Santiago Ngayon

09/09/2025

TINGNAN: Pinangalanan nina Curlee Discaya at Sarah Discaya ang ilang mambabatas na umano’y sangkot sa mga maanomalyang flood control projects, habang pormal nilang binabawi ang kanilang naunang sinumpaang salaysay.

19/09/2024

In the evolving world of agriculture, the intersection of science and sustainability is leading to a new approach: regenerative agriculture.

FULL STORY:

When science becomes regenerative in agriculture, one maximizes one’s output from the traditional practices to sustain the productivity of the ecosystem. This, in a gist, was how Dr. Saturnina Halos, a renowned biotechnologist, explained “regenerative agriculture,”  which has been correcting ...

28/04/2024

𝗩𝗣 𝗦𝗔𝗥𝗔, 𝗡𝗔𝗡𝗚𝗨𝗡𝗔 𝗦𝗔 𝗣𝗔𝗚𝗞𝗔 𝗣𝗥𝗘𝗦𝗜𝗗𝗘𝗡𝗧𝗘 𝗣𝗔𝗥𝗔 𝗦𝗔 𝟮𝟬𝟮𝟴 𝗘𝗟𝗘𝗖𝗧𝗜𝗢𝗡

Nanguna si Vice President Sara Duterte sa first-quarter presidential survey na isinagawa ng Oculum Research and Analytics.

Nakakuha si Sara ng 42% laban sa walong iba pang mga personalidad batay sa survey na may 3,000 respondents na isinagawa mula Pebrero 21-29, 2024.

Pumangalawa naman si Senator Raffy Tulfo na nakakuha ng 17% na suporta, Pumangatlo naman si dating Vice Presindent Leni Robredo na nakakuha ng 10% na suporta.

Ayon kay Joseph Mercado, chief statistician ng Oculum Research and Analytics, "Nangunguna si Vice President Inday Sara sa 42% na naglalagay sa kanya sa isang matatag na kagustuhan ng publiko na siya ang mamuno sa pinakamataas na posisyon sa ating gobyerno sa 2028 Presidential Election. Ang porsyentong ito ay nagpapahiwatig lang na mataas pa rin ang kompyansa at suporta ng mga tao sa kanya."

Tabla naman sa ika-apat hanggang ika-anim na pwesto si dating Manila Mayor Isko Moreno, Senator Imee Marcos at dating Senator Manny Pacquiao.

Si Senator Robin Padilla naman ay nasa ikapitong puwesto na may 2% na suporta, habang si House Speaker Ferdinand Martin Romualdez naman ay nasa ikawalong puwesto na nakakuha ng 0.4%.

Ang survey ay isinagawa Oculum Research and Analytics katuwang ang Asia-Pacific Consortium of Researchers and Educators Inc.(APCoRE), isang propesyonal na organisasyon ng mga akademiko at mananaliksik, Areopagus Communications Inc., at PressOne.PH, isang verified signatory ng International Fact-Checking Network.

Ayon naman kay Oculum Research Head Racidon Bernarte, mayroong 14% ng respondents ang undecided at mayroong -/+ 2% na marging of error.

Ang Oculum 2024 1st Quarter National Survey ay may kabuuang 3,000 respondents na may edad 18 taong gulang pataas ang nainterbyu nang harapan.

Ang mga respondents ay ipinamahagi sa mga sumusunod na lugar: 335 mula sa National Capital Region, 645 mula sa Northern at Central Luzon, 690 mula sa Southern Luzon, 615 mula sa Visayas, at 715 mula sa Mindanao.

13/05/2022

𝐄𝐃𝐈𝐓𝐎𝐑𝐘𝐀𝐋: 𝐀𝐍𝐆 𝟐 𝐌𝐀𝐘𝐎𝐑 𝐍𝐆 𝐒𝐀𝐍𝐓𝐈𝐀𝐆𝐎 𝐂𝐈𝐓𝐘, 𝐈𝐒𝐀𝐁𝐄𝐋𝐀

Sa katatapos lang na halalan, lumalabas na dalawa ang mayor ngayon ng Santiago City, Isabela dahil hating-hati ang boto ng mga taga-Santiago para kay Sheena Dy, ang uupong mayor na nakakuha ng botong 43,416 (as of May 11) at kay Otep Miranda, ang tinaguriang silent at people’s mayor na nakakuha naman ng 42,631 na boto.

