What are the opening hours?

Monday 9am - 5pm Tuesday 9am - 5pm Thursday 9am - 5pm Friday 9am - 5pm

https://www.facebook.com/251801118027179/

TinTin, San Pedro (2026)

05/04/2026

‎📖🌱Kawikaan 17:20:
‎"Ang masamang isipan ay hindi uunlad, ang sinungaling ay aabot sa kasawiang-palad". Ang bersikulong ito ay nagpapahiwatig na ang masamang kaisipan ay walang patutunguhan o pag-unlad.
‎
‎📖🌱Kawikaan 4:23:
‎"Ang isipan mo'y ingatang mabuti at alagaan, pagkat iyan ang siyang bukal ng buhay mong tinataglay". Binibigyang-diin nito ang kahalagahan ng pag-iingat at pag-aalaga sa ating pag-iisip dahil ito ang pinagmumulan ng ating buhay at mga kilos.
‎
‎📘 Sabi ng Diyos, 📖🕊️
‎📖🌱"Dapat nating ingatan ang ating isipan at suriin ang anumang pumapasok dito, dahil ang isip ay makapangyarihan, na lumilikha ng positibo at negatibo mula sa ating mga nakikita na nailalarawan natin sa ating diwa, at kapag nag-ugat ang kaisipang iyon sa ating puso ito ang siya nating nanasain. Laging nagsisimula ang kasalanan sa ating isip bago pa natin gawin ng aktwal ang kasalanang iyon. Kaya nga, dapat nating iwasan ang pagtanggap sa ating isip ng mga bagay na maaaring gumising sa ating makasalanang pag iisip, maaaring hindi maiiwasan ang biglaang pagpasok ng isang masamang pagiisip, gaya ng tukso at iba pa sa ating isip, ngunit ang ideya dito, ay dapat nating ingatan bago hintayin na mag ugat ang kaisipang iyon sa ating puso. Iniingatan natin ang isip sa pamamagitan ng panananatili sa salita ng Diyos, ito lamang ang mabisang sandata laban sa masamang pag iisip na siyang babago sa ating makasalanang pag iisip tungo sa isang maka-diyos na pag iisip."
‎
‎

