07/10/2026
| ๐ฃ๐๐๐๐๐๐๐๐ ๐ฆ๐ ๐ฃ๐๐๐๐๐๐๐๐๐๐
๐ ๐ด๐ฎ ๐ด๐๐ฟ๐ผ, ๐ธ๐ฎ๐๐ฎ๐ป๐ถ ๐ป๐ด ๐ฆ๐ผ๐น๐ฎ๐ป๐ผ ๐๐ฆ ๐ฝ๐ถ๐ป๐ฎ๐ฟ๐ฎ๐ป๐ด๐ฎ๐น๐ฎ๐ป ๐๐ฎ ๐๐ฒ๐ฟ๐ฏ๐ถ๐๐๐ผ ๐ฎ๐ ๐ธ๐ฎ๐ฟ๐๐ป๐๐ป๐ด๐ฎ๐ป
Kinilala ang katapatan, kahusayan, at mahabang paninilbihan ng mga g**o at kawani ng Solano High School sa isinagawang programa ng pagkilala sa mga natatanging kawani ng paaralan, tampok ang pagbibigay ng Service Awards at SIKAT Awards na ginanap sa himnasyo ng paaralan, Agosto 5.
Sa masiglang pangunguna nina Gracious Balawag at Vincent Santiago bilang mga g**o ng palatuntunan, pormal na sinimulan ang programa sa pamamagitan ng panalangin ni Eriel Grant Tamani at pag-awit ng Pambansang Awit na pinangunahan ni Gng. Melba Agravante, Teacher III ng Science Department.
Nagbigay naman ng pambungad na pananalita si SSLG President Kyle Velasco na sinundan ng mensahe ng pagtanggap ni School Principal IV Dr. Trinidad B. Logan.
Samantala, naghatid ng saya at kulay sa programa ang mga intermission number nina Gng. Marjoree Leal, Teacher I ng ESP Department; Bb. Khristelle Beting, Teacher II ng Math Department; G. Rodel Tubaran, Teacher III ng AP Department; at Gng. Janet Divad, Administrative Assistant III.
Ipinakilala naman ni G. Marco Lacangan, Teacher I ng Science Department, ang panauhing tagapagsalita na si Nueva Vizcaya Board Member Hon. Eunice Gambol, na nagbigay ng inspirational message na nakasentro sa tatlong mahahalagang paalala: work with integrity, work with excellence, at work hard.
Binigyang-diin ni Gambol na mahalaga ang integridad bilang pundasyon ng tiwala at respeto. Hinikayat din niya ang mga g**o at kawani na laging ibigay ang kanilang pinakamahusay na serbisyo, kasabay ng paalalang, โDo your best and God will do the rest.โ Aniya, mahalaga rin ang pagsusumikap upang makamit ang tagumpay.
๐ ๐๐ง๐๐๐๐ ๐ก๐ ๐ฆ๐๐ฅ๐๐๐ฆ๐ฌ๐ข, ๐๐๐ก๐๐๐๐๐
Pinangunahan naman ni G. Gerome Rogel ang pagkilala sa mga g**o at kawani na naglaan ng maraming taon ng kanilang buhay sa serbisyo.
Aluminum Service Award โ 10 Taon sa Serbisyo
Kinilala sina Rochelle Anne P. Domingo, Administrative Assistant II; Brainy C. Domingo, Teacher I; Rodel D. Dulnuan, Teacher I; Zenaida B. Tacadena, Teacher III; Lorelin M. Dela Cruz, Teacher III; Benjamin B. Nejal, Teacher III; Andrea Mariae A. Romero, Teacher III; Rei Frances May Agcaoili, Teacher III; Michelle V. Bergantiรฑos, Teacher III; Ana Norinyl R. Clemor, Teacher III; Dyanna Mariae D. Padilla, Teacher III; Rizalyn L. Esquivel, Teacher VI; at Mylanie T. Garcia, Teacher III.
