pedro City, Laguna na si PLt. Col. Victor Ben Isidore Aclan, natagpuang patay dahil sa tama ng bala ng baril sa kaniyang condo unit sa Holland Park Condominium sa Brgy. San Francisco ,Biñan City, Laguna.

Ayon sa inisyal na imbestigasyon, 8:30am kanina nang makarinig ng putok ng baril ang kaniyang security staff sa kwarto ng biktima.

Nang puntahan ito ng security staff doon na nakita ang wala ng buhay na biktima.

Ayon sa police report, accidental discharged ang nangyari at hindi pagpapakamatay gaya ng pinalalabas ni Vice Mayor Ina Olivarez.

16/05/2023

Larawan ni dating Hepe ng San Pedro PLTCOL Ben Isidore Aclan at Vice Mayor Ina Olivarez na sweet na sweet sa si Singapore.

Sinasabing hiwalay na umano sila sa kani-kanilang asawa ngunit hindi pa rin umano dahil nagsasama pa si Aclan at ng kanyang asawa.

Hanggang sa ngayon ay hindi pa rin sumasagot si Vice Mayor Ina Olivarez tungkol sa issue.

15/05/2023

LLDA nagbabala sa posibleng fish kill

Nagbabala ang Laguna Lake Development Authority (LLDA) sa mga mangingisda at mga residente sa paligid ng Laguna de Bay tungkol sa mga problema na posibleng idulot ng El Niño phenomenon sa naturang lawa.

Ayon kay LLDA Resource Management and Development department manager na si Engineer Jun Paul Mistica, maaring magdulot ng fish kill at respiratory diseases ang matagalang init na panahon sa naturang lawa.

Maaari rin nitong maapektuhan ang kalidad ng tubig sa lawa, na isa sa mga pinagkukunan ng tubig para sa mga residente ng Metro Manila at mga lalawigan ng Laguna at Rizal.

Ito ay dahil sa algae bloom o overgrowth ng “blue-green algae”, isang uri ng lumot na mabilis tumubo kapag mainit ang panahon na nagreresulta sa pagkamatay ng mga isda.
Dagdag pa ni Mistica, nagiging lasang putik din ang isda kapag nakakakain ng maraming lumot.

Ang mga decomposing algae naman ay nagdadala ng mabahong amoy na maaring magdulot ng sakit sa baga at nagpapahirap din sa mga water treatment facilities na mag-absorb at mag-filter ng tubig.

Bilang tugon sa mga problemang ito, sinabi ng LLDA na plano nilang maglagay ng higit 100 paddle wheel aerators para makapaglikha ng dissolved oxygen at maaring magdadagdag pa kung magkaron ng pagtaas ng blue-green algae sa lawa.

Nakikipag-usap na rin ang ahensya sa pamahalaan ng Hungary para sa deployment ng automatic sensors sa bilang ng algae.

Makikipagtulungan naman ang mga local government units ng mga bayan at siyudad na nakapalibot sa lawa at maging Malacañang ay tutulong din sa pamamagitan ng paglikha ng isang El Niño team na pamumunuan ng Department of Interior and Local Government (DILG).

(Ulat mula sa Manila Times/Jai Duena)

15/05/2023

ASAWA NG DATING HEPE NG SAN PEDRO, SINUGOD SI VICE MAYOR INA OLIVAREZ SA CITY HALL

Tila sinapian ni Gabriela Silang ang asawa ni dating Hepe ng San Pedro PLTCOL Ben Isidore Aclan nang sumugod ito kaninang tanghali sa Cityhall upang komprontahin si Vice Mayor Ina Olivarez.

Ayon sa mga nakasaksi, nagsisisigaw at nagmumura ang asawa ni dating Hepe ng San Pedro PLTCOL Ben Isidore Aclan sa harap ng Vice Mayor's Office dahil umano sa nalaman nitong may relasyon ang kanyang asawa at si Vice Mayor Ina Olivarez.

Matapos marining ni Vice Mayor Ina Olivarez ang komusyon sa labas ng kanyang opisina ay inutusan nito ang kanyang mga tauhan na ilock ang pinto at paalisin agad ang nagwawalang asawa.

Ayon pa sa aming impormante, gabi na ng umalis ng opisina si Vice Mayor Ina Olivarez dahil nahihiya umano ito sa nangyari at sa mga nakakita na mga kawani ng Cityhall.

Dagdag pa ng aming impormante, Matagal na umanong may relasyon sina Vice Mayor Ina Olivarez at PLTCOL Ben Isidore Aclan mula pa noong pagkatapos ng eleksyon.

Marami ring umanong nakakakita na laging nasa labas ng police station ang sasakyan ni Vice Mayor Ina Olivarez noong panahon na nakadistino pa sa San Pedro si Aclan.

Ayon pa sa aming nakausap na empleyado ng Sangguniang Panlunsod, "Naku, open secret na po sa cityhall yung love team nila. Marami din pong nakakita noong birthday ni Hepe na talagang sweet na sweet sila habang kumakanta. Ang alam po kasi namin dito hiwalay na si hepe at yung asawa niya. Hindi pa pala."

Kinukuha naman namin ang panig ni Vice Mayor Ina Olivarez tungkol sa nasabing insidente ngunit hindi pa ito sumasagot sa aming mga tawag o text.

