13/04/2026
๐๐๐๐๐ง๐ | ๐ฃ๐ฎ๐ด๐ฏ๐๐ฏ๐๐ธ๐ฎ๐ ๐ป๐ด ๐๐ป๐๐ฟ๐ฎ๐บ๐๐ฟ๐ฎ๐น๐ ๐ฎ๐ฌ๐ฎ๐ฒ, ๐ต๐๐ฑ๐๐ฎ๐ ๐ป๐ด ๐๐ถ๐บ๐๐น๐ฎ ๐ป๐ด ๐๐ธ๐ฎ-๐ฎ๐ญ ๐๐ป๐ถ๐ฏ๐ฒ๐ฟ๐๐ฎ๐ฟ๐๐ผ ๐ป๐ด ๐ฃ๐จ๐ฃ๐ฆ๐ ๐.
Pormal na binuksan ang ika-21 na anibersaryo ng Polytechnic University of the Philippines Santa Maria Campus (PUPSMB) sa pamamagitan ng Intramurals 2026 at pagdiriwang ng National Womenโs Month, na ginanap sa PUPSMB gymnasium nitong ika 24 ng Marso.
Nagsimula ang programa sa panalangin, doxology, at pag-awit ng pambansang awit. Kasunod nito ay ang pambungad na pananalita ni Dr. Arman DC. Santos, Campus Director kung saan binigyang diin niya ang kahalagahan ng temang โSambisig sa Ika-21,โ na sumisimbolo sa pagkakaisa, pagtutulungan, at sama-samang pagharap sa mga hamon bilang isang matatag na komunidad.
Ayon sa kanya, ang selebrasyon ay hindi lamang paggunita sa nakalipas na tagumpay kundi isang hakbang patungo sa mas maliwanag na kinabukasan. Hinikayat din niya ang mga atleta na ipakita ang tiwala sa isaโt isa, pagpapakumbaba sa tagumpay, at dangal sa pagkatalo.
Itinampok din sa programa ang pagbibigay-pugay sa kababaihan bilang mahalagang haligi ng lipunan. Na sinundan ng pagbibigay parangal sa kanilang kontribusyon sa loob at labas ng paaralan, kasabay ng pagpapatibay sa kanilang papel bilang mga lider at inspirasyon.
Samantala, ipinakilala ni Mr. Manuel Miranda Jr. ang panauhing tagapagsalita na si Mrs. Marnelli C. Regua, dating miyembro ng NU Pep Squad. Sa kanyang talumpati, ibinahagi niya ang kanyang karanasan bilang atleta at binigyang-inspirasyon ang mga kabataan sa pamamagitan ng kanyang mensaheng pagpupursige, pananalig, at tiwala sa sarili. Aniya, โPag kaya ko, kaya niyo rin, bastaโt maniwala at huwag susuko.โ
Naging masigla rin ang programa sa dahil sa mga espesyal na pagtatanghal mula sa CCA Salindak, CCA Bahisa, at PUP PEPSquad. Sinundan ito ng seremonya nang pagsisindi ng sulo at panunumpa ng sportsmanship na pinangunahan ni Mrs. Regua.
Nagbigay naman ng mahahalagang paalala para sa mga kalahok si Sir Melchor Manuel, habang nagtapos ang programa sa pangwakas na pananalita ni Jimp Israel Cabuhat. Isinara ang okasyon sa pag-awit ng PUP Hymn at isang masiglang Zumba session.
โ๐ป Mjay Vargas
๐จ Caleb Bataller
