28/07/2025
DSWD, nagpasalamat kan PNP Chief tungod han ₱16-M nga donasyon tikang ha ‘Boxing for a Cause’
🙏 Nagpasalamat an DSWD kan PNP Chief Torre para han mahigit ₱16 milyon nga donasyon tikang ha “Boxing for a Cause: Laban sa Nasalanta”
Nagpahayag hin pasalamat an Department of Social Welfare and Development (DSWD) kan PNP Chief Gen. Nicolas Torre III tungod han donasyon nga sobra ₱16 milyon tikang ha event nga “Boxing for a Cause: Laban sa Nasalanta” nga ginbuhat ha Rizal Memorial Coliseum ha Maynila.
Sumala kan DSWD Assistant Secretary ngan tagapagyakan Irene Dumlao, dako an maibubulig han nasabi nga kantidad ha milyon-milyon nga pamilyang apektado han habagat ngan iba pa nga kalamidad.
Nabatian nga an boxing match, nga gin-organisar han PNP ngan ginmadaug ni Gen. Torre pinaagi hin default win, nakalikom hin sobra ₱300,000 tikang ha entrance fees ngan dugang nga ₱16 milyon tikang ha mga donasyon.
An kabug-osan nga kantidad in nakaplano ig-turnover ha DSWD hini nga semana.
Samtang, umabot na ha ₱293 milyon an kabug-osan nga ayuda nga iginpanhatag han DSWD ha mga apektado nga indibidwal ngan pamilya kutob hadton Hulyo 26, 2025.