Sa liit ng lamang, sina Sheena Dy at Otep Miranda ang dalawang pinakamaimpluwensiyang tao ngayon sa Santiago.

Kung ikukumpara ang pulitika ng dalawang mayor, si Sheena Dy ay sinuportahan ng kaniyang in-laws, ang makapangyarihang political dynasty ng Isabela na mga Dy.

Masasabing all-out ang suporta ng mga Dy sa kanilang kaanak na si Sheena mula sa makinarya, tao at pera dahil kahit hindi nangampanya si Mayor Sheena at hindi rin bumoto sa kaniyang sarili sa araw ng halalan ay nagawa pa rin nitong manalo. Isang patunay na mga Dy na ang nagpapatakbo ng pulitika dito sa ating lungsod ng Santiago.

Para naman sa tinawag na silent at people’s mayor na si Otep Miranda, sinuportahan siya ng daan-daang volunteers at inendorso ng kapatiran ng INC. Sa unang pagkakataon, nagsama-sama at nagbigay rin ng suporta ang ibang lokal na partido politikal tulad ng Team Coquilla, Team Navarro at Team Aggabao. Ang unity na ito ang naging dahilan kung bakit gahibla lang ang lamang sa pagitan nila Dy at Miranda.

Kung may mga naobserbahan ako sa halalan na ito, ‘yun ay una, napasok na ng mga Dy ang Santiago at sila na ang nagkukumpas at kumokontrol ng pulitika dito sa ating lungsod. Pangalawa, kaya palang tapatan ng sinserong pangangampanya at lakas ng volunteers ang pera. At panghuli, mulat na ang mga taga-Santiago at hand ana nilang ipaglaban ang kinabukasan ng kanilang lungsod.

Bilang isang Santiagueno at matagal nang manunulat ng balita, masasabi ko na ang halalang ito ay isa sa mga hindi makalilimutan at nakatatak na sa kasaysayan ng Santiago dahil sa unang pagkakataon ay hindi lang isa, kundi dalawa ang nanalong mayor…isang nakaupo at isang nasa puso.

12/05/2022

𝐒𝐇𝐄𝐄𝐍𝐀 𝐃𝐘 𝐖𝐈𝐍𝐒 𝐈𝐍 𝐓𝐇𝐄 𝐕𝐎𝐓𝐄-𝐁𝐔𝐘𝐈𝐍𝐆 𝐂𝐀𝐏𝐈𝐓𝐀𝐋 𝐎𝐅 𝐓𝐇𝐄 𝐏𝐇𝐈𝐋𝐈𝐏𝐏𝐈𝐍𝐄𝐒

Panalo ang isang Dy na si Sheena Dy bilang Mayor sa vote-buying capital ng Pilipinas na Santiago, Isabela. Sa botong 43,416 (as of May 11), nanaig ang pera at impluwensiya ng makapangyarihang political dynasty ng nasabing probinsya. Natalo niya ang katunggaling si Otep Miranda na may botong 42,631 at Maui Cornel na nakakuha naman ng 1,704 na boto.

Ayon sa kampo ng nanalong mayor, hindi nila inakala na magiging ganito kadikit at katindi ang magiging laban dahil ilang taon na nilang pinaghaharian ang lungsod at inasahan nila na ‘di bababa sa 80% ng mga taga-Santiago ang boboto sa kanila.

Nagmartsa naman papuntang COMELEC ang mga mahigit 500 taga-suporta ng kalaban ni Dy na si Otep Miranda bilang protesta sa malawakang bilihan ng boto ngayong katatapos lang na halalan. Hiling din ng mga nagprotesta na buksan ang 4,255 rejected votes para malaman kung sino ang totoong nanalong mayor.

