OpinYon Laguna

Home
Philippines
San Pedro
OpinYon Laguna

The Philippines' leading advocacy paper - now serving the province of Laguna!

26/10/2025

PANOORIN: Muling naitala ang isang minor phreatic at dalawang minor phreatomagmatic eruption sa Taal Volcano ngayong Linggo, October 26.

Ayon sa Phivolcs, naitala ang nasabing mga insidente bandang 2:55 ng madaling-araw at 8:13 at 8:20 ng umaga ngayong Linggo, batay sa thermal camera footage malapit sa crater ng Taal Volcano.

Umabot sa 1.2 hanggang 2.1 kilometro ang taas ng plumes na ibinuga mula sa crater ng bulkan bunsod ng naturang aktibidad.

Patuloy na nakataas sa Alert Level 1 ang Taal Volcano, kung saan patuloy na ipinagbabawal ang pagpasok sa Volcano Island gayundin ang paglipad malapit dito.

(Video mula sa Phivolcs)

25/10/2025

TINGNAN: Sa kanyang latest na obra maestra ngayong Sabado, October 25, ipinaabot ng leaf artist ng Binan City, Laguna na si Mary Mae Dacanay ang kanyang pakikiramay sa pagpanaw ng Internet celebrity na si Emman Atienza.

Gayundin, ipinaabot rin ni Dacanay ang panawagan sa publiko, lalo na sa mga netizen, na tigilan na ang online bashing at pang-iintriga sa mga personalidad, lalo na't nakakaapekto rin ito sa kanilang mental health.

"Please guys always choose to be kind," pahayag niya.

Pumanaw sa edad na 19 si Emman Atienza, anak ng TV personality na si Kim Atienza at isang kilalang content creator at mental health advocate, nitong nakaraang Biyernes, October 24.

Muli namang umigting sa online conversations ng mga Pilipino ang mga isyu ng cyberbullying at harassment sa Internet, lalo na't naharap umano sa pangba-bash ng mga netizen si Atienza bago siya pumanaw.

(Larawan mula sa page ni Mary Mae Dacanay)

24/10/2025

𝐔𝐍𝐃𝐀𝐒 𝐀𝐃𝐕𝐈𝐒𝐎𝐑𝐘

Sa abiso na inilabas ngayong Biyernes, October 24, sinabi ng pamunuan ng Eternal Gardens Memorial Park sa Biñan City, Laguna na hindi muna papapasukin ang mga sasakyan sa loob ng nasabing private memorial park mula 6:00 ng umaga ng October 31 (Biyernes) hanggang hatinggabi ng November 2 (Linggo).

Ang nasabing direktiba ay ipapatupad sang-ayon na rin sa kautusan ng Barangay San Antonio Council upang masiguro ang kaligtasan ng mga bibisita sa mga sementeryo sa nasabing lugar ngayong Undas.

Magkatabi lamang ang Eternal Gardens at ang pampublikong sementeryo sa Biñan City na matatagpuan sa Barangay San Antonio.

(Larawan mula sa Eternal Gardens - Biñan page)

24/10/2025

𝐏𝐂𝐎𝐒 𝐚𝐰𝐚𝐫𝐞𝐧𝐞𝐬𝐬, 𝐢𝐬𝐢𝐧𝐮𝐬𝐮𝐥𝐨𝐧𝐠 𝐬𝐚 𝐁𝐢ñ𝐚𝐧 𝐂𝐢𝐭𝐲

Batid ng mga kababaihan ang hirap sa pagkakaroon ng Polycystic O***y Syndrome (PCOS).

Ngunit marami pa ring hindi nakakaalam, o hindi nakakaunawa, ng kondisyong ito na tanging mga kababaihan lamang ang nakararanas.

Ito ang nais ngayong tutukan ng isang resolusyon na inihain kamakailan sa Sangguniang Panglungsod ng Biñan, Laguna.

Sa ilalim ng resolusyon na inihain ni Biñan City Vice Mayor Dada Reyes, pangungunahan ng Biñan City Gender and Development (GAD) ang isang malawakang programa upang maibahagi ang PCOS sa mga pampublikong paaralan ng lungsod.

Layunin nito na ilapit sa higit nangangailangang kabataan at kababaihan ang akses sa tamang impormasyon tungkol sa PCOS.

Saklaw sa nasabing resolusyon ang pagtataguyod ng “awareness, screening, diagnosis at treatment ng PCOS” sa mga pampublikong high school sa lungsod ng Biñan.

Para kay Reyes, mahalaga na pagtuunan ito ng pansin dahil mabibigyan ng kapangyarihan at pag-asa ang kabataan upang harapin ang mga hamong dala ng PCOS.

Kabilang sa mga magpapatupad ng naturang programa ang mga miyembre ng GAD Committee na sina Chairperson Councilor Jedi Alatiit, Councilor Titus Bautista at Councilor Ingrid Almeda.

