Bol-anon Balita

11/03/2023

Cokaliong Ubay-Cebu-Ubay route gi-ablihan; Ekonomiya mas mokusgan

Gipaabot ang mas kusog pa nga ekonomiya sa Bohol ilabi na sa Lungsod sa Ubay human sa pag abli sa Ubay-Cebu-Ubay route sa Cokaliong Shipping.

Gihimo ang Ribbon Cutting kaganiha nga gipangunahan ni Gob. Aris Aumentado, 2nd district Congw. Vanvan Aumentado, Ubay Mayor Costan Reyes, Sangguniang Bayan nga gipangulohan ni Bise Mayor Victor Bonghanoy ug Chester Cokaliong lakip na ang iyang banay.

Suma pa sa tinubdan, dugay nang giplano o gihangyo ni Gob. Aumentado ang Cokaliong Shipping kaniadto sa kongresista pa siya gumikan kay usa sa iyang development agenda ang bangunon ang ekonomiya pinaagi sa mga investments.

Namahayag si Chester Cokaliong nga dakong hagit kanila ang pandemya apan wala kini nakababag kanila sa pagbutang sa barko nga M/V Filipinas Ubay nga kantidad P110M.

Gipaabot nga pagpangandam kini sa pagsulod sa mga dagkong malls dinhi sa Bohol sama sa SM, Robinsons, Puregold ug Gaisano.

Dugang pa ni Congw. Vanvan Aumentado nga gumikan kay 365 ka mga pasahero ug 15-20 ka sakyanan ang makarga sa maong barko dako kini ikatampo sa mas paspas nga paghatud sa mga produkto pasulod/pagawas sa Bohol.

Marso 12, 2023 magsugod ang maiden voyage gikan sa Ubay paingon sa Cebu 8am hagntud 12 sa udto samtang Cebu-Ubay 8pm paingon 12 sa tungang gabie.

Tag P400 ang one way fare niini alang sa mga lokal samtang P440 sa mga turista.(Kahlil Lester O. Camba)

10/03/2023

Let's help Bohol, to be ASF-free.

Unsa ang African Swine Fever? Pinaagi niining mubong video, matubag ang inyong mga pangutana kabahin sa ASF virus.Magtinabangay kitang tanan aron magpabiling...

09/03/2023

P422.7M ibubo sa Garcia-Hernandez karong 2023

Moabot sa P422.706,000.00 Milyon ang mga proyekto nga ibubo sa Garcia Hernandez karong tuiga gikan sa maayong pakig-alayon nila Garcia Hernandez Mayor Filadelfo Jess III V. Baja ug Congw. Alexie B. Tutor.

Ang maong lungsod bag-o lamang gibisita ni Gob. Aris Aumentado atol sa tigum sa mga kapitan kon diin nihatag ang amahan sa lalawigan sa iyang maayong balita gikan sa Israel.

Pipila ka mga Road Concreting sama sa P2.5M didto sa Brgy. Cambuyo ang gibatbat ni Gob. Aumentado lakip na ang tag P200,000 sa tanang barangay.

Nag-una ang pag semento sa Brgy. West Canayaon- Brgy. Calma paingon sa Maambong Spring nga dunay P40M samtang P5M ang gigahin sa alang sa Construction of MultiPurpose
Building/Completion of Municipal Sub-Office Bulding sa Brgy. Tabuan.

Laing MultiPurpose Building ang pagatukoron sa East Ulbujan nga gipundohan og P5M.

Wala usab hingkalimti ang P40M alang sa Brgy. Sampong Solar Water System .

Dunay gigahin nga P90M alang sa Rehabilitasyon sa Manaba River Control (Downstream) , P10M sa pagtukod og 2 ka mga Covered Courts sa Abijilan ug Togbongon apil na ang P50M alang sa Permanent Bridge (Cuenco Bridge).

P35,129,000.00 ang gibubo alang sa Upgrading of Damaged Paved Roads-Secondary Roads samtang P87,577,000.00 ang gigahin alang sa Rehabilitasyon sa mga Drainage sa Tagbilaran-Jagna East Road.

P90M gihapon ang pundo alang sa Rehabilitasyon sa Upstream Manaba Flood Control.(Kahlil Lester O. Camba)

08/03/2023

This is the ongoing Contruction of the Marawis Satellite Market in Valencia.

08/03/2023

The latest update on the Construction of Material Recovery Facility in Brgy. Taytay, Valencia

08/03/2023

OneGaHer: 2 ka Centenarrians nakadawat sa tag P100,000

Duha ka mga taga Garcia Hernandez ang nakadawat sa tag P100,000 isip Centenarrian.

Sila mao si Julia Acero Paje sa East Poblacion ug Marcelina Ladaga nga taga Brgy. Cayam.

Si Ladaga nitaliwan na niadtong pipila ka buwan ang nilabay ug iyang pamilya na ang nirepresentar niya.

Nitambong usab si Gob. Aris Aumentado sa ika-89 Founding Anniversary sa Brgy. Calma sa maong lungsod.

Ang Barangay Calma ang barangay sa lola ni Bise Gob. Dionisio Victor A. Balite,Ph.D.

Sa iyang mensahe, gikonpirmar ni Gob. Aris nga dunay P2.5M alang sa Brgy. Cambuyo Road Concreting.

Lahi pa ang dul-an P300M ka mga infrastructure projects gikan sa hiniusang alyansa ni Gob. Aumentado ug Congw. Alexie Tutor.(Kahlil Lester O. Camba)

08/03/2023

“Dili ko manundog sa akong gisundan. Ang byahe nako sa Israel, sponsored man na.”-----Gov. Aris

Mainitong gidawat si Gob. Aris Aumentado didto sa Lungsod sa Garcia Hernandez human nakigtagbo siya sa mga kapitan atol sa ABC meeting nga gipahigayon.

“Dili ko manundog sa akong gisundan. Ang byahe nako sa Israel, sponsored man na”, pamahayag pa ni Gov. Aris.

Kahinumduman nga sa pagpaingon pa niya didto sa Sugbo alang sa maong byahe, nakuhaan siya sa hulagway nga tua sa Economy accommodation sa OceanJet.

Sukwahi kini sa mga walay undang nga bakak gikan sa iyang mga kritiko nga sukad pa sa iyang paglingkod, puros pagsaway na lang .

Dugang pa niya nga ang kanhi Ambassador sa Israel nga si Rafael Harpas iyang suod nga higala ug kauban niya sa maong byahe si Special Assistant to the Governor (SAG) Dioning Caberte ug kanhi Pres. Adviser for the Visayas sa panahon ni kanhi Pres. Duterte nga si Michael Dino.

Ang Israel ang dunay pinakadakong desalination sa tibuok kalibotan ug daghan mga “best practice” usab sa maong nasud kon hesgutan ang agrikultura.

Ang iyang pagbyahe sa Israel dili lamang kay siya ang amahan sa probinsya sa Bohol ug lakip na ang iyang pagka Chairman sa Regional Development Council (RDC).(Kahlil Lester O. Camba)