27/07/2025
CHARITY BOXING, NAGSIMULA NA! TORRE, NASA RING NA — BASTE, NASA IBANG BANSA PA!😂😂😂
RIZAL MEMORIAL COLISEUM, MAYNILA — Mainit na ang aksyon sa “Boxing for a Cause: Laban Para sa Nasalanta” ngayong Linggo, Hulyo 27, habang nagsimula na ang mga undercard bouts sa isinagawang charity boxing event na inorganisa ni PNP Chief PGen. Nicolas Torre III.
Pasok na sa boxing ring si Gen. Torre — nakasuot ng boxing gear at todo ang tapang, handang-handa para sa laban kahit pa wala ang orihinal na kalaban na si Acting Davao City Mayor Sebastian “Baste” Duterte, na ayon sa kanyang pahayag ay kasalukuyang nasa Singapore.
Sa kabila ng kawalan ni Baste, tuloy na tuloy ang laban - hindi para sa personal na isyu, kundi para sa bayan, partikular sa mga nasalanta ng bagyo at kalamidad.
“Walang atrasan. Ang laban na ito ay para sa ating mga kababayan na nangangailangan,” pahayag ng kampo ni Gen. Torre.
Makikita sa mga larawan mula sa PNP-PIO via LIVE ang puspusang pagsisimula ng event, na sinusuportahan ng mga sponsors at ng publiko.
Sa huli, pinatunayan ni Torre na ang tunay na laban ay hindi lang nasusukat sa kamao, kundi sa puso para sa kapwa.
