XFM Santiago

19/09/2025

𝗡𝗔𝗦𝗔 𝟴𝟬𝟬 𝗡𝗔 𝗘𝗦𝗧𝗨𝗗𝗬𝗔𝗡𝗧𝗘 𝗦𝗔 𝗖𝗜𝗧𝗬 𝗢𝗙 𝗜𝗟𝗔𝗚𝗔𝗡, 𝗧𝗨𝗠𝗔𝗡𝗚𝗚𝗔𝗣 𝗡𝗚 𝗛𝗜𝗚𝗜𝗧 ₱𝟭𝟮,𝟬𝟬𝟬 𝗕𝗔𝗪𝗔𝗧 𝗜𝗦𝗔

SANTIAGO CITY — Natanggap na ng walong daan (800) na estudyante sa lungsod ng Ilagan ang educational assistance mula sa Pamahalaang Lungsod at Department of Labor and Employment (DOLE) Isabela.

Tumanggap ang bawat isang mag-aaral ng nasa kabuuang ₱12,300 kung saan ₱4,920 dito ang ipinamahagi ng DOLE habang ₱7,380 naman ang ipinagkaloob ng LGU Ilagan.

Ang mga estudyante ay sumailalim sa Special Program for Employment of Students (SPES) ng ahensya kung saan itinalaga ang mga ito sa iba’t ibang tanggapan ng pamahalaan bilang interns.

Isinagawa ang pay-out nitong araw ng Miyerkules, Setyembre 17, sa Ilagan Community Center.

Ang nasabing programa ng ahensya upang magbigay agapay sa mga kabataan para sakanilang pag-aaral at makakuha ng karanasan at kasanayan habang ipinagpapatuloy ang kanilang pag-aaral.

Naglaan naman ang lokal na pamahalaan ng Ilagan ng nasabing tulong pinansyal na layong makatulong sa gastusin hindi lamang ng mga estudyante kundi maging ng mga magulang at sa patuloy nitong adhikain na sa lungsod ng Ilagan ay walang sektor ng lipunan ang mapag-iiwanan.

Ang balitang ito ay hatid sa inyo ng Yes2Health Products:

19/09/2025

𝗣𝗥𝗢𝗝𝗘𝗖𝗧 𝗔𝗕𝗞𝗗 𝗡𝗚 𝗣𝗘𝗖𝗨 𝗜𝗦𝗔𝗕𝗘𝗟𝗔, 𝗟𝗨𝗠𝗔𝗥𝗚𝗔 𝗦𝗔 𝗚𝗔𝗠𝗨, 𝗜𝗦𝗔𝗕𝗘𝗟𝗔; 𝗛𝗜𝗚𝗜𝗧 𝟰𝟬𝟬 𝗙𝗔𝗖𝗨𝗟𝗧𝗬 𝗔𝗧 𝗠𝗔𝗚-𝗔𝗔𝗥𝗔𝗟, 𝗡𝗔𝗞𝗜𝗟𝗔𝗛𝗢𝗞

SANTIAGO CITY — Aktibong nakiisa ang nasa kabuuang apatna raan at dalawamput dalawa (422) na faculty at mga mag-aaral sa ikinasang lektura at Simulation Exercise on Bomb Evacuation ng Provincial EOD and Canine Unit (PECU) Isabela.

Ginanap ang aktibidad sa Gamu Rural School Annex, Junction Upi, Gamu, ISabela.

Ito ay bahagi ng Project ABKD (Awareness of Bomb that Kills Lives & Destroy Properties) ng specialized unit ng pulisya.

Isa ang nasabing hakbang ng kapulisan upang bigyan ng tamang kaalaman at kamalayan ang publiko kaugnay ng insidente ng banta ng pagpapasabog ng bomba.

Matatandaan na isinagawa kamakailan ang coordination meeting sa pagitan ng Isabela Police Provincial Office, Provincial EOD and Canine Unit, at Schools Division Office Isabela upang tugunan ang magkakasunod na pagbabanta ng pagpapasabog sa mga paaralan sa lalawigan ng Isabela.

Samantala, umabot na sa labinlimang insidente ng pagbabanta ng pagpapasabog ng bomba sa buong lalawigan ng Isabela mula Enero hanggang sa kasalukuyan.