- April Tan | News Reporter

07/05/2023

ISANG SAN PEDRENSE, INSTANT MULTI-MILYONARO SA P55 MILYONG JACKPOT PRIZE NG LOTTO

Naging instant multi-milyonaro ang isang San Pedrense nang solong mapanalunan ang higit sa P55 milyong jackpot prize ng 6/55 Grand Lotto na binola ng Philippe Charity Sweepstakes Office (PCSO) nitong Sabado ng gabi.

Sa abiso ng PCSO, nabatid na matagumpay na nahulaan ng lucky bettor mula sa San Pedro, Laguna ang six-digit winning combination na 04-16-26-24-14-47 ng Grand Lotto 6/55 kaya't napanalunan nito ang katumbas na jackpot prize na Php66,394,255.40.

Kaugnay nito, pinayuhan naman ni PCSO Vice Chairman at General Manager Melquiades Robles ang bagong lotto millionaire na upang makubra ang kanyang papremyo ay magtungo lamang sa punong tanggapan ng PCSO sa Mandaluyong City.

Kailangan rin aniya nitong iprisinta ang kanyang lucky ticket at dalawang balidong ID.

Pinaalalahanan naman ni Robles ang lucky bettor na ang lahat ng lotto winnings ay papatawan ng 20% tax sa ilalim ng Tax Reform for Acceleration and Inclusion Act (TRAIN Law).

- Kurt David | News Reporter

07/05/2023

GOVERNOR RAMIL HERNANDEZ, PINURI ANG MGA KALAHOK SA SAMPAGUITA FESTIVAL PARADE

Labis na ikinatuwa at pinasalamatan ni Governor Ramil Hernandez ang mga kabataan at samahan na naki-isa sa ginanap na Sampaguita Festival Parade.

Ayon kay Governor Ramil Hernandez, napaganda at napakakulay ang presentasyon at sayaw na ginawa ng iba't ibang kabataan at samahang lumahok sa pagtitipon. Ikinatuwa din ng gobernador na muling nanumbalik ang mga ganitong kasihayan matapos ang hagupit ng pandemya noong mga nakaraang taon.

Pinuri din ni Governor Ramil Hernandez si City NagMayor Art Mercado dahil sa kanyang mga proyekto at programa upang manumbalik ang pagpapasigla ng pagsasampaguita sa ating lungsod.

Nangako naman si Governor Ramil Hernandez na nakasuporta ang Pamahalaang Lalawigan ng Laguna sa mga proyekto at programa ng ating lungsod para sa mga magsasampaguita upang mas lumago ang komesyo sa San Pedro.

- April Tan | News Reporter

07/05/2023

KONSEHALA VIVI VIAJE VILLEGAS, INULAN NG BATIKOS SA SOCIAL MEDIA

Kaliwa't kanan ang batikos na natanggap ni Konsehala Vivi Viaje Villegas mula sa mga Netizen matapos siyang singilin ng mga ito sa ipinangako niya noong nakaraang eleksyon.

Noong kampanya, matatandaan na ipinangako ni Konsehala Vivi Viaje Villegas na magkakaroon siya ng programang pagpapautang ng walang interest sa mga maliliit na negosyante sa ating lungsod upang makatulong sa kanilang makaahon at mapalago ang kanilang mga negosyo matapos ang pandemya.

Dagdag pa ni Konsehala Vivi Viaje, kung sakaling maluklok bilang konsehala ay wala itong tatanggapin na kahit anumang sweldo mula sa Pamahalaang Lungsod ng San Pedro at ito ang kanyang gagamitin bilang puhunan sa pagpapautang.

Ngunit magiisang taon na mula ng umupo bilang Konsehala ay wala pa ring kaliwanagan sa kanyang mga ipinangako noong kampanya.

Ayon sa isang Netizen, ilang beses na siya umanong pumunta sa opisina ni Konsehala upang mag apply sa sinasabi nitong programa at ilang beses na umano itong nagpasa ng mga kaukulang dokumento ngunit hanggang sa ngayon ay wala pa ring balita at pinagbabalik-balik umano siya ng mga tauhan nito.

Bukod tangi rin si Konsehala Villegas sa lahat ng konsehal na hindi nagbibigay ng tulong pinansyal pagdating sa gamot at sa pagpapalibing. Hindi rin umano ito humaharap sa mga taong humihingi ng tulong sa kanyang opisina.

Kaagad naman sinagot ni Konsehala Vivi Villegas ang mga issue na ibinabato sa kanya. Sa kanyang Facebook post, sinabi niyang ang tulong pangkabuhayan na walang interest ay nagsimula na umano sa unang batch ng mga beneficiaries at ito ay saklaw ng kanyang kanyang chairmanship.

Ngunit hindi kumbinsido ang ilang Netizen sa kanyang naging paliwanag. Ayon sa kanila, ginagamit umano ni Konsehala Vivi Villegas ang programa ng Pamahalaang Lungsod ng San Pedro para umano ipangtakip sa kanyang ipinangako noong nakaraang kampanya.

Umani rin ng maraming negatibong komento ang naging paliwanag ni Konsehala Vivi Villegas ngunit binubura ito ng admin ng kanyang Facebook account.

Hinihingi naman namin ang paliwanag ni Konsehala Vivi Villegas tungkol sa issue ngunit hindi pa siya sumasagot sa aming mga tawag o text.

- Kevin Espiritu | News Reporter

San Pedro News Update

06/06/2023

06/06/2023

01/06/2023

01/06/2023

18/05/2023

17/05/2023

16/05/2023

15/05/2023

15/05/2023

07/05/2023

07/05/2023

07/05/2023

Address

Telephone

Website

Alerts

Contact The Business

Shortcuts

Share

Category