05/12/2023
MGA TULISAN SA BINALIW, SIKOP
Dakpan na sa kapulisan ang mga nanulis sa Brgy.Binaliw ning syudad sa Sugbo kagahapong adlawa, Disyembre 4,2023
Gipanguhan ni Police Lt.Col.Conrado Manatad sa Cebu City Police Office kun CCPO ang pagsikop sa maong mga tulisan didto sa Brgy.Soong, dakbayan sa Lapu-Lapu ganihang buntag, Dec.5.
Sa pagpakighinabi ning inyong tigbalita sa usa sa mga suspek kinsa silingan ra sa biktima sa General Santos City nangatarongan kini nga ilang gitulis ang mga biktima nga gipasanginlan sa suspek nga mga scammer.
Nialegar sab ang mga tulisan nga mao kini hinungdan nga daghan og kwarta ang mga biktima.
Apan ang mga biktima nga magtiayon nga giingong kaila ra sab sa usa sa mga suspetsado emosyonal nga nipadayag nga labihan silang nakurat, nakuyawan, ug nahibung sa gibuhat sa suspek human giunay sila og tulis niini, gitionan sab sila og armas.
Giangkon hinoon kini sa tulisan nga natintal siya sa pagbuhat sa ingon ug nangayo'g pasaylo ngadto sa iyang gi-biktima nga magtiayon nga iya ra sab mga kaila sa GenSan.
Usa ka awto ang ibaligya unta sa tag-iya niini sa kantidad nga โฑ330,000 ngadto sa magtiayong biktima, apan gitulis sila ug nakuha ang kantidad ingon man ilang mga alahas.
Apan ang na-recover sa kapulisan nga kwarta wala na makaabot og 330 mil pesos, apan nakuha ang mga alahas ug gihuptan nga armas.
๐ทReport ni Bandilyo Jean Manatong
