27/06/2024
๐ ๐ฎ๐น๐ถ๐ด๐ฎ๐๐ฎ๐ป๐ด ๐๐ฎ๐ฝ๐ถ๐๐๐ฎ๐ต๐ฎ๐ป ๐ ๐ฎ๐ต๐ฎ๐น ๐ป๐ฎ ๐๐ป๐ฎ ๐ป๐ด ๐๐ฎ๐ด๐ถ๐ป๐ด ๐ฆ๐ฎ๐ธ๐น๐ผ๐น๐ผ!
Hunyo 27, 2024
๐๐๐ง๐๐ฅ๐๐ง๐ ๐ข๐ง ๐ฉ๐๐ซ๐ ๐ค๐๐ฒ ๐๐ง๐ ๐ง๐ ๐๐๐ ๐ข๐ง๐ ๐๐๐ค๐ฅ๐จ๐ฅ๐จ
Kalinis-linisang Birheng Maria, Ina ng Diyos at Ina ng Santa Iglesia, ikaw ay amin ding Ina ng laging handang sumaklolo sa amin. Taglay ang mga pusong lipos ng pag-ibig sa iyo iniaaalay namin ang aming sarili sa iyong Kalinis-linisang Puso upang kami ay maging tapat mong mga anak. Ihingi mo kami ng tunay na pagsisisi sa aming mga kasalanan at katapatan sa aming ipinangako nang kami ay binyagan.
Iniaalay namin sa iyo ang aming pusoโt kaluluwa upang lagi naming sundin ang kalooban ng aming Ama sa langit. Iniaalay namin sa iyo ang aming buhay upang lalo naming mahalin ang Diyos at mabuhay kami, hindi para sa aming sarili kundi para kay Kristong iyong Anak at upang siyaโy aming makita at paglingkuran sa aming kapwa.
Sa abang pag-aalay na ito, pinakamamahal na Ina ng Laging Saklolo, ipinangangako namin na ang aming buhay ay itutulad namin sa iyo, ikaw na pinakaganap na Kristiyano upang matapos naming mailaan sa iyo ang aming sarili sa buhay at kamatayan ay makapiling nawa kami ng iyong Anak magpakailanman. Amen.
Masintahing Ina,
Ipanalangin mo kami.
Masintahing Ina ng aming Panginoong Hesukristo, Masintahing Ina ng Santa Iglesya, ipanalangin mo po kami.
Ipinagdarasal namin ang aming bayan, ang aming mga pamilya, at ang sambayanang Kristiyano. Tulungan mo kaming magpakatatag sa harap ng pagdurusa. Dagdagan mo ang aming pananampalataya, pag-asa, at pag-ibig. Patibayin mo ang aming ugnayan kay Jesus Nazareno.
Mahal na Ina, ipanalangin mo kami! ๐
Viva La Virgen!
