https://www.facebook.com/441847369021504/

Ang Sentro, Villa Olympia Subd., San Pedro (2026)

21/09/2025

𝗔𝗡𝗨𝗡𝗦𝗬𝗢 | Batay sa Facebook post ng ating Gobernador na si Sol Aragones, suspendido ang lahat ng klase sa Laguna sa lahat ng antas, bukas, Setyembre 22. Ito ay nagsisilbing paghahanda para sa paghugupit ng Super Typhoon na "Nando"

Manatiling ligtas, Ecclesiaens!

Isinulat ni: Venice Quindoza

16/09/2025

𝗔𝗡𝗨𝗡𝗦𝗬𝗢 | Batay sa Facebook post ng ating Gobernador na si Sol Aragones, suspendido ang lahat ng klase sa Laguna sa lahat ng antas, bukas, Setyembre 17. Ito ay marahil sa tropical depression na "Mirasol," na kabubuo lamang mula sa pagiging LPA. Inaasahang malakas ang magiging paghagupit nito habang padaan sa hilagang parte ng Luzon.

Manatiling ligtas, Ecclesiaens!

Isinulat ni: Christian Benavides

05/09/2025

𝐏𝐀𝐍𝐈𝐓𝐈𝐊𝐀𝐍 | Turo mo, isasabuhay ko

Habang ang mundo’y abala sa papuri’t palakpak,
ikaw ay nasa anino lamang—
nakangiti sa aming tinatamasa.
Ngunit, ikaw pa rin ang dahilan kung bakit nakarating kami sa aming landas.

Walang parangal sa gabi ng bituin.
Pursigido kang nagbibigay kaalaman,
sa mga batang puno ng pangarap,
para lamang makamit ang kanilang hinaharap.

Sapagkat para sa’yo
ang bawat ngiti ng bata ay sapat na.
Ang bawat “Salamat po, miss,’ ay mas mahalaga pa sa gintong plaka.
Ang bawat “Ah gets ko na po” ay gantimpalang di mapapalitan ng pera

Bagama’t kayo’y nasa anino ng nakararami,
Bagama’t kayo’y hindi masyadong nasisinagan ng pansin,
Huwag kayong mag-alala,
Kami, Ang Sentro, ay saludo sa inyo.

Kung kaya't kami'y nangangako
na sa bawat hakbang, baon nami'y aral mo.
Di lang letra sa pisara ang dadalhin namin,
kundi talino at dangal naming iyong binuo.

Hindi ka trending,
Hindi ka milyonaryo,
Hindi ka manggagamot,
At hindi ka rin “𝒈𝒖𝒓𝒐 𝒍𝒂𝒎𝒂𝒏𝒈”

Isinulat ni: Christian Benavides
Disenyo ni: Jan Carl Berroya

25/08/2025

"𝑨𝒏𝒈 𝒉𝒊𝒏𝒅𝒊 𝒎𝒂𝒓𝒖𝒏𝒐𝒏𝒈 𝒍𝒖𝒎𝒊𝒏𝒈𝒐𝒏 𝒔𝒂 𝒑𝒊𝒏𝒂𝒏𝒈𝒈𝒂𝒍𝒊𝒏𝒈𝒂𝒏 𝒂𝒚 𝒉𝒊𝒏𝒅𝒊 𝒎𝒂𝒌𝒂𝒓𝒂𝒓𝒂𝒕𝒊𝒏𝒈 𝒔𝒂 𝒑𝒂𝒓𝒐𝒓𝒐𝒐𝒏𝒂𝒏."

Kagaya ng sikat na kasabihan ng ating pambansang bayani na si Jose Rizal, atin ngayong bigyang halaga at balikan ang ating pinanggalingan—ang mga naging tagapagtanggol at tagapagsakripisyo para sa ating sambayanan.

Ngayong Araw ng mga Bayani, ating alalahanin ang dugong dumanak mula sa mga taong buong pusong lumaban upang ipagtanggol ang ating bayan laban sa pang-aabuso at kasamaan ng mga mananakop.

Ang mga mamamayan na naging dahilan kung bakit nararanasan at natatamasa natin ngayon ang kapayapaan sa kasalukuyan. Sila rin ang batayan kung bakit may lakas tayong ipaglaban ang ating dangal at kalayaan, sapagkat una na nila itong isinakripisyo alang-alang sa bayan.

