kab1SCera

kab1SCera Santa Cruz, Sentro ng Pag Unlad! Hango sa salitang “Kabisera,” simbolo kami ng pagiging sentro ng impormasyon at pag-unlad.

Kami ang kab1SCera — ang mata at tainga ng mga mamamayan sa likod ng mga kwento, balita, at kaganapan sa ating mahal na Santa Cruz. Layunin naming iparating ang mga mahahalagang impormasyon, proyekto, at adbokasiya ng bagong administrasyon. Nandito kami upang maghatid ng mga kwento ng pag-asa, aksyon, at pagbabago. Sa kab1SCera, lahat ay may boses, lahat ay kasali sa paglalakbay tungo sa mas maunlad na Santa Cruz!




Lifetime Reward Grant para sa mga Senior Citizen, matagumpay na ipinamahagi ngayong Mayo 30, 2026 sa Barangay Duhat bila...
30/05/2026

Lifetime Reward Grant para sa mga Senior Citizen, matagumpay na ipinamahagi ngayong Mayo 30, 2026 sa Barangay Duhat bilang bahagi ng patuloy na programa ng Lokal na Pamahalaan ng Santa Cruz para sa ating mga minamahal na nakatatanda.

Sa ilalim ng Gender and Development (GAD) Fund, muling ipinakita ang taos-pusong pagkilala at pasasalamat sa mga senior citizen na nagsilbing haligi ng ating komunidad. Ang programang ito ay patunay ng pagpapahalaga ng pamahalaan sa kanilang mga sakripisyo, karunungan, at mahalagang ambag sa pag-unlad ng ating bayan.

Patuloy na magsisikap ang Lokal na Pamahalaan ng Santa Cruz na maghatid ng mga programang may malasakit at makabuluhang benepisyo para sa bawat mamamayan, lalo na sa ating mga lolo at lola na nagsisilbing inspirasyon ng pagkakaisa, katatagan, at pagmamahal sa komunidad.


🔥 PAK NA MAY ISA PANG PAK!! PAKPAK FRIENDS LET’S GO🔥Hindi lang pista ang pista ’pag may ganitong lineup.Pagbati sa ating...
30/05/2026

🔥 PAK NA MAY ISA PANG PAK!!
PAKPAK FRIENDS LET’S GO🔥

Hindi lang pista ang pista ’pag may ganitong lineup.
Pagbati sa ating mga SPECIAL GUESTS:
🦜 Kuya onard birdtricks show
🦜 The Bird Gang
🦜 Bird Alliance Philippines

Tatlong pinakamalupit na bird show sa bansa — iisang entablado, isang araw lang. ’Wag kang magpapahuli!

📍 Kesong Puti Festival 2026 · Santa Cruz, Laguna

Ang sarap bumalik, kahit isang araw lang 'no?Yung mga larong kinalakihan natin. Yung tawanan sa plaza habang papalubog a...
29/05/2026

Ang sarap bumalik, kahit isang araw lang 'no?

Yung mga larong kinalakihan natin. Yung tawanan sa plaza habang papalubog ang araw. Yung saya na hindi mo kailangang i-charge.
Akala natin tuluyan na silang nawala sa panahon.

Pero alam mo ba? Babalik na nga sila. 🥹

Ngayong Kesong Puti Festival 2026, balik sa plaza ang mga laro ng lahi. Para sa mga bata na hindi pa nakakaranas. Para sa atin na sumandali itong malimutan. At para sa mga lolo't lola na unang naglaro nito noon.

Comment mo kung alin dito ang paborito mong laro. 👇

Tapos tag mo yung kalaro mong hindi mo makakalimutan. 👀

📍 Buong detalye, schedule, at registration nasa orig na post. Link sa comments!

29/05/2026

Magkano ang bigas niyo ngayon kada kilo???

Kasi sa June 2, ₱30/kilo lang sa Farmer's Market ng Kabisera!

PAGBABASA NG LIWASANG SAN LUIS GROUND, ISINAGAWA PARA MABAWASAN ANG INIT AT ALIKABOKIsinagawa ng pamahalaang lokal ang p...
28/05/2026

PAGBABASA NG LIWASANG SAN LUIS GROUND, ISINAGAWA PARA MABAWASAN ANG INIT AT ALIKABOK

Isinagawa ng pamahalaang lokal ang pagbabasa ng Liwasang San Luis Ground bilang paghahanda at pagtiyak sa mas maayos na kondisyon ng lugar. Boluntaryong isinagawa ng FCYMAA ang layunin ng hakbang na ito na mabawasan ang matinding init na singaw dulot ng mainit na panahon gayundin ang paglipad ng alikabok sa paligid.

Gumamit ng maliit na fire truck ang FCYMAA sa isinagawang pagbabasa upang maging mas mabilis at maayos ang operasyon nang hindi nakapagdudulot ng matinding pagsisikip ng daloy ng trapiko sa paligid ng lugar.

