OpinYon 8

28/07/2025

Truth is the most powerful weapon and the surest shield against lies. It exposes falsehoods and protects those who live by it. But deception rarely presents itself in full. More often, it wears the mask of a half-truth, crafted to sound plausible, even convincing.

MONEY TALKS

This is where money becomes dangerously effective. With enough of it, narratives can be shaped, facts bent, and illusions made to look like truth. Wealth can buy influence, mute dissent, and sprinkle just enough truth to conceal the lie. The unsuspecting public, overwhelmed by sleek misinformation, may take fiction for fact.

BEWARE

The greatest threat is not the blatant lie, but the believable distortion. In such times, clinging to truth is not just a virtue -- it is defiance. It would be tragic if the evil wins.

28/07/2025

‎Pathwalk Rehabilitation ha Calbiga Gindumara Pinaagi han Barangay Development Fund
‎
‎Catbalogan City, Samar — Usa na naman nga kongkreto nga pitad an nahuman ha barangay, han pagkompleto han rehabilitation han pathwalk ha Purok 4, Brgy. Patong.
‎
‎Hadto, an pathwalk ha nasabi nga lugar in mayda na mga uneven portions ngan lasaw. Ha kada pag-uuran, napupuno ini hin tubig, ngan delikado na para ha mga senior citizen, kabataan, ngan mga umaragi.
‎
‎Ipinaagi han 20% Barangay Development Fund (BDF), mayda ginlaan nga pondo nga ₱30,000 para hini nga proyekto, ngan lakip han mga prayoridad nga araydon nga proyekto para han Fiscal Year 2025. Ginbuhat ini nga proyekto ha ilarum han paningkamot han Barangay Council, nga tumugot nga kinahanglan buhaton dayon an pathwalk para han katalwasan han mga residente.
‎
‎Nagpapadayon an barangay ha paglantaw hin mga simple pero epektibo nga proyekto ug programa nga makakabulig ha panginahanglan han komunidad. Nakita hini nga pitad nga bisan pa kun limitado la an pondo, basta may tinuod nga panuyo, posible gihapon magin mauswag an usa nga barangay.
‎
‎May Japzon|OpinYon 8
‎📷 Brgy Patong Calbiga

28/07/2025

‎Simba̱han Nagpapadayon han Misyon: Diocesan Coordinators Nagkatitirok para ha Charity Projects
‎
‎Catbalogan City, Samar- Ha panahon yana nga damo na an nahingangalimot han pagbulig ha igkasitawo, iginpakita han Diocese of Borongan nga buhi pa an espiritu han charity — an halipot nga paagi han pagpakita hin mahigugmaon nga kasingkasing. Hadin Hulyo 26, 2025, pormal nga ginlunsad an orientation para han mga Diocesan Fundraising Coordinators ngan Implementors ha Diocesan Multi-Purpose Building Social Hall ha Sitio Balatic, Borongan City. Ini nga katitirok in usa nga importante nga pitad han Simbahan basi makatirok hin pondo para ha mga proyekto nga may kalabutan ha serbisyo, pag-ataman, ngan pagserbisyo ha komunidad.
‎
‎Ha pahayag han Diocese, an gintututukan hini nga fundraising amo an pagtukod hin Home for the Elderly and Sickly Priests — usa nga pasilidad nga magtatagamtam han mga padi nga ha ilarum han kakurian han panlawas, padayon nga nagsakripisyo ha altar han pagserbisyo. Ha sugad man nga panuyuanan, nakalinya liwat an pagtukod hin Evacuation Center nga magsisirbi ha katawhan ha panahon han kalamidad — usa nga konkreto nga ehemplo han misyon han Simbahan nga magin kanlungan ha panahon han peligro. Ig dedisenyo gihapon an usa nga Formation Hall para ha mga padi ngan lay faithful, diin puydi magpadayon an pagbansay, paghimangraw, ngan paghag-id ha espirituhanon nga misyon. Lakip liwat ha plano an pag-establisar hin Diocesan Museum nga magpapabilin han kasaysayan han pagtuo han mga Boronganon nga naging kabahin han Simbahan.
‎
‎Pero sobra pa ha physical nga mga estruktura an ginlalantaw han Diocese. An tinuod nga espiritu han aktibidad amo an pag-awhag ha kada tagsa — diri la an mga may kaya ha kwarta kundi bisan an may kasingkasing nga andam magpaambit. Diri kinahanglan damo, diri kinahanglan dagko — kundi iginsasandig han Simbahan an misyon ha kaburut-on han komunidad nga maghiusa. Ginpabati han mga tagapanguna nga an kada sentimo nga ighahatag, in may katugbang nga paglaum. An pagbuburublig han layko, relihiyoso, kabataan, ngan bisan han kablas pero may kasingkasing ngan andam magpa-ambit, amo an magdadara han kalamrag ha proyekto nga puno han kaluoy. Kay an tinuod nga misyon, in nagtitikang ha kasingkasing nga andam magserbisyo, bisan waray kabalyo.
‎
‎May Japzon|OpinYon 8
‎📷 Diocese of Borongan

