RMN Tacloban

RMN Tacloban Number 1 FM Radio Station in Tacloban City based on 2024 and 2025 Kantar Media Survey. We are 99.1 iFM RMN Tacloban We are 99.1 RMN Tacloban
(272)

The most trusted radio station in Eastern Visayas.

: BRGY CHAIRMAN, PATAY HAN MAKALIGIS HIN NATABOK NGA AYAM; AYAM PATAY GIHAPON Dead-on-arrival ha ospital an usa nga bar...
07/06/2026

: BRGY CHAIRMAN, PATAY HAN MAKALIGIS HIN NATABOK NGA AYAM; AYAM PATAY GIHAPON

Dead-on-arrival ha ospital an usa nga barangay chairman han makaligis hin natabok nga ayam samtang ginsusulsog an national highway ha Brgy. Gaas, Baybay City, Leyte.

An biktima amo hi alyas “Rob,” 60 anyos, Barangay Chairman han Brgy. Butigan, Baybay City.

Ha inisyal nga imbestigasyon, tigda nga tumabok ha highway an usa nga waray tag-iya nga ayam ngan naligis han motorsiklo. Tungod hini, nawad-an hin kontrol an drayber ngan natumba an iya ginmamanehoan nga sarakyan.

Nag-angkon an biktima hin grabe nga samad ha ulo, mga gasgas ha duha nga tiil ngan tuo nga kamot. Gindara hiya ha Immaculate Conception Hospital kondi gindeklara nga dead-on-arrival han nagtambal nga doktor.

Patay liwat an ayam nga naligis ha aksidente samtang guba an motorsiklo han biktima.

(Contributed photo, credits to the owner)

: BABAYI, SAMARAN HAN PUSILON HIN NAKA-MOTOR NGA LALAKI HA BASEY, SAMAR Samaran an usa nga babayi han pusilon hin waray...
07/06/2026

: BABAYI, SAMARAN HAN PUSILON HIN NAKA-MOTOR NGA LALAKI HA BASEY, SAMAR

Samaran an usa nga babayi han pusilon hin waray pa kakila-i nga suspek ha kalsada han Brgy. Bacubac, Basey, Samar, ala 1:50 han umagahon, yana nga adlaw, June 7.

Ginkilala an biktima nga hi alyas lyn, 25 anyos nga residente han Brgy. Cabacungan, Sta. Rita, Samar.

Ha impormasyon nga nakuha, an biktima in usa ha tulo nga back rider hin motorsiklo nga ginmamanehoan han iya asawa.

Pag-abot ha lugar han insidente, an biktima in ginpusil ha ulo han suspek nga nakasakay gihapon hin motor.

Waray kakilal-i an suspek tungod nga nakakakalagiw dayon.

Nadara ha hospital an biktima ngan padayon nga gintatambal.

Padayon naman an imbistigasyon han mga otoridad agud matudlok an motibo han krimen ngan makilal-an an nagpapaluyo hine.

: NANAY NGA NAMALIT LA HIN SCHOOL SUPPLIES, NAABTAN NGA PATAY AN GINBILIN NGA 2-ANYOS NGA ANAK Puno hin pagbasol an gin...
07/06/2026

: NANAY NGA NAMALIT LA HIN SCHOOL SUPPLIES, NAABTAN NGA PATAY AN GINBILIN NGA 2-ANYOS NGA ANAK

Puno hin pagbasol an gin-aabat hin usa nga nanay han maabtan nga waray na kinabuhi an iya 2-anyos nga anak ha usa nga buho ha Brgy. Guintigui-an, Ormoc City, kakulop, June 6.

Ha impormasyon nga nakuha, ginbilin ni alyas 'Beth' nanay han bata, an iya anak ha iya bayaw tungod nga mamamalit ine hin school supplies ha Ormoc City proper.

Han pag-uli han nanay, nahipausa hiya han diri na makita an iya anak. Dayon hiya nangaro hin bulig ha mga amyaw ngan residente han lugar, nga nagburublig dayon ha pagpinamiling han bata.

Didto na nakit-an an menor-de-edad ha sulod han usa nga gin-ukab nga buho nga may tubig. Han ginkuha an bata, waray na ini kinabuhi.

Ha inisyal nga imbestigasyon, gintutuohan nga nahulog an bata ha buho samtang
nagmumulay ha hirani nga lugar.

