https://www.facebook.com/105153722858201/

Surigao TV, Surigao City (2026)

10/10/2026

𝐇𝐌𝐂-𝐓𝐍𝐏 𝐍𝐚𝐠𝐬𝐮𝐩𝐨𝐫𝐭𝐚 𝐬𝐚𝐧𝐚𝐧 𝐌𝐢𝐚𝐩𝐢𝐥 𝐬𝐚 𝐌𝐚𝐥𝐚𝐦𝐩𝐮𝐬𝐨𝐧 𝐧𝐚 𝟐𝟎𝟐𝟔 𝐂𝐚𝐫𝐚𝐠𝐚 𝐌𝐢𝐧𝐢𝐧𝐠 𝐒𝐮𝐦𝐦𝐢𝐭

Aktibo na nagsuporta sanan miapil an Hinatuan Mining Corporation–Tagana-an Nickel Project (HMC-TNP) sa nagmalampuson na 2026 Caraga Mining Summit, kaiban an mga kaabag sa industriya sa pagpalig-on nan responsable sanan malahutajon na pagmina sa tibook rehiyon.

Subay sa tema na “Mining with Integrity: Transforming Challenges into Opportunities for a Resilient Future,” miapil an HMC- TNP sa mga aktibidad na naghatag nan higajon para sa pagbinayloay nan kahibayo, pagpalambo nan kahanas, sanan pagpalig-on nan relasyon sa mga komunidad sanan iba pa na stakeholders.

Isa sa mga panguna na aktibidad amu an 8th Caraga Mining Symposium, diin miapil an mga delegado nan HMC-TNP sa mga diskusyon kaiban an mga lider nan industriya. Pinaagi sa pagkat-on sanan pagbinayloay nan best practices, padajon na tagpalambo nan kompanya an ija mga pamaagi sa responsable na pagmina sanan pag-atiman sa kinaijahan.

Sa Booth Exhibit, tagpakita nan HMC-TNP an ila mga paningkamot sa sustainable development sanan environmental stewardship. Nahimo sab ini na higajon para makigsulti sa mga bisita mahitungod sa mga programa nan kompanya, mga inobasyon niini, sanan pakigtambayayong sa komunidad sa pagkab-ot nan malungtaron na kalamboan.

Miapil sab an kompanya sa Media Conference, diin tagpanguluhan ni Engr. Francisco J. Arañes, Jr., SVP/COO sanan Resident Mine Manager, an delegasyon nan HMC-TNP. Isip Presidente nan Chamber of Mines of Caraga Region, Inc. (CMCRI), nanguna sab sija sa mga diskusyon mahitungod sa responsable na pagmina sanan sa papel nan industriya sa Caraga. Pinaagi sa bukas na pagpakigsulti sa media, taghatagan nan pagtagad an sustainability, marajaw na mga pamaagi sa industriya, sanan lig-on na relasyon sa mga komunidad.

An mga representante nan Community Relations (ComRel) team, sa pagpanguna ni ComRel Manager Jay-ar Resuera, miapil sab sa Social Media Management Workshop for IEC and Page Managers of Company Accounts. Tumong nan amu na partisipasyon an mapalambo pa nan ila kahanas sa paghatag nan klaro, tukma, sanan mga impormasyon mahitungod sa Information, Education, and Communication (IEC) initiatives, mga programa sa komunidad, sanan responsable na pagmina.

Kabahin sab nan mga aktibidad na tag-apilan nan HMC-TNP an 1st Caraga Mines Human Resources Management Council, Inc. (CMHRMCI) Forum, na naka sentro sa pagpalambo nan human resource practices sa industriya. Naghatag nan closing remarks si HR Manager Marietta P. Ravina isip Bise Presidente nan CMHRMCI.

Gawas sa mga diskusyon sanan exhibit, aktibo sab an delegado nan HMC na miapil sa 5KM Color Run. Ini na aktibidad naghatag nan higajon para sa pagpalig-on nan teamwork sanan pagdasig sa mga empleyado na magpabilin na aktibo sanan mag-atiman nan ila panglawas.