Katuwang din sa naturang programa sina GAD Focal Person. Dra. Arlene Alonte-Ancheta, CIty Health Officer Dra. Mariabelle Benjamin, CEO Head Prof. Edmil Recibe, SDS Arlene Ricasata, at DepEd Biñan Officer Ariel Cabantog.

(Christian Magdaraog/Mga larawan mula kay Jedi Alatiit)

24/10/2025

The International Criminal Court (ICC) has rejected former President Rodrigo Duterte’s challenge questioning its authority to investigate him over alleged crimes against humanity linked to his controversial "war on drugs".

In a decision released yesterday, the ICC ruled that it has jurisdiction to proceed with the case against Duterte.

Duterte’s lawyer argued that the Philippines had already withdrawn from the ICC when the investigation began, but the Chamber disagreed.

It noted that the ICC’s Prosecutor announced the probe on February 8, 2018 -- before the Duterte government filed its withdrawal from the court’s founding treaty on March 17, 2018.

The judges said the timing shows a clear link between the ICC’s investigation and the country’s withdrawal; suggesting that Malacanang’s move was meant to avoid accountability.

This latest ruling means the case will continue in The Hague, where Duterte is currently detained.

24/10/2025

TINGNAN: Walang sasantuhin, kahit pa kapwa ahensya ng gobyerno ang maaagrabyado.

Ito ang iginiit ng pamahalaang lungsod ng Santa Rosa, Laguna sa isinagawa nitong demolition job ngayong Biyernes, October 24.

Ang ipinagiba: isang "barracks" na itinayo umano ng isang contractor ng Department of Public Works and Highways (DPWH) sa kahabaan ng National Highway.

Itinayo kasi ang nasabing istruktura malapit sa bangketa, dahilan para mawalan ng maayos na daan ang mga pedestrian.

Nakipag-ugnayan na rin ang pamahalaang lungsod ng Santa Rosa sa mga opsiyal ng DPWH at sa contractor bago isagawa ang demolisyon, ayon sa Santa Rosa City Information Office.

(OpinYon News Team/Mga larawan mula sa Santa Rosa City Information Office)

24/10/2025

𝐀𝐋𝐀𝐌𝐈𝐍: 𝐉𝐨𝐛 𝐟𝐚𝐢𝐫 𝐬𝐚 𝐒𝐚𝐧 𝐏𝐞𝐝𝐫𝐨 𝐂𝐢𝐭𝐲

Mga San Pedrense, isa na naman itong pagkakataon para masungkit ang pinapangarap ninyong trabaho!

Inanunsyo ng San Pedro City Public Employment Service Office (PESO) ang ilulunsad nilang job fair sa darating na November 6 (Huwebes), sa Robinsons Galleria South Mall.

Mahigit 20 na kumpanya ang nakatakdang lumahok sa pakikipagtulungan ng Philippine Association of Legitimate Service Contractors (PALSCON) IV-A, upang tiyaking sa lehitimong mga kumpanya lamang mapunta ang mga naturang jobseeker.

Magsisimula ang nasabing job fair ng 9:00 am, at inaabisuhan ang lahat na magdala ng maraming kopya ng inyong resume, valid ID, at magsuot ng wastong pananamit para sa interview.

(OpinYon News Team/Larawan mula sa PESO San Pedro)

23/10/2025

LOOK: Almost 11,000 guests joined the celebration of Enchanted Kingdom's 30th anniversary last October 19!

The magical night featured the Forever Enchanted Live: EK’s 30th Anniversary Concert held at EK's very own LaunchPad Concert Grounds. The concert headlined one of OPM’s most iconic bands Parokya ni Edgar, together with this generation’s top bands Cup of Joe and Over October.

Park goers enjoyed the Wheel of Fate: the Magical Journey of Eldar the Wizard, EK's first ever projection mapping show. The festivities ended with Memories of Magic: Sky Wizardry EKstravaganza, a breathtaking pyromusical show.

EK was also recognized by the Department of Tourism (DOT) not only for its contributions to the growth of Calabarzon's tourism sector, but for its efforts to promote biodiversity and sustainable tourism.

(OpinYon News Team/Photos courtesy of Enchanted Kingdom)

23/10/2025

𝐓𝐈𝐍𝐆𝐍𝐀𝐍: 𝐋𝐢𝐛𝐫𝐞𝐧𝐠 𝐜𝐚𝐭𝐚𝐫𝐚𝐜𝐭 𝐨𝐩𝐞𝐫𝐚𝐭𝐢𝐨𝐧 𝐩𝐚𝐫𝐚 𝐬𝐚 𝐦𝐠𝐚 𝐁𝐢ñ𝐚𝐧𝐞𝐧𝐬𝐞

Pangakong ginhawa ang handog ng pinakabagong programa ng lokal na pamahalaan ng Biñan City, Laguna para sa kanilang mga benepisyaryo ng Equal Vision: Gender-Inclusive Cataract Care.

