Radyo Alternatibo

Radyo Alternatibo Prime Broadcasting Network (PBN) is a broadcast radio network in the Philippines. Extra income ba kamo? By simply listening to this radio, will earn money! What?

It operates a number of stations across the country, mostly under the Radyo Alternatibo brand, as well as the flagship syndicated health and wellness program Dok Alternatibo First, Free download DABIGC RADIO apps . Play 24/7 NON stop 6 CHOICES all 24/7

1.Dongkoy show

2. Dok Ed and Chief edel tandem Dok alternatibo newscast

3. Public affairs programs with public officials

4.Real life T

estimonies ng iba"t ibang nagkasakit them gumaling PLUS JOKES

5 Dok alternatibo Product info 24/7

6. No ads pure music 24/7 & entertainment. Click link to downnload FREE. https://www.amfmph.net/shareapp/?appname=net.amfmph.dabigcradios&name=DabigC Coop Online Information

Pls SHARE this DABIGC apps to your groups and facebook posts.

DALAWA ARESTADO KABILANG ANG ISANG BARANGAY OFFICIAL SA BUYBUST OPERATION SA TAWI-TAWI AT LANAO DEL SURArestado ang dala...
26/09/2025

DALAWA ARESTADO KABILANG ANG ISANG BARANGAY OFFICIAL SA BUYBUST OPERATION SA TAWI-TAWI AT LANAO DEL SUR

Arestado ang dalawang katao, kabilang ang isang opisyal ng barangay, habang tinatayang P306,000 halaga ng iligal na droga ang nasamsam sa magkahiwalay na anti-drug operations sa Tawi-Tawi at Lanao del Sur, nitong Setyembre 23 at 24, 2025.
Sa ulat nitong Huwebes ni Gil Cesario Castro, director ng PDEA-Bangsamoro Autonomous Region in Muslim Mindanao, naaresto si “Wads,” 43-anyos, konsehal ng Barangay Tangngah, Tandubas, Tawi-Tawi, sa isang buy-bust operation pasado alas-4 ng hapon nitong Miyerkules.
Nakuha mula sa kanya ang apat na sachet ng hinihinalang shabu na may timbang na 20 gramo at nagkakahalaga ng P136,000, kasama ang drug paraphernalia, cellphone, ID, pitaka at buy-bust money.
Nakabilang umano si Wads sa regional target list ng PDEA at nahaharap sa kasong paglabag sa Comprehensive Dangerous Drugs Act of 2002.
Samantala, kinilala ni Police Brigadier General Jaysen De Guzman ng PRO-BARMM ang isa pang suspek na si “Jover,” na naaresto sa East Kilikili, Wao, Lanao del Sur nitong Martes.
Nasamsam mula sa kanya ang 25 gramo ng shabu na nagkakahalaga ng P170,000.
Detenido na ngayon si Jover sa Wao Municipal Police Station para sa kaukulang dokumentasyon at disposisyon.

26/09/2025

Dok Alternatibo Program | September 26, 2025

71-ANYOS NA RIDER, PATAY MATAPOS MASAGASAAN NG TRAILER TRUCK SA DAVAOPatay ang isang 71-anyos na rider matapos masagasaa...
26/09/2025

71-ANYOS NA RIDER, PATAY MATAPOS MASAGASAAN NG TRAILER TRUCK SA DAVAO

Patay ang isang 71-anyos na rider matapos masagasaan ng trailer truck noong Setyembre 24, 2025, sa Sitio Lomundao, Barangay Marilog District, Davao City.
Kinilala ang biktima sa alyas na “Inso,” residente ng Barangay Salaysay sa parehong distrito. Samantala, kinilala naman ang driver ng truck sa alyas na “Jay,” 47-anyos, at residente ng Riverside, Calinan.
Sa ulat ng Davao City Police Office, kagagaling lamang umano ni Inso sa pagpapakarga ng gasolina at tumatawid na pauwi nang bigla itong masagasaan ng dumaraang truck. Dahil sa lakas ng impact, nagliyab pa ang minamaneho niyang motorsiklo at agad rumesponde ang Bureau of Fire Protection-Calinan.
Dead on the spot ang biktima habang nasa kustodiya na ng pulisya ang driver ng truck para sa karampatang disposisyon.

