Damdamag ti ili - Sta. Teresita PH

16/09/2025

10/09/2025

ANUNSIO PUBLIKO: a para kadagiti UNEMPLOYED, SENIOR HIGH SCHOOL, GRADUATING STUDENTS ken SANGGUNIANG KABATAAN.

Dagiti mayat ken agkasapulan iti Valid Identification wenno Postal ID agaplay ken agpalista laeng ken ni Post Master Nicole Cabasag iti Post Office Camalaniugan.

Ti nasao a PHLPost Postal ID ket digital layer, wallet- sized PVC plastic with a validity period of three (3) years at minimal rate of php.650.00 ( inclusive of VAT ) for rush Postal ID.

Dagiti kasapulan ( requirements ) nga itugot

a) Proof of Identity: 1. NSO/ LCR Birth Cert. or " IF NO BIRTH CERT." Any two (2) of the ff. SSS, GSIS UMID, LTO Driver's Licence, Passport .

b) Proof of Address: Any of the ff.:
1. Photocopy of Brgy. Clearance or NBI, or Police Clearance ( present original copy) or,
2. Utility/ Billing Account

Required for Married Female: Photocopy of Marriage Contract ( present original ).

Para iti kompleto a detalye kontaken laeng iti CP # 09701025390 or the Area Marketing, Doris Rueco iti CP # 09157961096.

08/09/2025

Dina kaya lalot mahal na ang lahat ng bilihin

08/09/2025

03/09/2025

𝗟𝗢𝗢𝗞 | Hon. Mayor Rodrigo P. De Gracia from the Municipality of Sta. Teresita, Cagayan is first to share their exemplary practices on the implementation of their water supply project funded under FY 2024 SAFPB, noting how their people were given "voice" to shape their vision of development.

According to Mayor De Gracia, upgrading their Level II water system into Level III has seen more households access water through direct connection. Through SAFPB, the LGU was also able to invest in their water treatment facilities and install more pipes, extending the project's service reach.

He also underscored that the initiative started with effective data gathering, and emphasized the importance of collaboration and benchmarking from similar projects.

03/09/2025

Tinulongannak ti naasi, naanus ken managtulong a Mayormi

Kayatko man Appo nga ibinglay ti maysa a padas iti biagko a diakto pulos malipatan babaen iti tulong kaniak ni Apo Mayor Rambo De Gracia, CESE ket bigbigen iti pamilia Noriega--Udam a naimbag a nakem.

Siak ni Rafela Noriega- Udam a taga Barangay Alucao. Nag- OFW. Nag-abroad-nak gapu ti kinarigat iti biagmi. Maysa pay kayatko a makaadal dagiti annakko ken kayatko a rumang-ay met bassit ti pamiliami. Ngem daksanggasat ta nakasarakak iti Amo a nadangkok.

Idi Oktubre 28, 2024, naaprobaran ti papelesko manipud iti agency a nagaplayak--ti Network Management Resources Corp. ket naipanak iti Taif Damman, Saudi Arabia. Idi damo a kaaddak iti pagtaengan dagiti employer-ko, nariknak a naanus ken nasingpetda kaniak ( dagiti agasssawa ). Ngem daytoy tawen 2025 ken iti arinunos ti bulan ti Hulio nadlawko a nagbaliw ti ugali ti amok a babai. Managpungpungtot metten. Saannak met a nagliway ti trabahok iti panagkunak kadakuada. Nagsabalin a namimpinsan ti tratona kaniak. Ket dinak pinakan nga immabot iti walo nga aldaw. Danum laeng iti impapaunegko a nangmantenir iti kapsut ken bisinko. Saanda pay nga inteden ti sueldok iti daytoy a bulan. Innalada pay amin a gamitko. Impakaammok a dagus ken lakayko ti mapaspasamak kaniak. Timmawagak pay iti agency a nagaplayak tapno agpatulongak. Namin adu ngem didak pulos ingkaskaso. Gapu ta awan ti maurayko a tulongda kaniak iti agency a nagaplayak, ingkamang ni lakayko iti Munisipio ti Santa Teresita ken ni Mayor Rambo ti problemak. Segun ken ni lakayko kinontak kano a dagus ni Mayor Rambo ti OWWA-Tuguegarao ket impasiguradona a tulongannak kano iti kasasaadko ditoy Taif Damman. Ket daytoy umuna a lawas ti bulan ti Agosto, diak ninamnama ta pinagsukatnak ti amok a lalaki ta ipannak kano iti embahada ti Filipinas ti Saudi Arabia. Idi addaakon iti opisina ti embahada, diak impagarup nga ited ti amok a lalaki ti buo a sueldok iti bulan ti Hulio. Iti opisina ti embahada, impakaammoda a pagawidendakon iti Filipinas. Naragsakannak ket nalagipko ti kinuna ni lakayko a tulongannak ni Mayor Rambo iti kabiitan a panawen. Dakkel unay ti panagyamanko iti Namarsua ta nangipatakder iti Mayormi a naasi, naanus ken managtulong. Gapu iti tulong ni Mayor Rambo, nakaawidak ditoy Filipinas itay Agosto 12 a sibibiag ken nakasangpetak a nasalun-at iti ilimi. Ipeksak ti dakkel a panagyamanko ken ni Mayor Rambo, ni Apotayo a Dios koma ti mangsupapakto iti kinasayaatmo Sir. Bigbigemmi daytoy nga 'utang na loob' nga impaaymo kaniak ken iti pamiliak a Noriega - Udam family. Kasta met a pagyamanak iti opisina ti MSWDO ni Ma'am Marivic Viesta, iti PESO ni Ma'am Jocelyn Baldiviso ken MAT-Staff / OFW coordinator Ma'am Ginarose Sabalo. Dagitoy nga opisina ti pinusgan ni Mayor Rambo a nangiproseso kadagiti papelesko nga agawid. Ulitek ti agyaman kadakayo amin.

