K5 FM 96.9 Sipalay

29/08/2026

𝙺𝟻 𝙽𝙸𝚁 | 𝙽𝚎𝚐𝚛𝚘𝚜 𝙸𝚗𝚟𝚎𝚜𝚝𝚒𝚐𝚊𝚝𝚒𝚟𝚎 𝚁𝚎𝚙𝚘𝚛𝚝

27/08/2026

22/08/2026

K5 NIR - NEGROS INVESTIGATIVE REPORTS EPISODE 7

20/08/2026

BAG-O NGA SCHOOLS DIVISION OFFICE SA SIPALAY CITY, GIN INAGURAHAN NA

SIPALAY CITY — Pormal nga gin-inagurahan kag ginbendisyunan sang Agosto 20, 2026 ang bag-o nga Schools Division Office Building sang Schools Division of Sipalay City nga nahamtang sa Barangay Gil Montilla, Sipalay City.

Nagpakigbahin ang Local Government Unit of Sipalay City, sa pagpanguna ni City Mayor Maria Gina M. Lizares, sa sini nga importante nga okasyon agud ipabutyag ang padayon kag mabakod nga pagbinuligay sang lokal nga panguluhan kag Department of Education para sa pagpauswag sang kalidad sang edukasyon sa ciudad.

Personal nga nagtambong sa inagurasyon si Department of Education Secretary Juan Edgardo “Sonny” M. Angara, kaupod sanday USEC Peter Corvera; Regional Director Dr. Ramir B. Uytico; Assistant Regional Director Anthony H. Liobet, CESO III; 6th District Representative kag Deputy Speaker Congresswoman Atty. Mercedes “Cheding” Alvarez; OIC-Schools Division Superintendent Dr. Bernie L. Liboon; kag OIC-Assistant Schools Division Superintendent Dr. Dondy A. Depositario.

Nagtambong man sanday Candoni Mayor Rey Ruiz kag Hinobaan Mayor Daph V. Reliquias, mga miyembro sang Sangguniang Panlungsod, mga opisyal sang DepEd, school heads, teachers kag non-teaching personnel.

Ang pagbendisyon sang bag-o nga pasilidad ginpangunahan ni Rev. Fr. Jun To-ong, nga nagpangamuyo para sa paggiya kag pagpakamaayo sa bag-o nga opisina nga mangin sentro sang pagdumala kag pagserbisyo sang DepEd sa Sipalay City.

Sa iya mensahe, ginpahayag ni Mayor Maria Gina M. Lizares nga bisan importante ang mga proyekto sa kaangay sang dalan, taytay kag turismo, ang edukasyon amo ang isa sa pinakadaku kag pinakamaayo nga pundasyon sang ciudad para sa malawig nga kauswagan.

Ginpahanumdom man sang alkalde nga ang edukasyon indi lamang responsibilidad sang mga manunudlo ukon sang DepEd, kundi isa ka responsibilidad man sang mga ginikanan, gobyerno, komunidad kag tanan nga stakeholders.

Suno kay Mayor Lizares, ang bag-o nga Division Office indi lamang isa ka bag-o kag moderno nga building, kundi simbolo sang handum sang Sipalay nga mahatagan sang patas nga oportunidad ang tagsa ka estudyante, magapabakod sa mga manunudlo, kag masiguro nga wala sing Sipalaynon nga mapabay-an sa pag-angkon sang maayo nga edukasyon.

Nagpasalamat man ang alkalde sa Department of Education, kay Congresswoman Mercedes Alvarez, sa City Government kag sa tanan nga nangin kabahin sa pagpatuman sang proyekto.

Ang bag-o nga Schools Division Office ginapaabot nga mangin mas maayo kag matawhay nga lugar para sa pagplano, koordinasyon kag paghatag sang serbisyo sa mga eskwelahan, manunudlo kag mga estudyante sa bilog nga Sipalay City.

Ang inagurasyon nagapamatuod nga paagi sa pagbinuligay sang DepEd, LGU Sipalay kag komunidad, padayon nga ginahatagan sang prioridad ang edukasyon bilang pundasyon sang masanag kag mauswagon nga palaabuton sang tagsa ka Sipalaynon.