Crystal Service Award โ 15 Taon sa Serbisyo
Iginawad kina Winnie G. Dangan, Teacher III; Rodel R. Tubaran, Teacher III; at Lea A. Gomalog, Master Teacher I.
China Service Award โ 20 Taon sa Serbisyo
Tumanggap ng pagkilala sina Fely D. Dacusin, Regimel M. Rosana, at Mary Grace L. Daguio, pawang Teacher III.
Pearl Service Award โ 30 Taon sa Serbisyo
Pinarangalan naman sina Florina C. Beleno, Teacher III; Elizabeth A. Guillermo, Teacher VI; Alma Bella S. Blanza, Teacher VI; at Alma N. Tacang, Master Teacher I.
๐ฆ๐๐๐๐ง ๐๐ช๐๐ฅ๐๐๐๐ฆ, ๐๐ง๐๐ก๐๐ก๐๐๐๐
Bukod sa service awards, kinilala rin ang mga natatanging g**o sa ibaโt ibang larangan sa pamamagitan ng SIKAT Awards.
Itinanghal na pinakamahusay na g**o sa Matematika si Gng. Jasmin T. Gueib, Teacher III; English si Gng. Michelle V. Bergantiรฑos, Teacher III; Science si Gng. Andrea Mariae A. Romero, Teacher III; Araling Panlipunan si Dr. Den Mark C. Lorenzo, Teacher III; at ESP si Bb. Winona L. Borje, Teacher III.
Samantala, kinilala rin ang mga SIKAT Division Awardees, kabilang si Gng. Charito D. Bullanday, Teacher III, bilang Most Outstanding Secondary MAPEH Teacher โ 1st Runner-Up, at si Reinmark J. Tamani, Teacher III, bilang Most Outstanding Secondary Filipino Teacher-Champion sa buong dibisyon ng Nueva Vizcaya.
Binigyang-diin sa programa na ang bawat parangal ay hindi lamang pagkilala sa tagumpay, kundi pagpapahalaga rin sa mga taon ng tapat na serbisyo, dedikasyon, at patuloy na pagsisikap ng mga g**o at kawani para sa kalidad na edukasyon.
โ๏ธ Charis Mary Maddela
๐ท Ken Broncano at Rhea Divad
๐๐ถ๐ฎ๐ถ๐ต๐ฐ๐ฌ ๐ข๐ต ๐ฎ๐ข๐ฌ๐ช๐ฃ๐ข๐ญ๐ช๐ต๐ข! ๐-๐ง๐ฐ๐ญ๐ญ๐ฐ๐ธ ๐ข๐ฏ๐จ ๐ฐ๐ฑ๐ช๐ด๐บ๐ข๐ญ ๐ฏ๐ข ๐ฑ๐ข๐ฉ๐ข๐บ๐ข๐จ๐ข๐ฏ ๐ฏ๐จ ๐๐ฏ๐จ ๐๐ข๐ต๐ช๐ฏ๐จ๐ข๐ธ ๐๐ฏ๐ญ๐ช๐ฏ๐ฆ, ๐ข๐ฏ๐จ ๐ฐ๐ฑ๐ช๐ด๐บ๐ข๐ญ ๐ฏ๐ข ๐ฑ๐ข๐ฉ๐ข๐บ๐ข๐จ๐ข๐ฏ ๐ฏ๐จ ๐๐ข๐ต๐ข๐ข๐ด ๐ฏ๐ข ๐๐ข๐ข๐ณ๐ข๐ญ๐ข๐ฏ ๐ฏ๐จ ๐๐ฐ๐ญ๐ข๐ฏ๐ฐ ๐ฑ๐ข๐ณ๐ข ๐ด๐ข ๐ฎ๐จ๐ข ๐ฃ๐ข๐ญ๐ช๐ต๐ข'๐ต ๐ฌ๐ข๐จ๐ข๐ฏ๐ข๐ฑ๐ข๐ฏ.
๐ฉ [email protected]
๐ shsangbatingaw.wordpress.com