Nakaharap at nakausap nila ang Election Officer ng Santiago na si Atty. Wilma Binbinon. Isinumite nila ang mga video, larawan, mga butas na ID ng mga Tan at Dy at iba pang ebidensya ng vote-buying sa lungsod. Pahayag ni Atty. Wilma Binbinon, iimbestigahan daw ng kaniyang opisina ang mga kaso ng vote-buying sa Santiago pati na rin ang isasampa umanong protesta ng mga abogado ni Miranda.

Ayon sa mga nakasaksi sa protesta, ito umano ang unang pagkakataon sa buong kasaysayan ng Santiago na lumabas ang mga Santiagueno para magprotesta at ipaglaban ang kanilang mga boto laban sa angkan ng mga Tan at Dy.

Dagdag pa ng mga residente ng lungsod na nakasaksi sa protesta, sila rin umano nabigla dahil nahati ang boto ng mga taga-Santiago na bihirang-bihira managyari at sa liit ng lamang, sila rin mismo napaisip kung kaninong pangalan ang nakalagay sa 4,255 rejected ballots na hindi isinama ng COMELEC.

08/05/2022

𝐇𝐈𝐆𝐇 𝐀𝐋𝐄𝐑𝐓 𝐒𝐀 𝐒𝐀𝐍𝐓𝐈𝐀𝐆𝐎 𝐂𝐈𝐓𝐘!

Umabot na sa 450 sundalo ang nakadeploy sa Lungsod ng Santiago City dahil sa insidente ng lantarang vote-buying sa lungsod sa pangunguna ng mag tiyuhing Sheena Tan-Dy at Joseph Tan.

Ito ay matapos na humingi ng saklolo ang ilang residente sa Hacienda Candelaria Resort sa Barangay Patul dahil ayaw silang palabasin sa mga buying stations ng mga kawani nina Sheena Tan-Dy at Joseph Tan.

Kaagad naman nagtungo ang mga sundalo sa nasabing lugar at narescue ang hindi baba sa 30 indibiwal.

Isang lider din nina Sheena Tan - Dy at Joseph Tan ang hinuli ng kapulisan at ng mga sundalo matapos mahulihan ng mga indelible ink na gagamitin sa pagbili ng boto ng mga kalabang partido ng mga Tan at Dy upang hindi na sila bumoto bukas.

Hinuli din ng mga sundalo ang hindi baba sa 10 indibidwal na nakapila kanina sa labas ng Brostan Compound matapos may magreklamo na may nagaganap na bilihan ng boto sa lugar.

Nagpaalala naman ang COMELEC, na hindi sila titigil hangga't walang napapanagot sa lantarang bilihan at bentahan ng boto.

07/05/2022

𝐈𝐒𝐀𝐍𝐆 𝐇𝐈𝐍𝐈𝐇𝐈𝐍𝐀𝐋𝐀𝐍𝐆 𝐅𝐋𝐘𝐈𝐍𝐆 𝐕𝐎𝐓𝐄𝐑, 𝐍𝐀𝐓𝐀𝐆𝐏𝐔𝐀𝐍𝐆 𝐏𝐀𝐓𝐀𝐘!

Nilalangaw na nang matagpuan ang isang walang buhay na bangkay ng lalaki sa Brgy. Balintocatoc.

Ayon sa paunang imbestigasyon at written statement ng saksi, ang biktima raw ay kaniyang kaibigan. Pareho raw silang residente ng Echague, Isabela at napagkasunduan lamang na sumama sa Santiago para kumita ng pera bilang flying voter sa kasalukuyang Mayor na si Joseph Tan at pamangkin nitong si Cong. Sheena Tan. Dagdag pa ng witness, magkasama pa raw sila nung gabi bago ito mawala. Nagpaalam daw ang biktima sa kaniya na uuwi dahil natakot umano siya na mahuli at makilala ng mga kapulisan kapag nalamang hindi residente ng Santiago at isang flying voter. Kung kaya't nagpaaalam ito na uuwi na sa kanila sa Echague ngunit makalipas ang dalawang araw ay wala pang balita ang kaibigan at kakilala nito sa biktima.

Wala na umanong pera sa wallet ang biktima matapos itong makita ng mga kapulisan.