Mula sa paggamit ng pluma at pagsusulat ni Rizal, hanggang sa pag-aalsa at pakikibaka ni Bonifacio, at kahit na ang isang dakilang lumpo na si Mabini, ay tila nagawa pa rin nilang maging haligi ng karunungan at patnubay ng rebolusyon.

Sa pagpapatunay ng kanilang mga nagawa para sa bayan, malinaw na sila’y karapat-dapat tawaging 𝐁𝐀𝐘𝐀𝐍𝐈.

Kaya ngayong araw, ating bigyang-pugay ang matatapang na nilalang na handang magpakasakit upang ipaglaban ang ating lupang sinilangan.

Isinulat ni: Lois Castasus
Disenyo ni: Jan Carl Berroya

11/08/2025

𝘼𝙣𝙜 𝙬𝙞𝙠𝙖 𝙖𝙮 𝙝𝙞𝙣𝙙𝙞 𝙡𝙖𝙢𝙖𝙣𝙜 𝙠𝙖𝙨𝙖𝙣𝙜𝙠𝙖𝙥𝙖𝙣 𝙣𝙜 𝙥𝙖𝙠𝙞𝙠𝙞𝙥𝙖𝙜-𝙪𝙨𝙖𝙥 𝙠𝙪𝙣𝙙𝙞 𝙖𝙣𝙜 𝙨𝙖𝙡𝙖𝙢𝙞𝙣 𝙧𝙞𝙣 𝙣𝙜 𝙖𝙩𝙞𝙣𝙜 𝙥𝙖𝙜𝙠𝙖𝙩𝙖𝙤.

Sa bawat “𝑲𝒖𝒎𝒖𝒔𝒕𝒂,” “𝑺𝒂𝒍𝒂𝒎𝒂𝒕,” at “𝑴𝒂𝒈𝒂𝒏𝒅𝒂𝒏𝒈 𝒖𝒎𝒂𝒈𝒂,” ay ating naipapahayag ang damdamin, paggalang, at malasakit sa kapwa. Sa mga simpleng salitang ito, nabubuo ang ugnayan ng mga mamamayan at napapalalim ang diwa ng pagiging Pilipino.

Ang pagpapayabong sa sariling wika ay hakbang tungo sa mas matatag na lipunan. Sa panahon ng mabilis na pagbabago, ang pagpapahalaga sa Filipino at katutubong wika ay nagpapatibay sa ating pagkakakilanlan. Kung kaya't ito rin ay nagsisilbing paalala na ang tunay na kaunlaran ay nagsisimula sa paggalang sa sarili nating kultura.

Ngayong Buwan ng Wika, alalahanin natin na ang wika ay buhay. Hindi ito dapat ikahiya o itago. Bagkus, dapat itong gamitin, pagyamanin, at ipagmalaki. Sapagkat, ang bawat salitang binibigkas natin, ay may kapangyarihang bumuo ng mas maunlad, mas makatao, at mas makabansang Pilipinas. Kaya't ating ipagdiwang ang wikang pamana—ugat ng nakaraan, ilaw ng hinaharap!

Isinulat ni: Riona Plamad
Disenyo ni: Jan Carl Berroya

25/07/2025

Tayo'y nagpapasalamat sa Panginoon sapagkat sa araw na ito ay ang ika-6 na taon na nating pagdiriwang sa National Campus Press Freedom Day. Isang palaala sa kalayaang ipinagkaloob at ipinangako sa atin bilang mga mamamayan ng Kalayaan ng Pilipinas.

Halos kalahating dekada na ang lumipas mula nang lagdaan ang Batas Republika na naggugunita sa Hulyo 25 bilang isang araw ng pagkilala sa karapatan ng kabataang Pilipino na magkaroon ng kalayaan sa pamamamagitan ng campus journalism.

At, halos 129 taon na rin ang nakalilipas nang pinatay si Jose Rizal, ang ating pambansang bayani, dahil sa kaniyang pag-uudyok ng isang rebolusyon sa pamamagitan ng kanyang mga akdang pampanitikan, na nagpapakita ang tunay na epekto ng pagsulat at kung paano ito makatutulong sa pagdadala ng pagbabago.

