https://www.facebook.com/131777010015822/

Boses ng Santiagueño, Tandang Sora Street Barangay Victory Norte, Santiago (2025)

26/09/2025

TINGNAN: ₱200M D**E SA CULASI, ANTIQUE, GUMUHO SA GITNA NG BAGYONG OMPONG

Gumuho ang bahagi ng ₱200-milyong d**e project sa bayan ng Culasi, Antique nitong Biyernes, Setyembre 26, kasabay ng pananalasa ng bagyong Ompong.

Itinulak ang proyekto noong 2018 ni Sen. Loren Legarda upang solusyonan ang pagbaha sa bayan, at na-award sa IBC International Builders Corporation na pagmamay-ari ni Cong. James “Jojo” Ang Jr. ng Uswag Ilonggo Partylist. Kilala ring matagal nang magkaibigan sina Legarda at Ang, dahilan ng mga tanong sa social media hinggil sa integridad at kalidad ng proyekto.

Iniimbestigahan na ng DPWH at lokal na pamahalaan ang sanhi ng pagguho.

23/09/2025

USWAG ILONGGO REP. JOJO ANG, INIULAT NA MISMONG NAG-UTOS KAY ENGR. CALALO NA MANGHINGI NG DONASYON PARA KAY CONG. LEVISTE

Lumitaw ang mas mabigat na alegasyon laban kay Uswag Ilonggo Partylist Rep. James “Jojo” Ang Jr. matapos ihayag ni Batangas 1st District Engineer Abelardo Calalo na mismong si Ang ang nag-utos sa kanya na mangolekta ng tinaguriang “donasyon” mula sa mga kontratista sa Batangas.

Sa kanyang counter-affidavit na inihain sa Senate Blue Ribbon Committee at sa mismong pagharap sa harap ni Senator Loren Legarda, sinabi ni Calalo na malinaw na iniutos ni Rep. Ang ang paghingi ng kontribusyon mula sa mga kontratista upang umano’y maipasa kay Batangas 1st District Congressman Leandro Leviste.

“Mismong si Congressman Jojo Ang po ang nagsabi sa akin na kumuha ng donasyon sa mga kontratista at ibigay ito kay Cong. Leviste,” pahayag ni Calalo sa kanyang salaysay.

Ayon kay Calalo, ang perang nakuha sa kanyang pagkakaaresto ay hindi suhol para kay Leviste, kundi bahagi ng tinatawag na donation scheme na ipinag-utos ni Ang. Ang rebelasyong ito ay nagdulot ng malaking katanungan at pagdududa, lalo na nang aminin niyang matapos ang kanilang pag-uusap ay agad binura ni Rep. Ang ang kanyang mga mensahe sa Viber chat — isang hakbang na nagpalakas sa hinalang may tinatago sa naturang transaksyon.

Samantala, kinumpirma rin ng mga kontratistang sina Sara at Curlee Discaya na si Rep. Ang ang isa sa mga mambabatas na umano’y nakinabang mula sa bahagi ng pondo ng mga flood control project, bagay na sumusuporta sa pahayag ni Calalo.

Ang pagkakatugma ng testimonya nina Calalo at ng mag-asawang Discaya ay nakikita ngayon bilang mahalagang ebidensya laban kay Rep. Ang, na mas lalong nag-uugnay sa kanya sa isyu ng anomalya sa mga flood control projects.

Kasabay nito, iginiit ng mga Discaya ang kanilang kahandaang magsilbing state witnesses at humiling ng proteksyon para sa kanilang pamilya, dahil na rin sa bigat ng kanilang isiniwalat laban sa kongresista.

Sa puntong ito, higit pang lumalakas ang panawagan para sa masinsinang imbestigasyon, lalo’t mismong si Rep. Ang umano ang nag-utos kay Engineer Calalo sa harap ng isang senador na mangalap ng pondo mula sa mga kontratista para sa kapwa kongresista.

