DYTR Bohol

DYTR Bohol A radio broadcast company based in Tagbilaran City, Bohol, Philippines News and Public Service
(8)

“Natapos na ang misa, dad-a ninyo ang kalinaw ug gugma ni Kristo.”Nagpasabot kini nga human sa Misa, kinahanglan natong ...
23/08/2026

“Natapos na ang misa, dad-a ninyo ang kalinaw ug gugma ni Kristo.”

Nagpasabot kini nga human sa Misa, kinahanglan natong wagtangon ang pagdumot ug kasuko. - Most Rev. Alberto ‘Abet’ S. Uy, D.D

Ban sa Live Hogs ug Pork Products Gikan sa Negros ug ASF-Affected Areas, Gilugwayan ngadto sa 90 Ka Adlaw sa Probinsya s...
23/08/2026

Ban sa Live Hogs ug Pork Products Gikan sa Negros ug ASF-Affected Areas, Gilugwayan ngadto sa 90 Ka Adlaw sa Probinsya sa Sugbo

Gilugwayan sa Kagamhanang Probinsyal sa Sugbo ngadto sa 90 ka adlaw ang pagdili sa pagsulod sa mga buhing baboy, karne sa baboy, ug mga pork-related products nga gikan sa Isla sa Negros ug uban pang mga dapit nga apektado sa African Swine Fever (ASF).

Base sa EO No.44, ang maong lakang gihimo tungod sa nagpadayong hulga ug risgo sa lokal nga industriya sa pamaboy ingon man sa kaluwasan sa suplay sa pagkaon sa tibuok lalawigan. Pinaagi niining gipataas nga temporaryong ban, mas gipahugtan ang pagpahigayon sa monitoring sa mga kadagatan ug utlanan aron mapanalipdan ang mga lokal hog raisers ug mapugngan ang pagsulod sa maong sakit sa Baboy.

| Dytr Regional News

₱960,000 nga Financial Assistance, Gihatod ni Gov. Aumentado sa LGU Corella ug KabarangayanPersonal nga gipaabot ni Gove...
23/08/2026

₱960,000 nga Financial Assistance, Gihatod ni Gov. Aumentado sa LGU Corella ug Kabarangayan

Personal nga gipaabot ni Governor Erico Aris Aumentado ang kinatibuk-ang ₱960,000 nga financial assistance ngadto sa Local Government Unit sa Corella ug sa mga barangay niini aron magamit sa nagkalainlaing proyekto ug programa.

Nakaangkon ang Barangay Canapnapan og ₱300,000 alang sa pagpalit og office furniture, fixtures, tools, ug supplies. Samtang ang Barangay Cancatac nagdawat og ₱240,000 ug ang LGU Corella nakadawat usab og ₱180,000 isip ilang sand and gravel share gikan sa bulan sa Abril hangtod Hunyo 2026. Dugang pa niini, nakadawat usab og ₱30,000 nga barangay aid ang matag usa sa walo ka barangay sa maong lungsod.

Atol sa maong pagbisita, nakig-storya usab ang gobernador sa mga mag-uuma sa lungsod aron masayran ang ilang kinahanglanon alang sa gitumong nga suporta ug livelihood assistance.

"Sa kanunay, abli ang Kagamhanang Probinsyal sa pagtabang alang sa kaayohan ug kalamboan sa matag-komunidad," gipasiugda ni Gov. Aumentado samtang gipahayag ang iyang pasalig sa pagpadayon sa paghatag og serbisyo sa lalawigan.

| Jomer S. Pequit

SC: Ang Paglapas sa gisaad sa Kasal Mahimo nang Criminal Violence ubos sa RA 9262Gipamatud-an sa Korte Suprema sa Pilipi...
23/08/2026

SC: Ang Paglapas sa gisaad sa Kasal Mahimo nang Criminal Violence ubos sa RA 9262

Gipamatud-an sa Korte Suprema sa Pilipinas ang pagkabilanggo sa usa ka polis tungod sa paglapas sa Republic Act No. 9262 (Anti-Violence Against Women and Their Children Act of 2004) human niya kalit nga gi-kanselar ug gikuha pagbalik ang ilang aplikasyon sa marriage license samtang mabdos ang paris niini nga maestra.

Sumala sa desisyon sa Korte Suprema nga gisuwat ni Associate Justice Ramon Paul L. Hernando kaniadtong Hulyo 29, 2026, bisan ug ang yano nga paglapas sa gisaad nga kasal (breach of promise to marry) dili giisip nga krimen ubos sa civil law, ang pampublikong pagbiya ug pagpakaulaw sa usa ka hinigugma pinaagi sa paggamit sa proseso sa kasal aron maghatag og grabeng mental ug emosyonal nga katakus kay sakop na sa "psychological violence".