Pinaagi nan ini na mga aktibidad, padajon na tagpakita nan HMC-TNP an ija pasalig sa responsable na pagmina, pagpanalipod sa kalikupan, pag-atiman sa mga empleyado, sanan pakigtambayayong sa mga komunidad para sa malahutajon na kaugmaon nan Caraga.

10/10/2026

₱𝟑 𝐌𝐢𝐥𝐲𝐨𝐧 𝐧𝐚 𝐌𝐢𝐧𝐢𝐛𝐮𝐬 𝐓𝐚𝐠 𝐓𝐮𝐫𝐧𝐨𝐯𝐞𝐫 𝐧𝐚𝐧 𝐓𝐇𝐏𝐀𝐋 𝐬𝐚 𝐂𝐚𝐠𝐝𝐢𝐚𝐧𝐚𝐨 𝐓𝐫𝐚𝐧𝐬𝐩𝐨𝐫𝐭 𝐒𝐞𝐫𝐯𝐢𝐜𝐞 𝐂𝐨𝐨𝐩𝐞𝐫𝐚𝐭𝐢𝐯𝐞 (𝐂𝐀𝐓𝐒𝐂𝐎)

10/10/2026

₱𝟑 𝐌𝐢𝐥𝐲𝐨𝐧 𝐧𝐚 𝐌𝐢𝐧𝐢𝐛𝐮𝐬 𝐓𝐚𝐠 𝐓𝐮𝐫𝐧𝐨𝐯𝐞𝐫 𝐧𝐚𝐧 𝐓𝐇𝐏𝐀𝐋 𝐬𝐚 𝐂𝐚𝐠𝐝𝐢𝐚𝐧𝐚𝐨 𝐓𝐫𝐚𝐧𝐬𝐩𝐨𝐫𝐭 𝐒𝐞𝐫𝐯𝐢𝐜𝐞 𝐂𝐨𝐨𝐩𝐞𝐫𝐚𝐭𝐢𝐯𝐞 (𝐂𝐀𝐓𝐒𝐂𝐎)

An Taganito HPAL Nickel Corporation (THPAL), pinaagi sa ila Social Development and Management Program (SDMP), nagturn-over nan Class 3 minibus na nagkantidad nan ₱3 milyon para sa Cagdianao Transport Service Cooperative (CATSCO), isa sa mga People’s Organizations (POs) na tagsuportahan nan kompanya, niadtong Septembre 21, 2026.

Taglauman na mapalig-on pa nan dugang na unit an kapasidad nan kooperatiba sa pagpalapad nan ila serbisyo, suyod sanan gawas sa munisipyo nan Claver. Makahatag sab ini nan dugang na kita para sa mga miyembro sanan makapadugang nan kalihukan sa ekonomiya sa komunidad.

Nagpahayag si Mr. Rodel Marianito, miyembro nan Board of Directors nan CATSCO, nan ija dako na pagpasalamat sa THPAL sa padajon na pinansyal na tabang sanan hugot na pagsalig sa kooperatiba. Matud pa nija, an suporta nan THPAL dili lamang importante na tabang, kon dili dako sab ini inspirasyon para sa kooperatiba samtang padajon sab an ila pagsusi nan mga bag-o na pamaagi para mapalig-on an ila operasyon sanan mapa-marajaw pa an serbisyo.

Tagpamatud-an sab nija an ila komitment na masiguro na an suporta nan THPAL mu-resulta sa makahuluganon sanan malahutajon na kalamboan. Nagpasalig sab si Mr. Marianito sa THPAL na magpadajon an kooperatiba sa pag-improve nan ila serbisyo sanan marajaw na pagdumaya aron mapamatud-an na an kada suporta nan kompanya naghatag nan malahutajon na karajawan para sa mga miyembro nan mga komunidad na ila tagserbisyohan.

Kabahin an seremonya nan pagturn-over sa padajon na pagpalig-on nan THPAL sa mga community-based enterprise para ipadajon an mga programa para sa pag-uswag sanan paglambo nan mga komunidad.