21/09/2025

MALAKIHANG PROTESTA KONTRA KORAPSYON, UNANG MALAKING HAMON KAY PNP CHIEF NARTATEZ

Habang inaasahan ang libu-libong lalahok sa mga kilos-protesta kontra korapsyon ngayong Setyembre 21, 2025 sa iba’t ibang pangunahing lungsod sa bansa, nakatuon ang lahat ng mata kay Police Lieutenant General Jose Melencio “Tateng” Nartatez Jr., bagong hepe ng Philippine National Police (PNP).

Para sa marami, ito ang magiging sukatan kung paano niya haharapin ang kanyang unang malaking hamon bilang pinuno ng higit 200,000 pulis sa bansa, isang pagkakataon na maaaring magpatibay sa kanyang liderato o magsilbing mabigat na pagsubok sa simula ng kanyang panunungkulan.

Naging maugong ang pangalan ni Nartatez matapos ang biglaang pagbibitiw ni dating PNP Chief General Nicolas Torre III noong Agosto 2025. Mula noon, nasalang siya sa masusing pagsusuri ng publiko.

Isang produkto ng Philippine Military Academy (PMA) Tanglaw-Diwa Class of 1992, si Nartatez ay tahimik na umangat sa serbisyo sa loob ng mahigit tatlong dekada. Bago pa man italaga bilang hepe ng PNP, siya ay nagsilbing direktor ng National Capital Region Police Office (NCRPO), Directorate for Intelligence, at kamakailan ay Deputy Chief for Administration.

Kilala siya ng mga kasamahan bilang isang matatag at hindi maingay na opisyal na inuuna ang resulta at kalidad ng operasyon kaysa sa palabas. Isa sa mga ipinagpapatuloy niyang programa ay ang five-minute response policy na naglalayong tiyakin ang mabilis na pagresponde ng kapulisan, isang hakbang na mahalaga para sa mas epektibong presensya ng pulisya sa mga komunidad.

Gayunpaman, malaki ang inaasahan ng publiko. Sa harap ng mga protesta, kailangang ipakita ni Nartatez ang kakayahang balansehin ang pagpapanatili ng kaayusan at ang pagrespeto sa karapatan ng mamamayan na magpahayag ng saloobin.

Mariin din niyang tinutulan ang kontrobersyal na “quota arrests,” na aniya’y labag sa prinsipyo ng hustisya. Sa halip, iginiit niyang mas bibigyang-diin ang intelligence-driven at quality-focused operations na nakatuon sa integridad at tamang proseso, hindi sa bilang ng mga inaresto.

Para kay Nartatez, ang mga protesta ay hindi lamang hamon kundi pagkakataon upang ipakita na ang PNP ay maaaring maging haligi ng demokrasya at tiwala ng mamamayan. Sa panahong patuloy na sinusubok ang imahe ng pulisya dahil sa mga isyu ng korapsyon at pang-aabuso, ang kanyang pamumuno ay maaaring magsilbing daan tungo sa pagbabalik ng respeto at kumpiyansa ng publiko.

09/09/2025

TINGNAN: Pinangalanan nina Curlee Discaya at Sarah Discaya ang ilang mambabatas na umano’y sangkot sa mga maanomalyang flood control projects, habang pormal nilang binabawi ang kanilang naunang sinumpaang salaysay.

