https://www.facebook.com/103391421418837/

1161 DXDS News and Public Affairs, South Digos (2025)

19/07/2025

𝗧𝗔𝗡-𝗔𝗪𝗔 | Atol sa gipahigayong Skimboarding sa Dawis Beach, Brgy. Dawis Digos City July 19, 2025 isip parte sa pag celebrar sa Padigosan Festival 2025 sa susamang adlaw. | via: Alyzah Marie Sibya

19/07/2025

𝗧𝗔𝗡-𝗔𝗪𝗔 | Atol sa Sugbahan sa Lapyahan sa Dawis Baywalk, Brgy. Dawis, Digos City isip parte sa celebrasyon sa Padigosan Festival 2025 karong adlawa July 19 2025. | via: Alyzah Marie Sibya

18/07/2025

𝗧𝗔𝗡-𝗔𝗪𝗔 | Pamahayag ni City Agriculturist Assistant sir Arnold Casilac atol sa Bangkarera 2025, July 18 2025 alas 9:00 ang takna sa kabuntagon isip maoy facilitator ug isa sa highlight nga event sa pag celebrar sa Padigosan Festival 2025 karong July 19 2025. | via: Marissa Manalo 1161 News and Public Affairs

18/07/2025

𝗧𝗔𝗡-𝗔𝗪𝗔 | Nag malampuson ang gipahigayon Bangkarera 2025 sa Dawis Beach, Brgy. Dawis Digos City, July 18 2025 isip isa sa highlight sa ipahigayon Padigosan Festival 2025 karong July 19 2025.

Gisalmutan kini sa managlahing lugar diin dunay lahi-lahing kategorya sama sa Single Paddle, Balingan, 16 Horse Power ug 19 Horse Power.

Sa Single Paddle; 1st place si Joselito Ba**er taga Badiang Sinawilan Digos City nga naay premyong ₱10,000, plaque ug medal, si Jerome Alibon 2nd place taga Punta Biao Cogon, Digos City nga naay premyong ₱5,000, plaque ug medal, si Hamer Igen 3rd place taga Punta Biao Cogon, Digos City nga naay premyong ₱3,000, plaque ug medal.

Sa Baling; 1st place Team Kahoy nga naay premyong ₱15,000, plaque ug medal, 2nd place Team Power Puff Alaw nga naay premyong ₱10,000, plaque ug medal, ug ang 3rd place Team Twin Brother nga naay premyong ₱7,000, plaque ug medal.

Sa 16 Horse Power; ang daog si Eleazar Mawas (Team Alcamer) nga naay premyong ₱15,000, 9 Horse Power Engine, 1st place si Brex Diego (Team Fahad) nga naay premyong ₱10,000, 7.8 Horse Power Engine, ug ang 2nd place si Rijay Martin (Team Overtime) taga nga naay premyong ₱5,000, 6.5 Horse Power Engine

Sa 19 Horse Power; ang daog si Patric Pangyam (Team Voyawer ) nga naay premyong ₱20,000, 9 Horse Power Engine, 1st place nga si Benjie Prudente (Team Alcamar) nga naay premyong ₱15,000, 7.8 Horse Power Engine.

18/07/2025

𝗧𝗔𝗡-𝗔𝗪𝗔 | Gi-ulan sa kalipay ang gipahigayong isa sa mga highlight event sa Padigosan Festival 2025, ang Indak Indak sa Padigosan, July 18 2025 alas 3:00 ang takna sa kahaponon.

Gi-salmutan kini sa managlahing lugar sama sa Kapalong National Highschool, Kapalong Davao del Norte maoy champion nga naay premyong ₱350,000, 1st Runner Up Santa Cruz National Highschool, Santa Cruz Davao del Sur nga naay premyong ₱250,000, ni sunod ang Hagonoy National Highschool ang 2nd Runner Up nga naay premyong ₱150,000, ug ang Malita National Highschool maoy 3rd Runner Up nga naay premyong ₱75,000.

Anaa sa maong event si City Mayor Josef Fortich Cagas, Vice Mayor Atty. Johari Baña, Councilor Liza Maravillas Cagas, Councilor King Latasa, Councilor Michael Latasa, Councilor Ferdinand Danny Canastra, Councilor Jay Aldeguer. | via: Cassandra Batillones 1161 News and Public Affairs

17/07/2025

𝗧𝗔𝗡-𝗔𝗪𝗔 | Atol sa gipahigayong IP Ritual sa Digos River (Caños River) July 17, 2025 isip parte sa ika 76th Padigosan Festival 2025 nga icelebrar karong July 19, 2025. | via: Alyzah Marie Sibya

17/07/2025

𝗧𝗔𝗡-𝗔𝗪𝗔 | Nagpahigayon ug IP Ritual sa Digos River (Caños River), July 17, 2025 alas 5:00 ang takna sa kabuntagon isip kabahin sa celebrasyon sa 76th Padigosan Festival 2025.