DEPED OFFICIAL NA NAKALADKAD SA ANOMALIYA SA INFRA PROJECTS, PINASINUNGALINGAN ANG ALEGASYON Pinasinungalingan din ni De...
26/09/2025

DEPED OFFICIAL NA NAKALADKAD SA ANOMALIYA SA INFRA PROJECTS, PINASINUNGALINGAN ANG ALEGASYON

Pinasinungalingan din ni Department of Education (DepEd) Undersecretary Trygve Olaivar ang pagkakadawit niya sa umano’y anomaliya sa infrastructure projects ng gobyerno.
Sa isang statement, itinanggi niya ang mga alegasyon subalit bukas sa anumang imbestigasyon kaugnay sa isyu.
Handa din ang DepEd official na boluntaryong mag-leave of absence mula sa kaniyang posisyon para sa patas na imbestigasyon at handang makipagtulungan sa lahat ng paglilitis.
Ginawa ng DepEd official ang paglilinaw matapos siyang pangalanan sa affidavit ni Roberto Bernardo, dating DPWH Undersecretary na binasa niya sa pagdinig ng Senate Blue Ribbon Committee ngayong Huwebes, Setyembre 25 kaugnay sa umano’y kickback schemes sa public infrastructure projects.
Ayon kay Bernardo, dati umanong nagtrabaho si Olaivar para kay dating Senator Ramon Revilla Jr. saka lumipat sa opisina ni dating Sen. Sonny Angara, na kasalukuyang kalihim ng DepEd.
Isiniwalat ni Bernardo na personal umano siyang tinawagan ni Olaivar para sa isang pulong para pag-usapan ang unprogrammed funds sa ilalim ng Office of the Executive Secretary.
Dito, pinasusumite umano siya ni Olaivar ng listahan ng mga proyekto, kung saan nagkasundo umano silang dalawa para sa 15 percent cut.

CHR, NAGSASAGAWA NA NG IMBESTIGASYON SA UMANO’Y HUMAN RIGHTS VIOLATIONS SA MARAHAS NA PROTESTA SA MANILASinimulan na ng ...
26/09/2025

CHR, NAGSASAGAWA NA NG IMBESTIGASYON SA UMANO’Y HUMAN RIGHTS VIOLATIONS SA MARAHAS NA PROTESTA SA MANILA

Sinimulan na ng Commission on Human Rights (CHR) ang imbestigasyon sa umano’y human rights violations sa nangyaring riot/protest sa Manila nitong araw ng Lingo, September 21.
Kung babalikan ang naturang protesta, maraming sibilyan, pulis, aktibista, at mga miyembro ng media ang nasugatan at naipit sa gitna ng marahas na protesta.
Giit ng komisyon, ang mga serye ng protesta ay may akmang lugar sa isang demokratikong komunidad; ngunit ang karapatang mag-protesta ay hindi dapat nagdudulot ng panganib sa buhay ng iba.
Hindi rin dapat ito nagiging dahilan para ma-kompromiso ang public safety.
Ayon sa CHR, bagaman may karapatan ang gobiyerno na i-regulate ang mga malawakang pagtitipon upang mapangalagaan ang public order, dapat ay nakakasunod ito sa human rights standards
Unang nagsagawa ng monitoring ang CHR Metro Manila, kasama ang isang composite team mula sa central office sa kasagsagan ng kilos protesta sa Luneta Park, Ayala Bridge, at Recto Avenue sa Manila, kasama ang EDSA Shrine at People Power Monument sa Quezon City.
Napansin ng komisyon na naging mapayapa ang mga serye ng pagtitipon sa umaga sa Luneta Park ngunit naging marahas na sa iba pang lugar.
Ayon sa CHR, kino-kulekta na nito ang mga dokumentasyon at testimoniya ng mga nai-deploy na team bilang bahagi ng imbestigasyon. Kasama rin dito ang testimoniya ng mga indibidwal na nasaktan, nai-detene, at mga nakasaksi sa kilos-protesta.
Tiniyak ng komisyon na magsasagawa ito ng ‘impartial inquiry’ upang matukoy kung may nangyaring human rights violations, lalo na sa lumabas na report na may nilabag ang pulisya na rules of procedure sa paggamit nito ng pwersa.

