https://www.facebook.com/111958063771580/

HFP- Holy Family Parish, Socorro, Zone III, Socorro (2025)

06/09/2025

Ang buwanang pagpupulong ng PAPASCO & SERVICE, ay higit na naging makahulugan sa pagbibigay-diin sa 𝐞𝐜𝐨𝐥𝐨𝐠𝐢𝐜𝐚𝐥 𝐬𝐩𝐢𝐫𝐢𝐭𝐮𝐚𝐥𝐢𝐭𝐲.

Sa pamamagitan ng maikling formation tungkol sa 𝐏𝐚𝐬𝐭𝐨𝐫𝐚𝐥 𝐂𝐚𝐫𝐞 𝐟𝐨𝐫 𝐭𝐡𝐞 𝐄𝐚𝐫𝐭𝐡, pinaalalahanan tayong lahat na ang ating pananampalataya ay hindi lamang nasusukat sa loob ng simbahan, kundi sa ating kongkretong pagkilos upang pangalagaan ang kalikasan—ang nag-iisang tahanan nating lahat.

👉 Ang hamon: Tayo ay tinatawag na makiisa, magmahal, at maging tagapangalaga sa lahat ng nilikha. Alagaan ang ating kapaligiran, at isabuhay ang pananampalatayang may malasakit sa kalikasan—dahil sa bawat hakbang ng pag-aalaga, lumalalim ang ating pakikipag-ugnayan sa Diyos na Maylikha.

06/09/2025

𝐒𝐄𝐓𝐘𝐄𝐌𝐁𝐑𝐄 𝟎𝟔 | 𝐒𝐚𝐛𝐚𝐝𝐨

𝐈𝐊𝐀-𝟐𝟐 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍

𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

𝐒𝐥𝐦 𝟓𝟒: 𝟑-𝟒, 𝟔 𝐚𝐭 𝟖
𝐀𝐧𝐠 𝐃𝐢𝐲𝐨𝐬 𝐚𝐧𝐠 𝐬'𝐲𝐚𝐧𝐠 𝐭𝐮𝐦𝐮𝐭𝐮𝐥𝐨𝐧𝐠 𝐚𝐭 𝐬𝐚 𝐚𝐤𝐢'𝐲 𝐧𝐚𝐠𝐭𝐚𝐭𝐚𝐧𝐠𝐠𝐨𝐥.

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝐂𝐨𝐥 𝟏: 𝟐𝟏-𝟐𝟑

𝐄𝐛𝐚𝐧𝐠𝐡𝐞𝐥𝐲𝐨: 𝐋𝐜 𝟔: 𝟏-𝟓

Isang Araw ng Pahinga, naglalakad si Jesus sa bukirin ng trigo. Nangyari na hinimay ng kanyang mga alagad ang mga butil sa pagkiskis sa kanilang mga kamay, at kinain ang mga ito. Sinabi ng ilang Pariseo: "Bakit ninyo ginagawa ang ipinagbabawal sa Araw ng Pahinga?" Ngunit nagsalita si Jesus at sinabi niya sa kanila: "Hindi ba ninyo nabasa ang ginawa ni David nang magutom siya at ang kanyang mga kasama? Pumasok siya sa Bahay ng Diyos, kinuha ang tinapay na inihain para sa Diyos, kinain ito at binigyan pa ang kanyang mga kasamahan, gayong bawal itong kainin ninuman liban sa mga pari." At sinabi pa niya sa kanila: "Panginoon ng Araw ng Pahinga ang Anak ng Tao."

𝐏𝐀𝐆𝐍𝐈𝐍𝐈𝐋𝐀𝐘

"Ngunit pinagkasundo kayo ngayon sa katawang-laman ni Kristo pagkamatay niya, upang maiharap kayo sa kanya bilang mga banal, walang dungis at walang kapintasan. Sa Lumang Tipan, ang dugo ng kordero a kambing ay ginagamit upang hugasan ang kasalanan ng mga Judio. Sa Bagong Tipan, hindi na dugo ng hayop kundi ang mahal na duga at katawan ni Jesus na inialay sa Kalbaryo ang naging susi para sa ating pakikipagkasundo sa Diyos. Ito ay higit na mabisa at kalugod-lugod sa Diyos Ama. Mapalad tayo sa ating Simbahang Katolika sa pagbibigay sa atin ni Jesus ng Sakramento ng Pakikipagkasundo kung saan dahil sa merito ng kanyang paghihirap, kamatayan at muling pagkabuhay, nakakamit ng isang makasalanan ang kapatawaran sa kanyang personal na kasalanan. Dito, kailangan natin ng mga sumusunod: examination of conscience, humble contrition, individual confession, doing of penance at promise to avoid occasions of sins.

05/09/2025

"𝐏𝐚𝐬𝐭𝐨𝐫𝐚𝐥 𝐂𝐚𝐫𝐞 𝐨𝐟 𝐂𝐫𝐞𝐚𝐭𝐢𝐨𝐧"

“Kung saan may malinis na kapaligiran, naroon din ang pusong marunong mag-alaga, magmalasakit, magmahal at handang maglingkod sa Diyos at sa Kanyang mga nilikha."

Bilang paghahanda sa kapanganakan ng Mahal na Birheng Maria, nagkaisa ang sambayanan ng Parokya ng Banal na Mag-Anak, lingkod layko, members of mandated organizations, kaagapay ang Local na Pamahalaang Bayan sa paglilinis sa loob at labas ng ating simbahan.

Ang simpleng gawaing ito ay tanda ng ating malasakit sa kalikasan at paghahanda ng pusong dalisay para sa Ina ng Diyos.