28/07/2025

‎Catbalogan Gintutukan an "Urban Gulayan" para ha Nutrisyon
‎
‎Catbalogan City, Samar— Ha padayon nga paningkamot han Syudad han Catbalogan nga mapa-baskog an seguridad ha pagkaon ngan mapabakod an kahimsog han kada pamilya, ginlunsad dida han nakalabay nga Hulyo 26, 2025, an "Urban Gulayan: Pagkain sa Bakuran, Kalusugan sa Tahanan" Training ha Bodega Skol Bar, Shell Diversion, Catbalogan City, kasumpay han pagsalinurog han 51st Nutrition Month.
‎
‎An aktibidad in gin-organisa han City Social Welfare and Development Office (CSWDO), ha kooperasyon han City Nutrition Office (CNO) ngan han City Agriculture Office (CAGRO).
‎
‎Ginkalipay han 170 nga benepisyaryo han Walang Gutom Program ngan 150 nga Barangay Nutrition Scholars an ira partisipasyon ha nasabi nga aktibidad, diin personal hira nga nakakarawat hin mga vegetable seedlings tikang ha CAGRO. Ini nga paningkamot in kabahin han adbokasiya nga pagdasig han home gardening sugad nga alternatibo nga surok han pagkaon ha kada panimalay.
‎
‎Ginsudlanan liwat an aktibidad hin mga panuyuanan nga diskusyon, practical demos, ngan pagbinayloay hin eksperyensya tikang ha mga naka api na ha pagbubulig han nutrition advocacy ha komunidad.
‎
‎Nagpapadayon an panawagan han LGU nga an kada Catbaloganon in magin aktibo nga partisipante ha mga programa nga may koneksyon ha nutrisyon, pagkaon, ngan panginabuhi.
‎
‎May Japzon|OpinYon 8
‎📷 CSWD

27/07/2025

Aadi an pahayag ni Borongan City Mayor Jose Ivan Dayan Agda mahitungod han anomalya nga gin-aalegar P6.4 Milyon nga kwarta an nawawara ha City Treasurer's Office (CTO) han syudad.

Sumala kan Mayor Agda, kompirmado nga mayda anomalya nga nahitatabo ha CTO, ini siring niya han ginbuhat nga interview han Media dida han mga nakalabay nga adlaw.

🎥 Courtesy: Pen Pomida

Van Basilia | OpinYon 8 News Reporter

27/07/2025

P6.4 MILYON NGA KWARTA HA TREASURER'S OFFICE HA BORONGAN CITY, NAWAWARA; CITY TREASURER NGAN IBA PA SINIBAK HA PWESTO.

Sinibak ha pwesto an City Treasurer ngahi Imari Plana kaupod an iba pa nga mga taga revenue collectors mahuman madiskubre an anomalya ha City Treasurer's Office (CTO) ha Borongan City, Eastern Samar.

Nadiskobrehan kasi nga may-ada koleksyon pero waray igdeposito ha bangko,kundiin gin-aalegar P6.4 Milyon nga kwarta an nawawara ha CTO, ini in pagkukumperma ni Borongan City Mayor Jose Ivan Dayan Agda, dida han interview han media.