23/03/2026

Ang “pekeng Cristiano” o “pekeng born again” ay hindi agad nakikita sa panlabas—madalas, mukhang maayos, aktibo sa simbahan, at marunong magsalita ng tungkol sa Diyos. Ngunit ayon sa Biblia, ang tunay na sukatan ay hindi ang salita kundi ang buhay na binago.
🔥 MALALIM NA PAG-UNAWA
1. Panlabas na anyo, ngunit walang tunay na pagbabago sa puso
Maraming tao ang nagsasabing sila ay “born again,” pero ang kanilang puso ay hindi pa tunay na sumusuko sa Diyos.
➡️ May relihiyon, pero walang relasyon.
➡️ May alam sa Biblia, pero hindi ito isinasabuhay.
📖 Mateo 15:8
“Ang bayang ito'y iginagalang ako ng kanilang mga labi; datapuwa't ang kanilang puso ay malayo sa akin.”
👉 Ibig sabihin: Hindi sapat ang maganda ang sinasabi—dapat ang puso ay tunay na sa Diyos.
2. Naglilingkod sa harap ng tao, pero hindi sa lihim
Ang pekeng Cristiano ay malakas kapag may nakakakita—pero mahina kapag siya na lang mag-isa.
➡️ Sa harap ng tao: banal
➡️ Sa lihim: makasalanan pa rin
📖 Mateo 6:1
“Mag-ingat kayo na huwag ninyong gawin ang inyong katuwiran sa harap ng mga tao upang makita nila.”
👉 Ang tunay na born again, kahit walang nakakakita, nananatiling tapat sa Diyos.
3. Walang bunga ng tunay na pagbabago
Ang tunay na kaligtasan ay may bunga—nagbabago ang ugali, salita, at pamumuhay.
📖 Galacia 5:22-23
“Ang bunga ng Espiritu ay pag-ibig, kagalakan, kapayapaan, pagtitiis, kabutihan, katapatan…”
👉 Kung walang pagbabago, dapat tanungin:
“Tunay ba akong ipinanganak na muli, o nag-iba lang ako ng label?”
4. Mahal ang kasalanan kaysa sa Diyos
Ito ang pinaka-delikado.
➡️ Alam ang tama, pero pinipiling magpatuloy sa mali
➡️ Nagsisisi lang kapag may problema, pero hindi tuluyang tumatalikod sa kasalanan
📖 1 Juan 2:4
“Ang nagsasabing ‘Nakikilala ko Siya,’ ngunit hindi tumutupad sa Kanyang mga utos ay sinungaling.”
5. Umaasa sa relihiyon, hindi sa tunay na pagsuko kay Cristo
Hindi ka nagiging tunay na Cristiano dahil:
nagsisimba ka
may ministry ka
o kilala ka sa church
👉 Nagiging tunay ka lang kapag:
✔️ isinuko mo ang buhay mo kay Jesus
✔️ tinanggap mo Siya bilang Panginoon, hindi lang Tagapagligtas
✔️ handa kang magbago kahit mahirap
📖 2 Corinto 5:17
“Kung ang sinuman ay na kay Cristo, siya ay bagong nilalang.”
💔 MASAKIT NA KATOTOHANAN
Hindi lahat ng nagsasabing “Lord, Lord” ay maliligtas.
📖 Mateo 7:21
“Hindi ang bawa't nagsasabi sa akin, ‘Panginoon, Panginoon,’ ay papasok sa kaharian ng langit…”
👉 Ito ang babala:
Pwede kang nasa loob ng simbahan… pero hindi pala kilala ng Diyos.
🙏 PAALALA
Hindi ito para humatol sa iba—kundi para suriin ang sarili.
Tanong:
Totoo bang binago ako ni Jesus?
O nagbago lang ako sa paningin ng tao?
Kung walang nakakakita, sino ako?
❤️ PANALANGIN
“Panginoon, suriin Mo ang puso ko. Kung ako man ay nagkukunwari lang, gisingin Mo ako. Ayoko ng relihiyon lang—gusto ko ng tunay na relasyon sa Iyo. Baguhin Mo ako mula sa loob, at tulungan Mo akong mamuhay ng totoo para sa Iyo. Amen.”

19/02/2026

📖Basahin at Pagnilayan po natin:
🌱 May isang binhi na itinanim sa madilim na lupa. Walang liwanag, walang papuri, at tila walang nakakaalam sa kanyang pinagdaraanan. Iyan ang “ang iyong sitwasyon ngayon” — tahimik, mabigat, at puno ng pagsubok.
Ngunit ang hindi nakikita ng iba ay ang ginagawa ng Diyos sa ilalim ng lupa. Habang ang binhi ay nakalayo sa ingay, sa mga taong humihila pababa, at sa mga “toxic” na kasama, lalong lumalalim ang ugat nito. Hindi ito parusa—ito ay paghahanda.
At nang dumating ang tamang panahon, ang binhing minsang nakabaon ay naging isang matibay at luntiang puno. Ito ang “ito ang magiging kalagayan mo sa hinaharap” — matatag, may lilim, at may bunga para sa iba.
📜
“May panahon ang lahat ng bagay sa ilalim ng langit.”
— Eclesiastes 3:1
“Ang taong nagtitiwala sa Panginoon ay tulad ng punong itinanim sa tabi ng batis, na namumunga sa tamang panahon.”
— Jeremias 17:7–8
💡
Hindi ka inilalayo ng Diyos upang saktan ka, kundi upang iligtas ka sa mga bagay at taong maaaring pumatay sa iyong paglago. Kung ang binhi ay inilagay agad sa araw nang walang ugat, mamamatay ito. Gayon din ang tao—kung mananatili sa maling impluwensya, hindi lalago ang pananampalataya.
🌱
Ang kasalukuyang sitwasyon ay hindi ang katapusan ng kwento.
Ang katahimikan at pag-iisa ay madalas lugar ng pinakamalalim na paglago.
Inaalis ng Diyos ang “toxic” hindi para mawalan ka, kundi para mabuhay ka.
Ang ugat ang inuuna ng Diyos bago ang tagumpay.
🕊️
Kung pakiramdam mo ay nasa ilalim ka pa ng lupa, huwag mawalan ng pag-asa.
Hindi ka kinalimutan ng Diyos—pinapatatag ka Niya.
Darating ang araw na ang iyong buhay ang magsasabing:
“Ito ang magiging kalagayan mo sa hinaharap—
dahil pinili mong magtiwala sa Diyos kahit sa dilim.”