04/09/2025

𝐒𝐄𝐓𝐘𝐄𝐌𝐁𝐑𝐄 𝟎𝟒, 𝟐𝟎𝟐𝟓 | 𝐇𝐮𝐰𝐞𝐛𝐞𝐬

𝐈𝐊𝐀-𝟐𝟐 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍

𝐒𝐥𝐦 𝟗𝟖: 𝟐-𝟑𝐚𝐛, 𝟑𝐤𝐝-𝟒, 𝟓-𝟔
𝐀𝐧𝐠 𝐃𝐢𝐲𝐨𝐬 𝐧𝐚 𝐫𝐢𝐧 𝐚𝐧𝐠 𝐧𝐚𝐠𝐡𝐚𝐲𝐚𝐠 𝐧𝐠 𝐡𝐚𝐧𝐝𝐨𝐠 𝐧𝐢𝐲𝐚𝐧𝐠 𝐩𝐚𝐠𝐥𝐢𝐥𝐢𝐠𝐭𝐚𝐬.

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝐂𝐨𝐥 𝟏:𝟗-𝟏𝟒

𝐄𝐛𝐚𝐧𝐠𝐡𝐞𝐥𝐲𝐨: 𝐋𝐜 𝟓: 𝟏-𝟏𝟏

(...) sinabi niya kay Simon: "Pumalaot ka at ihulog ninyo ang inyong mga lambat para humuli." Ngunit sumagot si Simon: "G**o, buong magdamag kaming nagpagod at wala kaming nakuha pero dahil sinabi mo, ihuhulog ko ang mga lambat." At nang gawin nila ito, nakahuli sila ng napakaraming isda kaya halos magkandasira ang kanilang mga lambat. Kaya kinawayan nila ang kanilang mga kasamahang nasa kabilang bangka para lumapit at tulungan sila. Dumating nga ang mga ito at pinuno nila ang dalawang bangka hanggang halos lumubog ang mga iyon.

Nang makita ito ni Simon Pedro, nagpatirapa siya sa harap ni Jesus at sinabi: "Lumayo ka sa akin, Panginoon, sapagkat taong makasalanan lamang ako." Talaga ngang nasindak siya at ang lahat niyang kasama dahil sa huli ng mga isda na nakuha nila. Gayundin naman ang mga anak ni Zebedeo na sina Jaime at Juan na mga kasama ni Simon.

Ngunit sinabi ni Jesus kay Simon: "Huwag kang matakot; mula ngayo'y mga tao ang huhulihin mo." Kayat nang madala na nila ang mga bangka sa lupa, iniwan nila ang lahat at sumunod sa kanya.

𝐏𝐀𝐆𝐍𝐈𝐍𝐈𝐋𝐀𝐘
Sa ating paglaki at pag-unlad bilang mga Kristiyano, nalaman natin na mayroon tayong Ama sa langit na may malalim na pagmamahal sa atin at ipinakita ito sa pagsusugo ng kanyang Bugtong na Anak. Sa Amang ito, dapat nakatuon ang ating mga pagsusumikap, ang mabuhay na marapat at kalugod-lugod sa kanya. Paano ba ito mangyayari? Una, tayo ay magiging kalugod-lugod sa Diyos kung mayroon tayong malalim na panananalig sa kanya na nauuwi sa pang-araw araw na pasasalamat sa kanyang mga biyaya. Pangalawa, marapat tayo sa kanyang harapan kung tayo'y nabubuhay sa pagsunod sa kanyang kalooban ang mga kautu-san lalo na ang utos ng pagmamahal. Pangatlo, tayo ay kalugod-lugod sa kanya kapag mayroon tayong pagmamalasakit sa mga dukha, mga balo, mga ulila, mga bata, at mga inaapi. Pagmamala-sakit na hindi lamang sa lebel ng damdamin kundi kumikilos at gumagawa. Kapatid, kalugod-lugod ka ba kay Lord?

02/09/2025

𝐒𝐄𝐓𝐘𝐄𝐌𝐁𝐑𝐄 𝟎𝟑, 𝟐𝟎𝟐𝟓 | 𝐌𝐢𝐲𝐞𝐫𝐤𝐮𝐥𝐞𝐬

𝐈𝐊𝐀-𝟐𝟐 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍

𝐃𝐚𝐤𝐢𝐥𝐚𝐧𝐠 𝐏𝐚𝐩𝐚 𝐒𝐚𝐧 𝐆𝐫𝐞𝐠𝐨𝐫𝐢𝐨

𝐒𝐥𝐦 𝟓𝟐: 𝟏𝟎, 𝟏𝟏
𝐀𝐤𝐨 𝐚𝐲 𝐧𝐚𝐠𝐭𝐢𝐭𝐢𝐰𝐚𝐥𝐚 𝐬𝐚 𝐩𝐚𝐠-𝐢𝐛𝐢𝐠 𝐧𝐠 𝐥𝐮𝐦𝐢𝐤𝐡𝐚.
𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝐂𝐨𝐥 𝟏:𝟏-𝟖

𝐄𝐛𝐚𝐧𝐠𝐡𝐞𝐥𝐲𝐨: 𝐋𝐜 𝟒:𝟑𝟖-𝟒𝟒

Pag-alis niya sa sinagoga, nagpunta si Jesus sa bahay ni Simon. Inaapoy ng lagnat ang biyenang babae ni Simon. Kayat pinakiusapan nila si Jesus tungkol sa kanya. Pagkayuko ni Jesus sa kanya, inutusan ni Jesus ang lagnat at nilisan siya nito. Kaagad siyang tumindig para maglingkod sa kanila.

