03/08/2026
BALITA: NC pormal na binuksan ang selebrasyon ng Buwan ng Wika, isinulong ang pagmamahal sa Wikang Filipino at Kulturang Pilipino
Pormal na binuksan ng Northeastern College (NC) ang pagdiriwang ng Buwan ng Wika 2026 na pinangunahan ng Kolehiyo ng Edukasyon at Kapisanan ng mga Magaaral na Nagtataguyod ng Pamanang Lahi (KAMPL) sa pamamagitan ng isang makabuluhang programa na nagbigay-diin sa mahalagang papel ng wikang Filipino sa makabagong panahon ng teknolohiya at pananaliksik. May temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon," hinikayat ng institusyon ang akademikong komunidad na yakapin ang inobasyon habang pinananatiling buhay ang pambansang wika at kulturang Pilipino, Agosto 3.
Ang pagbubukas ng selebrasyon ay dinaluhan ng mga administrador, g**o, kawani, at mga mag-aaral, bilang hudyat ng isang buwang serye ng mga gawaing pangwika at pangkultura na naglalayong palalimin ang pagpapahalaga sa wikang Filipino sa gitna ng mabilis na pag-unlad ng artificial intelligence (AI) at digital na teknolohiya.
Sa kanyang pambungad na pananalita, binigyang-diin ni Darius King Galo, MAEd, LPT, ang kahalagahan ng pagdiriwang ng Buwan ng Wika sa panahon ng digitalisasyon. Aniya, nananatiling mahalagang saligan ng pagkakakilanlang Pilipino ang wikang Filipino at nararapat lamang na ito ay gamitin at paunlarin kasabay ng mga makabagong teknolohiya.
Isinagawa rin ang Panunumpa sa Tungkulin ng mga opisyal ng KAMPL sa pangunguna ni Marlon Jay B. Baysa, MPA, Direktor ng Pangsangay ng Mag-aaral. Ang panunumpa ay sumisimbolo sa kanilang pangakong pangunahan ang mga programang magsusulong ng paggamit ng wikang Filipino, pagpapayaman ng panitikan, at pagpapalakas ng kamalayang pangkultura sa loob ng pamantasan.
Nagkaroon ng makulay na pagtatanghal ng mga katutubong sayaw mula sa ibaโt-ibang departamento na sumasalamin sa mayamang kultura at tradisyon ng Pilipinas.
Kaagapay ng programang ito ang United Nations Sustainable Development Goal (SDG) 4: Quality Education, sa pagtataguyod ng inklusibo at dekalidad na edukasyon sa pamamagitan ng pagpapalakas ng literasiya, pananaliksik, at digital na kakayahan, gayundin ang SDG 9: Industry, Innovation and Infrastructure, sa responsableng paggamit ng artificial intelligence bilang kasangkapan sa paglikha at pagpapalaganap ng kaalaman habang pinangangalagaan ang wikang Filipino bilang mahalagang yaman ng bansa.
Photos by Jefferson Macarubbo, Louie Siclot, Hannah Scott Moreno,Raymond Iglesia, Andrea Limos
----------------------------------------
For more updates, follow us on our official social media accounts.
Youtube/Facebook: Intelligencer's The Minter
Tiktok/Instagram:
Email: [email protected]
'sTheMinterDIGITAL