Patuloy ang pakikipagtulungan ng iba’t ibang tanggapan ng pamahalaang lokal upang masiguro ang kaligtasan, kaayusan, at kaginhawahan ng bawat mamamayan na nakikibahagi sa FCYMAA activities.





27/05/2026

Ang bilis ng BFP!🫡

27/05/2026

INGAT PO SA CALIOS!

27/05/2026

MINSAN LANG MAKAKAIN NG MURA, MASARAP PA! KAYA PALA TRENDING LAGI!

Golden Pastil proves na hindi kailangan mahal para sumaya. Sa ₱40, may flavorful pastil meal ka na swak sa panlasa ng Pinoy. Perfect pang quick meal, merienda, o foodtrip kasama ang barkada pati na ang inyong pamilya!

26/05/2026

Gatid de-clogging

Bunga ng matinding pagbaha na personal na naobserbahan ni Mayor benjo Agarao, pagpasok pa lang ng taong 2026 ay agad na bumuo ng task force na magsasagawa ng inspection, pag-aaral at pagbuo ng mga programa na makatutulong sa mabilis na pagdaloy ng tubig-baha sa sa panahon ng tag-ulan.

Unang binisita ng ating masipag at mahusay na punong-bayan, kasama ang mga pinuno ng tanggapan ng MDRRMO, MEO, at MPDO ang munting gatid na isa sa nakaranas ng matagal na pagbaha noong 2025.
Dito Nakita ang kalagayan ng mga irrigation canal at daang-tubig na sadyang hindi makapagpadaloy ng tubig-baha dahil sa kipot at babaw ng mga canals.
Dahil dito, ito ang naging unang direktiba ni Mayor Benjo sa Waterways Recovery and Rehabilitation Team, ang Agarang pagsasa-ayos ng problema sa baha ng National road sa harap ng Sunstar mall hanggang Munting Gatid patungo sa Bayside, Gatid.


25/05/2026

LEADER NG….. ARESTADO!!

ARESTADO ANG PINAGHIHINALAANG LEADER NG GRUPO NG MGA MAGNANAKAW NG MOTOR

Matapos ang sunod-sunod na reklamo at pangamba ng mga mamamayan, tuluyan nang nadakip nitong Mayo 24, 2026 ang pinaghihinalaang lider ng grupo na sangkot umano sa pagnanakaw ng mga motorsiklo sa iba’t ibang bayan. Marami na umanong nabiktima at napurwisyo ng kanilang ilegal na gawain bago tuluyang mapahinto ang kanilang operasyon.

Isang malaking tagumpay ito para sa kapayapaan at seguridad ng ating komunidad. Taos-pusong pasasalamat kina Mayor Benjo Agarao, sa ating masisipag na PNP, POC, Bantay Bayan, at sa mga mamamayang nakiisa at tumulong upang maisakatuparan ang matagumpay na pagkakaaresto.

Patunay lamang na sa pagkakaisa ng pamahalaan at mamamayan, walang puwang ang kriminalidad sa ating bayan. Patuloy po tayong maging mapagmatyag at makipagtulungan sa mga awtoridad para sa mas ligtas at mapayapang komunidad.


MALIWANAG NA! MAS LILIWANAG PA!!!Masusing inikot at binisita ni Mayor Benjo Agarao ang iba’t ibang bahagi ng bayan ng Sa...
25/05/2026

MALIWANAG NA! MAS LILIWANAG PA!!!

Masusing inikot at binisita ni Mayor Benjo Agarao ang iba’t ibang bahagi ng bayan ng Santa Cruz upang personal na tingnan ang mga inilagay na pailaw at dekorasyon bilang paghahanda sa nalalapit na kapistahan at pagdiriwang ng Kesong Puti Festival.

Binisita rin ang mga tindahan at lokal na negosyo na buong pusong nakikiisa sa selebrasyon, bilang suporta sa pagpapasigla ng kabuhayan at turismo sa ating bayan. Patunay ito ng pagkakaisa at aktibong pakikilahok ng komunidad para sa isang mas makulay at matagumpay na pista.

Kasabay nito, personal ding inspeksyon ni Mayor ang plaza kung saan gaganapin ang iba’t ibang programa at aktibidad na tiyak na aabangan ng mamamayan. Inaasahan ang mas maayos, mas maganda, at mas kapana-panabik na pagdiriwang na may kasamang mga bagong pasabog at sorpresa para sa lahat.

Hindi rin nakaligtaan ang pagtiyak sa seguridad at kaayusan ng bayan upang masiguro ang ligtas, maayos, at masayang pagdiriwang para sa bawat mamamayan at mga bisita.


Address

Gen Callies Street
Santa Cruz
4009

Website

Alerts

Be the first to know and let us send you an email when kab1SCera posts news and promotions. Your email address will not be used for any other purpose, and you can unsubscribe at any time.

Shortcuts

Share

Category