Gihatagan og silot nga hangtod sa siyam ka tuig nga pagkabilanggo ug multa nga ₱150,000 ang maong polis tungod sa gidangatan sa maayong ngalan ug kahimtang sa maong maestra.

₱1.047 Milyon nga Livelihood Assistance ug Barangay Aid, Personal nga Gihatod sa Trinidad, BoholMikabat sa ₱1.047 milyon...
23/08/2026

₱1.047 Milyon nga Livelihood Assistance ug Barangay Aid, Personal nga Gihatod sa Trinidad, Bohol

Mikabat sa ₱1.047 milyon nga suportang pinansyal ang personal nga gipang-apod-apod ngadto sa mga mag-uuma ug sa mga barangay sa lungsod sa Trinidad, gipangulohan ni 2nd District Congresswoman Van-van Cadorna Aumentado kauban si Governor Erico Aris Aumentado.

Sa maong pondo, ₱447,000 nga livelihood assistance ang gitunol ngadto sa Talibon-Trinidad Integrated Farmers Association (TTIFA). Ang maong suporta gikan sa Kagamhanang Probinsyal sa Bohol pinaagi sa Provincial Cooperative Development Office (PCDO) aron magamit sa pagpalit og mga abono ug uban pang panginahanglan.
Gawas niini, gipang-apud-apod usab ang ₱30,000 nga barangay aid sa matag usa sa 20 ka barangay sa Trinidad nga nagkantidad tanan og ₱600,000 aron matabangan ang ilang lokal nga mga proyekto ug mga panginahanglan sa komunidad.

"Tinguha gyud nato nga walay barangay nga mabiyaan sa paglambo, ug ang matag Bol-anon adunay oportunidad nga mouswag. Busa, importante kanato ang personal nga pag-adto sa mga barangay, aron mas mabati nato ang kahimtang sa katawhan ug masabtan ang ilang mga panginahanglan," sumala pa sa pamahayag ni Gov. Aumentado bahin sa maong paningkamot.

| By : Jomer S. Pequit

23/08/2026

HOLY MASS ST. JOSEPH THE WORKER CATHEDRAL
9:00 AM. MASS | AUG. 23, 2026 SUNDAY

DOST-PAGASA NAGMONITOR SA DUHA KA BAGYO SA GAWAS SA PAR​Gipadayag sa DOST-PAGASA nga padayon nilang gimonitor ang duha k...
22/08/2026

DOST-PAGASA NAGMONITOR SA DUHA KA BAGYO SA GAWAS SA PAR

​Gipadayag sa DOST-PAGASA nga padayon nilang gimonitor ang duha ka bagyo nga nahimutang sa gawas sa Philippine Area of Responsibility (PAR) hangtod sa alas-8 kagabii, Sabado, Agosto 22.

Naglakip kini sa usa ka Tropical Depression nga anaa sa 1,080 km sa sidlakan sa Eastern Visayas ug ang Bagyong "Saudel" (Typhoon Saudel) nga nakatala usab sa 2,395 km sa sidlakan sa Extreme Northern Luzon.

Samtang, opisyal na nga nakagawas sa monitoring domain sa ahensya ang Tropical Depression "Gaenari" (nga gitawag kaniadto nga Bagyong Neneng).

Gipahibaw sa PAGASA ang publiko nga magpabiling matngon ug mag-agpas sa dugang nga mga opisyal nga pahibalo bahin sa kalamboan niining mga bagyo.

Via | Jomer S. Pequit

Bohol Police Nanguna sa PRO-7 EMPO ChallengeNanguna ang Bohol Police Provincial Office (BPPO) sa monthly EMPO Challenge ...
22/08/2026

Bohol Police Nanguna sa PRO-7 EMPO Challenge

Nanguna ang Bohol Police Provincial Office (BPPO) sa monthly EMPO Challenge sa Police Regional Office 7 niadtong Agosto 19, nga nagpakita sa lig-on nga kahandam ug koordinasyon sa pagresponde sa nagkalain-laing insidente.

Ubos sa pagpangulo ni PBGen. Arnold Abad, Regional Director sa PRO-7, gitimbang sa simulation exercise ang competence, preparedness, koordinasyon ug pagka-epektibo sa mga police personnel.

Matod ni PCol. Patricio Degay Jr., BPPO Provincial Director, nagpakita ang kadaogan sa kahibalo ug kahandam sa mga kapulisan sa ilang mga buluhaton.