05/02/2026

Sabi ng Makapangyarihang Diyos 👑

“Kung hindi ka matiyagang magbasa ng mga salita ng Diyos, at hindi mo nauunawaan ang katotohanan, hindi ka makapagninilay sa iyong sarili; masisiyahan ka na lamang sa paggawa ng munting pagsisikap at hindi paggawa ng mga kasamaan at mga paglabag, at gagamitin ito bilang kapital. Palilipasin mo ang bawat araw na naguguluhan, namumuhay nang nalilito, ginagawa lamang ang mga bagay sa takdang oras, hindi kailanman ginagamit ang iyong puso upang suriin ang iyong sarili at pagsikapan ang pagkilala sa iyong sarili, at palagi kang magiging pabasta-basta. Sa ganitong paraan, hindi mo kailanman magagampanan ang iyong tungkulin sa katanggap-tanggap na pamantayan. Para maibuhos ang lahat ng pagsisikap mo sa isang bagay, dapat mo munang ilagay ang buong puso mo roon; kapag inilagay mo muna ang buong puso mo sa isang bagay, saka mo lamang maibubuhos ang lahat ng pagsisikap mo roon, at magagawa ang lahat ng kaya mo. Ngayon, may mga nagsimula nang magtiyaga sa pagganap sa kanilang tungkulin, nagsimula na silang mag-isip kung paano gagampanan nang maayos ang tungkulin ng isang nilalang upang mapalugod ang puso ng Diyos. Hindi sila negatibo at tamad, hindi sila pasibong naghihintay na magbigay ng mga utos ang Itaas, kundi may pagkukusa. Sa pagtingin sa pagganap ninyo sa inyong tungkulin, medyo mas epektibo kayo kaysa noon, at kahit wala pa rin sa pamantayan, nagkaroon na ng kaunting paglago—na mabuti. Pero hindi kayo dapat masiyahan sa kasalukuyang sitwasyon, dapat kayong patuloy na maghanap, patuloy na lumago—saka lamang ninyo magagampanan nang mas maayos ang inyong tungkulin, at maaabot ang katanggap-tanggap na pamantayan. Gayunpaman, kapag ginagampanan ng ilang tao ang kanilang tungkulin, hindi sila nagsisikap nang husto at hindi nila ibinibigay ang lahat-lahat nila, 50 hanggang 60 porsiyento lamang ng kanilang pagsisikap ang ibinibigay nila, at nasisiyahan na lamang doon hanggang sa matapos ang ginagawa nila. Hinding-hindi nila napananatili ang isang normal na kalagayan: Kapag walang sinumang nagbabantay sa kanila o nag-aalok ng suporta, kumukupad sila at nawawalan ng gana; kapag may nagbabahagi ng katotohanan, sumisigla sila, pero kung matagal-tagal silang hindi nabahaginan ng katotohanan, hindi sila napapakali. Ano ang problema kapag palagi silang pabalik-balik nang ganito? Ganito ang mga tao kapag hindi pa nila natatamo ang katotohanan, namumuhay silang lahat ayon sa silakbo ng damdamin—isang silakbo ng damdamin na napakahirap panatilihin: Kailangan ay may nangangaral at nagbabahagi sa kanila araw-araw; kapag walang sinumang nagdidilig at tumutustos sa kanila, at walang sinumang sumusuporta sa kanila, nanlalamig ulit ang puso nila, kumukupad silang muli. At kapag nanghina ang mga puso nila, sila ay nagiging hindi gaanong epektibo sa kanilang tungkulin; kung mas nagsisikap sila, nadaragdagan ang pagiging epektibo nila, mas bumubuti ang mga resulta nila sa pagganap ng kanilang mga tungkulin, at mas marami silang nakakamit” (Ang Salita, Vol. III. Ang mga Diskurso ni Cristo ng mga Huling Araw. Sa Pananalig sa Diyos, ang Pinakamahalaga ay Isagawa at Danasin ang Kanyang mga Salita).

