09/08/2025
“Yung nakita nating classroom sa Masantol, sa tingin ko ‘yun ang magiging modelo para sa mga lugar na flood-prone areas. ‘Yan din ang nais ng Pangulo — na magkaroon tayo ng permanenteng solusyon, hindi lang basta pansamantalang pag-aayos. Kailangang iakma ang ating mga polisiya,” sinabi ni Education Secretary Sonny Angara nang pangunahan ang pagpapasinaya sa bagong gusali sa Masantol High School ngayong linggo.
Gawa ang gusali sa matibay na konkreto at bakal, may stilt-type structure na kakayanin ang malakas na hangin at mataas na baha, kaya masisig**o ang tuluy-tuloy na pagkaklase kahit tag-ulan bilang bahagi ng pinahusay na disenyo ng Department of Education (DepEd) para sa mga paaralang nasa disaster-prone areas.
Matapos ang inagurasyon, pinulong ni Secretary Sonny ang mga g**o, non-teaching personnel, magulang, at mga residente na apektado ng pagbabaha sa lalawigan, isa-isang kinumusta ang kalagayan ng mga ito matapos ang sunud-sunod na pananalasa ng mga bagyong Crising, Dante, at Emong noong Hulyo.
Namahagi rin ang kalihim ng food packs at iba pang mahahalagang gamit para sa mga g**o at non-teaching personnel na naapektuhan ng kalamidad.
“Kapag may kalamidad, una nating tinatanong: Ligtas ba ang mga paaralan? Kumusta ang ating mga g**o at kawani? Kaya tiniyak ng DepEd, ayon sa utos ng Pangulo, na may agarang aksyon at personal na pagbisita sa inyo ngayon,” dagdag ni Secretary Sonny, na bumisita rin sa iba pang paaralan sa Pampanga.
“Hindi natin kayang pigilan ang bagyo, pero kaya nating ihanda ang bansa. Basta’t nagtutulungan — DepEd, LGU, Kongreso, at mga g**o — walang hamong hindi natin kayang lampasan,” pagtatapos ni Secretary Sonny.
