K5 News FM Bacolod

11/02/2025

KALABANAN SA MGA PINOY NAGAPATI NGA DAKO ANG BULIG SANG AYUDA KA GOBYERNO SA MGA PIGADO

Nagapati ang kalabanan sa mga Pinoy nga ang mga social welfare programs sang gobyerno ang dako nga bulig sa mga pigado, sandig sa survey sang Social Weather Stations (SWS) kag Pulse Asia sang Enero.

Base sa SWS survey, 90% sa mga Pinoy ang nagasiling nga dako ang bulig sang Pantawid Pamilyang Pilipino Program (4Ps), 88% sa Tulong Panghanapbuhay sa Ating Disadvantaged/Displaced Workers (TUPAD), 81% sa Ayuda sa Kapos and Kita Program (AKAP) kag Walang Gutom Program (WGP), samtang 80% naman sa Assistance to Individuals in Crisis Situations (AICS).

Ginpatigayon ang survey humalin Enero 17 tubtob 20, 2025 sa diin yara sa 1,800 ka mga respondents ang ginpamangkot kun dako bala nga bulig para sa ila ang mga social welfare programs sang gobyerno.

“There is a need to ensure that public funds serve their intended purpose—to uplift the lives of the poor—and not the personal interest of some. When taxpayers’ money are spent properly, the Filipino people benefits through better services and economic progress,” pahayag ni Stratbase Group president Dindo Manhit.

Ini nga update ginadul-ong sang:








👉Mabibili sa Clinica De Alternativo Medicina and Wellness Center sa Hernaez Street, Bacolod City sa harap ng Paglaum Sports Complex Bldg. na katabi ng Eliakim Learning Center.

Troy Lorenz Basa | February 11, 2025
Via GMA News
Photo courtesy of DSWD (for visual only)

11/02/2025

PEACE COVENANT SIGNING SA MGA PROVINCIAL CANDIDATES SANG NEGROS OCCIDENTAL SA 2025 NATIONAL AND LOCAL ELECTIONS, PATIGAYUNON SA PEBRERO 13

Magapatigayon sang peace covenant signing ang tanan nga provincial candidates sa 2025 National and Local Elections (NLE) takna las 8:30 sang aga sa maabot nga Huwebes, Pebrero 13 sa Negros Occidental Police Provincial Office (NOCPPO).

Ginpahayag ni Provincial Election Supervisor Atty. Ian Lee Ananoria nga mangin boluntaryo para sa mga provincial candidates nga magkadto sa nasambit nga kahiwatan, apang mas maayo nga ipakita sang mga ini nga handa sila magpakigbahin sang mga aktibidad sang COMELEC.

Dugang pa ni Atty. Ananoria, may yara naman sang patigayunon nga community walk sa maabot nga Pebrero 20.

Sa pihak nga bahin, magapatigayon naman sang pagsinapol ang Provincial Joint Security Control Center (PJSCC) sang Negros Occidental sa maabot nga Pebrero 18 agud ma ‘thrash out’ ukon ma-isturyahan ang rekomendasyon sang COMELEC angut sa security concerns ukon election hotspot sa probinsya para sa palaabuton nga 2025 NLE.

Madumduman nga una na nga gindeklarar sang COMELEC-NIR kaupod ang Philippine National Police (PNP) kag Armed Forces of the Philippines (AFP) nga yara sa ‘code green’ ukon wala sang security concerns ang probinsya sang Negros Occidental sa maabot nga piniliay.

Apang base sa ginpaguwa nga listahan sang COMELEC sang tinalikdan nga Enero 17, na-classify sang Committee on Ban on Fi****ms and Security Concerns bilang ‘yellow category’ ang mga banwa sang Isabela kag San Enrique samtang ‘orange category’ naman ang banwa sang Calatrava kag Cauayan kag siudad sang Sipalay sa probinsya.*

By K5 Abigail Fuentes

Ini nga update ginadul-ong sang:








👉Mabibili sa Clinica De Alternativo Medicina and Wellness Center sa Hernaez Street, Bacolod City sa harap ng Paglaum Sports Complex Bldg. na katabi ng Eliakim Learning Center.