27/05/2025

𝗔𝗧𝗧𝗬. 𝗛𝗔𝗥𝗢𝗟𝗗 𝗥𝗘𝗦𝗣𝗜𝗖𝗜𝗢, 𝗡𝗔𝗚𝗛𝗔𝗜𝗡 𝗡𝗚 𝗥𝗘𝗞𝗟𝗔𝗠𝗢 𝗦𝗔 𝗞𝗢𝗥𝗧𝗘 𝗦𝗨𝗣𝗥𝗘𝗠𝗔 𝗟𝗔𝗕𝗔𝗡 𝗦𝗔 𝗖𝗢𝗠𝗘𝗟𝗘𝗖 𝗞𝗔𝗨𝗚𝗡𝗔𝗬 𝗦𝗔 𝗠𝗔𝗟𝗔𝗪𝗔𝗞𝗔𝗡𝗚 𝗗𝗔𝗬𝗔𝗔𝗡 𝗦𝗔 𝟮𝟬𝟮𝟱 𝗛𝗔𝗟𝗔𝗟𝗔𝗡

Sa kabila ng kanyang pagkapanalo bilang bagong halal na Bise Alkalde ng Reina Mercedes, Isabela, naghain ng reklamo sa Korte Suprema si Atty. Harold Respicio laban sa Commission on Elections (Comelec) kaugnay ng umano’y malawakang dayaan at kawalan ng transparency sa katatapos na 2025 midterm elections.

Ayon kay Atty. Respicio, kilalang abogado at eksperto sa information technology, may seryosong iregularidad sa sistema ng pagbibilang ng boto. Isa sa kanyang mga pangunahing binigyang-diin ay ang umano’y kawalan ng transparency ng mga server ng Comelec, at ang mismong pag-amin ng mga opisyal ng ahensya na sila mismo ang “nagpoproseso ng mga boto” — isang hakbang na, ayon sa kanya, ay lumilihis sa itinatakdang awtomatikong sistema ng halalan.

“Bilang isang abogado at IT expert, hindi ko maaaring balewalain ang mga nakitang butas sa proseso. Hindi sapat na sabihin nilang walang dayaan — dapat itong mapatunayan sa pamamagitan ng bukas at independiyenteng imbestigasyon,” pahayag ni Atty. Respicio matapos ang kanyang paghahain ng reklamo.

Dagdag pa niya, ang layunin ng Automated Election System (AES) ay upang tanggalin ang human intervention sa pagbibilang ng boto at tiyakin ang integridad ng resulta. Ngunit sa halip, lumilitaw na mismong ang Comelec ang kumokontrol sa processing, bagay na mariing kinondena ni Respicio.

Kasama sa kanyang inihaing reklamo ay ang kahilingan para sa isang malawakang audit ng buong election system, pati na rin ang paglalabas ng source codes, server logs, at mga detalye ng data transmission upang maberipika kung may manipulasyon o anomalya sa mga boto.

Nanawagan din si Atty. Respicio sa Korte Suprema na maglabas ng Temporary Restraining Order (TRO) upang pigilan ang Comelec sa pag-delete o pag-manipula ng anumang election-related data habang isinasagawa ang imbestigasyon.

“Hindi ito laban ng natalo, kundi laban ng taong nanalo pero hindi mapalagay ang loob dahil sa sistemang malinaw na may tinatago,” giit ni Respicio.

Marami sa kanyang mga tagasuporta at kapwa abogado ang nagpahayag ng suporta, at nananawagan ng masusing imbestigasyon upang maibalik ang tiwala ng publiko sa Comelec at sa mismong proseso ng halalan.

Samantala, wala pang opisyal na pahayag ang Comelec kaugnay ng kasong isinampa ni Respicio. Inaasahang magsasagawa ng preliminary conference ang Korte Suprema sa mga susunod na linggo upang pag-usapan ang reklamo.

27/05/2025

𝗠𝗔𝗟𝗜𝗡𝗔𝗪 𝗡𝗔 𝗘𝗕𝗜𝗗𝗘𝗡𝗦𝗬𝗔 𝗡𝗚 𝗣𝗢𝗦𝗜𝗕𝗟𝗘𝗡𝗚 𝗗𝗔𝗬𝗔𝗔𝗡 𝗦𝗔 𝗛𝗔𝗟𝗔𝗟𝗔𝗡 𝟮𝟬𝟮𝟱, 𝗟𝗨𝗠𝗔𝗕𝗔𝗦 𝗠𝗨𝗟𝗔 𝗦𝗔 𝗕𝗔𝗬𝗔𝗡 𝗡𝗚 𝗕𝗔𝗡𝗔𝗬𝗢𝗬𝗢, 𝗜𝗟𝗢𝗖𝗢𝗦 𝗦𝗨𝗥

Isang nakakabahalang pangyayari ang bumungad sa publiko matapos ilabas ang ebidensya ng posibleng manipulasyon sa resulta ng halalan sa Bayan ng Banayoyo, Ilocos Sur noong May 12-13, 2025. Sa nasabing eleksyon, dalawang kandidato ang naglaban para sa posisyon ng alkalde: si Nestor Felix at si Alex Galanga.