Labaw pa sa paghatag nan kagamitan, naningkamot an THPAL na makatukod nan komunidad na makatindog sa ila kaugalingon pinaagi sa pagpalambo nan mga programa sa panginabuhian para sa ila mga People’s Organizations, na timailhan sa kauswagan nan mga komunidad kun diin nagapadajon an ila operasyon.

28/09/2026

𝐓𝐇𝐏𝐀𝐋 𝐍𝐚𝐠-𝐭𝐮𝐫𝐧 𝐎𝐯𝐞𝐫 𝐧𝐚𝐧 ₱𝟏𝟓.𝟓 𝐌𝐢𝐥𝐲𝐨𝐧 𝐧𝐚 𝐃𝐚𝐠𝐤𝐨𝐧𝐠 𝐏𝐫𝐨𝐲𝐞𝐤𝐭𝐨 𝐬𝐚 𝐁𝐫𝐠𝐲. 𝐔𝐫𝐛𝐢𝐳𝐭𝐨𝐧𝐝𝐨, 𝐄𝐝𝐮𝐤𝐚𝐬𝐲𝐨𝐧 𝐬𝐚𝐧𝐚𝐧 𝐏𝐚𝐧𝐠𝐢𝐧𝐚𝐛𝐮𝐡𝐢𝐚𝐧 𝐓𝐚𝐠𝐩𝐚𝐥𝐢𝐠-𝐨𝐧

An Taganito HPAL Nickel Corporation (THPAL), pinaagi sa ila Social Development and Management Program (SDMP), opisyal na nag-turn over nan bag-o na nahuman na Urbiztondo Elementary School Multi-Purpose Gym na nagkantidad nan ₱7.7 milyon niadtong Setyembre 21, 2026. An proyekto isa na sab ka pagpamatuod sa padajon na komitment nan THPAL sa pagsuporta sa kalidad na edukasyon sanan pagpalambo nan ila mga host communities.

An pasilidad pormal na tagdawat ni Dr. Karen L. Galanida, CESO V, Schools Division Superintendent nan Department of Education–Schools Division of Surigao del Norte. Pinaagi sa bag-o na multi-purpose gym, makatagamtam nan luwas sanan angayan na lugar an mga estudyante sanan mga magtutudlo para sa physical education, mga aktibidad sa eskwelahan, mga panagtigom nan komunidad, sanan iban pa na mga programa.

Kaiban san na tag-turn over sa nahisgotan na aktibidad an Urbiztondo Pay Park na nagkantidad nan ₱5.3 milyon sanan Food Park na nagkantidad nan ₱2.5 milyon, na pormal sab na tagdawat nan Barangay Local Government Unit (BLGU) nan Urbiztondo. An mga proyekto taglauman na makatabang sa pagpalambo nan lokal na ekonomiya pinaagi sa paghatag nan mga oportunidad para sa mga lokal na negosyante sanan pagdugang nan mga panginabuhian suyod sa komunidad.

Nagpahayag sab nan dakong pasalamat si Hon. Larry G. Escutin, Punong Barangay nan Urbiztondo, sa padajon na suporta sanan pakigtambayayong nan THPAL sa barangay, ilabi na sa paghimo nan mga proyekto na makatabang sa malahutajon na kalamboan nan komunidad. Matud pa nija, an mga proyekto maghatag nan dako na benepisyo sa mga residente pinaagi sa pag-abri nan dugang na oportunidad para sa panginabuhian, pagpalig-on nan partisipasyon nan komunidad, sanan pagdasig nan mas aktibo na lokal na ekonomiya.

An pag-turn over nan mga proyekto nagpamatuod sa komitment nan THPAL sa makahuluganon na panagtambayayong nan pribado sanan publikong sektor sa pagtubag sa mga panginahanglan nan komunidad. Tumong nan kompanya na makahimo nan malahutajon na mga proyekto na jauy dugay na epekto o sinyales nan kalamboan bisan moabot an panahon na mahuman na an operasyon nan THPAL.

Pinaagi nan ini na mga proyekto, an THPAL padajon na tag-invest dili lamang sa mga imprastraktura, kundili sa mga oportunidad na makahatag gahum sa mga komunidad, makapalig-on sa lokal na ekonomiya, sanan makahimo nan malahutajon na karajawan para sa kuman sanan sa magsunod pa na mga henerasyon.