04/02/2026

ANG NAIS LAMANG ng MAKAPANGYARIHANG DIYOS Ay ang ating PUSO🙏

HINDI ANG MARAMING PERA 😳

📕🌿📕🌿📕🌿📕🌿📕🌿📕🌿📕
𝗦𝗮𝗯𝗶 𝗻𝗴 𝗠𝗮𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻𝗴 𝗗𝗶𝘆𝗼𝘀

❝Kapag may kamalayan ka tungkol sa iyong sariling kalagayan, matutupad mo ang Aking kalooban.

Sa katunayan, ang Aking kalooban ay hindi mahirap unawain; hindi ka lamang kailanman naghanap noong nakaraan nang naaayon sa Aking mga hangarin.

𝗛𝗶𝗻𝗱𝗶 𝗸𝗼 𝗻𝗶𝗻𝗮𝗻𝗮𝗶𝘀 𝗮𝗻𝗴 𝗺𝗴𝗮 𝗸𝘂𝗿𝘂-𝗸𝘂𝗿𝗼 𝗼 𝗸𝗮𝗶𝘀𝗶𝗽𝗮𝗻 𝗻𝗴 𝗺𝗴𝗮 𝘁𝗮𝗼, 𝗹𝗮𝗹𝗼 𝗻𝗮 𝗮𝗻𝗴 𝗶𝘆𝗼𝗻𝗴 𝗽𝗲𝗿𝗮 𝗼 𝗶𝘆𝗼𝗻𝗴 𝗺𝗴𝗮 𝗮𝗿𝗶-𝗮𝗿𝗶𝗮𝗻. 𝗔𝗻𝗴 𝗡𝗮𝗶𝘀 𝗸𝗼 𝗮𝘆 𝗮𝗻𝗴 𝗶𝘆𝗼𝗻𝗴 𝗽𝘂𝘀𝗼.

Nauunawaan mo ba? Ito ang Aking kalooban; higit pa rito, ito ang nais Kong makuha.

Palaging ginagamit ng mga tao ang mga sarili nilang kuru-kuro upang hatulan Ako at ginagamit ang kanilang pamantayan upang tayahin ang Aking tayog.

Sa mga tao, ito ang pinakamahirap na bagay na pakitunguhan, at ito ang kinasusuklaman at kinamumuhian Ko nang higit sa lahat. Nakikita mo na ba? Ito ay dahil ito ang pinakakitang-kitang disposisyon ni Satanas. Bukod pa roon,𝗔𝗻𝗴 𝗶𝗻𝘆𝗼𝗻𝗴 𝘁𝗮𝘆𝗼𝗴 𝗮𝘆 𝗻𝗮𝗽𝗮𝗸𝗮𝗹𝗶𝗶𝘁 𝗸𝗮𝘆𝗮 𝗺𝗮𝗹𝗶𝗺𝗶𝘁 𝗸𝗮𝘆𝗼𝗻𝗴 𝗺𝗮𝗵𝘂𝗹𝗼𝗴 𝘀𝗮 𝗺𝗴𝗮 𝘁𝘂𝘀𝗼𝗻𝗴 𝗽𝗮𝗸𝗮𝗻𝗮 𝗻𝗶 𝗦𝗮𝘁𝗮𝗻𝗮𝘀.