Bandang alas-10:14 ng gabi noong Mayo 12, 2025, malinaw sa talaan na lamang si Nestor Felix na may 3,251 boto, kumpara kay Alex Galanga na may 2,360 boto — isang agwat na 891 na boto. (Tingnan ang Larawan 1.)

Ngunit makalipas ang mahigit dalawang oras na umano'y "glitch" sa sistema ng COMELEC, kung saan tinanggal umano ang 5 milyong boto na nadoble ang pagbilang, nagulat ang mga taga-Banayoyo nang bumaba ang boto ni Felix ng 501, na naging 2,750 na lamang. Samantalang, tumaas pa ng 131 ang boto ni Galanga at umabot sa 2,491. (Tingnan ang Larawan 2.)

Kung totoo man ang dahilan ng COMELEC na nagkaroon ng duplication sa Election Returns (ERs), dapat ay pantay-pantay ang pagbabawas ng boto sa lahat ng kandidato. Ngunit sa kasong ito, tila si Felix lamang ang nabawasan ng malaking bilang, habang nadagdagan pa ang boto ng katunggali niyang si Galanga — isang bagay na hindi maipaliwanag ng simpleng "glitch."

Sa pinakahuling tala noong 4:48AM ng Mayo 13, 2025, matapos ang 100% transmission ng resulta mula sa 15 presinto sa Banayoyo, lumabas na si Alex Galanga na ang nanalo sa pagka-alkalde na may 3,009 boto, tinalo si Nestor Felix na may 2,911 boto — isang manipis na lamang na 98 boto. (Tingnan ang Larawan 3.)

Ang pangyayaring ito ay nagdulot ng matinding pag-aalinlangan sa integridad ng Automated Election System (AES) ng COMELEC. Ayon sa mga tagamasid, hindi ito maaaring ituring na "isolated case" sapagkat ang parehong AES ang ginamit sa buong bansa. Kung nagawa ito sa Banayoyo, Ilocos Sur — isang maliit na bayan — hindi malayong mangyari ito sa iba pang bahagi ng Pilipinas.

Nanawagan ngayon ang mga mamamayan at tagapagtanggol ng malinis na halalan sa COMELEC na agarang magpaliwanag at magsagawa ng malalimang imbestigasyon sa insidenteng ito. Sa isang demokrasya, ang karapatan ng bawat Pilipino na bumoto at ang integridad ng eleksyon ay hindi dapat binabale-wala.

Ang taumbayan ay may karapatang malaman ang katotohanan.

15/05/2025

"𝗧𝗔𝗣𝗢𝗦 𝗡𝗔 𝗣𝗢 𝗔𝗡𝗚 𝗕𝗜𝗚𝗔𝗬𝗔𝗡": 𝗡𝗔𝗞𝗔𝗞𝗔𝗟𝗨𝗡𝗚𝗞𝗢𝗧 𝗡𝗔 𝗟𝗔𝗥𝗔𝗪𝗔𝗡 𝗡𝗚 𝗣𝗨𝗟𝗜𝗧𝗜𝗞𝗔 𝗦𝗔 𝗦𝗔𝗡𝗧𝗜𝗔𝗚𝗢

𝗧𝗜𝗡𝗚𝗡𝗔𝗡: Isang araw matapos ang halalan, marami pa rin ang nagtangkang pumila sa labas ng bahay ng mga Tan, umaasang makukuha na ang ipinangakong bayad kapalit ng kanilang boto. Ngunit ang sumalubong sa kanila ay isang malaking papel na may nakasulat na: “Tapos na po ang Bigayan.”