Atol sa maong ritual nag handom kini sa importansya sa maong lugar pinaagi sa pag labay ug sinsilyo, manok, ug bulak sa maong tulay isip halad niini.

Present sa maong event si Kapitan Jay Medina sa Barangay Zone l Digos City, Bae Linda Esma Regidor Digos City IPMR, Bae Jerlina Owok Tribal Chieftain sa Brgy. Binaton Digos City ug maoy manguna sa gipahigayong ritual, Bae Rosalie Ybanez IPMR ug Tribal Chieftain Brgy. Balabag Digos City, Datu Alex Danton IPMR ug Tribal Chieftain sa Brgy. Sinawilan Digos City, Datu Marcelito Pameron IPMR sa Brgy. Dulangan Digos City, Nelson N Saligan IPMR ug Tribal Chieftain sa Brgy. Aplaya Digos City, Datu Jake S Colyama IPMR sa Brgy. San Miguel Digos City, Bae Melanie Esma IPMR sa Brgy. Igpit Digos City, Datu Serbando Owok IPMR sa Brgy. Binaton Digos City.

Courtesy 📷 | Alyzah Marie Sibya

13/07/2025

PULIS PATAY, HUMAN NAPUSILAN ANG KAUGALINGON!

Kabsan sa hinulamang kinabuhi ang usa ka pulis nga si Patrolwoman Kay Remando Dumasig, 28 anyos ug na assign sa Matanao Municipal Police Station human aksidenteng napusilan niini iyang kaugalingon alas 6:50 ang takna sa kagabhion niadtong July 11, 2025 sulod sa Female Quarter sa Matanao MPS, Purok Tahimik, Barangay Poblacion, Matanao, Davao del Sur.

Sa inisyal nga imbestigasyon nigawas nga si Patrolwoman Dumasig nag preparar sa iyang 9mm Girsan Pistol nga dunay Serial No. T6368-22CK03370 para pagpaabot sa posibleng buy-bust operation. Samtang nagkarga ug bala sa iyang armas, nahulog kini ug gisulayan kini niya pag kab-ot apan aksidenteng nagunitan niini ang gatilyo nga bahin sa armas hinungdan nga na-discharge kini nga niresulta sa kamatayon sa pinusilan sa ulo. Gihatod dayon siya sa MCDC Hospital sa Digos City alang sa emergency nga pagpatambal apan gideklarar nga namatay bisan pa sa mga paningkamot sa nag-atiman nga medical team.

Gihangyo ang Scene of the Crime Operatives (SOCO) nga mohimo og makuting imbestigasyon sa insidente. Ang narekober nga service firearm anaa na sa tukmang kustodiya isip kabahin sa nagpadayong imbestigasyon. Ang Davao del Sur Provincial Police Office magpadayon sa paghatag sa tanang gikinahanglang suporta ug tabang sa pamilya ni Patrolwoman Dumasig. Nagsuporta ug nagsiguro nga ang tukma nga mga protocol ug imbestigasyon sundon.
Si PCOL LEO T. AJERO, Provincial Director sa DSPPO, mipaabot sa iyang dakong pahasubo sa namatyan nga pamilya ni Patrolwoman Dumasig.

10/07/2025

SENIOR CITIZEN ANGOL HUMAN GI DUNGGAB!

Samaran ang usa ka senior citizen human sa nahitabong pag panunggab partikular minte sa Purok Gemilina, Alisoso Drive, Barangay San Miguel, Odaka, Digos City. Ang biktima giilang si alyas "Jaime" 60 anyos, minyo, laborer ug ang suspek giilang si alyas "Potot" 40 anyos, usa ka CSU ug parehong mulopyo sa nahisgutang lugar.

Sa inisyal nga imbestigasyon ni gawas, nga naa sa impluwensya sa ilimnong makahubog nga niabot sa balay ang kining suspek, nagpakita ug dili maayong pamatasan ug ni bungat kinig panultion nga " Epanglabay ko ning bangko run". Nisulay pa ug pugong ang biktima ngadto sa suspek ug gi tambagan nga paundangon na apan tungod panaglalis ni resulta na hinuon kini sa pag-dunggab ngadto sa biktima nga naigo sa tiyan nga bahin. Na rokober sa maong crime scene ang usa ka kutsilyo nga dunay sukod 18 inches.