Ang balitang ito ay hatid sa inyo ng Yes2Health Products:

19/09/2025

𝗛𝗜𝗚𝗜𝗧 𝟯𝟬𝟬 𝗞𝗔𝗧𝗔𝗢 𝗦𝗔 𝗖𝗜𝗧𝗬 𝗢𝗙 𝗜𝗟𝗔𝗚𝗔𝗡, 𝗡𝗔𝗞𝗜𝗟𝗔𝗛𝗢𝗞 𝗦𝗔 𝗕𝗢𝗠𝗕 𝗔𝗪𝗔𝗥𝗘𝗡𝗘𝗦𝗦 𝗟𝗘𝗖𝗧𝗨𝗥𝗘 𝗔𝗧 𝗦𝗜𝗠𝗨𝗟𝗔𝗧𝗜𝗢𝗡 𝗡𝗚 𝗣𝗘𝗖𝗨 𝗜𝗦𝗔𝗕𝗘𝗟𝗔

SANTIAGO CITY — Nasa kabuuang tatlong daan at dalawamput apat (324) na indibidwal ang aktibong nakiisa sa ikinasang lektura at Simulation Exercise on Bomb Evacuation ng Provincial EOD and Canine Unit (PECU) Isabela.

Ang nasabing mga kalahok ay sumailalim sa Saver Team Training na ginanap sa Camp Castelo, Program and Training Center, Osmeña, City of Ilagan, Isabela

Ito ay bahagi ng Project ABKD (Awareness of Bomb that Kills Lives & Destroy Properties) ng specialized unit ng pulisya.

Isa ang nasabing hakbang ng kapulisan upang bigyan ng tamang kaalaman at kamalayan ang publiko kaugnay ng insidente ng banta ng pagpapasabog ng bomba.

Matatandaan na isinagawa ang coordination meeting kamakailan sa pagitan ng Isabela Police Provincial Office, Provincial EOD and Canine Unit, at Schools Division Office Isabela upang tugunan ang magkakasunod na pagbabanta ng pagpapasabog sa mga paaralan sa lalawigan ng Isabela.

Ang balitang ito ay hatid sa inyo ng Yes2Health Products:

19/09/2025

𝗡𝗔𝗜𝗧𝗔𝗧𝗔𝗟𝗔𝗡𝗚 𝗞𝗔𝗦𝗢 𝗡𝗚 𝗕𝗢𝗠𝗕 𝗧𝗛𝗥𝗘𝗔𝗧 𝗦𝗔 𝗜𝗦𝗔𝗕𝗘𝗟𝗔, 𝗨𝗠𝗔𝗕𝗢𝗧 𝗡𝗔 𝗦𝗔 𝟭𝟱

SANTIAGO CITY — Umabot na sa labinlimang insidente ng pagbabanta ng pagpapasabog ng bomba sa buong lalawigan ng Isabela ang naitatala ng Provincial EOD and Canine Unit (PECU) Isabela.

Sa impormasyon na nakuha ng 104.9 XFM Santiago, ang nasabing bilang ay naitala mula Enero hanggang sa kasalukuyan.

Matatandaan na sa nakalipas na mga buwan ay nagsunud-sunod ang insidente ng bomb threat sa iba’t ibang mga bayan sa probinsya ng Isabela.

Pagpasok pa lamang ng kasalukuyang buwan, sunud-sunod na binulabog ng bomb threat ang ilang secondary school, mga pribadong kolehiyo, at pamantasang unibersidad sa magkakahiwalay na bayan kabilang ang Cabatuan, Cauayan City, Echague, at San Mateo.

Lahat ng lugar na nakapagtala ng kaso ng pagbabanta ng pagpapasabog ay kumpirmado namang negatibo sa anumang uri ng explosive device.

Ang mga ipinadadalang bomb threat ay itinuturing na seryosong bagay ng mga awtoridad kaya’t kagyat na rumeresponde at nagsasagawa ng mabusising operasyon sa bisinidad upang matiyak ang kaligtasan ng lahat.

Bilang tugon ay nagkaroon ng coordination meeting ang IPPO, PECU Isabela, at SDO Isabela upang talakayin ang nagaganap na pagbabanta ng pagpapasabog ng bomba sa mga paaralan at ilang nga hakbang ang binuo sa pagitan ng mga ahensya upang tugunan ang ganitong mga insidente.