Ang eksenang ito ay agad na nakunan ng larawan ng isang concerned citizen at kumalat sa social media—larawan ng pagkadismaya at desperasyon, ngunit higit sa lahat, larawan ng kung paanong ginagawang hayok sa pera ang mamamayan sa ngalan ng kapangyarihan.

Ayon sa ilang pumila, naipangako umano sa kanila ang karagdagang ₱1,000 kapag manalo si Mayor Sheena Tan sa halalan. “Sinabi sa amin na pagkatapos ng botohan ibibigay, pero eto kami ngayon—wala nang pakialam sa amin,” ayon sa isang matandang babaeng nakaabang sa labas.

Nasaktuhan pa na papasok ng compound ang sasakyan ni Nilo Tan, kamag-anak ni Mayor Sheena pero hindi tulad noong kampanya, wala na itong pakialam sa mga taong nakapila.

Ayon sa ilang mga saksi, marami sa mga nakapila ay mga matatanda at kabataan, umaasang makatatanggap ng kahit kaunting halaga matapos umano silang mangampanya at bumoto para sa kandidaturang suportado ng pamilya Tan.

Para sa mga mamamayan ng Santiago, ang nakapaskil na “Tapos na po ang bigayan” ay paalala na sa mata ng mga tiwaling politiko, hindi ang serbisyo kundi ang boto ang may halaga—at iyon ay may expiration date.

11/05/2025

𝗦𝗧𝗨𝗕 𝗣𝗔𝗥𝗔 𝗦𝗔 𝗩𝗢𝗧𝗘 𝗕𝗨𝗬𝗜𝗡𝗚 𝗛𝗜𝗡𝗗𝗜 𝗡𝗔 𝗜𝗕𝗜𝗡𝗜𝗕𝗜𝗚𝗔𝗬 𝗦𝗔 𝗜𝗟𝗔𝗡𝗚 𝗕𝗔𝗥𝗔𝗡𝗚𝗔𝗬 - 𝗣𝗔𝗚𝗛𝗔𝗛𝗔𝗧𝗜-𝗛𝗔𝗧𝗜𝗔𝗡 𝗡𝗔 𝗟𝗔𝗠𝗔𝗡𝗚 𝗜𝗧𝗢 𝗡𝗚 𝗕𝗔𝗥𝗔𝗡𝗚𝗔𝗬 𝗢𝗙𝗙𝗜𝗖𝗜𝗔𝗟

PANOORIN: Umani ng batikos online ang Barangay Malvar matapos mag-viral ang reklamo ng ilang residente na nagtungo sa barangay hall upang kunin ang kanilang "stub"—na umano’y bahagi ng vote-buying operation para sa kandidaturang muling pagtakbo ni Mayor Sheena Tan-Dy—ngunit hindi na ito ibinigay ng mga tauhan ng barangay.

Ayon sa mga residente, sinabihan umano sila na hindi na sila bibigyan ng stub dahil tinagurian silang tagasuporta ng kabilang kampo, kahit pa wala namang matibay na basehan ang akusasyon. Marami sa kanila ang nagpakita ng matinding pagkadismaya, lalo’t inabala na nila ang sarili para makuha ang ipinangakong halaga kapalit ng boto.

Batay sa impormasyong nakuha ng aming team mula sa isang source sa loob ng barangay, ilang kapitan na mismo ang umayaw sa pamimigay ng stub, dahil tiwala raw sila na panalo na si Mayor Sheena kahit hindi na gumastos pa ng husto.

“Ang natitirang pera na dapat sana ay para sa mga botante, ay pinagpaplanuhan na umanong paghati-hatian ng ilang empleyado ng barangay kasama si kapitan,” ayon sa source.

Nag-viral ang naturang insidente matapos i-post ng isang residente ang video at karanasan niya sa social media, na ngayon ay umabot na sa libo-libong views, shares, at comments. Marami ang nagtatanong kung saan napupunta ang pondo na dapat ay para sa mga botanteng ‘binayaran’ ng kampo ni Mayor Sheena, at kung bakit tila naging tahimik ang mga otoridad ukol dito.

