12/06/2026
To All Habitat Village Homeowners,
Maayong adlaw sa tanan.
Kinasingkasing ko nga nagpahinumdom kaninyong tanan nga ang HVHOA Election 2026–2028 pagahimoon karong Domingo, Hunyo 14, 2026, gikan sa 8:00 sa buntag hangtod 3:00 sa hapon sa atong Habitat Village Multi-Purpose Covered Court Stage.
Ang atong Homeowners Association usa ka non-partisan nga organisasyon sumala sa atong By-Laws. Nagpasabot kini nga walay grupo o partido nga gisuportahan sa asosasyon. Ang pag-alagad isip opisyal usa ka boluntaryong serbisyo alang sa kaayohan sa atong komunidad ug walay kaakibat nga sweldo o insentibo.
Busa, sa inyong pagpili sa mga kandidato, hinaut nga inyong tan-awon ang ilang integridad, kahibalo, kasinatian sa pribado ug gobyernong serbisyo, edukasyon, liderato, ug maayong pagpakig-uban sa komunidad.
Sa akong bahin, mapainubsanon kong gipahibalo kaninyo nga ako nagkandidato isip Vice President sa HVHOA alang sa termino 2026–2028.
Ang kaugmaon sa atong asosasyon anaa sa inyong mga kamot pinaagi sa inyong maalamon ug matarong nga pagboto sa mga angayng mamahimong bag-ong opisyal sa atong komunidad.
Daghang salamat sa inyong suporta ug partisipasyon.
May God bless us all.
Sincerely yours,
Fausto "Argie" Astronomo
Candidate for Vice President
HVHOA 2026–2028