Paglubog ng araw, dinala naman kay Jesus ng lahat ng tao ang kasama nilang mga may sakit ng iba't ibang karamdaman. Ipinatong niya ang kanyang mga kamay sa bawat isa sa kanila at pinagaling sila. Lumabas ang mga demonyo mula sa maraming tao at pasigaw na sinabi ng mga ito: "Ikaw ang Anak ng Diyos!" Ngunit pinatatahimik niya sila at di pinahihintulutang magsalita dahil alam ng mga ito na siya ang Mesiyas.

Nang mag-uumaga na, lumabas si Jesus at pumunta sa isang ilang na lugar. Ngunit pinaghahanap siya ng maraming tao, at nang matagpuan siya'y sinikap nilang hadlangan na makaalis pa siya sa kanila. Pero sinabi niya sa kanila: "Dapat ko ring ipahayag ang mabuting balita ng paghahari ng Diyos sa iba pang mga bayan; ito ang dahilan kung bakit ako isinugo." At nagpatuloy siyang mangaral sa mga sinagoga ng Judea.

𝐏𝐀𝐆𝐍𝐈𝐍𝐈𝐋𝐀𝐘
Maliwanag kay Jesus ang hinihingi ng Ama, kailangang ipahayag niya ang Mabuting Balita ng paghahari ng Diyos sa iba pang mga bayan. Sa buhay sa parokya, naroon ang malaking temptation na manatili na lamang sa sentro at umasang pupuntahan doon ang mga serbisyo ng simbahan. Hindi ganun ang iniwang halimbawa ni Jesus. Masasabi nating siya ay "itinerant preacher at itinerant miracle worker". Tunay nga siya ang mabuting pastol na iiwanan ang siyamnaput siyam na tupa upang hanapin ang isang tupa na naliligaw. Siya ang mabuting pastol na pupuntahan ang mga maysakit at gagamutin sila. Siya ang mabuting pastol na kasama-sama ng mga tupa sa kanilang paglalakbay. Kung minsan, nasa unahan upang ituro ang tamang daan. Kung minsan ay nasa likod upang ipagtanggol sa mga mababangis na hayop gubat. Minsan ay nasa gitna nila upang ipadama sa lahat ang kanyang presensiya. Kapatid, handa ka bang pasakop sa Mabuting Pastol?

02/09/2025

𝗟𝗘𝗧 𝗨𝗦 𝗣𝗥𝗔𝗬 🙏🙏🙏

"𝗙𝗢𝗥 𝗢𝗨𝗥 𝗥𝗘𝗟𝗔𝗧𝗜𝗢𝗡𝗦𝗛𝗜𝗣 𝗪𝗜𝗧𝗛 𝗔𝗟𝗟 𝗢𝗙 𝗖𝗥𝗘𝗔𝗧𝗜𝗢𝗡"

𝗦𝗮 𝗯𝘂𝘄𝗮𝗻𝗴 𝗶𝘁𝗼 𝗻𝗴 𝗦𝗲𝘁𝘆𝗲𝗺𝗯𝗿𝗲 𝟮𝟬𝟮𝟱, 𝘁𝗮𝘆𝗼 𝗮𝘆 𝗶𝗻𝗮𝗮𝗻𝘆𝗮𝘆𝗮𝗵𝗮𝗻𝗴 𝗺𝗮𝗸𝗶𝗶𝘀𝗮 𝘀𝗮 𝗽𝗮𝗻𝗮𝗹𝗮𝗻𝗴𝗶𝗻 𝗻𝗴 𝗦𝗮𝗻𝘁𝗼 𝗣𝗮𝗽𝗮: 𝗻𝗮 𝘀𝗮 𝗶𝗻𝘀𝗽𝗶𝗿𝗮𝘀𝘆𝗼𝗻 𝗻𝗶 𝗦𝗮𝗻 𝗙𝗿𝗮𝗻𝗰𝗶𝘀𝗰𝗼,, 𝗮𝘁𝗶𝗻𝗴 𝗺𝗮𝗱𝗮𝗺𝗮 𝗮𝗻𝗴 𝗮𝘁𝗶𝗻𝗴 𝗽𝗮𝗴𝗸𝗮𝗸𝗮𝘂𝗴𝗻𝗮𝘆 𝗮𝘁 𝗽𝗮𝗸𝗶𝗸𝗶𝗽𝗮𝗴𝗸𝗮𝗽𝘄𝗮 𝘀𝗮 𝗹𝗮𝗵𝗮𝘁 𝗻𝗴 𝗻𝗶𝗹𝗮𝗹𝗮𝗻𝗴—𝗺𝗴𝗮 𝗵𝗮𝘆𝗼𝗽, 𝗸𝗮𝗹𝗶𝗸𝗮𝘀𝗮𝗻, 𝗮𝘁 𝗸𝗮𝗽𝘄𝗮-𝘁𝗮𝗼—𝗻𝗮 𝗽𝗮𝘄𝗮𝗻𝗴 𝗺𝗶𝗻𝗮𝗺𝗮𝗵𝗮𝗹 𝗻𝗴 𝗗𝗶𝘆𝗼𝘀 𝗮𝘁 𝗸𝗮𝗿𝗮𝗽𝗮𝘁-𝗱𝗮𝗽𝗮𝘁 𝗶𝗴𝗮𝗹𝗮𝗻𝗴.