Sadyang hindi ninyo kayang makilala ang mga iyon! Maraming ulit Ko nang sinabi sa inyo na maging maingat sa lahat ng sandali at sa lahat ng aspeto, upang hindi kayo malinlang ni Satanas. Ngunit hindi kayo nakikinig at sa halip ay basta na lamang ipinagwawalang-bahala ang Aking sinasabi.

Bilang bunga, nauuwi kayo na magdusa ng mga kawalan sa buhay, at pagkatapos ay masyado nang huli para magsisi. Hindi ba’t magiging napakagandang ideya na ituring ninyo itong isang aral para sa inyong paghahanap sa hinaharap? Sinasabi Ko sa iyo! Ang pagiging negatibo agad ay magdudulot ng napakatitinding kawalan sa iyong buhay.

Ngayong alam mo na ito, hindi ba’t oras na para gumising ka?❞

- 𝘔𝘶𝘭𝘢 𝘴𝘢 𝘈𝘯𝘨 𝘗𝘢𝘨𝘱𝘢𝘱𝘢𝘬𝘪𝘵𝘢 𝘢𝘵 𝘎𝘢𝘸𝘢𝘪𝘯 𝘯𝘨 𝘋𝘪𝘺𝘰𝘴

28/01/2026

𝐀𝐍𝐆 𝐁𝐀𝐆𝐎𝐍𝐆 𝐋𝐀𝐍𝐆𝐈𝐓 𝐀𝐓 𝐁𝐀𝐆𝐎𝐍𝐆 𝐋𝐔𝐏𝐀!
📖𝐏𝐀𝐇𝐀𝐘𝐀𝐆 𝟐𝟏:𝟏-𝟖

21 At nakita ko ang isang bagong langit at ang bagong lupa, sapagkat ang unang langit at ang unang lupa ay lumipas na. Ang dagat ay wala na.

2 At akong si Juan, nakita ko ang banal na lungsod, ang bagong Jerusalem na bumababang mula sa Diyos na buhat sa langit. Ito ay inihanda na katulad ng isang babaeng ikakasal na ginayakan para sa kaniyang magiging asawa. 3 Narinig ko ang isang malakas na tinig na mula sa langit. Sinabi nito: Narito, ang tabernakulo ng Diyos ay nasa mga tao. Siya ay mananahang kasama nila. Sila ay magiging mga tao niya. Ang kanilang Diyos mismo ang sumakanila at siya ang kanilang magiging Diyos. 4 Pupunasin ng Diyos ang bawat luha sa kanilang mga mata. Mawawala na ang kamatayan, ang pagtangis, ang pag-iyak o ang kabalisahan. Ang mga bagay sa nakaraan ay lumipas na.

5 Ang nakaupo sa trono ay nagsabi: Tingnan ninyo, ginawa kong bago ang lahat ng bagay. At sinabi niya sa akin: Isulat mo ito sapagkat ang mga salitang ito ay totoo at tapat.

6 At sinabi niya sa akin: Ang lahat ay naganap na. Ako ang Alpha at Omega, ang simula at ang wakas. Ibibigay ko ang tubig ng buhay na walang bayad sa sinumang nauuhaw. 7 Ang magtatagumpay ay magmamana ng lahat ng bagay. Ako ay kaniyang magiging Diyos at siya ay magiging anak ko. 8 Ngunit ang mga natatakot at ang mga hindi sumasampalataya, ang mga kinamumuhian ng Diyos, mga mamamatay-tao, mga mapakiapid, mga manggagaway, mga sumasamba sa diyos-diyosan at lahat ng mga sinungaling, ang bahagi nila ay sa lawa na nagniningas sa apoy at asupre. Ito ang ikalawang kamatayan.

