12/09/2025
LOOK | EXTRACTION HIN BARAS HARANI HAN GIN-AAYAD NGA TULAY HA MAY DAGITAN RIVER NAKUMPIRMA!
Ginpanganino han Magik News FM Tacloban an nahipadangat nga impormasyon may paghisumpay hin pagkukuha hin mga baras ngan bato harani han gin-iinayad nga Dagitan Bridge nga nasasakupan han bungto han Dulag Leyte.
Didto nakompirmar han team an mao nga impormasyon kon diin lakip nga ginpakianhan an pira nga mga trabahador hini nga tulay nga gin-aayad ipinaagi han Joint Venture han Fairchild Construction ngan Andromeda Construction Services and Supply kun diin ira ginpahinuwa nga tikang ha tungod han tulay an ira gingagamit nga materials.
An Dagitan Bridge in gin-aayad yana ug mayda ini aprubado nga pondo nga nabalor hin ₱141,289,628.38.
Igintudlok han mga hini an LGU han Dulag nga asya lugod an nagkukuha han mao nga mga baras ngan diri hira.
Ginkadto naman han team an opisina ni Dulag Mayor Jade Agullo agud unta aruan hin komento pero waray ini ha iya opisina.
Nagbiling gihapon hin numero an Magik News FM Tacloban para unta matawagan kon pananglitan umabot na hi mayor Agullo pero kutob han pag post hini nga balita in waray pa nakakarawat nga tawag tikang ha LGU han Dulag.
An pagpanginano hini in basar na gihapon ha nag eksiher nga mga patakaran ha pagdiri hin pagkukuha hin mga baras ngan bato harani hin mga imprastraktora agud malikayan an ka ruba.
🎥 Jecjec Montallana Soyosa
