Radyo Pilipinas 837 Tabuk

01/09/2026

| September 2, 2026

Kasama si Lorenz Tanjoco.

01/09/2026

| September 1, 2026

Kasama sina Nords Maguindanao at Princess Habiba Sarip-Paudac

01/09/2026

Host : Amie D. Bumatnong
September 01,2026

01/09/2026

kitaen. : Inawat ni Presidente Ferdinand R. Marcos Jr. ti credentials ni His Excellency Ibok-Ete Ekwe Ibas kas Ambassador-designate ti Federal Republic of Nigeria iti Pilipinas.

Kalpasan ti pannakaiparang ti credentials, nakitaripnong ni Ptesidente Marcos kenni Ambassador-designate Ibas tapno pagsaritaan ti agtultuloy a panangpapigsa ti relasyon iti nagbaetan ti pilipinas ken Nigeria.

Ti Pilipinas ken Nigeria ket nangipasdek iti diplomatiko a relasyon idi Agosto 1, 1962, ken mangpatalged ti 65 a tawen a diplomatiko a relasyon iti 2027.

01/09/2026

Kitaen : Iti panangipatalged manen iti komitment ti administrasyon a mangitultuloy iti peace process ti pagilian ken mangitag-ay iti kapia, panagkaykaysa ken pannakikappia, indauluan ni Presidente Ferdinand R. Marcos Jr. ti seremonia ti pananglukat ti 2026 National Peace Consciousness Month (NPCM) iti Ceremonial Hall ti Malacañang Palace idi September 1, 2026.

Daytoy a panaggun-od iti maysa a bulan ket manglagip iti 30th Anniversary ti pannakapirma ti 1996 Final Peace Agreement (FPA) iti Moro National Liberation Front (MNLF), ti 40th Anniversary ti 1986 Mount Data Peace Accord, ken ti pannakapirma ti Agreement on the Fulfillment of the Mount Data Peace Accord a kaduana ti Cordillera Bodong Administration-Cordillera People’s Liberation Army (CBA-CPLA) “Sipat,” a nakatulong iti panangisagana iti dalan para iti panagpatingga riribuk iti Cordillera.

Ti programa ita a tawen ket idadauluan ti Office of the Presidential Adviser on Peace, Reconciliation and Unity (OPAPRU), agraman iti tema nga “Kapayapaan Pagtibayin, Kaunlaran Paigtingin.”

Iti daytoy a tema, ipaganetgetna no kasano a ti agtalinaed a kapia ket agbalin a pundasion iti inklusibo a panagdur-as ken naibingay a kinarang-ay para iti amin a Pilipino.

01/09/2026

Kitaen : Indauluan ni Presidente Ferdinand R. Marcos Jr. ita nga aldaw ti panagsapata iti trabaho dagiti 21 a baro a na-promote a flag officers ti Philippine Coast Guard (PCG).

Impaganetget ti Presidente ti napateg a papel ti PCG iti panangbantay kadagiti karayan ken baybay ti pagilian, pannakaipatungpal dagiti maritime laws, panangaramid kadagiti search and rescue operations, panangsungbat kadagiti didigra, ken pannakasalaknib dagiti managmula ken mannalon?

Impateg met ni PBBM dagiti baro a na-promote nga opisial ken inawisna ida a mangidaulo a nabileg, addaan iti integridad, mangisagana iti sumaruno a henerasyon dagiti lider ti PCG, ken awaten ti inobasion ken modernisasion iti panagserbi iti ili a Pilipino.

Manipud iti bilang a 31 a baro a na-promote a PCG flag officers, 21 ti nagsapata iti akemda iti sangoanan ti Presidente , bayat a dagiti nabati a 10 ket immun-una a nangisapata iti akemda iti sangoanan ti Acting Executive Secretary idi Marso 6, 2026.

01/09/2026

Kitaen : Gapu iti angin ti Habagat, adda dagiti paset ti Luzon ken Visayas a makarikna iti haze wenno asok manipud kadagiti forest fire iti Kalimantan, Indonesia.

Para iti salaknib, agsuot iti mask no kasapulan a rumuar. Pakaammoan ken balakadanda amin nga agannad, nangruna dagiti ubbing, nataengan, ken dagiti adda sakitda iti barukong wenno puso.

Dahil sa hanging Habagat, nakararanas ng haze o usok mula sa forest fires sa Kalimantan, Indonesia ang ilang bahagi ng Luzon at Visayas.

Para sa kaligtasan, magsuot ng mask kung kinakailangang lumabas. Pinapayuhan ang lahat na mag-ingat, lalo na ang mga bata, matatanda, at may sakit sa baga o puso.

01/09/2026

Kitaen : Pinagsapata ni Presidente Ferdinand R. Marcos Jr. dagiti baro a na-promote a flag officers ti Philippine Coast Guard (PCG) iti seremonia a naangay iti Malacañang Palace idi September 1, 2026.

01/09/2026

Kitaen : Indauluan ni Presidente Ferdinand R. Marcos Jr. ti taripnong ita nga aldaw a kaduana dagiti kameng ti Gabinete ken dagiti nairaman nga ahensya ti gobyerno, tapno mapagsaritaan ken mapapigsa pay ti gandat ti gobyerno iti panagsolbar ti layus iti Central Luzon ken Metro Manila.

Kadagiti napag-istoryaan ket ti agtultuloy a search, rescue ken evacuation operations, ti panangipaay iti financial assistance kadagiti pamilya a naapektaran, ti kasasaad ti panaglayus ken daloy ti trapiko iti NLEX, ti pannakaisagana dagiti ospital iti tengnga ti panagadu dagiti kaso ti leptospirosis, ken dagiti dagus a kasapulan a plano tapno matarimaan ti nadadael a dalan, rangtay , d**e, ken dadduma pay a napateg nga imprastraktura.

01/09/2026

Kitaen : Dagiti immuna a nagkaingin, agbalinen a forest guards ita!

Kadagiti lugar a kas iti Dauin, Negros Oriental, kabayatan a sumaysayaat ti panagbiag dagiti umili, agsubli met ti kinabaknang ti kabakiran babaen iti Luntiang Bukas Program.

Manipud iti pagbiagan babaen iti kape ken wild honey, agingga iti nalawag ken napintas a masakbayan dagiti pamilia, kitaen ditoy dagiti serbisio ken suporta nga ited ti gobyerno kadagiti nasurok a sangaribu a komunidad.