Ang balitang ito ay hatid sa inyo ng Yes2Health Products:

19/09/2025

𝗣𝗡𝗣 𝗔𝗧 𝗦𝗗𝗢 𝗜𝗦𝗔𝗕𝗘𝗟𝗔, 𝗦𝗔𝗡𝗜𝗕 𝗣𝗪𝗘𝗥𝗦𝗔 𝗦𝗔 𝗣𝗔𝗚𝗧𝗨𝗚𝗢𝗡 𝗦𝗔 𝗠𝗔𝗚𝗞𝗔𝗞𝗔𝗦𝗨𝗡𝗢𝗗 𝗡𝗔 𝗞𝗔𝗦𝗢 𝗡𝗚 𝗠𝗚𝗔 𝗕𝗢𝗠𝗕 𝗧𝗛𝗥𝗘𝗔𝗧

SANTIAGO CITY — Masinsinang tinalakay sa isang pagpupulong ang mga nagaganap na magkakasunod na pagbabanta ng pagpapasabog ng bomba sa mga paaralan sa lalawigan ng Isabela.

Isinagawa ang coordination meeting sa pagitan ng Isabela Police Provincial Office (IPPO), Provincial EOD and Canine Unit (PECU), at Schools Division Office (SDO).

Present sa nasabing pulong ay si PCol Lee Allen Bauding, Provincial Director ng IPPO; kasama ang Provincial Command and Quad Staff, Chief PIO; PECU Isabela; at kinatawan ng SDO Isabela na sina Mr. Jesus Antonio, Chief, Education Supervisor, at Mr. Kris Dela Cruz, Division DRRM Coordinator.

Kabilang sa tinalakay ay ang mga hakbang upang tugunan ang mga insidente ng bomb threat kabilang ang pagkasa ng mga bomb threat awareness seminar sa mga paaralan, angkop na komunikasyon sa mga awtoridad, at mas maigting na presensya ng pulisya sa mga paaralan.

Samantala, batay sa datos ay umabot na sa labinlimang insidente ng pagbabanta ng pagpapasabog ng bomba sa buong lalawigan ng Isabela ang naitatala ng Provincial EOD and Canine Unit (PECU) mula Enero hanggang sa kasalukuyan.

Lahat ng insidente bomb threat ay kalimitang naitatala sa mga paaralan at unibersidad sa probinsya.

Ang balitang ito ay hatid sa inyo ng Yes2Health Products:

19/09/2025

𝗛𝗜𝗚𝗜𝗧 𝟱𝟬𝟬 𝗔𝗥𝗠𝗔𝗦, 𝗡𝗔𝗦𝗔𝗠𝗦𝗔𝗠 𝗡𝗚 𝗣𝗡𝗣 𝗜𝗦𝗔𝗕𝗘𝗟𝗔 𝗦𝗔 𝗧𝗔𝗢𝗡𝗚 𝗞𝗔𝗦𝗔𝗟𝗨𝗞𝗨𝗬𝗔𝗡

SANTIAGO CITY — Pumalo sa limang daan at pitumput anim (576) na mga armas ang nakumpiska at isinuko sa Isabela Police Provincial Office (IPPO) sa loob ng walong buwan ng taong kasalukuyan.

Sa impormasyon na ibinahagi ng IPPO batay sa ulat ng Provincial Operation Management Unit (POMU), nasa 58 operasyon na ang naikasa sa iba’t ibang bayan sa lalawigan kung saan 63 ang naaresto at 55 armas ang nakumpiska.

Sa nabaggit na kabuuang bilang, 22 indibidwal ang nasakote sa ikinasang buy-bust operations, 2 ang naaresto sa mga nakalatag na checkpoint sa ilalim ng Oplan Bakal-Sita; isa sa pamamagitan ng entrapment; 23 sa police response; siyam sa paghahain ng search warrant, at isa sa bisa ng warrant of arrest.

Umabot sa 268 armas naman ang idiniposito sa kustodiya ng pulisya habang hinihintay ng mga may-ari ang pag-renew ng kanilang License to Own and Possess Firearm (LTOPF). Bukod dito, umabot naman sa 253 armas ang boluntaryong isinuko sa iba’t ibang mga barangay sa probinsya.

Ang mga numeron ito ay itinuturing na tagumpay ng PNP Isabela sa pinaigting na kampanya laban sa loose fi****ms.