Nagtutuo an pamilya nga aksidente an natabo ha biktima.

06/06/2026

DERECHO BALITANG METRO TACLOBAN | June 6, 2026
BY: FLORENCE DABLEO
MONDAY - FRIDAY | 5:00PM - 5:30PM

DISCLAIMER: No copyright infringement is intended. We do not own the rights to this music. All rights belong to the rightful owner.

: PAGBALIK HAN PILIPINAS HA ROME STATUTE HAN ICC, PANAWAGAN NI REP. LEILA DE LIMA KAN PBBM Nananawagan hi House Senior ...
06/06/2026

: PAGBALIK HAN PILIPINAS HA ROME STATUTE HAN ICC, PANAWAGAN NI REP. LEILA DE LIMA KAN PBBM

Nananawagan hi House Senior Deputy Minority Leader ngan Mamamayang Liberal (ML) Partylist Rep. Leila de Lima kan Presidente Ferdinand “Bongbong” Marcos Jr. nga igbalik an pagigin miyembro han Pilipinas ha Rome Statute han International Criminal Court (ICC).

Nakabutang ini ha ginsalawad ni De Lima nga House Resolution No. 1056 kun diin hangyo gihapon niya ha Department of Foreign Affairs (DFA) nga asikasuhon na an mga pitad para mahi-usa utro an Pilipinas komo miyembro han ICC subay han aton Konstitusyon ngan mga balaud.

Sulod gihapon ha resolusyon ni De Lima an pag aghat ha igkasi magbaralaud nga suportaran ini para mapakusog an pakigbisog han Pilipinas kontra han impunity and atrocity crimes, ngan ig-duso an dignidad han katawhan ngan an rule of law.

Dugang pa ni De Lima, mapapakusog gihapon hini an pagduduso han nasud para han hustisya ngan accountability sugad man an paghatag hin proteksyon ha katungod-pantawo.

: NEW YORK KNICKS DUHA NA LA KA DAOG PARA HAN TITULO, GINPATUOK AN SPURS HA GAME 2Kasingkasing nga madig-on. Hunahuna n...
06/06/2026

: NEW YORK KNICKS DUHA NA LA KA DAOG PARA HAN TITULO, GINPATUOK AN SPURS HA GAME 2

Kasingkasing nga madig-on. Hunahuna nga dire natatarantar. Determinasyon nga dire mapupukan.

Ini an nagin susi han New York Knicks ha ira makuri pero makalilipay nga 105-104 nga kadaogan kontra han San Antonio Spurs ha Game 2 han 2026 NBA Finals.

Tungod hini, 2-0 na yana an abanse han Knicks ha serye ngan duha na la ka daog an ira kinahanglan basi maangkon an ira syahan nga NBA championship tikang pa han 1973.

Bisan kun nahingadto ha 14 puntos an kalamangan han New York ha ika-upat nga quarter, waray umundang an Spurs ngan nakabalik pa ngani basi maagaw an abanse ha kataposan nga mga minuto han mulay.

Pero ha pinakaimportante nga mga higayon, an Knicks an nagpabilin nga kalmado.

Nagtabla an iskor ha kataposan han mulay han magsayop hi Victor Wembanyama pinaagi hin turnover nga siyam ka segundo na la an nabibilin. Iginlabay niya an bola ngadto kan Stephon Castle nga waray makakita han pasa, ngan dayon nasakmit ini ni Jalen Brunson.

Ginfoul ni Wembanyama hi Brunson ngan naipasulod han Knicks star an syahan niya nga free throw para maihatag utro an abanse ha New York.

Ha ultimo nga posesyon, waray maipasulod ni Wembanyama an posible nga game-winning shot sanglit napirde an Spurs hin usa ka puntos.

Nanguna para han Knicks hi Karl-Anthony Towns pinaagi hin 21 puntos ngan 13 rebounds.

Hi Brunson, bisan diri epektibo an iya shooting, nakakuha gihapon hin 20 puntos

Ha bahin han Spurs, nagpakitang-gilas hi Wembanyama pinaagi hin 29 puntos, diin 22 hini an iya nahimo ha 2nd quarter.

Mas mabug-at pa gud an kapakyasan han Spurs kay hira yana an ikatulo nga team ha kasaysayan han NBA Finals nga napirde ha syahan nga duha nga mulay ha ira kalugaringon nga home court.