22/01/2026

📖“Ngayon, kapag narinig ninyo ang tinig ng Diyos,
huwag ninyong patigasin ang inyong mga puso.”( Mga Hebreo 4:7)

‼️📖Sabi ng Makapangyarihang Diyos,
‼️🔥 “Maraming tao ang maaaring walang pakialam sa sinasabi Ko, ngunit nais Ko pa ring sabihin sa bawat tinatawag na banal na sumusunod kay Jesus na, kapag nakita ng sarili ninyong mga mata si Jesus na bumababa mula sa langit sakay ng puting ulap, ito ang magiging pagpapakita sa publiko ng Araw ng katuwiran. Marahil ay magiging panahon iyon ng matinding katuwaan sa iyo, subalit dapat mong malaman na ang sandali na nasasaksihan mong bumababa si Jesus mula sa langit ay ang sandali rin ng pagbaba mo sa impiyerno para maparusahan. Iyon ang magiging panahon ng pagwawakas ng plano ng pamamahala ng Diyos at iyon din ang panahon kung kailan ginagantimpalaan ng Diyos ang mabubuti at pinarurusahan ang masasama. Sapagkat magwawakas na ang paghatol ng Diyos bago pa makakita ng mga tanda ang tao, kung kailan mayroon lamang pagpapahayag ng katotohanan. Yaong mga tumatanggap sa katotohanan at hindi naghahanap ng mga tanda, at sa gayon ay napadalisay na, ay nadala na sa harap ng luklukan ng Diyos at nakapasok na sa yakap ng Lumikha. Yaon lamang mga nagpupumilit sa paniniwala na “Ang Jesus na hindi nakasakay sa puting ulap ay isang huwad na cristo” ang sasailalim sa walang-hanggang kaparusahan, sapagkat naniniwala lamang sila sa Jesus na nagpapakita ng mga tanda, ngunit hindi kinikilala ang Jesus na nagpapahayag ng matinding paghatol at nagpapalabas ng buhay at ng tunay na daan. Kaya nga maaari lamang na harapin nila si Jesus kapag hayagan Siyang nagbabalik sakay ng puting ulap. Masyado silang sutil, masyadong tiwala sa kanilang sarili, masyadong mapagmataas. Paano gagantimpalaan ni Jesus ang mga gayong imoral? Ang pagbabalik ni Jesus ay isang dakilang kaligtasan para sa mga may kakayahang tanggapin ang katotohanan, ngunit para sa mga hindi nagagawang tanggapin ang katotohanan, ito ay isang tanda ng pagkondena. Dapat ninyong piliin ang sarili ninyong landas, at hindi ninyo dapat lapastanganin ang Banal na Espiritu at tanggihan ang katotohanan. Hindi kayo dapat maging mangmang at mapagmataas na tao, kundi isang nagpapasakop sa patnubay ng Banal na Espiritu at nauuhaw at naghahanap sa katotohanan; sa ganitong paraan lamang kayo makikinabang” (Ang Salita, Vo. 1 Ang Pagpapakita at Gawain ng Diyos. Kapag Namasdan Mo Na ang Espirituwal na Katawan ni Jesus, Napanibago na ng Diyos ang Langit at Lupa).

