Maikling Tula

18/08/2021

*
walang permanente sa ating mundo
lahat nawawala, lahat nagbabago
kalikasan, hayop at maging tayong mga tao
nag-iiba, nagbabago kahit na anong gawin mo.
*
sa nakakabasa at makakabasa
ikaw na ang bahalang humusga
kung ang punto ko dito ay tama talaga
ikaw na ang bahala, ikaw na ang magsalita.
*
matagal ko na kasi iyang napuna
ngayon naisulat sapagkat ako"y abala
marami lang akong inuuna
mga bagay na napakahalaga.

19/07/2021

*
Wala na akong paglagyan
Wala na akong masabihan
Kahit sa kaliwa ko at kanan
May nakadagan, may nakaharang.
*
Paano kaya paano kaya
Nila makikita ang ginagagawa kong tama
Hindi ko kasi alam kung saan ilalagay pa
Ang sarili kong lugmok na lugmok na.

08/02/2021

*
Ikaw ay isa ng saradong libro
Sa buhay namin ng anak mo
Pero iyan ay bubuksan ko
At sa kanya'y aking ikukwento.
*
Sa kanya'y aking ikukwento
Kung bakit at paano
Sasabihin ko lahat ang totoo
Ang totoong kwento kung bakit nagkawalaan tayo.

14/01/2021

*
Muli ko pong pinapaalam
Na ang inyong nababasa ay hango sa tunay na karanasan
Ito lang po ang aking paraan
Upang kahit papaano'y mabawasan
Ang bigat ng aking nararamdaman...

14/01/2021

*
Simula noong tayo'y mga bata pa
Hanggang ngayo'y aking dala-dala
Ang pagka-inggit ko sa inyong dalawa
Hanggang ngayon, iyan ang aking nadarama.
*
Masakit man kailangan kung tanggapin
Masakit man kailangan kung harapin
Kahit nasasaktan na ang aking damdamin
Ganoon na talaga siguro ang kapalaran natin.

11/01/2021

*
Bumabalik na naman
Ang aking nararamdaman
Kaya dito ko na lang ulit idadaan
Sapagkat wala akong mapagsabihan.
*
Dito ko na lang idadaan
Para kahit papano ay maibsan
Ang bigat at sakit na nararamdaman
Mula sa aking nakikita at naoobserbahan.
*
Mababaw man para sa iba
Pero para sa akin ay napakahalaga
Lalo na at iyo'y hindi ko nakuha
Simula noong ako'y nag-uumpisa.
*
Ito rin ay isang ugaling Pilipino
At hindi mawala wala kahit na kanino
Yan man ay iba o kadugo mo
Hindi mawawala at tiyak ay isa ka dito.
*
Ang ugaling ito ang aking nararanasan
Simula pa noong aking kabataan
At hanggang ngayon ay aking nararanasan
Hanggang ngayon, hanggang sa kasalukuyan.
*
Ang ugaling tinutukoy ko
Ay nasa bawat isa nating mga tao
Mahirap ka man o edukado
Tiyak na meron kang pagka-INGGIT sa kapwa mo.
*
Iyan ang aking nararanasan
Hanggang sa kasalukuyan
Iyan ang aking naranasan
Kahit noong aking kabataan.

28/12/2020

14/12/2020

*
Nakakalungkot ang parating na pasko
Hindi dahil wala kang pera o trabaho
Nakakalungkot ngayong pasko
Dahil ang pangarap kung pamilya ay hindi buo.

06/12/2020

*
tila isang rekado
hindi nawawala kahit na kanino
meron ka at meron ako
at meron din kahit matatalinong tao.
*
kasama na natin noon pa man
kahit na noong panahon ni Eba at Adan
hindi nawala hanggang sa kasalukuyan
at hanggang ngayon ay ating pasan-pasan.
*
mabigat man o magaan
kailangan mong sulosyunan
ito rin ang isang paraan
para tumibay ka sa anumang laban.
*
sabi nga kapag wala ka nito
ikaw ay isang abnormal na tao
iyan ang malimit na marinig ko
sa lahat ng taong nakakasalamuha ko.
*
ang aking tinutukoy at pinupunto
ay ang pinagdadaanan mo
na pinagdadaanan ko
at pinagdadaanan ng kahit na sino.
*
kung iyong naintindihan aking kaibigan
ang ibig kung sabihin ay mag-iwan ka lang
nang LIKE o COMMENT at babasahin ko yan
maraming salamat po at see you next time.

27/11/2020

*
pilit kong binubura
ang iyong mga alaala
pilit kong binubura
pero laging andon ka.
*
sana nga ay merong pindutan
ng tulad sa keyboard para isang pindot lang
ng tulad sa cellphone na may backspace naman
sana'y meron nga para madali kang kalimutan.
*
pipilitin at kakayanin ko
para makabangon sa sakit na dulot mo
mahirap man ay kakayanin ko
ang kalimutan ka ng diretso.

25/11/2020

*
nais ko lang humingi ng pang-unawa
sapagkat ako'y matagal nawala
may mahalaga lang pong inuna
kaya ngayon lang nagpakita.
*
nais ko ring pasalamatan
kayong lahat mga kaibigan
hayaan n'yo at aking susubukan
sumulat kahit maikli lang.

25/11/2020

HASHTAG NARIYAN ANG PANGULO

I. 1987 KONSTITUSYON

Dapat ay alam ang nilagdaan
Ang tinatapakan sa pagtakbo,
Susundin ang mga inilaan
Laman ng pampitong artikulo,
Sekyon ikadalawampu't tatlo,
Ang pag-uulat ng presidente,
Pinatunayan ba ang titulo?
Ipapakita sa mga lente.
Dapat kang mag-SONA, Pangulong Duterte.

II. PRESENSYA VS AKSYON

Sa init ng isyu ay nilechon,
Pinapapak lagi ng balita,
Piniling ipakita ang aksyon,
Kaysa umaksyon na magpakita,
Totoo bang bansa'y nangulila
Sa dinaranas na kalamidad?
Kahit presensya'y hindi nakita,
Ang pag-uulat ay pinalipad.
Hindi man pisikal, ngunit tinutupad.