27/09/2026

𝐓𝐇𝐏𝐀𝐋 𝐍𝐚𝐠-𝐭𝐮𝐫𝐧 𝐎𝐯𝐞𝐫 𝐧𝐚𝐧 ₱𝟑𝟑 𝐌𝐢𝐥𝐲𝐨𝐧 𝐧𝐚 𝐒𝐜𝐡𝐨𝐨𝐥 𝐁𝐮𝐢𝐥𝐝𝐢𝐧𝐠 𝐬𝐚 𝐓𝐚𝐠𝐚𝐧𝐢𝐭𝐨 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥

An Taganito HPAL Nickel Corporation (THPAL), pinaagi sa ila Social Development and Management Program (SDMP), opisyal na nag-turn over nan bag-o na natukod na two-storey school building na jauy 10 ka classrooms na nagkantidad nan ₱33 milyon ngadto sa Taganito Elementary School niadtong Setyembre 21, 2026. An ini na proyekto nagpamatuod sa padajon na komitment nan kompanya sa pagsuporta sa dekalidad na edukasyon sanan pagpalambo nan komunidad.

An bag-o na nahuman na school building pormal na tagdawat ni Dr. Karen L. Galanida, CESO V, Schools Division Superintendent nan Department of Education–Schools Division of Surigao del Norte. Ija sab tagpaabot an kinasingkasing na pagpasalamat sa THPAL tungod sa padajon na pagpamuhunan para sa kaugmaon pinaagi sa edukasyon, sanan sa bililhon na suporta sanan pakigtambayayong niini sa pagtubag sa kakulang nan pondo nan DepEd sanan sa nagkadaghan na mga estudyante.

Pinaagi sa ini na proyekto, nadugangan an mga classrooms para sa nagkadaghan na mga estudyante sa Taganito sanan nahatagan sila nan mas luwas, marajaw, sanan angayan na lugar para sa pagkat-on sanan pagtudlo. Gilauman na an bag-o na pasilidad makatabang sa pagtubag sa panginahanglan nan dugang na classrooms sanan makasuporta sa eskwelahan sa padajon na paghatag nan dekalidad na edukasyon sa nagka hamok na mga estudyante.

Matud pa ni Ms. Genevieve P. Chua, COMREL Manager nan THPAL, padajon an lig-on na komitment nan kompanya sa pagpalambo nan kaayuhan nan mga estudyante sanan pagsuporta sa mga inisyatibo na naghatag nan makahuluganon na mga oportunidad ngadto sa mga komunidad na ila tagsuportahan. Ija sab tagpadayag na, labaw pa sa paghatag nan diha-diha na tabang, tumong nan THPAL na magbilin nan malahutajon na legasiya sa ila host sanan neighboring communities - isa ka legasiya na padajon na maghatag nan bili, magdasig nan kalamboan, sanan mapuslan nan sunod na mga henerasyon.

“An matag pagpamuhunan sa edukasyon isa ka pagpamuhunan para sa kaugmaon. Pinaagi sa mga inisyatibo sama nan ini, taglauman namo na makabilin nan legasiya na magpadajon an paghimo nan mga oportunidad sanan makahimo nan kabag-ohan sa kinabuhi nan sunod na henerasyon,” matud pa ni Ms. Chua.

Para sa THPAL, an proyekto labaw pa sa pagtukod lamang nan mga classrooms. Nagrepresentar ini nan hiniusang komitment sa pagpalig-on nan pundasyon nan edukasyon sanan paghimo nan mga oportunidad na makatabang sa paghulma nan marajaw na kaugmaon nan mga kabatan-onan. Pinaagi sa pagpamuhunan sa importante na imprastraktura para sa edukasyon, tumong nan kompanya na makatampo sa paghimo nan lugar sa pagkat-on kun diin mapalambo nan mga estudyante an ila kahibayo, kahanas, pagsalig sa kaugalingon, sanan mga pangandoy.