Daling gidala ang biktima sa Davao del Sur Provincial Hospital ug ang suspek daling ni sibat sa wala mailhing direksyon.
Pagkahuman, ang suspek nga si alyas "Potot" bulontaryong ni surrender niadtong July 10 2025 alas 7:30 ang takna sa kabuntagon ug anaa na karon sa kustodiya sa mga kapulisan alang sa pagahimuong imbestigasyon.

02/07/2025

USA PATAY SA BANGGA SA MOTOR UG YELLOW BUS

Matanao Davao del Sur - Patay ang usa ka driver sa motor nga Kawasaki BR 200 A nga giilang si Glend Mark, hingkod ang panuigon ug mulopyo sa Barangay Barayong, Magsaysay Davao del Sur human sa nahitabong bangga niadtong July 02 2025 alas 6:55 ang takna sa kagabhion nga gikalambigitan sa Yellos Bus sa may Davao-Cotabato road, National Highway partikular sa Barangay Sinawilan, Matanao Davao del Sur nga gi maneho ni Luzmedello, 46 anyos, minyo ug mulopyo sa Barangay Upper Bala, Magsaysay Davao del Sur.

Subay sa imbestigasyon sa kapulisan ang motorsiklo ug ang bus nagbiyahe sa managlahi nga direksyon apan pag-abot niini sa lugar sa nahitaboan mi apply matud pa ug brake ang drayber sa bus apan tungod sa kadanlog sa dalan gumikan sa ulan, misulod sa pikas linya ang bus ug aksidente niining naigo ang motorsiklo. Sa kakusog sa impact nalagpot ang drayber sa motorsiklo ug napasok kini sa ligid sa bus.

Daling gidala sa MABAMA Hospital, Bansalan, Davao del Sur ang drayber sa motorsiklo apan gi deklara kining dead on arrival. Sa kasamtangan gi kustodiya na sa kapulisan ang drayber sa bus nga nalambigit sa maong disgrasya.

30/06/2025

𝗧𝗔𝗡-𝗔𝗪𝗔 | ‎9th Council Inauguration in Sangguniang Panlungsod
- Pormal nga gipahigayon ang inagurasyon niadtong June 30 2025 sa mga bag-ong konsehal sa 9th Council sa Sangguniang Panlungsod diin ang matag usa kanila naghatag og pasalamat nga mensahe sa katawhang Digoseño sa pagsalig ug pagbutar kanila isip bag-ong city councilor.
Sa maong seremonya, si City Vice Mayor Atty. Johari Baña ug Mayor Josef Cagas usab naghatag og mensahe, diin ilang gipadayag ang ilang kalipay ug paglaom sa mas daghang proyekto nga mahimong malambigit sa panag-uban sa mga bag-ong konsehal.
Mitambong usab si former Konsehal Ching Cadungog isip porma sa suporta sa mga bag-ong opisyal sa konseho.| via: Ivy Vendiola, 1161 News and Public Affiliate

Courtesy 📷 | MJFC Programs and Project

30/06/2025

𝗧𝗔𝗡-𝗔𝗪𝗔 | ‎Gipahigayon ang Inaugural and Oathtaking Ceremony 2025 sa Davao del Sur Capitol niadtong June 30 2025 nga adunay tema nga "LEGASIYA NGA GIBILIN, PANULUNDONG GIYA SA KAUGMAON." Gidaluhan kini sa mga nagkadaiyang mga kagawad, kapitan, respetadong mga opisyales, ilang pamilya ug mga katawhan sa Davao del Sur.
‎
‎Panahon sa seremonya gipadayag ni Governor Yvonne Roña Cagas ug Vice Governor Marc Cagas ang ilahang dakong pasalamat sa mga katawhan ug sa tanang opisyales nga adunay halangdong papel,
‎kauban na ana ang ilahang paghinumdom sa ilahang legasiya para sa mga katawhan sa Davao del Sur.
‎
‎Gipadayag usab ni Governor Yvonne ang ubay-ubay na nga mga proyekto nga napatukod ug ang mga proyekto para sa umaabot alang sa Davao del Sur. | via: Mary Grace Maranga, 1161 News and Public Affairs

1161 DXDS News and Public Affairs

19/07/2025

19/07/2025

18/07/2025

18/07/2025

18/07/2025

17/07/2025

17/07/2025

13/07/2025

10/07/2025

02/07/2025

30/06/2025

30/06/2025

Address

Website

Alerts

Contact The Business

Shortcuts

Share

Category