11/05/2025

Muling tingnan ang sitwasyon ng 4 Lanes Market na nagkakahalaga ng tumataging-ting na P700 Milyong piso, kalunos-lunos at nakakadismaya.

Kung nakonsulta at napagplanuhan lang sana, hindi maaaksaya.

Isang halimbawa ng proyektong pinagkupitan lang para sa halalan, reklamo ng mga nagtitinda, sobrang lugi na sila.

10/05/2025

𝗠𝗔𝗟𝗔𝗪𝗔𝗞𝗔𝗡𝗚 𝗩𝗢𝗧𝗘 𝗕𝗨𝗬𝗜𝗡𝗚 𝗦𝗔 𝗦𝗔𝗡𝗧𝗜𝗔𝗚𝗢 𝗖𝗜𝗧𝗬, 𝗧𝗜𝗟𝗔 𝗪𝗔𝗟𝗔𝗡𝗚 𝗔𝗞𝗦𝗬𝗢𝗡 𝗠𝗨𝗟𝗔 𝗦𝗔 𝗖𝗢𝗠𝗘𝗟𝗘𝗖; 𝗦𝗜𝗠𝗕𝗔𝗛𝗔𝗡 𝗔𝗧 𝗥𝗘𝗦𝗜𝗗𝗘𝗡𝗧𝗘, 𝗡𝗔𝗚𝗣𝗔𝗛𝗔𝗬𝗔𝗚 𝗡𝗚 𝗣𝗔𝗚𝗞𝗢𝗡𝗗𝗘𝗡𝗔

Umiinit ang mga usapin hinggil sa malawakang vote buying sa lungsod, ngunit tila nananatiling bulag, p**i at bingi ang COMELEC Santiago sa pamumuno ni Atty. Jenny May G. Gutierrez. Sa kabila ng mga ulat at reklamo mula sa mga residente, nananatiling tahimik at walang ginagawang aksyon ang naturang opisyal.

Ayon sa ilang residente, abala pa umano si Atty. Gutierrez sa pagla-like ng mga litrato at post ni Mayor Sheena Tan-Dy sa social media, partikular sa Facebook account nito. Dahil dito, marami ang nagsasabing hindi niya ginagampanan ng maayos ang kanyang tungkulin bilang tagapangasiwa ng eleksyon sa lungsod.

Hindi rin nakaligtas sa batikos ang mga barangay kapitan na umano’y nangunguna pa sa pamamahagi ng pera kapalit ng boto. Kinundena ito ng ilang mga lider ng simbahan, na nagsabing nakakabahala ang ganitong sistema lalo na at tila hinahayaan lamang ng mga otoridad.

Bukod sa vote buying, nagrereklamo rin ang mga residente na pati sa pamimigay ng pera ay may pinipili. "Kung noon ayuda ang pinipili, ngayon pati sa bentahan ng boto ay pinipili pa rin," ani ng isang residente na nagpadala ng kanyang hinaing.

Sa gitna ng mga eskandalong ito, isang mayoral candidate ang nag-alok ng ₱100,000 sa sinumang magbibigay ng matibay na ebidensya ng malawakang vote buying. Ito ay upang mapanagot ang mga nasa likod ng paglabag sa election laws at maibalik ang integridad ng halalan sa lungsod.

Hanggang sa ngayon, hinihintay pa rin ng publiko ang anumang hakbang mula sa COMELEC Santiago na patuloy na pinipilit ilihis ang mata sa mga nangyayaring katiwalian sa paligid nila.

