30/05/2026
PANAWAGAN AGUD MAKITA ANG BATA NGA NADULA
- FINDING RUSSEL GRANDE -
Detalye:
Mayo 21, 2026 huwebes alas 8 sang aga ginsugo ni Florencio Bornales, tiyo ni Ruel Grande kag lolo ni Russel Grande ang duwa agud magpanguwa sang buyo.
Ang pamilya Grande pumoluyo sang Kudyanan, Barangay Bacuyangan ???, Hinobaan.
Si Ruel Grande, 32 anyos ginapatihan may diperensya ang panghuna huna ginhagad niya si Russel Grande, 7 ka tuig ang edad nga mag upod sa iya sa pagpanguwa sang buyo.
Si Ruel utod ni Benedicto Grande Jr. nga amo ang amay ni Russel Grande.
Humalin sadtong hwebes Mayo 21, 2026 wala nakapauli ang duwa nga mag tiyo sa ila sini puloy-an kag gilayon man nga ginpangita sang mga kaingod upod na ang pamilya apang bilug nga adlaw tubtub gabi nga pangitaay wala nila sini makita. Pagka aga biernes nga adlaw liwat ini nga ginpangita sang pamilya upod ang kaingod sa mga kagulangan okon kasiutan apang wala gid makita ang magtiyo, ang pagpangita wala nag-untat tubtub subong nga adlaw.
Sang lunes Mayo 25, 2026 kalit nga nagpauli ang tiyo nga Ruel Grande apang wala upod ang bata. Tungod may diperensya sa panghuna huna ining si Ruel indi komprehensibo ang ginasugid sini kag wala sang inpormasyon nga mapuga sa iya kon bala diin niya ginbilin ang bata nga tubtub subong wala nakapauli mga sobra na isa ka simana.
Suno sa panaysayon sang ginikanan nga ini gid lamang nga gabi nagpadulong sa akon panimalay, ila na ini ginpabalo sa Barangay subong man ila ginpahibalo ang kapulisan Hinobaan PNP kahapon Mayo 29, 2026.
Nangayu kita sang pahanugot sa ginikanan agud i-post ang picture nila nga mag-asawa, picture sang tiyo nga gin-updan sang nadula nga bata, kag picture mismo ni Russel Grande nga amo ang nadula. Sino man ang nakadipara sining bata nga yara sa picture gilayon nga makig-angot sa pinakamalapit nga Barangay Hall sa inyo lugar, agud mapadangat sa Barangay Officials sang Bacuyangan, kag mapahibalo man sa gilayon ang Hinobaan PNP. Mahimo man nga gilayon makig-angot sa akon numero 0929 964 2696.