Mapalad na nakatanggap ngayong Huwebes, October 23, ang unang batch na mga pasyente ng libreng operasyon sa katarata sa Biñan City Hospital, matapos ang halos isang buwan na paghihintay.

Ang nasabing programa ay pinangunahan nina Biñan City Mayor Gel Alonte, Councilors Jedi Alatiit at Ingrid Almeda, Dr. Melbril Alonte (Medical Director), Ms. Shy Cadang, RN (Hospital Administrator), at Dr. Arlene Alonte Ancheta (GAD Focal Person).

Dumaan sa mabusising screening ang mga naturang pasyente bago napiling sumailalim sa libreng operasyon ng Biñan City Gender and Development Office.

Layunin ng naturang programa na bigyan ng libreng pagkakataon ang lahat ng Biñanense na magkatanggap ng serbisyong pangkalusugan.

Pangako naman ni Mayor Alonte na una palang ito sa tatlong batch ng mga pasyenteng matutulungang muling makakita nang malinaw.

(OpinYon News Team/Larawan mula sa Gender and Development Office – City of Biñan)

23/10/2025

TINGNAN: Unti-unti nang nagkakahugis ang bagong "Pilgrim Church" ng Lolo Uweng Shrine sa Barangay Landayan, San Pedro City, Laguna.

Sa mga larawang ito na ibinahagi sa social media ng Commission on Social Communications ng Lolo Uweng Shrine kamakailan, ipinasilip na ang interior works sa nasabing itinatayong simbahan, gayundin ang ilan pang mga magiging pasilidad nito.

Sa sandaling matapos ang "Pilgrim Church" ng Lolo Uweng Shrine, inaasahang mas maa-accomodate nito ang dagsa ng mga deboto ng imahen ni Hesukristo sa Santo Sepulcro, o mas kilala sa mga deboto bilang "Lolo Uweng," na dumaragsa sa Landayan tuwing Mahal na Araw.

(Mga larawan mula sa Lolo Uweng Shrine page)

23/10/2025

𝐀𝐋𝐀𝐌𝐈𝐍: 𝐉𝐨𝐛 𝐅𝐚𝐢𝐫 𝐂𝐚𝐫𝐚𝐯𝐚𝐧 𝐬𝐚 𝐂𝐚𝐛𝐮𝐲𝐚𝐨 𝐂𝐢𝐭𝐲

Heads up, Cabuyeños!

Isang malaking job caravan ang ikakasa sa lungsod ng Cabuyao na dadaluhan ng iba’t-ibang mga kumpanya.

Inaanyayahan ng Cabuyao City Public Employment Service Office ang lahat na lumahok sa DENHA Trabaho Caravan ngayong Biyernes, October 24, sa Centro Mall, Pulo, Cabuyao, Laguna.

Magsisimula ang naturang programa ng 9:00 am at bukas ito sa lahat ng mga naghahanap ng trabaho na Cabuyeño.

Paalala naman ng nasabing opisina, siguraduhing dala ang mga mahahalagang dokumento pang-trabaho.

(Larawan mula sa PESO Cabuyao City)

23/10/2025

𝐉𝐡𝐨𝐚𝐧𝐧𝐚 𝐧𝐠 ‘𝐁𝐈𝐍𝐈,’ 𝐧𝐚𝐠𝐛𝐮𝐤𝐚𝐬 𝐧𝐠 𝐜𝐨𝐟𝐟𝐞𝐞 𝐬𝐡𝐨𝐩 𝐬𝐚 𝐂𝐚𝐥𝐚𝐦𝐛𝐚

Panibagong tagumpay ang dumating sa buhay ng lider ng Filipino girl group BINI na si Jhoanna Robles dahil sa pagbubukas ng kauna-unahan niyang coffee shop.

Masayang ibinalita ni BINI Jhoanna sa Instagram account niya ang pagkakaroon niya ng sariling franchise ng kilalang café na Brew&Co sa kaniyang hometown sa Calamba City.

Ang naging soft opening nito noong Martes, October 21, ay pinilahan ng “Blooms”, ang opisyal na tawag sa mga fans ng BINI, kung saan ang iba ay nanggaling pa sa iba’t-ibang panig ng Metro Manila at kalapit na lalawigan.

Ayon kay Robles, ilang buwan na puno ng “hard work, sleepless nights, getting sick, and pushing through” ang inabot niya upang masakatuparan ang pangarap niyang negosyo.

Hiling niya na sana higit pa sa pagiging coffee shop ang ituring ng mga tao dito, kundi maging isang “safe space — where you can pause and feel at home.”

Matatagpuan ang Brew&Co Calamba branch sa San Jose Road, Calamba City, Laguna.

(Christian Magdaraog)

Address

MGM-Junia Bldg. , Pacita1, Pacita Avenue
San Pedro
4023

Telephone

+639274926541

Website

https://opinyon.net/

Alerts

Be the first to know and let us send you an email when OpinYon Laguna posts news and promotions. Your email address will not be used for any other purpose, and you can unsubscribe at any time.