An turnover nagpasiugda sab sa importansya nan lig-on na pakigtambayayong nan pribadong sektor, mga ahensya nan gobyerno, sanan lokal na mga komunidad sa pagtubag sa importante na mga panginahanglan para sa kalamboan.

23/09/2026

𝐇𝐌𝐂 𝐍𝐚𝐠𝐝𝐨𝐧𝐚𝐫 𝐧𝐚𝐧 𝐔𝐩𝐜𝐲𝐜𝐥𝐞𝐝 𝐈𝐭𝐞𝐦𝐬 𝐬𝐚 𝐒𝐚𝐧 𝐉𝐨𝐬𝐞 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥

Isip kabahin nan padajon na dedikasyon sa environmental sustainability sanan community development, malampuson na tagturn-over nan Hinatuan Mining Corporation – Tagana-an Nickel Project (HMC-TNP) an mga upcycled items ngadto sa San Jose Elementary School niaging Agosto 26, 2026.

An mga materyales na kaniadto tag-isip na basura, taghatagan nan bag-o na gamit pinaagi sa paghimo niini ngadto sa mapuslanon sanan creative na mga butang. Pinaagi nan ini, tagpakita nan HMC-TNP na an mga butang na kasagaran ilabay mahimo pa gamiton pag-utro - makatabang sa pagpakunhod nan basura, pagkonserbar nan resources, sanan paghimo nan mga butang na mapuslanon sa komunidad.

Ini na inisyatibo kabahin nan padajon na pagpalambo nan HMC-TNP sa Reduce, Reuse, Recycle, and Repurpose (4Rs), samtang tagdasig an mga kabataan na makat-on na sa pag-atiman sanan pagpanalipod nan kinaiyahan lujo sa hingkod pa na mga edad niini.

Pinaagi sa mga programa pareho nan ini, padajon an HMC-TNP sa pagpalig-on nan environmental stewardship sanan pagpalambo nan mas responsable sanan sustainable na mga komunidad.

14/09/2026

𝐇𝐌𝐂 𝐍𝐚𝐠𝐩𝐚𝐡𝐢𝐠𝐚𝐣𝐨𝐧 𝐧𝐚𝐧 𝐏𝐮𝐥𝐨𝐧𝐠-𝐏𝐮𝐥𝐨𝐧𝐠 𝐬𝐚 𝐦𝐠𝐚 𝐇𝐨𝐬𝐭 𝐂𝐨𝐦𝐦𝐮𝐧𝐢𝐭𝐢𝐞𝐬

Nagpahigajon an Hinatuan Mining Corporation (HMC) nan sunod-sunod na pulong-pulong sa mga host communities nan milabay na buyan nan Agosto, pinaagi sa Community Relations (ComRel) team sa pagpanguna ni Manager Jay-R Resuera.

Tumong nan mga aktibidad na mapalig-on an koordinasyon sanan marajaw na komunikasyon tali sa kompanya sanan mga komunidad. Suyod sa mga panagtigom, tagpaambit nan HMC an mga importante na mga impormasyon kabahin sa progreso nan kompanya, lakip an Mine Closure and Final Mine Rehabilitation and/or Decommissioning Plan o FMRDP. Nahimo sab ini na higajon para makapadayag an mga stakeholders nan ila mga pangutana, suhestyon, sanan mga panginahanglanon.

Miapil sa mga pulong-pulong an mga representante nan Bagong Silang United Fishermen Cooperative (BaSUFisCo), Campandan Community Fishermen Cooperative (CamCoFisCo), Talavera Empowered Women Consumers Cooperative (TEmWoCoCo), Barangay Health Workers (BHWs), sanan Senior Citizens Organizations gikan sa mga host communities nan HMC.

Pinaagi nan ini na mga panagtigom, padajon na tagpalig-on nan HMC an transparensya, partisipasyon nan komunidad, sanan panaghiusa isip importante na kabahin nan responsable sanan malahutajon na pagmina.