Coolen Cubia | February 11, 2025

11/02/2025

80-ANYOS NASUNUGAN SANG BALAY SA IYA MISMO NGA KAADLAWAN SA BRGY. TANGUB SIUDAD SANG BACOLOD

Nakaangkon sang pilas si Tatay Edgardo Asplico matapos magtalsik ang kalayo sa iya ulo samtang nagabasya ini sang tubig matapos magluntad ang sunog sa iya nga balay sa Rojas Village, Barangay Tangub, siudad sang Bacolod sini nga Martes, Pebrero 11.

Nahibaluan nga kaadlawan pa subong nga adlaw ni Tatay Edgardo rason nga tuman ang iya sini nga paghilibi-on.

Apang sa pihak sini, nagapasalamat sa gihapon si Tatay Edgardo nga wala siya ginpabay-an sang Ginoo kag naluwas siya sa katalagman pati ang iya nga asawa.

Suno kay Tatay Edgardo nakapanglaba pa siya, nakapaligo kag nakapanghalay sang linabhan sang nakit-an nila nga may naga-aso sa ila nga balay tubtob nga naglapta na.

Ginhingagaw pa nila nga basyahan sang tubig apang natupok gid sang kalayo ang bilog nga balay.

Sa karon, padayon pa ang imbestigasyon sang Bureau of Fire Protection (BFP) angot sa ginluntaran sang sunog.

Ini nga update ginadul-ong sang:








👉Mabibili sa Clinica De Alternativo Medicina and Wellness Center sa Hernaez Street, Bacolod City sa harap ng Paglaum Sports Complex Bldg. na katabi ng Eliakim Learning Center.

Coolen Cubia | February 11, 2025
Via K5 Red Salgado

11/02/2025

INTERNATIONAL NEWS

Top Stories
February 11, 2025

1. PANGULO SANG ROMANIA, NAGBIYA NA SA PWESTO - https://www.facebook.com/photo/?fbid=624305560452017&set=a.106621105553801

11/02/2025

NATIONAL NEWS

Top Stories
February 11, 2025

1. GRADE 8 STUDENT GINBUNO SANG GRADE 10 NGA NOBYO MATAPOS NAGPAMALIBAD NGA MAGPAKIGHILAWAS - https://www.facebook.com/photo/?fbid=624308350451738&set=a.106621105553801

2. BREAKING NEWS: Naka high-alert ang Palawan kag Basilan sini nga adlaw sang Martes matapos ang Long March 8A rocket launch sang China nga nakatalana nga mag take-off gikan sa Wenchang Spacecraft Launch Site sa Hainan. - https://www.facebook.com/photo/?fbid=624292457119994&set=a.106621105553801

3. NEWS UPDATE: Nagsugod na ang Campaign Period sa mga magapadalagan sa national positions subong nga adlaw, Martes, Pebrero 11 kag magatakop sa Mayo 10. - https://www.facebook.com/photo/?fbid=624259157123324&set=a.106621105553801

11/02/2025

REGIONAL NEWS

Top Stories
February 11, 2025

1. 16 ANYOS NGA LALAKI, NALUMOS-PATAY SA BANWA SANG DUMANGAS - https://www.facebook.com/photo/?fbid=122188590290116692&set=a.122183437898116692

11/02/2025

SPORTS NEWS

Top Stories
February 11, 2025

1. PBA GINPAKITA NA ANG LOGO SANG ILA 50TH ANNIVERSARY - https://www.facebook.com/photo/?fbid=624331303782776&set=a.106621105553801

11/02/2025

ENTERTAINMENT NEWS

Top Stories
February 11, 2025

1. SINGER NGA SI FRENCHIE DY, GIN-ATAKE SANG BELL'S PALSY - https://www.facebook.com/photo/?fbid=624376690444904&set=a.106621105553801

2. PHILMAR KAG ANDI, NAG-AYUHAY NA? - https://www.facebook.com/photo/?fbid=624320270450546&set=a.106621105553801

11/02/2025

🥥D3 Bio Knows!