𝗛𝗶𝗻𝗶𝗵𝗶𝗸𝗮𝘆𝗮𝘁 𝗮𝗻𝗴 𝗹𝗮𝗵𝗮𝘁 𝗻𝗮 𝗺𝗮𝗴𝗶𝗻𝗴 𝘁𝗮𝗴𝗮𝗽𝗮𝗻𝗴𝗮𝗹𝗮𝗴𝗮 𝗻𝗴 𝘀𝗮𝗻𝗴𝗻𝗶𝗹𝗶𝗸𝗵𝗮—𝘀𝗮 𝘀𝗶𝗺𝗽𝗹𝗲𝗻𝗴 𝗽𝗮𝗿𝗮𝗮𝗻 𝗻𝗴 𝗽𝗮𝗴-𝗮𝗹𝗮𝗴𝗮 𝘀𝗮 𝗸𝗮𝗹𝗶𝗸𝗮𝘀𝗮𝗻, 𝗽𝗮𝗴𝗿𝗲𝘀𝗽𝗲𝘁𝗼 𝘀𝗮 𝗸𝗮𝗽𝘄𝗮, 𝗮𝘁 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗹𝗮𝗵𝗮𝘁 𝗻𝗴 𝗯𝗶𝘆𝗮𝘆𝗮𝗻𝗴 𝗮𝘁𝗶𝗻𝗴 𝘁𝗶𝗻𝗮𝘁𝗮𝗺𝗮𝘀𝗮.

𝗧𝗮𝘆𝗼’𝘆 𝗺𝗮𝗴𝗸𝗮𝗶𝘀𝗮 𝘀𝗮 𝗽𝗮𝗻𝗮𝗹𝗮𝗻𝗴𝗶𝗻 𝗮𝘁 𝗽𝗮𝗴𝗸𝗶𝗹𝗼𝘀, 𝘂𝗽𝗮𝗻𝗴 𝘁𝘂𝗻𝗮𝘆 𝗻𝗮𝘁𝗶𝗻𝗴 𝗺𝗮𝗽𝗮𝗱𝗮𝗺𝗮 𝗻𝗮 𝗮𝗻𝗴 𝗯𝘂𝗼𝗻𝗴 𝘀𝗮𝗻𝗴𝗻𝗶𝗹𝗶𝗸𝗵𝗮 𝗮𝘆 𝗶𝗶𝘀𝗮 𝗹𝗮𝗺𝗮𝗻𝗴 𝘀𝗮 𝗽𝗮𝗴-𝗶𝗯𝗶𝗴 𝗻𝗴 𝗗𝗶𝘆𝗼𝘀.

01/09/2025

𝐒𝐄𝐓𝐘𝐄𝐌𝐁𝐑𝐄 𝟎𝟐, 𝟐𝟎𝟐𝟓 | 𝐌𝐚𝐫𝐭𝐞𝐬

𝐈𝐊𝐀-𝟐𝟐 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍

𝐒𝐥𝐦 𝟐𝟕: 𝟏, 𝟒, 𝟏𝟑-𝟏𝟒
𝐌𝐚𝐤𝐢𝐤𝐢𝐭𝐚 𝐚𝐧𝐠 𝐌𝐚𝐲𝐤𝐚𝐩𝐚𝐥 𝐬𝐚 𝐤𝐚𝐧𝐲𝐚𝐧𝐠 𝐥𝐮𝐩𝐚𝐧𝐠 𝐡𝐢𝐧𝐢𝐫𝐚𝐧𝐠.

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝟏 𝐓𝐞𝐬:𝟓: 𝟏-𝟔, 𝟗-𝟏𝟏

𝐄𝐛𝐚𝐧𝐠𝐡𝐞𝐥𝐲𝐨: 𝐋𝐜 𝟒:𝟑𝟏-𝟑𝟕

Bumaba siya sa Capernaum na isang bayan ng Galilea, kung saan niya nakaugaliang magturo tuwing Araw ng Pahinga. At nagulat ang mga tao sa kanyang aral dahil nagtuturo siya nang may kapangyarihan.

May isang tao sa sinagoga na inaalihan ng maruming demonyo, na sumigaw nang malakas: "Ah, ano ang pakialam mo sa amin, Jesus na taga-Nazaret? Para ipahamak kami kaya ka dumating. Alam ko kung sino ka, ang Banal ng Diyos!" Ipinag-utos naman sa kanya ni Jesus: "Tumahimik ka at lumabas sa kanya!" Pagkatapos ibulagta ng demonyo ang tao sa gitna nila, lumabas ito mula sa kanya nang hindi sinasaktan. Nagtaka ang lahat at nag-usap-usap sila: "Ano ito? Nakapag-uutos siya sa maruruming espiritu nang may kapangyarihan at lakas, at lumalabas sila!" Kayat kumalat ang usap-usapan tungkol sa kanya sa lahat ng lugar sa kabayanan.

𝐏𝐀𝐆𝐍𝐈𝐍𝐈𝐋𝐀𝐘

"Ngunit hindi naman kayo SA kadiliman mga kapatid; kaya hindi kayo daratnan nang araw na iyon na parang isang magnanakaw. Mga taong-liwanag at taong-araw kayong lahat." Ang personal na karanasan ni Saulo ay mula sa kadiliman ng pagkabulag tungo sa liwanag ng isang apostol ni Jesus. At ito rin ang hamon niya sa mga Kristiyano: si Jesus ang liwanag ng sanlibutan at sinumang lumalakad kay Jesus ay hindi lalakad sa kadilimaan kundi, lalakad sa liwanag at katotohanan. Ano ang peligro kapag lumalakad tayo sa kadiliman? Malamang matisod tayo ng malaking bato o punong natumba na hindi natin nakita sa kadiliman ng gabi. Maari rin namang mahulog tayo sa bangin o isang lambak dahil sa madilim. Maaari din na madisgrasya tayo sa mababangis na hayop na nagtatago sa kadiliman tulad ng ahas, alakdan, at iba pa. Sa liwanag ng araw, mas ligtas tayong makapaglalakad at makapupunta saan man nais nating puntahan. Ang dilim sa teolohiya ni San Pablo ay ang dilim ng kasalanan, ang dilim ng mundong makasalanan, at ang dilim ng mga kasinungalingan. Kapatid, gusto mo pa bang maglakad sa dilim?