01/09/2025

15/08/2025

𝐔𝐌𝐀𝐘𝐄𝐍 𝐈𝐓𝐈 𝐌𝐀𝐁𝐈𝐈𝐓 | Rummuar iti imprenta iti mabiit ti libro nga 𝘐𝘵𝘪 𝘓𝘶𝘣𝘰𝘯𝘨 𝘋𝘢𝘨𝘪𝘵𝘪 𝘈𝘺𝘶𝘱: 𝘈𝘯𝘵𝘰𝘭𝘰𝘩𝘪𝘢 𝘋𝘢𝘨𝘪𝘵𝘪 𝘈𝘣𝘢𝘣𝘢 𝘢 𝘚𝘢𝘳𝘪𝘵𝘢. Proyekto daytoy ti Editorial, Publication, and Translation Committee ti GUMIL Filipinas.

Inedit da Ariel Sotelo Tabag, Mark Louie Tabunan, ken N.M.E. Valdez
Ladawan iti Akkub: Luce F. Melegrito

Sarita da Juan B. Quimba, Reynaldo A. Duque, Firmo A. Estocapio, Arnold Pascual Jose, Dionisio S. Bulong, Roy V. Aragon, Efren A. Inocencio, Edison B.Tobias, Danilo B. Antalan, ken Minerva B. Orteza

"Sumagmamano kadagitoy a sarita ti mangiladawan iti linteg ti kabakiran. Iti sabali a pannao, no asino ti napigpigsa ken nasiksikap isu ti naturay, mabsog, ken agbayag. Ken di mailibak a tao latta, a kas met maysa nga animal, ti dominante. Nupay kasta, adda met panangpadas a mangiladawan kadagiti naasi ken nadungngo nga among dagiti animal. Dagiti kanito nga arig agkabagian dagiti tao ken ayup, dagitoy dagiti gundaway a maikkat ti beddeng iti nagbaetan ti napigsa ken nakapsut, masirib ken saan a makaawat, dakkel ken bassit, mangmangan ken makakaan. Kadagitoy a gundaway, arigna dardarepdepentayo ti lubong nga agsisilpo amin, saan nga agkikinnaan a kas 𝘧𝘰𝘰𝘥 𝘸𝘦𝘣 no di ket arig agkakabagian nga agsisinnakit—ti inladawan ni Donna Haraway nga 𝘪𝘯𝘵𝘦𝘳/𝘤𝘰𝘮𝘱𝘢𝘯𝘪𝘰𝘯-𝘴𝘱𝘦𝘤𝘪𝘦𝘴 𝘦𝘯𝘵𝘢𝘯𝘨𝘭𝘦𝘮𝘦𝘯𝘵𝘴."
—Manipud iti introduksion a "Panagpanunot iti Sabali a Wagas" ni Mark Louie Tabunan

Php 400 ti maysa
Makiuman kadagiti editor no interesadokayo nga ag-order.