☝️ D3 Bio Powers Up Your Brain!

🧠The medium chain fatty acids or MCFAs found in D3 Bio break down into ketones, which can be use by our brain cells for its fuel needs. The idea is that supplying the brain with some extra fuel might make it run better

🧑‍⚕️Research has shown that MCFAs from the cold pressed extra virgin coconut oil content of D3 Bio can improve memory and overall brain health of people with brain problems like brain fog. MCFAs from D3 Bio can even help people with mild to moderate Alzheimer's disease, including those with the APOE4 gene which is linked to an increased risk factor for this condition!

👌Now you know! Protect Your Brain! Take Clinica D3 Bio The Superfood Supplement Everyday!

11/02/2025

11/02/2025

FOREIGN EXCHANGE RATE: Bayluhanay sang Piso sini nga Martes, Pebrero 11, 2025.

Ini nga update ginadul-ong sang:








👉Mabibili sa Clinica De Alternativo Medicina and Wellness Center sa Hernaez Street, Bacolod City sa harap ng Paglaum Sports Complex Bldg. na katabi ng Eliakim Learning Center.

Coolen Cubia | February 11, 2025

11/02/2025

LOOK: Sunog nagluntad sa Rojas Village, Barangay Tangub, siudad sang Bacolod.

By K5 Red Salgado

Ini nga update ginadul-ong sang:








👉Mabibili sa Clinica De Alternativo Medicina and Wellness Center sa Hernaez Street, Bacolod City sa harap ng Paglaum Sports Complex Bldg. na katabi ng Eliakim Learning Center.

Coolen Cubia | February 11, 2025

11/02/2025

9 KA VOLCANIC EARTHQUAKES, NAREKORD SA BULKAN KANLAON

Narekord sa Bulkan Kanlaon ang siyam ka mga volcanic earthquakes sa sulod sang 24 oras humalin las 12:00 sang kaagahon kahapon tubtob las 12:00 kaina sang kaagahon, Pebrero 11.

Yara naman sa 4,150 ka tonelada sang asupre ang narekord sa bulkan base sa latest nga datus sang Philippine Institute of Volcanology and Seismology (PHIVOLCS).

Nagapabilin gihapon sa alert level 3 ang bulkan.

Ini nga update ginadul-ong sang:








👉Mabibili sa Clinica De Alternativo Medicina and Wellness Center sa Hernaez Street, Bacolod City sa harap ng Paglaum Sports Complex Bldg. na katabi ng Eliakim Learning Center.

Coolen Cubia | February 11, 2025
Photo courtesy of PHIVOLCS-DOST

11/02/2025

16 ANYOS NGA LALAKI, NALUMOS-PATAY SA BANWA SANG DUMANGAS

ILOILO — Wala na sang kabuhi sang nasapwan ang 16 anyos nga lalaki matapos nalumos sa punongan sa Sitio Umba, Barangay Bacay, Dumangas, Iloilo las-7:50 sang aga, Pebrero 11, 2025.

Ginkilala ang biktima nga si Alias Bensoy, fishpond care taker kag residente sang nasambit nga lugar.

Base sa report sang Dumangas Municipal Police Station, nasapwan ang biktima sang iya mismo Amay nga si Jonathan Decolongon.

Wala naman sang may nakita nga ano man nga pilas ang biktima apang padayon naman ang imbestigasyon sang kapulisan.

Via KA K5 Karen Badilla
Kim Caluyo | February 11, 2025
Ini nga balita ginadul-ong sa inyo sang:
D3BIO, DTX500, MIGHTY CEE, DTX COFFEE MIX
👉Mabibili Sa Lahat Ng Branch Ng Clinica De Alternativo At Sa Mga Nangungunang Botika Sa Inyong Lugar
MAGPAMATI SA KAMPEON NGA ISTASYON SA ILOILO ANG 88.7 K5 NEWS FM! BANDERA NOON, K5 NEWS FM AT NA NGAYON!

