29/08/2022
" BATAS KAALAMAN'
" Walang Pambayad sa Ospital ang isang Pasyente ?? Ano Dapat Pong Gawin?
Ito po ang Tatalakayin at Pag uusapan po natin ngayon.
(1) Mayroon po bang BATAS para promoprotekta kung ikaw ay isang hikahos at nataon na natapat sa Kagipitan,at Wala kang Kapera pera?Tapos gusto mo ng ilabas pasyente mo na nakalagak sa isang pam pribadong ospital, at Sandamakmak na at Apaw na Hospital Billings or Statement of Account, Ano nga bang sinasabi at pinapaliwanag susog sa ilalim ng Batas?
- Kung nangangailangan na ng agarang atensiyong medikal, o di kaya ay nasa tamang kondisyon na upang makalabas ng ospital pero walang pambayad, mayroong ilang batas na maaaring sandalan.
Kapag magaling na ang isang pasyente at nabigyan na ng doktor ng permiso upang ma-discharge sa ospital, hindi na maaaring pigilan ng kahit sinong opisyal o empleyado ng ospital ang paglabas nito.
Hindi rin maaaring i-hostage ang isang bangkay Ng pasyente dahil lamang sa hindi pa nababayaran ng mga kamag-anak nya ang bills sa ospital.
Ito ay ayon sa batas na Republic Act 9439 o ang Anti-Hospital Detention Act na naglalayong protektahan ang mga hikahos sa buhay mula sa mga mananamantala. Maaari kasing mabaon pa sa utang ang mga pasyenteng pinananatili roon dulot ng kakulangan sa pera dahil sa dadagdag pa sa kanilang bayarin ang mga susunod na makokonsumo sa ospital.
Ngunit kailangan munang magbigay ang pasyente o ang namatayan na kamag-anak ng isang 'Promisory Note' o Sulat na nagbibigay ng kasiguruhan sa ospital na mababayaran rin ang bill sa ospital.
"Hindi din po kailangan na magbayad pero kailangan na ikaw ay magbigay ng tiyak na pangako na ikaw ay magbabayad,"
Matapos magbigay ng" Promisory Note", maaari nang bigyan ng medical certificate ang pasyente o death certificate ang namatayan. Maipoproseso na rin pati ang mga angkop na dokumento upang mai-release siya mula sa ospital.
Hindi po sakop ng batas ang mga pasyenteng piniling manatili sa isang pribadong kuwarto.
"Kasi ipinagpapalagay ng batas na kung kaya mong magbayad ng private room, hindi ka dapat makinabang sa batas na ito," di po ba?
Subalit, kung puno na ang ward at tanging private room na lang ang maaaring gamitin, kaya pa ring proteksiyunan ng batas na ito ang pasyente.
"Kung pagbabatayan natin ang layunin ng batas, mukhang papasok pa rin siya sa proteksiyon ng batas, kasi hindi naman niya pinili na mas maganda ang kuwarto... Call na iyan ng ospital dahil hindi naman puwede kang ipagtabuyan dahil meron naman tayong batas na kung kinakailangan siyang bigyan ng lunas at di pa talaga siya dapat i-discharge o bigyan ng permisong makalabas, kailangan talaga siyang makatanggap ng pag-aalaga o pagbibigay lunas ng ospital,".
Hindi rin kasi maaaring tanggihan ng isang pampubliko o pribadong ospital o klinika ang isang pasyenteng nangangailangan ng agarang atensiyong medikal, lalo na kung nasa bingit ng kamatayan, o may panganib na malumpo, mamatay, o magkaroon ng pangmatagalang disability, ayon sa Republic Act 10392 na nag-aamyenda sa Anti-Hospital Deposit Law.
: Multa sa ospital na inuuna ang bayad kaysa lunas, itinaas na yan.
Dahil dito, ipinapayo ko po sainyo na alamin talaga kung sa anong uri ng kuwarto ipinapasok ng ospital ang pasyente nang malaman kung sakop o hindi ng nasabing batas.
Pakatandaan ninyo din po,, hindi rin maaaring magpaalis agad ang doktor ng isang pasyente sa ospital hangga't hindi ito gumagaling dahil may sinumpaang tungkulin ito na magbigay ng tamang payong medikal.
"Kung pinayagan ka nilang lumabas ng ospital, pinaninindigan nilang wala na talgang mangyayari sa iyo at kaya mo nang gawin ang lunas o patuloy na pag-aalaga sa pasyente sa bahay."
Sana magsilbi po itong sandigan ninyo lalo na sa panahon na krisis at Madaming Biktima at Nakakaranas ng Pang aabuso sa mga karapatan ng ating kababayan.. Wag naman po natin pagsamantalahan ang kahinaan at kakuiangan sa Kaalaman sa Batas ang iba lalo na po itong mahihirap na tinatawag nating nasa laylayan o mga indigenous people.
Magandang Umaga po sainyong lahat, Ingat po kayo parati, To God be all the Glory ๐
๐