DATING STAFF NI ZALDY CO, IBINUNYAG ANG PAGDE-DELIVER NG MALE-MALETANG PERA SA BAHAY NINA CONG. ZALDY CO AT DATING SPEAK...
26/09/2025

DATING STAFF NI ZALDY CO, IBINUNYAG ANG PAGDE-DELIVER NG MALE-MALETANG PERA SA BAHAY NINA CONG. ZALDY CO AT DATING SPEAKER MARTIN ROMUALDEZ

Lumantad din sa pagdinig ng Senate Blue Ribbon Committee ang isa pang testigo na nagsalaysay ng mga ginagawa nilang paghahatid ng male-maletang pera sa bahay nina Cong. Zaldy Co at dating Speaker Cong. Martin Romualdez.
Iniharap ni Senator Rodante Marcoleta ang resource person na si Orly Regala Guteza, dating sundalo at security consultant ni Co.
Inamin ni Guteza na naghahatid sila ng “basura”, ito ang tawag nila sa mga maletang naglalaman ng salapi na idini-deliver nila sa bahay ni Co at Romualdez.
Ang bawat maleta aniya ay naglalaman ng humigit kumulang ₱48 million bawat isa.
Sinabi ni Guteza na kapag may “duty detailed basura” ay pumupunta sila sa bahay ni Co sa Valle Verde, Pasig City at ito ay tinatanggap o niri-receive ng mga tauhan na sina John Paul Estrada at Mark Tecsay.
Binanggit din ni Guteza si ACT-CIS Party-list Rep. Eric Yap na minsang naghatid ng 46 maleta sa bahay ni Co.
Sa 46 na maleta, 11 rito ay iniiwan sa unit ni Co sa Horizon Residences habang ang 35 maleta ay inihahatid sa bahay ni Romualdez sa Mckinley Street sa Taguig City.
Dahil nangangamba sa kaligtasan niya at ng kanyang pamilya sa mga isiniwalat sa pagdinig ng Senado ay hiniling ni Guteza na mapasailalim siya sa Witness Protection Program.

OUTGOING CHINESE AMB. HUANG XILIAN NAKAHARAP SI PANGULONG MARCOS SA MALACANANGIkinalungkot ni Pangulong Ferdinand Marcos...
26/09/2025

OUTGOING CHINESE AMB. HUANG XILIAN NAKAHARAP SI PANGULONG MARCOS SA MALACANANG

Ikinalungkot ni Pangulong Ferdinand Marcos na hindi nagkaroon ng magandang progreso ang isyu sa West Philippine Sea (WPS).
Inihayag ito ng Pangulong Marcos, sa Farewell Call ni outgoing Chinese envoy na si Huang Xilian sa Palasyo ng Malakanyang nitong umaga ng huwebes.
Ayon sa Pangulo bagama’t hindi gaanong umusad ang mga pagsisikap na lutasin ang mga hamon sa West Philippine Sea, ay naramdaman pa rin ang kahalagahan ng maingat at mahinahong paghawak sa sitwasyon.
Giit ng Pangulo, sa kabila ng pagiging mahirap ng sitwasyon, nagawa pa rin na mapanatili na hindi lumala ang tensiyon sa rehiyon.
Sa kabila ng patuloy na pagiging agresibo ng China sa West Philippine Sea, hindi nagpapatinag ang Pilipinas at patuloy na pino protektahan ang soberenya ng bansa.
Binigyang-pugay naman ng Pangulo si Amb. Huang Xilian sa mga naging ambag ng opisyal para sa pagpapanatili ng maayos na ugnayan sa kabila ng mga diplomatikong hamon.
Sambit ng Pangulo sa Chinese envoy na mamimiss siya lalo at nakabuo na siya ng isang tunay na pangalawang tahanan dito sa Maynila.