Gipasiugda niya nga ang resulta usa usab ka pagpamatuod sa padayon nga paghasa sa skills, koordinasyon ug operational preparedness sa BPPO.

Gidugang ni Degay, magpadayon ang BPPO sa pagpalig-on sa kapasidad sa mga kapulisan aron masiguro ang paspas ug tukmang pagresponde sa panginahanglan sa katawhang Bol-anon.

| Dave Charles Responte

Pamilya sa Bien Unido, Nadawat ang Ika-133 nga Balay sa PaglaumPormal nga gitunol ngadto sa pamilya ni Elton Cresencio u...
22/08/2026

Pamilya sa Bien Unido, Nadawat ang Ika-133 nga Balay sa Paglaum

Pormal nga gitunol ngadto sa pamilya ni Elton Cresencio ug sa iyang kapikas nga si Bernadith Bon, kauban ang ilang mga anak gikan sa Barangay Nueva Esperanza, ang ika-133 nga Project-LAB (Libreng Alagad ug Balay) nga gitawag ug "Balay sa Paglaum” kauban ang BPPO ug pamilyang Aumentado.

Personal kini nga adbokasiya ni 2nd District Congresswoman Van-van Cadorna Aumentado kauban si Governor Erico Aris Aumentado, diin gipadangat nila ang pahalipay sa maong pamilya samtang nagpahinumdom sa kahimtang sa usa ka lig-on nga puy-anan.

"Nalipay ako nga laing pamilya na usab ang atong natabangan pinaagi sa among personal nga adbokasiya ni Congw. Van-van Aumentado. Hinaot nga kini nga balay mahimong usa ka lig-on nga puluy-anan nga puno sa pagmahal ug pagsinabtanay," sumala pa sa pamahayag ni Gov. Aumentado.

Gidugang usab sa gobernador ang iyang hangyo sa pamilya nga ampingan ang maong balay ug magpadayon sila nga magsilbing maayong ehemplo sa ilang komunidad.

Ang maong proyekto nagmalampuson pinaagi sa pakigtambayayong sa Bohol Police Provincial Office (BPPO) ubos sa ilang Project-LAB, kauban ang Local Government Unit (LGU) sa Bien Unido, mga opisyal sa barangay, ug mga boluntaryo nga nitabang aron matuman ang maong pagpatukod.

| By : Jomer S. Pequit

Hoylar Family sa Bien Unido, Nakadawat sa Ika-132 nga Balay sa PaglaumOpisyal nga gitunol ngadto sa pamilya ni Leonardo ...
22/08/2026

Hoylar Family sa Bien Unido, Nakadawat sa Ika-132 nga Balay sa Paglaum

Opisyal nga gitunol ngadto sa pamilya ni Leonardo Hoylar sa Barangay Nueva Estrella ang ika-132 nga bag-ong panimalay ilalom sa Project-LAB (Libreng Alagad ug Balay) sa BPPO ug "Balay sa Paglaum” sa pamilyang Aumentado.

Ang maong programa personal nga adbokasiya ni 2nd District Congresswoman Van-van Cadorna Aumentado kauban si Governor Erico Aris Aumentado, isip kabahin sa ilang prayoridad nga makahatag og mas maayong puy-anan ug kahimtang sa mga pamilyang Bol-anon nga nanginahanglan.

"Kini nga programa usa sa among personal nga adbokasiya ni Congresswoman Van-van Aumentado, isip kabahin sa among pagserbisyo ug paghatag og mas maayong kahimtang sa atong mga kaigsuonang nanginahanglan," matud pa sa pamahayag ni Gov. Aumentado samtang nagpahalipay ug naghangyo sa pamilyang Hoylar nga ampingan ang maong bag-ong panimalay.

Nagpadangat usab og pagpasalamat ang pamunoan sa probinsya sa ilang kauban sa maong katuyoan, ang Bohol Police Provincial Office (BPPO) pinaagi sa ilang Project-LAB, kauban ang LGU sa Bien Unido, mga opisyal sa barangay, ug ang mga volunteers nga nagtinabangay aron magmalampuson ang paghatag sa maong gasa.

| By : Jomer S. Pequit

Address

CPG Avenue Cor. J. Borja
Tagbilaran City
6300

Telephone

(038) 501 8905

Website

Alerts

Be the first to know and let us send you an email when DYTR Bohol posts news and promotions. Your email address will not be used for any other purpose, and you can unsubscribe at any time.

Shortcuts

Share

Category