Minabuti namang itago ng pulisya ang iba pang pagkakakilanlan sa biktima habang gumugulong ang imbestigasyon. Naipagbigay alam na rin daw ng mga pulis sa mga kaanak ng biktima ang sinapit ng kanilang mahal sa buhay.

05/05/2022

𝐀𝐓𝐓𝐘. 𝐆𝐈𝐆𝐈 𝐀𝐆𝐆𝐀𝐁𝐀𝐎, 𝐈𝐍𝐄𝐍𝐃𝐎𝐑𝐒𝐎 𝐒𝐈 𝐎𝐓𝐄𝐏 𝐌𝐈𝐑𝐀𝐍𝐃𝐀 𝐒𝐀 𝐏𝐀𝐆𝐊𝐀-𝐌𝐀𝐘𝐎𝐑

Sa isinagawang press briefing at Facebook Live ni Atty. Gigi B. Aggabao, pormal niyang inendorso si Otep Miranda sa pagka-alkalde ng ating lungsod.

Ayon kay Atty. Aggabao, marami ang nagtatanong sa kanya kung sino ang kanyang i-eendorso matapos siyang hindi payagan ng COMELEC na tumakbo bilang alkalde ng lungsod.

Isa sa naging pinakamataas na pamantayan niya sa pagpili ng nararapat na lingkod bayan sa ating Lungsod ay dapat isang Pilipino na nararamdaman at alam kung ano ang pangangailangan ng isang Santiageño.

Ayon kay Atty. Aggabao, Chinese at hindi totoong Pilipino ang mayoralty candidate na si Cong. Sheena Tan-Dy dahil ang kaniyang ama at ina ay parehong Intsik na nabigong iparehistro ang kanilang pagka-Pilipino. Sa katunayab, may nakabinbing kaso sa Kongreso laban kay Cong. Sheena Tan-Dy tungkol sa nationality nito.

Dagdag pa niya, kinakailangan ang isang lider na uupo sa ating lungsod ay walang bahid na katiwalian at kasalanan lalo na sa pag gamit ng goons, baril at salapi upang makamtan lamang ang tagumpay.

Ipinaliwanag din niya ang kinasangkutan ni Congresswoman Sheena Tan-Dy na ayon mismo kay Pangulong Rodrigo Roa Duterte ay isa sa pinaka korap na Kongresista sa buong bansa. Malaking kahihiyan din umano ito sa ating Lungsod dahil sa unang termino pa lang niya ay nasangkot na ito sa iba't ibang maling gawain tulad ng korapsyon.

Nanawagan din si Atty Gigi Aggabao sa kanyang mga taga-suporta na wag i-boycot ang pagboto sa posisyon ng Mayor bagkus iboto si Otep Miranda na nakikita niyang malaki ang pagbabago at pag-asenso ng lungsod sa kanyang magiging pamumuno.

Nagpaalala rin si Atty. Aggabao na wag maniniwala sa pananakot ng kabilang kampo na malalaman nila kung sino ang kanilang ibinoto. Wala umanong kakayahan at hindi papayagan ng COMELEC na tingnan ng mga watchers ang kanilang mga balota.

Sa huli, hinimok ni Atty. Gigi Aggabao ang kanyang mga tagasuporta at mga hindi pa nakakapili ng kanilang iboboto ngayong darating na eleksyon na magsama-sama at magtulungan para sa pag-ahon ng ating lungsod.

05/05/2022

𝗣𝗔𝗡𝗢𝗢𝗥𝗜𝗡: 𝗦𝗨𝗡𝗢𝗚 𝗦𝗔 𝗕𝗔𝗟𝗔𝗠𝗕𝗔𝗡 𝗧𝗥𝗔𝗗𝗘 𝗙𝗔𝗜𝗥

Tinupok ng apoy kaninang madaling araw ang mga stalls sa Balamban Trade Fair.

Ayon sa inisyal na imbestigasyon, kapabayaan ng mga organizer ang pinagmulan ng sunog dahil sa mga octopus connection ng mga kuryente na hindi kinaya ng mga extension ng mga stall owner.