BRICE HERNANDEZ, ILALABAS NA ANG LAHAT NG NALALAMAN UKOL SA FLOOD CONTROL SCANDAL —LEGAL COUNSELBuo na umano ang loob ni...
26/09/2025

BRICE HERNANDEZ, ILALABAS NA ANG LAHAT NG NALALAMAN UKOL SA FLOOD CONTROL SCANDAL —LEGAL COUNSEL

Buo na umano ang loob ni dating Bulacan 1st District Engineering asst. chief Brice Hernandez na ilabas ang lahat ng nalalaman ukol sa korapsyong nangyayari sa mga flood control project.
Ayon sa legal counsel ni Hernandez na si Atty. Raymond Fortun, nakapagdesisyon na ang kaniyang kliyente na ilabas ang lahat ng nalalaman ukol sa flood control scandal, hindi lamang sa pagharap niya sa congressional hearing kungdi maging sa Independent Commission on Infrastructure (ICI).
Simula nitong nakalipas na lingo ay nagdesisyon aniya ang kaniyang kliyente na makipagtulungan na sa mga serye ng imbestigasyon ukol sa naturang anomalya.
Inihalimbawa ni Atty. Fortun ang ginawa ni Hernandez na pagpapasakamay sa ICI sa kaniyang luxury car upang ipakita ang kaniyang sinseridad. Isa pang mamahaling sports car ang nakatakda niyang ipasakamay sa ICI sa mga susunod na araw.
Daan din ito aniya upang mabigyan siya ng seguridad sa ilalim ng Witness Protection Program (WPP) dahil sa sa bigat ng mga sensitibong impormasyon na kaniyang inilalabas at posible pang ilalabas sa mga susunod na araw.
Ayon pa kay Fortun, ipapasakamay na rin ni Hernandez ang kaniyang computer sa ICI, kasunod ng nauna nang pagbibigay ng ilang sensitibong dokumento, kapwa sa Senado at sa naturang komite.
Ang mga naturang dokumento aniya ay naglalaman ng mahahalagang ebidensiya at mga impormasyon ukol sa pagkakasangkot ng ilang mga malalaking indibidwal sa flood control scandal.

13 PATAY SA NAGDAANG BAGYONG NANDO AT MIRASOL SA BANSAUmakyat na sa 13 ang naitalang nasawi sa pananalasa ng nagdaang Ba...
26/09/2025

13 PATAY SA NAGDAANG BAGYONG NANDO AT MIRASOL SA BANSA

Umakyat na sa 13 ang naitalang nasawi sa pananalasa ng nagdaang Bagyong Nando, Mirasol at Habagat.
Sa datos ng National Disaster Risk Reduction and Management Council (NDRRMC), tatlo rito ang kumpirmado habang 10 ang patuloy pang beneberipika.
Samantala, 17 ang naitalang sugatan habang mayroon pang dalawang nawawala.
Sa pinaka-huling impormasyon mula sa NDRRMC nasa 224,549 pamilya o katumbas ng mahigit sa 915,000 indibidwal ang apektado ng sama ng panahon mula sa 1,672 barangays sa Ilocos Region, Cagayan Valley, Cordillera Administrative Region, Gitnang Luzon, National Capital Region, CALABARZON, MIMAROPA, Bicol Region, Western Visayas, Zamboanga Peninsula at BARMM.