01/09/2025

𝐒𝐄𝐓𝐘𝐄𝐌𝐁𝐑𝐄 𝟎𝟏, 𝟐𝟎𝟐𝟓 | 𝐋𝐮𝐧𝐞𝐬

𝐈𝐊𝐀-𝟐𝟐 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍

𝐒𝐢𝐦 𝟗𝟔: 𝟏 𝐚𝐭 𝟑, 𝟒-𝟓, 𝟏𝟏-𝟏𝟐, 𝟏𝟑
𝐏𝐚𝐧𝐠𝐢𝐧𝐨𝐨'𝐲 𝐩𝐚𝐫𝐢𝐫𝐢𝐭𝐨
𝐔𝐩𝐚𝐧𝐠 𝐡𝐚𝐭𝐮𝐥𝐚𝐧 𝐧𝐢𝐲𝐚 𝐭𝐚𝐲𝐨.

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝟏 𝐓𝐞𝐬 𝟒: 𝟏𝟑-𝟏𝟖

𝐄𝐛𝐚𝐧𝐠𝐡𝐞𝐥𝐲𝐨: 𝐋𝐜 𝟒: 𝟏𝟔-𝟑𝟎*

Pagdating niya sa Nazaret, kung saan siya lumaki, pumasok siya sa sinagoga sa Araw ng Pahinga ayon sa kanyang kinaugalian. Tumindig siya para bumasa ng Kasulatan, at iniabot sa kanya ang aklat ni Propeta Isaias.

Sa paglaladlad niya sa rolyo, natagpuan niya ang lugar kung saan nasusulat: "Sumasaakin ang Espiritu ng Panginoon kayat pinahiran niya ako upang ihatid ang mabuting balita sa mga dukha. Sinugo niya ako upang ipahayag ang paglaya sa mga bilanggo, sa mga bulag ang pagkabawi ng paningin, upang bigyang-ginhawa ang mga api, at ipahayag ang taon ng kabutihang-loob ng Panginoon."

Binilot ni Jesus ang aklat, ibinigay ito sa tagapaglingkod at naupo. At nakatuon sa kanya ang mga mata ng lahat ng nasa sinagoga. Sinimulan niyang magsalita sa kanila: "Isinakatuparan ang Kasulatang ito ngayon habang nakikinig kayo."

At sumang-ayon silang lahat sa kanya habang nagtataka sa gayong pagpapahayag ng kabutihang-loob ng Diyos na nanggaling sa kanyang bibig. At sinabi nila: "Hindi ba't ito ang anak ni Jose?" Nagsalita si Jesus sa kanila: "Tiyak na babanggitin ninyo sa akin ang kasabihang: 'Manggagamot, pagalingin mo ang iyong sarili! Gawin mo rin dito sa iyong bayan ang mga bagay na narinig naming ginawa mo sa Capernaum." (...)

PAGNINILAY
Sa ebanghelyo, hindi langis ang ipinahid kay Jesus, kundi ang presensiya ng Banal na Espiritu. Sa pasimula ng kanyang misyon, muling pinuspos si Jesus ng presensiya ng Banal na Espiritu at binigkas niya ang kanyang misyon: Ihatid ang mabuting balita: sa mga bilanggo, sila ay lalaya; sa mga bulag, sila ay makakakita; sa mga pilay, sila'y makakalakad; sa mga inaapi, sila giginhawa! Noong tayo ay bininyagan sa ngalan ng Ama, ng Anak, at ng Diyos Espiritu Santo, tayo'y nakibahagi sa misyon ni Jesus. Dahil sa kanya, tayo ay naging propeta at tagapagsalita ng Diyos sa harap ng mga tao. Dahil kay Jesus, tayo ay naging saserdote at pari ng Bagong Tipan na hinahamong ialay ang ating buhay, lakas at kakayahan para sa kapwa. Dahil kay Jesus, tayo ay naging haring lingkod na marunong magpakababa at maglinis ng paa ng ating mga kapatid sa larangan ng paglilingkod. Hindi ito madaling gawin subalit nariyan ang mga biyaya ng Espiritu Santo upang magampanan natin ang ating misyon at mga gawain.

31/08/2025

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐩𝐨, 𝐅𝐫. 𝐉𝐮𝐧𝐞𝐞𝐥! 🎂🎁🎊🎉💞

Ipinagdiwang natin hindi lang ang inyong kapanganakan, kundi ang biyayang dala ng inyong buhay at bokasyon sa parokya ng Banal na Mag-Anak.

Salamat sa iyong pusong handang mag-alay, makinig, at maglingkod bilang tanda ng walang hanggang pag-ibig ng Diyos.

Sa mga mamahaling (irony😄) 𝐏𝐫𝐢𝐞𝐬𝐭'𝐬 𝐒𝐮𝐫𝐯𝐢𝐯𝐚𝐥 𝐊𝐢𝐭 items na aming inihandog, hangad naming ipahayag ang aming panalangin para sa iyong misyon.

Bawat isa ay may mahalagang kahulugan na magsisilbing paalala at gabay sa inyong patuloy na paglilingkod.

𝟏. 𝐁𝐚𝐥𝐥𝐩𝐞𝐧 ✍️
Para sa inyong walang sawang pagpirma ng dokumento... ngunit higit sa lahat, paalala na sulatin ang bawat kwento ng grasya at kabutihan ng Diyos .

𝟐. 𝐍𝐨𝐭𝐞𝐛𝐨𝐨𝐤 📓
Simbolo ng bagong pahina ng inyong buhay at misyon—bawat araw ay pagkakataong magdagdag ng kuwento ng biyaya.