06/09/2026

111 ka Community Representatives Nibisita sa THPAL Plantsite

An Taganito HPAL Nickel Corporation (THPAL) nagpahigajon nan Plant Tour para sa 111 ka Barangay Local Government Unit (BLGU) officials sanan sectoral representatives gikan sa mga Barangay nan Taganito, Hayanggabon, sanan Cagdianao nan milabay na Agosto 19, 25 sanan Setyembre 2, 2026.

An amu na aktibidad kabahin sa commitment nan THPAL sa padajon sanan mas tagpalapdan na kampanya sa Information, Education, and Communication (IEC) para sa ila host sanan neighboring barangays, para kahatagan an mga komunidad nan sakto sanan kasaligan na impormasyon mahitungod sa operasyon nan kompanya.

Pinaagi sa direkta na pakiglambigit sanan pag-inistoryahay, tagtinguha nan THPAL na matubag an pagkanat nan mga sajop na impormasyon na makahatag nan dili angay na kagul-anan sa mga komunidad. An Plant Tour naghatag sab nan oportunidad na direktang matubag sanan maklaro nan mga teknikal na empleyado nan kompanya an mga pangutana, isyu, sanan kabayaka nan mga katawhan para mas mapalig-on pa gajud an suporta nan ila mga komunidad.

Matud pa ni Hon. Teresita Calog, Barangay Council Member nan Hayanggabon, importante na personal na makita an operasyon nan THPAL, labi na an dako na pagtagad nan kompanya sa safety dili lamang nan ila mga empleyado kundi apil sab an mga komunidad. Ija sab tagpadayag na labaw pa sa negosyo an commitment nan THPAL kun dili apil sab an pag-atiman sa kinaiyahan sanan mga programa para sa kalamboan nan komunidad na naghatag nan malahutajon na benepisyo sa katawhan.

Labaw pa sa pagpakita nan operasyon nan kompanya, an amu na inisyatibo nagpamatuod sa commitment nan THPAL isip responsible corporate citizen - na tagbalanse sa marajaw na operasyon, pag-atiman sa kinaiyahan, pagsiguro sa safety nan mga empleyado sanan komunidad, sanan mahinungdanon na pagpalambo nan mga katawhan.

Tagpadayag sab nan THPAL na importante an padajon na komunikasyon sanan kolaborasyon para magpabilin an marajaw na relasyon sa ila host sanan neighboring communities. Pinaagi sa padajon na IEC activities, stakeholder engagements, sanan community-centered initiatives, magpadajon sab an THPAL sa pagpalig-on nan pagsalig sanan partnership, sanan pagtinabangay pasingud sa malahutajon sanan inklusibo na kalamboan.

03/09/2026

𝟑𝟓𝟕 𝐤𝐚 𝐦𝐠𝐚 𝐫𝐞𝐬𝐢𝐝𝐞𝐧𝐭𝐞 𝐧𝐚𝐤𝐚𝐝𝐚𝐰𝐚𝐭 𝐧𝐚𝐧 𝐥𝐢𝐛𝐫𝐞 𝐬𝐞𝐫𝐛𝐢𝐬𝐲𝐨 𝐦𝐞𝐝𝐢𝐤𝐚𝐥 𝐧𝐚𝐧 𝐇𝐌𝐂

357 ka residente gikan sa mga host communities nan Hinatuan Mining Corporation an nahatagan nan libreng serbisyo medikal human sa malampuson na 3rd Quarter Medical Mission nan kompaniya bag-o lamang.

Gawas sa routine check-ups sanan libre na tambay, taghatagan sab sila nan diagnostic services sama sa complete blood count (CBC) tests sanan sputum examinations para masiguro an mas marajaw sanan komprehensibo na pag-atiman sa ila panglawas.

Ini na inisyatibo kabahin nan commitment nan HMC sa UN Sustainable Development Goal 3: Good Health and Well-Being, sanan sa padajon na pag-atiman sa panglawas sanan karajawan nan ato mga komunidad.

Surigao TV

10/10/2026

10/10/2026

10/10/2026

28/09/2026

27/09/2026

23/09/2026

14/09/2026

06/09/2026

03/09/2026

Address

Telephone

Website

Alerts

Contact The Business

Shortcuts

Share

Category

Listing takedown request