11/02/2025

SINGER NGA SI FRENCHIE DY, GIN-ATAKE SANG BELL'S PALSY

Nagpasalamat ang singer nga si Frenchie Dy sa iya ASAP family nga nagpalab-ot sang regalo sa iya matapos nga gin-anunsiyo nga liwat naman ini nga gin-atake sang Bell's Palsy.

Nahibaluan nga ikatatlo na ka beses nga gin-atake si Frenchie sang nasambit nga masakit.

Ginpahayag ni Frenchie nga sang nagligad lang, nakabatyag siya sang pagbag-o sa iya nga panabor.

Sang nag-inom ini sang tubig, indi niya na ma control ang iya bibig tubtob nga nagatulo ang tubig.

Nagpadulong si Frenchie sa ospital kag nakumpirmar nga may yara siya sang Bell's Palsy.

Get well soon, Frenchie!

Ini nga update ginadul-ong sang:








👉Mabibili sa Clinica De Alternativo Medicina and Wellness Center sa Hernaez Street, Bacolod City sa harap ng Paglaum Sports Complex Bldg. na katabi ng Eliakim Learning Center.

Coolen Cubia | February 11, 2025

11/02/2025

'OPERATION BAKLAS' SA BACOLOD, NAGSUGOD NA

Nagsugod na ang pagpatigayon sang 'Operation Baklas' sang Commission on Elections (COMELEC) sa siudad sang Bacolod kadungan man sa pag-umpisa sang Campaign Period para sa national positions.

Ginpakigbahin ni Bacolod City Election Officer Atty. Revo Sorbito ang ila nga operasyon sa siudad kaupod sanday Provincial Election Supervisor Ian Lee M Ananoria, BCPO City Director Joeresty Coronica, mga representatives gikan sa City Prosecutors Office, DPWH kag City Engineers Office.

Ini nga update ginadul-ong sang:








👉Mabibili sa Clinica De Alternativo Medicina and Wellness Center sa Hernaez Street, Bacolod City sa harap ng Paglaum Sports Complex Bldg. na katabi ng Eliakim Learning Center.

Coolen Cubia | February 11, 2025
Photos courtesy of Atty. Revo Sorbito

11/02/2025

50-ANYOS NGA ILOY, MAY 21 KA ANAK

Sa handum nga duha kabilog lang kuntani nga anak, naglab-ot naman sa 21.

Isa ka iloy sa Sorsogon City nga naga-edad 50-anyos ang may yara sang 21 ka anak.

Nahibaluan nga halos kada tuig nagabun-ag ini sang anak rason nga kilala na siya sa ospital.

Suno sa iloy nga si Kingking, may tion nga nagakasala siya sa pagtawag sang pangalan sang iya anak.

Ginpahayag ni Nanay Kingking nga 500 pesos ang budget sang iya pamilya kada adlaw sa diin ginapa-igo ang bugas, kape, kalamay kag tinapay para sa mga bata.

May mga tanom man sila nga kamote nga kung kis-a amo ini ang ila ginakaon.

Ang bana ni Nanay Kingking ang isa ka mangingisda kag siya naman ang nagabulig sa paglibod sang mga isda.

Kung kis-a nagapangayo sang pasaylo si Nanay Kingking sa iya mga anak bangud indi sini mahatag ang ila nga kinahanglanon.

Gin-aku man ni Nanay Kingking nga kulang ang iya ihibalo sa pag-gamit sang 'contraceptives' kag wala man siya sang inugbakal sini.

Gindugang pa ni Nanay Kingking nga nakulbaan man siya mag-gamit sa pagpati nga may malain ini nga epekto sa iya lawas.

Ini nga update ginadul-ong sang:








👉Mabibili sa Clinica De Alternativo Medicina and Wellness Center sa Hernaez Street, Bacolod City sa harap ng Paglaum Sports Complex Bldg. na katabi ng Eliakim Learning Center.

Coolen Cubia | February 11, 2025
Via KMJS