𝟑. 𝐀𝐥𝐜𝐨𝐡𝐨𝐥 🍶
Para sa kalinisan—hindi lamang ng kamay, kundi higit sa lahat ng intensyon at puso sa paglilingkod.

𝟒. 𝐇𝐚𝐧𝐝 𝐒𝐚𝐧𝐢𝐭𝐢𝐳𝐞𝐫 🧴
Paalala na saan ka man magpunta, may grasya ng Diyos na laging handang maglinis at magbigay-buhay.

𝟓. 𝐓𝐲𝐚𝐧𝐞 (𝐓𝐰𝐞𝐞𝐳𝐞𝐫) 🔧
Sumisimbolo ng pagtanggal ng mga maliliit na bagay na nakakasakit o nakakaistorbo. Paalala din na sa inyong paglilingkod, huwag niyong hayaang mabulok o lumaki ang maliliit na “tinik” ng tukso, pagdududa, o panghihina ng loob. Tulad ng tyane na maingat na nag-aalis ng balahibo o tinik, nawa’y magkaroon kayo ng lakas ng loob at biyaya ng Diyos upang alisin ang anumang makahahadlang sa inyong bokasyon at misyon.

𝟔. 𝐁𝐨𝐥𝐚 ⚽
Upang hindi makalimutan na mahalaga rin ang teamwork, kasayahan, at ang simpleng paglalaro kasama ng pamayanan."

𝟕. 𝐏𝐚𝐦𝐚𝐲𝐩𝐚𝐲 🌬️
Paalala na sa gitna ng init ng paglilingkod at mga pagsubok, nariyan ang Espiritu Santo na nagbibigay ng kaginhawaan.

𝟖. 𝐓𝐨𝐨𝐭𝐡𝐩𝐢𝐜𝐤 🪥
Bagamat maliit, ito’y makabuluhan—tulad ng mga simpleng sakripisyo na nagbibigay ng malaking kabutihan at kaalwanan sa kapwa.

𝟗. 𝐏𝐚𝐧𝐠𝐡𝐢𝐧𝐮𝐥𝐢 (𝐞𝐚𝐫 𝐩𝐢𝐜𝐤)👂
Bilang pastol, kayo po ay hindi lang tagapakinig sa damdamin at katahimikan ng parishioner.. paalala din ito na hindi lahat ng nakakarinig ay tunay na nakikinig..kaya bilang pastol kayo ay inaanyayahang maging tagapaglinis ng tainga ng mga mananampalataya—upang maalis ang mga sagabal na pumipigil sa kanilang puso upang mas malinaw nilang mapakinggan ang tinig at Salita ng Diyos.

𝟏𝟎. 𝐅𝐥𝐚𝐬𝐡𝐥𝐢𝐠𝐡𝐭 🔦
Paalala na kayo ang nagsisilbing ilaw at gabay ng sambayanan, lalo na sa mga panahong madilim ang kanilang mundo.

𝟏𝟏. 𝐆𝐮𝐢𝐭𝐚𝐫 🎸
Higit sa pagiging instrumento ng musika, ito ay larawan ng inyong personalidad—talentado, masayahin, at may pusong marunong magbigay ng aliw at saya.

Tulad ng gitara na gumagawa ng himig kapag bawat kuwerdas ay maayos na nakatutok, paalala ito na ang buhay-pari ay nagiging maganda at makahulugan kung ang lahat ng aspekto—panalangin, paglilingkod, at pakikisalamuha sa tao—ay nakaayon sa himig ng Diyos. Nawa’y patuloy kayong maging “𝐤𝐚𝐧𝐭𝐚 𝐧𝐠 𝐩𝐚𝐠-𝐢𝐛𝐢𝐠 𝐚𝐭 𝐩𝐚𝐠-𝐚𝐬𝐚”.

𝟏𝟐. 𝐃𝐫𝐮𝐦 🥁
Tulad ng tambol ang iyong ngiti, tawa, at halalhak, Fr. Juneel. Minsan ay tahimik, minsan ay malakas, ngunit nakakahawa, at tunay na nagbibigay sigla sa nakakarinig. Ang drum ay paalala na ang bawat pari ay tinatawag na maging tagapagbigay ng tamang ritmo sa pamayanan—minsan malakas upang gisingin ang pananampalataya, minsan banayad upang damhin ang katahimikan ng panalangin.

𝟏𝟑. 𝐏𝐚𝐧𝐲𝐨 🧣
Para sa bawat luha ng inyong mga parokyano, maging tanda at paalala nawa ito na laging may pari na handang umaliw, magpagaan at magpunas (dumamay) sa kanilang dalamhati.

𝟏𝟒. 𝐓𝐨𝐰𝐞𝐥 🧺
Iisang paalala ng tunay na paglilingkod na may kababaang-loob—tulad ni Kristo na naghugas at nagpunas ng paa ng kanyang mga alagad.

𝐅𝐫. 𝐉𝐮𝐧𝐞𝐞𝐥, nawa sa bawat simbolo ay lagi mong maramdaman ang aming dasal: na manatili kang masaya, matatag, at mapagpakumbaba sa pagtugon sa tawag ng Diyos.

Nawa’y magsilbi din itong paalala na hindi kayo nag-iisa—kasama ninyo ang Diyos, at kami rin na laging magmamahal at susuporta sa inyo.

Maligayang kaarawan, at maraming salamat po sa pagbibigay-inspirasyon sa amin bilang kapatid, lingkod, at alagad ni Kristo.