20/08/2026

TAGUKON, KABANKALAN SCHOLARS RECEIVE ₱100,000 AID; PATAS NGA IMPLEMENTASYON NAGHATAG SANG PAGDAYAW HUMALIN SA PUMOLUYO.

KABANKALAN CITY, NEGROS OCCIDENTAL
Lima ka kwalipikado nga estudyante sang Barangay Tagukon, Kabankalan City ang nakabaton sang tig-₱20,000 nga educational assistance sa idalum sang Bagong Pilipinas Barangay Presidential Scholarship Program sadtong Agosto 12, 2026.

Kabug-usan nga ₱100,000 ang scholarship assistance nga gin-release sa lima ka benepisyaryo bilang kabahin sang Bawat Barangay Makikinabang Program sang National Government, nga nagatuyo sa pagbulig sa mga estudyante nga makapadayon sa ila pag-eskwela.
Nangin sentro sang maayu nga komento ang Barangay Tagukon bangud sa pihak sang mga alegasyon kag reklamo sa pila ka iban nga barangay nga may mga kapitan nga wala nagpahibalo sing tul-id sa ila mga sinakpan kag ginlakip pa ang ila kaugalingon nga mga kabataan ukon paryente bilang benepisyaryo, may barangay nga nagapakita nga mahimo ipatuman ang programa sa patas kag transparent nga pamaagi.

Sa Tagukon, ginpakita nga ang scholarship assistance dapat nakabase sa qualification kag patas nga kahigayunan, kag ang pondo sang gobyerno dapat makaabot sa mga estudyante nga nagakaigo kag nagakinahanglan sini.

Ginalauman nga ang tig-₱20,000 nga assistance mangin daku nga bulig sa tuition, school supplies, transportation kag iban pa nga kinahanglanon sang mga benepisyaryo sa ila pag-eskwela.

Ang Barangay Tagukon mahimo mangin positibo nga ehemplo nga sa pagpatuman sang programa sang gobyerno, wala sang dapat pasulabi bata man sang opisyal ukon ordinaryo nga pumuluyo kundi ang qualification kag patas nga proseso amo ang dapat mangibabaw.

Amo ini nga sahi sang gobyerno pang barangay ang nagapamatuod nga kon ang Kapitan ipa-iway lamang ang personal interest kag ipangibabaw ang delicadisa, may maayu nga pang gobyerno ang Barangay.

20/08/2026

Kaangay sang iban nga ciudad kag banwa sa Negros Occidental wala man nakasalbar ang Sipalay City sa iskandalo sang BBM Sholars.
Padayon ang palamangkutanon sang mga kwalipikado nga mga pamatan-on sang Barangay Nabulao, Sipalay City ngaa anak sang Kapitan ang nalista nga benepisaryo sang BBM Scholar apisar nga madamo sang kwarta ang Kapitan tungod sang iya sini pangabuhi sa minahan sa bukid sang nasambit nga Barangay.
Sang damlag pa tatlo ka mga Kapitan sang Sipalay City ang naglista sang ila kaugalingon nga anak bilang benepisaryo, kalakip diri si Kapitan Ricky Lademora sang Barangay San Jose Sipalay apang sang damo ang palamangkutanon ngaa iya bata, gilayon ini nga bolutaryo nga ginhatag sa iban. Subong man ang ABC President sang Sipalay nga si Kapitan Elir Borres sang Barangay Camindangan nga iya man bata ang una nga nalista apang gilayon man ini nga ginhatag sa iban kag ginkakas ang iya bata sa listahan, kag si Kapitan Enrile Elarcosa sang Barangay Nabulao, nga iya man bata ang ginlista nga tubtub subong wala sang balita kon bala sundon niya ang ginhimo sang duwa ka Kapitan sang Sipalay nga tigayon bulontaryo nga gin-hatag sa iban.
Makita man sa post sang asawa mismo sang Kapitan sang Barangay Nabulao nga nagapanindugan pa ini sa pagpili sang ila bata bilang benepisaryo sang iya bana sa BBM Scholar apisar nga may anak na ini sila nga mga manunudlo kag manami ang pangabuhi.