Ngayon ay mayroon tayong dinadaos katulad nito, maaaring hindi tayo nasa ilalim ng pang-aapi ng mga Espanyol, ngunit ang katotohanan ay inaapi at binabaluktot—minsan o madalas. Maaaring hindi tayo pinagbantaan ng mga baril at armas, ngunit ang ating mga salita ay natatahimik kahit ang tanging hangad lang naman natin ay ang ipagpalaganap ang katotohanan. Kaya huwag nating mamaliitin ang kakayahan ng pagsusulat.

Gayunpaman, bilang mga mag-aaral ng Mater Ecclesiae School Inc. (MES), at mga manunulat, layunin naming isama ang aming mga pananaw at birtud. Upang maging mga: 𝒕𝒂𝒈𝒂𝒑𝒂𝒈𝒉𝒂𝒕𝒊𝒅, 𝒕𝒂𝒈𝒂𝒑𝒂𝒈𝒍𝒊𝒏𝒈𝒌𝒐𝒅, 𝒂𝒕 𝒕𝒂𝒍𝒊𝒃𝒂 𝒏𝒈 𝒌𝒂𝒕𝒐𝒕𝒐𝒉𝒂𝒏𝒂𝒏.

Kaya't ang pagdiriwang ng araw na ito ay pagdiriwang rin ng aming kakayahan upang makamit ang aming layunin.

𝗛𝗮𝗽𝗽𝘆 𝗡𝗮𝘁𝗶𝗼𝗻𝗮𝗹 𝗖𝗮𝗺𝗽𝘂𝘀 𝗣𝗿𝗲𝘀𝘀 𝗙𝗿𝗲𝗲𝗱𝗼𝗺 𝗗𝗮𝘆!

Isinulat ni: James Paul Cabatingan
Disenyo ni: Jan Carl Berroya

24/07/2025

𝗔𝗡𝗨𝗡𝗦𝗬𝗢 | Suspendido muli ang klase dahil sa masamang panahon na dulot ng sa lahat ng antas ng pampubliko at pribadong paaralan, bukas, Hulyo 25. Ito ay ayon sa DOST-PAGASA at iba pang ahensya ng gobyerno.

Tayo ay mag-ingat, Ecclesiaens!

Isinulat ni: Christian Benavides

23/07/2025

𝗔𝗡𝗨𝗡𝗦𝗬𝗢 | Alinsunod sa Department of Interior and Local Government (DILG), walang pasok ang lahat ng antas ng pampubliko at pribadong paaralan sa ilang bahagi ng Luzon, kabilang na ang Laguna, bukas, Hulyo 24. Ito ay dahil sa patuloy na pag-ulan dulot ng Bagyong Dante, Bagyong Emong, at Habagat.

Maging alerto sa balita at manatiling ligtas, Ecclesiaens!

Isinulat ni: Christian Benavides

22/07/2025

𝗔𝗡𝗨𝗡𝗦𝗬𝗢 | Dahil sa masamang panahon at banta sa kaligtasan ng bagyo, suspendido ang pasok sa lahat ng antas ng paaralan at piling apektadong lalawigan kasama na ang Laguna, bukas, Hulyo 23.

Ito ay batay sa opisyal na page ng Presidential Communications Office.

PAALALA:
- Manatiling alerto sa lahat ng balita at updates sa mga page ng mga Opisyal.
- Manatiling nasa loob ng bahay kung hindi kinakailangang lumabas.
- Tingnan lagi ang paligid.

Manatiling ligtas, Ecclesiaens!

Isinulat ni: Christian Benavides

21/07/2025

𝗔𝗡𝗨𝗡𝗦𝗬𝗢 | Ipinahayag ni Gobernador Sol Aragones na suspendido ang lahat ng face-to-face classes sa lahat ng mga publiko at pribadong paaralan na sakop ng Laguna, bukas, Hulyo 22. Ito ay marahil sa patuloy na pagdagsa ng Bagyong Crising.

Tayo ay maging alerto, at updated sa mga announcements.

Manatiling ligtas, Ecclesiaens!

Isinulat ni: Christian Benavides

Ang Sentro

21/09/2025

16/09/2025

05/09/2025

25/08/2025

11/08/2025

25/07/2025

24/07/2025

23/07/2025

22/07/2025

21/07/2025

Address

Website

Alerts

Shortcuts

Share

Category