EX-DPWH USEC. ROBERTO BERNARDO, PROTECTED WITNESS NA RIN —DOJItinuturing na ring protected witness ng Department of Just...
26/09/2025

EX-DPWH USEC. ROBERTO BERNARDO, PROTECTED WITNESS NA RIN —DOJ

Itinuturing na ring protected witness ng Department of Justice (DOJ) si dating Department of Public Works and Highways (DPWH) Undersecretary Roberto Bernardo.
Ito ang sinabi ni Justice Secretary Jesus Crispin Remulla nang dalhin sa tanggapan ng DOJ si Bernardo para panumpaan ang kaniyang salaysay kaugnay sa anomalya sa flood control projects.
Dumating sina Bernardo sa DOJ pasado alas-10 ng umaga ngayong Huwebes at inaasahang babalik din agad ng Senado sa pagpapatuloy ng pagdinig ng Blue Ribbon Committee.
Kinumpirma na rin ni Remulla na itinuturing na ring protected witness sina dating DPWH Bulacan 1st District Engineer Henry Alcantara, dating Assistant Engineer Brice Hernandez at Jaypee Mendoza.
Bukod sa dating DPWH officials na dawit sa korapsyon at katiwalian, protected witnesses na rin ang mag-asawang contractor na sina Curlee at Sarah Discaya.

EX-DPWH USEC. BERNARDO, ISINANGKOT SI CHIZ ESCUDERO, B**G REVILLA, NANCY BINAY AT IBA PA SA UMANO’Y KICKBACKS MULA SA MG...
26/09/2025

EX-DPWH USEC. BERNARDO, ISINANGKOT SI CHIZ ESCUDERO, B**G REVILLA, NANCY BINAY AT IBA PA SA UMANO’Y KICKBACKS MULA SA MGA PROYEKTO NG DPWH

Humarap na si dating Department of Public Works and Highways (DPWH) Undersecretary Roberto Bernardo sa ika-anim na pagdinig ng Senate Blue Ribbon Committee kung saan tatlong senador ang pinangalanan nito na nakinabang at nangomisyon sa mga maanomalyang proyekto ng DPWH.
Sa binasang affidavit ni Bernardo sa pagdinig, pinangalanan nito sina Senator Chiz Escudero, dating Senator Ramon “Bong” Revilla Jr., at dating Senator Nancy Binay na humingi ng mga proyekto at kumuha ng kickback mula sa mga ghost projects.
Ayon kay Bernardo, 20% o P800 million, o nasa P160 million, ang kinolekta ni Maynard Ngu para kay Escudero, at ang mga proyektong nakuha ay mula sa Valenzuela at Marinduque na naipasok sa General Appropriations Act.
Noong 2024 naman, nagkita si Bernardo at Revilla kung saan humingi umano ito ng listahan ng mga proyekto na inihanda ni dating District Engineer Henry Alcantara, na gagamitin para sa re-election bid ng senador noong midterm elections.
Si Alcantara mismo ang kumolekta ng 25% kickback ni Revilla na umabot sa P125 million at inihatid sa bahay ng dating senador sa Cavite.
Sa parehong taon, isang staff ni Binay na si Carleen Villa ang tumawag kay Bernardo para humingi ng mga proyekto at 15% na komisyon.
Nasa P37 million umano na kickback ang inihatid ni Alcantara sa bahay ni Binay sa Quezon City.
Iginiit ni Bernardo na wala siyang personal knowledge o partisipasyon sa pagpili ng mga ghost projects at sa hatian ng komisyon. Itinuro niya na sina Alcantara, Engineer Brice Hernandez, Engineer Jaypee Mendoza, at Engineer Arjay Domasig — na pawang mga opisyal ng Bulacan First District Engineering Office — ang may partisipasyon sa naturang ilegal na gawain.

25/09/2025

RADYO ALTERNATIBO BALITA | SEPTEMBER 26, 2025

Kasama si Jr Cañedo Loquias & Daisy Arañez

40% discount door-to-door Delivery text 0946-967-3211.
YOUTUBE: https://bit.ly/3khzu4K

Address

Dok Alternatibo Prime Complex, Sugar Road, Brgy. Tiguman
South Digos

Telephone

+639469673211

Website

Alerts

Be the first to know and let us send you an email when Radyo Alternatibo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radyo Alternatibo:

Shortcuts

Share

Category