Basar han inisyal nga imbestigasyon han Internal Audit Service, ginliwat an sistema han pagdumara han pondo kundiin waray igpahibaro ngadto han Mayor han Syudad.

Mahugot yana an ginbubuhat nga Audit han Commission on Audit (COA), kundiin posible nga masdako pa an nawawara nga kwarta.

Samtang ginsiguro naman ni Mayor Agda nga waray cover up hini, hustisya an magdadaog, ngan iya ginsuro nga diri maapektaran adton sweldo han mga empleyado.

Photo courtesy: Eastern Samar Times

Van Basilia | OpinYon 8 News Reporter

25/07/2025

Matarinao Bay tests positive for red tide

Read more
https://opinyon.net/national/matarinao-bay-tests-positive-for-red-tide

Matarinao Bay tests positive for red tide

25/07/2025

Catbalogan City, Samar — On a day meant to honor a new wave of Alternative Learning System (ALS) graduates, a name from a previous batch stole the spotlight—unexpectedly and quietly.

Read more
https://opinyon.net/national/from-pain-to-purpose-the-unseen-journey-of-als-achiever-lay-plana

Catbalogan City, Samar — On a day meant to honor a new wave of Alternative Learning System (ALS) graduates, a name from a previous batch stole the spotlight—unexpectedly and quietly.

25/07/2025

It's victory time once more for Taclobanons.

Read more
https://opinyon.net/national/tacloban-filmmaker-wins-at-29th-bifan-in-korea

It's victory time once more for Taclobanons.

25/07/2025

24/07/2025

‎Tanauan Mayor Posible Makasuhan Tungod hin Pag-Abuso ha Poder
‎
‎Palo, Leyte – Gindid-an han Office of the Ombudsman an hangyo ni Mayor Ma. Gina E. Merilo han Tanauan, Leyte nga usisahon utro an desisyon nga nagpapakita hin "probable cause" o rason nga hiya in maatubang ha kaso ha ilarum han Anti-Graft and Corrupt Practices Act.
‎
‎Sumala han Ombudsman, may ebidensya nga nagpapakita nga ginbalewaray ni Mayor Merilo an balaud han pagsulod ha serbisyo publiko, ipinaagi han ilegal nga pagkuha ha duha nga napirde nga kandidato han nakalabay nga eleksyon—nga hira Quintin Octa ngan Reynalda Almaden.
‎
‎Ginbuhat ini bisan klaro nga igindidiri han Konstitusyon ngan Local Government Code an pagtrabaho ha gobyerno han mga kandidato nga napirde han eleksyon sulod hin usa ka tuig tikang han piniliay.
‎
‎Ha imbestigasyon, napamatud-an nga gin-empleyo ni Mayor Merilo hira Octa ngan Almaden komo job order —bisan kon diri kaangayan. Hira Octa, usa nga dentista, ginhimo pa nga Project Engineer samtang hi Almaden, nga umabot na han edad nga para ha retirement, in ginpadayon la gihapon an kontrata ha LGU.
‎
‎Bisan waray direkta nga nawara nga pondo han LGU, siring han Ombudsman, nakahatag la gihapon hi Mayor Merilo hin "unwarranted benefits and preference" ha duha nga pribado nga indibidwal. Nga klaro an pagpabor ngan pagbalewaray ha balaud, nga ginhuhulagway nga usa nga porma hin korapsyon.
‎
‎Waray karawta han Ombudsman an argumento ni Mayor Merilo nga angay sundon an bag-o nga patakaran han DOJ, tungod kay magkaiba an mandato han duha nga ahensya. Padayon nga iginpapatuman han Ombudsman an iya existing rules, nga diri sakop han mga bag-o nga regulasyon han DOJ.
‎
‎Tungod hini, ginsaysay han Ombudsman nga igpapadayon an pagsaka han kaso ha korte. Pag aatubangon ni Mayor Merilo an kaso nga pagbayolar han Section 3(e) han RA 3019.
‎
‎
‎
‎
‎