Marami tuloy sa mga store owners ang nalungkot dahil bukod sa wala silang naisalbang mga produkto na kanilang binebenta sa trade fair ay luging lugi sila sa taas ng upa sa pwesto.

Nanawagan din ang ilang mga stall owners ng tulong mula sa Pamahalaang Lungsod ng Santiago sa pangunguna ni Mayor Joseph Tan ngunit ayon sa mga tauhan ng cityhall ay wala si Mayor Tan sa Santiago at nangangampanya sa Jones.

Hindi tuloy maiwasang tanungin ng ibang stall owners kung P300M ang budget ng Balamban Trade Fair bakit hindi man lang inayos ng organizers ang lugar. Halata raw kasing tinipid at di pinaghandaan.

04/05/2022

𝗣𝗔𝗡𝗢𝗢𝗥𝗜𝗡: Lantarang vote-buying nga Team Kaisa Ka sa pangunguna ni Mayor Joseph Tan at Congresswoman Sheena Tan-Dy huling-huli sa video.

Kitang kita ang ilang mga empleyado pa mismo ng cityhall ang nagbibigay paalala sa mga botante kung ano ang gagawin sa darating na eleksyon.

Kitang kita din ang lantarang vote-buying na isinasagawa nila upang mapanatili sa pwesto ang mandarambong na mag tiyuhing sina Mayor Joseph Tan at Congresswoman Sheena Tan-Dy.

Matatandaang ilang beses pinaulit-ulit ni President Rodrigo Duterte ang pangalan ni Congresswoman Sheena Tan-Dy na pinaka corrupt na kongresista sa buong bansa.

04/05/2022

TINGNAN: Kampo ni Mayoralty Candidate Otep Miranda, naghain ng pormal na reklamo sa Commission on Election (COMELEC) - Santiago tungkol sa mga issue ng hakutan at lantarang vote-buying sa iba't ibang barangay sa Lungsod ng Santiago ng kampo ni Joseph Tan at Sheena Tan-Dy.

Wala pa namang pormal na pahayag ang kampo nina Tan at Dy tungkol sa issue.

02/05/2022

𝐊𝐈𝐊𝐎 𝐃𝐘, 𝐇𝐀𝐍𝐃𝐀𝐍𝐆 𝐈𝐖𝐀𝐍 𝐀𝐍𝐆 𝐄𝐂𝐇𝐀𝐆𝐔𝐄 𝐏𝐀𝐑𝐀 𝐌𝐀𝐆𝐈𝐍𝐆 𝐂𝐈𝐓𝐘 𝐀𝐃𝐌𝐈𝐍𝐈𝐒𝐓𝐑𝐀𝐓𝐎𝐑 𝐍𝐆 𝐒𝐀𝐍𝐓𝐈𝐀𝐆𝐎 𝐊𝐔𝐍𝐆 𝐒𝐀𝐊𝐀𝐋𝐈𝐍𝐆 𝐌𝐀𝐍𝐀𝐋𝐎 𝐒𝐈 𝐒𝐇𝐄𝐄𝐍𝐀 𝐓𝐀𝐍-𝐃𝐘

Isang rebelasyon ang binunyag sa amin ng malapit sa pamilya Dy na handa umanong iwan ni Kiko Dy ang pagka alkalde ng bayan ng Echague kung sakaling manalo si Sheena Tan-Dy sa Lungsod ng Santiago.

Ayon sa aming source, napagusapan umano ito bago manganak si Sheena para makita at malaman ng mga Dy kung paano ipinapatakbo ang Lungsod ng Santiago.

Pinagaaralan din umano ng Pamilya Dy ang mga transaksyon at mga contractor na ginagamit ng Lungsod ng Santiago para sa mga proyektong pang imprastraktura nito.

Pinaplano din nilang magsulong ng isang resolusyon sa Kongreso na gawing Lone District na ang Lungsod ng Santiago at humiwalay na ito sa ika-apat na distrito para mapaghatian na ni Joseph Tan at Sheena Tan-Dy ang pagiging kongresista.

Nais umano ng mga Dy na magpalakas at mas makilala sa Lungsod ng Santiago dahil hindi pa nila ito nahahawakan kabilang ang bayan ng Jones.