Mababalhin yana an asdangay ngadto ha New York kun diin pagbubuhaton ha Madison Square Garden.

Puno hin kumpiyansa an New York ngan maghihingyap nga mas mapahirani pa ha maiha na nga ginhuhulat nga kampeonato ha

06/06/2026

RMN Network News | JUNE 6, 2026 | 12NN

🔴MANATILING MAPANURI SA PINAKAMAINIT NA BALITA

Kasama ang ating na si Jenny Pahilanga


: DRUG SUSPECT ARESTADO HA BUY BUST OPERATION HA TACLOBAN CITYArestado an usa nga drug suspect ha ginbuhat nga buy-bust...
06/06/2026

: DRUG SUSPECT ARESTADO HA BUY BUST OPERATION HA TACLOBAN CITY

Arestado an usa nga drug suspect ha ginbuhat nga buy-bust operation han Police Station 2 Drug Enforcement Unit han Tacloban City Police Office (TCPO) ha Brgy. 110 Utap, Tacloban City alas 9:10 han gab-i han Hunyo 5, 2026.

Ginkilala an suspek ha alyas nga “Arnold”, high value drug suspect, 36 anyos, puropangisda ngan residente han Brgy. San Joaquin, Palo, Leyte.

Narekober tikang ha iya an pito nga sachets han ginsusupetsaran nga shabu, diin usa an subject of sale. Nakuha liwat han mga operatiba an ₱500.00 ngan 9 nga ₱1000.00 bill nga bogus money, usa nga sling bag, motorsiklo, helmet ngan mga iba pa personal nga gamit hini.

Gin-aandam naman yana han kapulisan an pagpasaka han kaangayan nga mga kaso kontra ha suspek.

06/06/2026

FREE FOR ALL | 06/06/2026
BY: WIL AMAZONA
SATURDAY | 10:00AM - 12:00NN

DISCLAIMER: We do not own the music used in the video.
No copyright infrigement intended. Credit to the rightful owner.

: DUHA NGA SUNDALO, SAMARAN HA ENGKWENTRO KONTRA NPA HA N. SAMARSamaran an duha nga sundalo ha natabo nga engkwentro ko...
06/06/2026

: DUHA NGA SUNDALO, SAMARAN HA ENGKWENTRO KONTRA NPA HA N. SAMAR

Samaran an duha nga sundalo ha natabo nga engkwentro kontra ha mga myembro han New People's Army (NPA) ha kabunkiran han Brgy. Catotoogan, Las Navas, Northern Samar, dida ha Hunyo 4.

Ha impormasyon nga nakuha ha 8th Infantry Division (8ID), maabot ha napulo nga armado nga rebelde nga gintutuohan mga myembro han Squad 2, Sub-Regional Committee ARCTIC han Eastern Visayas Regional Party Committee an naka-purupsilay nga humagos ha napulo ka minuto, san-o nangalagiw an mga kumunista.

An engkwentro in natabo samtang nagbubuhat hin focused military operation han mga kasundalohan han 20th Infantry Battalion ha lugar tungod han padayon nga report han kumunidad ha presensya han kumunista nga grupo.

Matapos an engkwentro, nakumpiskar han kasundalohan an usa nga M16 rifle, magazines, a bandoleer, ponchos, bag, ngan iba pa nga mga personal nga gamit.

Padayon naman nga gintatambal an mga sundalo nga nasamaran ha mao nga engkwentro.

Gindayaw naman han 8ID an kasundalohan nga nagsakripisyo ha mao nga operasyon.

"The bravery and dedication shown by our soldiers reflect their unwavering commitment to protect the people and secure our communities from armed threats. While two of our personnel were wounded in action, their sacrifice underscores the risks our troops willingly face to ensure that residents can live peacefully, pursue their livelihood, and provide a better future for their families without fear and intimidation," siring han 8ID.

(Photo credits to 8ID)

Address

Goldtrade Building 181 P. Burgos Street Brgy. 20
Tacloban City
6500

Telephone

+639478249684

Website

Alerts

Be the first to know and let us send you an email when RMN Tacloban posts news and promotions. Your email address will not be used for any other purpose, and you can unsubscribe at any time.

Contact The Business

Send a message to RMN Tacloban:

Shortcuts

Share

Category