29/08/2025

𝗞𝘂𝗻𝗴 𝘀𝗮𝗮𝗻 𝗻𝗮𝗿𝗼𝗼𝗻 𝗮𝗻𝗴 𝗗𝗶𝘆𝗼𝘀, 𝗻𝗮𝗿𝗼𝗼𝗻 𝗱𝗶𝗻 𝗮𝗻𝗴 𝗽𝗮𝗴𝗹𝗶𝗹𝗶𝗻𝗴𝗸𝗼𝗱 𝗻𝗮 𝗺𝗮𝘆 𝘁𝘂𝗻𝗮𝘆 𝗻𝗮 𝗺𝗮𝗹𝗮𝘀𝗮𝗸𝗶𝘁, 𝘀𝗮𝗽𝗮𝗴𝗸𝗮𝘁 𝗮𝗻𝗴 𝗽𝗮𝗴𝗹𝗶𝗹𝗶𝗻𝗴𝗸𝗼𝗱 𝗻𝗮 𝗻𝗮𝗴-𝘂𝘂𝗴𝗮𝘁 𝘀𝗮 𝗗𝗶𝘆𝗼𝘀 𝗮𝘆 𝗻𝗮𝗴𝗶𝗴𝗶𝗻𝗴 𝗵𝗶𝗴𝗶𝘁 𝗻𝗮 𝗺𝗮𝗸𝗮𝗯𝘂𝗹𝘂𝗵𝗮𝗻.

Isang makabuluhang pagdiriwang ng Banal na Misa ang isinagawa sa Pamahalaang Bayan para sa mga kawani at opisyal ng LGU, na pinangunahan ng ating punong paring tagapagdiwang, 𝐑𝐞𝐯. 𝐅𝐫. Caloy Paglicawan.

Sa gitna ng tungkulin at responsibilidad sa bayan, ang Eukaristiya ay nagsisilbing paalala na ang tunay na paglilingkod ay nakaugat at naka-angkla sa pananampalataya at malasakit.

Lubos ang pasasalamat sa ating butihing Punong Bayan, Dra. Nemmen Perez, sa mainit na pagtanggap at bukas-pusong pakikiisa sa Banal na Pagdiriwang. Gayundin, taos-puso ang pasasalamat sa lahat ng kawani at opisyal na dumalo at nakibahagi—nawa’y ang biyaya ng Diyos ang patuloy na magbigay ng lakas, pagkakaisa, at inspirasyon sa ating paglilingkod para sa kapwa.

29/08/2025

𝐀𝐆𝐎𝐒𝐓𝐎 𝟑𝟎, 𝟐𝟎𝟐𝟓 | 𝐒𝐚𝐛𝐚𝐝𝐨

𝐈𝐊𝐀-𝟐𝟏 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍

𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

𝐒𝐥𝐦 𝟗𝟖: 𝟏,𝟕-𝟖,𝟗
𝐏𝐨𝐨𝐧𝐠 𝐡𝐮𝐤𝐨𝐦 𝐚𝐲 𝐝𝐚𝐫𝐚𝐭𝐢𝐧𝐠, 𝐭𝐚𝐠𝐥𝐚𝐲 𝐚𝐧𝐠 𝐤𝐚𝐭𝐚𝐫𝐮𝐧𝐠𝐚𝐧 𝐧𝐚𝐭𝐢𝐧.

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝟏 𝐓𝐞𝐬 𝟒:𝟗-𝟏𝟏

𝐄𝐛𝐚𝐧𝐠𝐡𝐞𝐥𝐲𝐨: 𝐌𝐭 𝟐𝟓: 𝟏𝟒-𝟑𝟎*

Ipagpalagay natin na may isang tao, na bago mangibang-bayan ay tinawag ang kanyang mga katulong at ipinagkatiwala sa kanila ang kanyang mga ari-arian. Limang talentong pilak ang ibinigay niya sa una, dalawa naman sa isa pa, at isa sa pangatlo, batay sa kaya ng bawat isa. At saka siya umalis.

(...) Pagkaraan ng matagal na panahon, bumalik ang amo ng mga katulong na ito at hiningan sila ng pagsusulit. Kaya lumapit ang nakatanggap ng limang talento dala ang tinubong lima pang bareta, at sinabi: 'Panginoon, ipinagkatiwala mo ang limang bareta sa akin, at tingnan mo, tumubo pa ako ng limang talento. Sumagot ang amo: 'Mabuti, mabait at matapat na katulong; dahil naging tapat ka sa kaunting bagay, pagkakatiwalaan kita ng higit pa rito. (...)

Sa bandang huli, dumating ang nakatanggap ng isang talento at nagsabi: (...)nililikom ang hindi ko ipinagnegosyo. Sana'y dinala mo sa bangko ang aking pilak at mababawi ko ang sa akin pati na ang tubo pagdating ko.

Kaya kunin ang talento sa kanya at ibigay ito sa may sampu pa. (...)

𝐏𝐀𝐆𝐍𝐈𝐍𝐈𝐋𝐀𝐘
"Naturuan na kayo ng Diyos ng pagmamahal sa isat-isa. Ginagawa na nga ninyo ito sa mga kapatid na nasa buong Macedonia. Saan natin natutuhan ang magmahal? Una, mula sa atin mga magulang. Nadama natin ang kanilang pagmamahal mula sa pagkabata natin hanggang sa ating paglaki. Sa school, naturuan tayo ng ating mga g**o na magmahal sa isat-isa lalo na yung mga mas nangangailangan ng ating malasakit. Sa simbahan, ating natutunan ang Diyos ay pag-ibig at ang pag-ibig na ito ay ipinakita ng ibinigay ng Diyos Ama ang kanyang Bugtong na Anak, ang ating Panginoong Jesus. Siya ang nagsabi na may bagong panuntunan ang magmahal. Mahalin ninyo ang bawat isa tulad ng pagmamahal ko sa inyo. Paano ba ipinakita ang kanyang pagmamahal sa Krus ng Kalbaryo. Sa Krus, makikita ang pagmamahal na di makasarili kundi nakatuon sa kaligtasan ng minamahal. Sa krus naroon ang pagmamahal na nag-aalay at nagsasakripisyo hanggang kamatayan. Sa Krus naroon ang pagmamahal na nagpapatawad. Ganito ba tayo magmahal?