Sa pamamagitan ng mga nakumpiska, isinuko, at idiniposito na mga armas ay sumasalamin sa patuloy na pagpapanatili ng Isabela Cops ng kapayapaan at kaayusan sa nasasakupan nito.

Ang balitang ito ay hatid sa inyo ng Yes2Health Products:

19/09/2025

𝗠𝗚𝗔 𝗣𝗗𝗟 𝗡𝗚 𝗜𝗟𝗔𝗚𝗔𝗡 𝗖𝗜𝗧𝗬 𝗗𝗜𝗦𝗧𝗥𝗜𝗖𝗧 𝗝𝗔𝗜𝗟, 𝗦𝗨𝗠𝗔𝗜𝗟𝗔𝗟𝗜𝗠 𝗦𝗔 𝗥𝗘𝗚𝗨𝗟𝗔𝗥 𝗡𝗔 𝗞𝗢𝗡𝗦𝗨𝗟𝗧𝗔𝗦𝗬𝗢𝗡𝗚 𝗠𝗘𝗗𝗜𝗞𝗔𝗟

SANTIAGO CITY — Muling lumarga ang konsultasyong medikal para sa mga Persons Deprived of Liberty (PDL) sa Ilagan City District Jail.

Ito ay araw-araw na isinasagawa ng jail nurse kabilang dito ang nursing rounds upang pangasiwaan ang mga gamot at bitamina para sa mga PDL. Kabilang din ang Blood Pressure monitoring at konsultasyon.

Maliban dito, binibigyang pagkakataon din ang mga PDL na magpaaraw at makalanghap ng sariwang hangin maging physical activities sa bisinidad ng ahensya.

Ang ganutkng mga aktibidad ay para sa kapakanan ng mga PDL sa aspetong mental at pisikal nilang kalusugan.

Mahigpit namang pinangangasiwaan ng mga Jail Officer ang pagsasagawa ng ganitong mga aktibidad upang masiguro pa nasusunod ang disiplina at integridad ng tanggapan.

Ang balitang ito ay hatid sa inyo ng Yes2Health Products:

19/09/2025

ASINTADO kasama si KATROPANG JV VIOLA
(SEPTEMBER 19, 2025)

Ang Programang ito ay hatid ng:

19/09/2025

TINGNAN: Naghahanda na ang Pamahalaang Panlalawigan ng Isabela sa posibleng epekto ng , na inaasahang lalakas at magiging bagyo sa Sabado.

Sa pre-disaster risk assessment na ginanap ngayong araw sa Isabela Emergency Operations Center, sinabi ni Provincial Disaster Risk Reduction and Management Officer Atty. Constante A. Foronda Jr. na nasa Blue Alert status ang lalawigan.

Photos: Isabela Pio

19/09/2025

19/09/2025

BRICE HERNANDEZ HUMARAP SA ICI

Kumpirmado ng Independent Commission for Infrastructure (ICI) na dumalo sa pagdinig ngayong Biyernes, Sept. 19, si Brice Hernandez, dating assistant engineer ng DPWH Bulacan 1st District.

Ayon kay ICI Chairman Andres Reyes Jr., mula pa sa simula ay malaya at tapat na sumagot si Hernandez sa lahat ng tanong.

Dagdag pa ng komisyon, ipinakita nito ang buong kooperasyon sa imbestigasyon.

via XFM 99.5 Mega Manila

19/09/2025

𝗕𝗦𝗣 𝗡𝗜𝗟𝗜𝗠𝗜𝗧𝗔𝗛𝗔𝗡 𝗔𝗡𝗚 𝗖𝗔𝗦𝗛 𝗧𝗥𝗔𝗡𝗦𝗔𝗖𝗧𝗜𝗢𝗡𝗦

Nilimitahan ng Bangko Sentral ng Pilipinas (BSP) ang halaga ng cash transactions hanggang P500,000 simula Sept. 18.

Layon nito na labanan ang money laundering at iba pang ilegal na gawain.

Ayon sa BSP, anumang cash transaction na lalampas sa P500,000 ay dapat dumaan sa traceable channels tulad ng checks, online transfers, direct credit, o digital payments.

Sakop ng limitasyong ito ang isang malaking transaction o pinagsamang halaga ng multiple transactions sa loob ng isang araw.

via XFM 99.5 Mega Manila