21/01/2026

Ano ang Tingin ng Diyos sa Relihiyon?
Sabi ng Makapangyarihang Diyos📖

Anong klaseng lugar ang relihiyon? Lugar ’yan ng mga Fariseo, dating pugad ng mga anticristo. Nangangarap lang kayo kung iniisip niyong maliligtas kayo sa pananalig do’n. Ba’t ’di maliligtas ang taong nananalig sa Diyos sa relihiyon? Ang pangunahing dahilan ay nang isagawa ng Diyos ang bagong gawain sa mga huling araw, nailipat na’ng gawain ng Banal na Espiritu sa bagong gawain ng Diyos, kaya naman nawala sa mga relihiyon ang gawain ng Banal na Espiritu. Gayundin, lubos nang kontrolado ng mga ipokritong Fariseo at anticristo ang mga relihiyon, at naging lugar na kumakalaban sa Diyos. Bukod sa wala sa relihiyon ang Banal na Espiritu, wala rin do’n para gumawa’ng Diyos na nagkatawang-tao. Hindi mararanasan ng tao’ng gawain ng Diyos sa mga huling araw sa pananalig sa Kanya sa relihiyon. Di nila makakain, maiinom at matatamasa’ng mga salita ng Diyos sa mga huling araw, kaya natural na bumagsak sila sa kadiliman. Kung ’di hinahanap ng mga tao’ng tunay na daan, madali silang babagsak sa kasukalan at ’di sila tatanggap ng pagliligtas ng Diyos. Ang mga bumagsak sa kasukalan ng mga relihiyon ay humahawak lang sa Biblia sa mga pagtitipon, at ’di nagtatamasa ng mga salita ng Diyos sa ngayon. Kung wala’ng patnubay ng Espiritu Santo, malabo’ng Diyos na pinaniniwalaan ng tao. Lahat ng sinasabi nila sa meeting ay tungkol sa gawain ng Diyos at mga sinambit sa Biblia noon. Pa’no matatanggap ng gayong mga tao ang pagliligtas at pangako ng Diyos sa mga huling araw? Tulad no’ng magsimulang gumawa ang Panginoong Jesus sa labas ng templo. Naging magulong kasukalan ang templo, isang lungga ng mga tulisan. Dahil di nila sinunod ang gawain ng Panginoong Jesus, ang mga nanatili sa templo ay humawak pa rin sa mga lumang kautusan at panuntunan, at hindi nailigtas ng Panginoon. Gayundin, isinagawa ng Makapangyarihang Diyos ang paghatol Niya ngayong mga huling araw, na nagpapahayag ng katotohanan para linisin ang sangkatauha

21/01/2026

☘️🌼 Sabi ng Makapangyarihang Diyos:

“Inorden ng Diyos na maging isang ordinaryong manggagawa ang isang tao, at sa buhay na ito, magagawa lamang niyang kumita ng kaunting sahod para pakainin at bihisan ang kanyang sarili, ngunit iginigiit ng kanyang mga magulang na siya ay maging tanyag, mayaman, mataas na opisyal, pinaplano at isinasaayos ang mga bagay-bagay para sa kanyang kinabukasan bago pa siya umabot sa hustong gulang, binabayaran ang iba’t ibang uri ng halaga, sinusubukang kontrolin ang kanyang buhay at kinabukasan. Hindi ba’t kahangalan iyon? (Oo.) … wala namang magulang na nagnanais na makitang nanlilimos ang kanilang mga anak. Gayunpaman, hindi nila kinakailangang igiit na umasenso ang kanilang mga anak at maging mataas na opisyal o prominenteng tao sa mataas na antas ng lipunan. Ano ba ang maganda sa pagiging nasa mataas na antas ng lipunan? Ano ba ang maganda sa pag-asenso? Masalimuot ang mga iyon, hindi maganda. Maganda bang maging tanyag na tao, dakila, superman, o isang taong may posisyon at katayuan? Ang buhay ay pinakamaginhawa kapag isa kang ordinaryong tao. Ano ba ang masama sa pamumuhay nang medyo mas salat, mas mahirap, mas nakakapagod, nang medyo mas pangit ang mga pagkain at damit? Sa pinakamababa, isang bagay ang natitiyak, sapagkat hindi ka namumuhay sa mga kalakarang panlipunan ng mataas na antas ng lipunan, kahit papaano, hindi ka gaanong magkakasala at mababawasan ang mga bagay na ginagawa mo para labanan ang Diyos. Bilang isang ordinaryong tao, hindi ka mahaharap sa napakalaki o madalas na tukso. Bagamat magiging medyo mas mahirap ang buhay mo, hindi naman mapapagod ang iyong espiritu. Isipin mo, bilang isang manggagawa, ang kailangan mo lang alalahanin ay tiyakin na makakakain ka ng tatlong beses sa isang araw. Iba ang sitwasyon kapag ikaw ay isang opisyal. Kailangan mong makipaglaban, at hindi mo malalaman kung kailan darating ang araw na hindi na tiyak ang iyong posisyon. At hindi pa iyon doon natatapos, hahanapin ka ng mga taong sinalungat mo at pagbabayarin ka nila, at parurusahan ka nila. Sobrang nakakapagod ang buhay ng mga tanyag na tao, dakilang tao, at mayayaman. Ang mayayaman ay palaging natatakot na hindi sila magiging napakayaman sa hinaharap, at na hindi nila kakayaning magpatuloy sa buhay kung mangyari iyon. Ang mga tanyag na tao ay palaging nag-aalala na mawawala ang kanilang magandang imahe, at palagi nilang gustong protektahan ito, natatakot na maitiwalag sila ng panahong ito at ng mga kalakaran. Sobrang nakakapagod ng buhay nila! Hindi kailanman malinaw na nauunawaan ng mga magulang ang mga bagay na ito, at palagi nilang gustong itulak ang kanilang mga anak sa gitna ng paghihirap na ito, ipinadadala sila sa mga mapanganib at masalimuot na sitwasyon”