28/08/2025

𝐀𝐆𝐎𝐒𝐓𝐎 𝟐𝟗, 𝟐𝟎𝟐𝟓 | 𝐁𝐢𝐲𝐞𝐫𝐧𝐞𝐬

𝐏𝐀𝐆𝐏𝐀𝐏𝐀𝐒𝐀𝐊𝐈𝐓 𝐍𝐈 𝐒𝐀𝐍 𝐉𝐔𝐀𝐍, 𝐓𝐀𝐆𝐏𝐀𝐆𝐁𝐈𝐍𝐘𝐀𝐆

𝐒𝐥𝐦 𝟗𝟕: 𝟏 𝐚𝐭 𝟐𝐛, 𝟓-𝟔, 𝟏𝟎, 𝟏𝟏-𝟏𝟐
𝐒𝐚 𝐏𝐚𝐧𝐠𝐢𝐧𝐨𝐨'𝐲 𝐦𝐚𝐠𝐚𝐥𝐚𝐤 𝐚𝐧𝐠 𝐦𝐚𝐬𝐮𝐧𝐮𝐫𝐢'𝐭 𝐦𝐚𝐭𝐚𝐩𝐚𝐭.

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝟏 𝐓𝐞𝐬 𝟒:𝟏-𝟖

𝐄𝐛𝐚𝐧𝐠𝐡𝐞𝐥𝐲𝐨: 𝐌𝐜 𝟔: 𝟏𝟕-𝟐𝟗

Si Herodes nga ang nagpahuli kay Juan, at ipinakadena ito sa kulungan dahil kay Herodias na asawa ng kanyang kapatid na si Felipe. Pinakasalan ni Herodes si Herodias at sinabi ni Juan kay Herodes: "Hindi mo puwedeng kasamahin ang asawa ng iyong kapatid." Talaga ngang matindi ang galit ni Herodias kay Juan at gusto niya itong patayin pero hindi niya magawa. Iginagalang nga ni Herodes si Juan dahil itinuturing niya itong mabuti at banal na tao, kaya pinanatili niya itong buhay. Nalilito siya matapos makinig kay Juan, gayunma'y gusto pa - rin niyang marinig ito.

At nagkaroon ng pagkakataon sa kaarawan ni Herodes nang maghanda siya para sa kanyang mga opisyal, mga pinuno ng hukbo at mahalagang tao ng Galilea. Pagpasok ng anak ni Herodias, nagsayaw ito at nasiyahan naman sa kanya si Herodes at lahat ng nasa handaan. Sinabi ng hari sa dalagita: "Ibibigay ko sa iyo ang anumang hingin mo." At sinumpaan pa niya ang pangakong ito: "Ibibigay ko sa iyo ang anumang hingin mo, kahit na ang kalahati ng aking kaha-rian." Lumabas ang anak at tinanong ang kanyang ina: "Ano ang hihingin ko?" At sumagot naman ito: "Ang ulo ni Juan Bautista." Agad niyang pinuntahan ang hari at sinabi: "Gusto kong ibigay mo agad sa akin ang ulo ni Juan Bautista sa isang bandeha."

Nabalisa ang hari ngunit ayaw niyang tumanggi dahil sa sinumpaan niyang pangako sa harap ng mga bisita. Kaya iniutos ng hari sa isa niyang guwardiya na dalhin ang ulo ni Juan. Pinugutan nito si Juan sa kulungan, inilagay sa isang bandeha ang kanyang ulo, ibinigay sa dalaga, at ibinigay naman ito ng dalaga sa kanyang ina. Nang mabalitaan ito ng mga alagad ni Juan, dumating sila para kunin ang kanyang katawan at inilibing.

𝗣𝗔𝗚𝗡𝗜𝗡𝗜𝗟𝗔𝗬

"Hindi mo pwedeng kasamahin ang asawa ng iyong kapatid. Talaga ngang matindi ang galit ni Herodias kay Juan at gusto niya itong patayin." Nagsimula sa matinding galit at nauwi sa pagpatay kay Juan Bautista. Bilang propeta ng Diyos buong tapang na hinarap ni Juan ang haring Herodes at pinagsabihan siya sa kanyang malaking kasalanan sa harapan ni Yawe, ang pangangalunya! Sa ating panahon ngayon, sino ang matapang na konprontahin ang mga nasa kapangyarihan at subukang ituwid ang kanilang likong buhay? Kadalasan pa nga ay pinapalakpakan pa ang mga pagmumura ng mga lider, binabalewala ang pagkukutya sa mga kababaihan, at ipinagtatanggol pa ang polisya ng pagpatay sa mga walang kalaban-laban. Subalit, iba si Juan Bautista, handa siyang magdusa maging tapat lamang sa kanyang misyong ipahayag ang katotohanan ng Diyos at hikayating talikuran ng Isang masama ang kanyang maling gawain. Ang hamon sa atin ng kapistahan ni Juan ay magkaroon din ng lakas ng loob at tapang na isabuhay ang pagiging propeta ni Kristo.

HFP- Holy Family Parish, Socorro

06/09/2025

06/09/2025

05/09/2025

04/09/2025

02/09/2025

02/09/2025

01/09/2025

01/09/2025

31/08/2025

29/08/2025

29/08/2025

28/08/2025

Address

Telephone

Website

Alerts

Contact The Business

Shortcuts

Share

Category