10/05/2025

𝗟𝗜𝗦𝗧𝗔𝗛𝗔𝗡 𝗡𝗚 𝗜𝗡𝗖, 𝗦𝗛𝗘𝗘𝗡𝗔 𝗗𝗬 𝗟𝗔𝗡𝗚 𝗔𝗡𝗚 𝗗𝗜𝗡𝗔𝗟𝗔, 𝗝𝗢𝗦𝗘𝗣𝗛 𝗔𝗧 𝗝𝗔𝗠𝗔𝗬𝗡𝗘 𝗧𝗔𝗡 - 𝗟𝗔𝗚𝗟𝗔𝗚

Mainit na pinag-uusapan ngayon ang paglabas ng opisyal na listahan ng Iglesia ni Cristo (INC) para sa nalalapit na halalan kung saan si Mayor Sheena Tan-Dy lamang ang kanilang opisyal na kandidato sa Santiago City. Kapansin-pansin na hindi kasama sa endorsement ang kandidatura nina Joseph Tan (Congressional candidate) at Jamayne Tan (Vice Mayor bet).

Mula sa source na naglabas ng listahan, malinaw na blangko o walang pangalan ang nakalagay para sa mga posisyon ng Congressman at Vice Mayor, na agad naging sentro ng mga ispekulasyon sa lungsod.

Ayon sa isang insider mula sa Kapitolyo ng Isabela, pinakiusapan umano ni Vice Governor Bojie Dy si Eduardo V. Manalo, Tagapamahalang Pangkalahatan ng INC, na huwag suportahan ang mga Tan ngayong eleksyon. Lumikha ito ng ingay lalo’t matagal nang bulong-bulungan na nalalapit nang mapasailalim sa kontrol ng mga Dy ang Santiago City, ang lungsod na matagal na nilang pinupuntirya ngunit hindi mapasok-pasok.

Marami rin ang nagsasabing prayoridad ni Mayor Sheena Tan-Dy ang kaniyang asawa na si Faustino Dy at mga anak kaya sunod-sunuran na lamang umano siya sa nasabing isyu. Dahil dito, nakikita ng ilang observers na magiging kontrolado na ng mga Dy ang mga kaganapan sa mga susunod na halalan sa lungsod dahil unti-unti nang iniitsapwera sina Cong. Joseph Tan at Jamayne Tan sa Santiago.

Samantala, umani rin ng batikos mula sa ilang netizens ang INC dahil sa tila pabagu-bagong pamantayan sa pag-endorso. “Noong 2022, sabungero ang ini-endorso, tapos ngayon corrupt at magnanakaw naman. May standards ba talaga ang INC?” tanong ng isang netizen sa comment section ng balitang ito, na agad sinang-ayunan ng marami.

09/05/2025

PAMIMIGAY NG PERA NI MAYOR SHEENA TAN-DY, ILAN UMANO'Y PEKE ANG NATANGGAP

Usap-usapan ngayon sa social media ang umano’y pamimigay ng pera ni Mayor Sheena Tan-Dy kaugnay sa isyu ng vote-buying, ngunit ang higit na ikinagulat ng publiko ay ang alegasyong peke umano ang ilan sa mga ipinamigay na salapi.

Sa isang viral post ng isang residente mula sa Lungsod ng Santiago, ikinuwento nito na nakatanggap siya ng ₱1,000 mula sa kampo ni Mayora ngunit nang magamit na sa tindahan ay napag-alamang peke pala ang pera.

“Akala ko blessing, yun pala scam din. Peke ang natanggap naming pera mula sa kampo ni Mayora,” ayon sa post ng residente na mabilis na nag-trending.

Agad namang napuno ang comment section ng kapwa residente na nagsasabing nakakuha rin sila ng ₱500 na peke. Marami ang nagpahayag ng pagkadismaya at galit, lalo’t umano’y hindi lang ito simpleng isyu ng vote-buying kundi may kasamang panloloko pa sa mga tumatanggap.

Boses ng Santiagueño

26/09/2025

23/09/2025

21/09/2025

09/09/2025

27/05/2025

27/05/2025

15/05/2025

11/05/2025

11/05/2025

10/05/2025

10/05/2025

09/05/2025

Address

Website

Alerts

Shortcuts

Share

Category