🌻🌻 (Ang Salita, Vol. VI. Ukol sa Paghahangad sa Katotohanan. Paano Sikaping Matamo ang Katotohanan (18)).

🌷🌷mula sa Mga Patotoong Batay sa Karanasan sa Harap ng Luklukan ng Paghatol ni Cristo (Volume VIII)

21/01/2026

👀🍒🍀Siguro minsan napapatanong ka din.🥰
"Bakit 'yung mga taong wala sa Panginoon at namumuhay sa paggawa ng masama, sila pa 'yung yumayaman at mukhang pinapaburan ng tadhana?🤔🤔

"Bakit ako na anak ni Lord na namumuhay nang matuwid, hindi ko maranasan 'yung mga pabor sa kanila?"🤔🤔
Kung ikaw ay isa sa mga nagtatanong nito, gusto kong sabihin sa'yo — ipagpatuloy mo lang ang pamumuhay mo nang matuwid.
Lahat ng nakikita mong saya, pera, at layaw ay hindi makapagliligtas sa mga taong namumuhay sa kasamaan, sa panahon ng problema.
The Bible gave us a hint of what it is that can save us in the middle of the storm.
"Ang taong gumagawa ng masama ay walang katatagan, ngunit ang taong matuwid ay matatag tulad ng isang punongkahoy na malalim ang ugat."
Kawikaan 12:3 ASND
Huwag ka nang mainggit. 'Yang mapaggawa ng masama na tinitingnan mo ngayon, lamang lang 'yan ng yaman. Ikaw lamang ka ng lakas at katatagan na galing sa Panginoon.
Pagdating ng pagsubok. Ikaw ay mananatiling nakatayo dahil sa pamumuhay mo nang matuwid, samantalang sila ay hihilahin ng kanilang kasamaan.
Kaya 'wag magsasawang lumakad sa kabanalan kahit nakakapagod, kahit minsan nakakapanghina. Ang pabor ng Panginoon ay paparating na!
"Huwag kang maiinggit sa mga makasalanan, sa halip igalang mo ang PANGINOON habang nabubuhay ka."
Kawikaan 23:17

TinTin

05/04/2026

23/03/2026

19/02/2026

05/02/2026

04/02/2026

28/01/2026

22/01/2026

21/01/2026

21/01/2026

21/01/2026

Address

Opening Hours

Telephone

Website

Alerts

Contact The Business

Shortcuts

Share

Category

Monday	9am - 5pm
Tuesday	9am - 5pm
Thursday	9am - 5pm
Friday	9am - 5pm