Sinagtala

Sinagtala Ang Opisyal na Pahayagang Pangkampus ng Mataas na Paaralang Pang-Agham ng Taguig
(Taguig Science High School)

Maskara, eyeliner, lip gloss—kumpleto! Este, school supplies pala. Handa na ba ang lahat para sa panibagong yugto ng pag...
07/06/2026

Maskara, eyeliner, lip gloss—kumpleto! Este, school supplies pala. Handa na ba ang lahat para sa panibagong yugto ng paglalakbay sa paaralan? Tara na't salubungin ang Taong Panuruan 2026-2027 nang may ngiti, sigla, at syempre baong pera—este pag-asa.

Maaaring hindi na natin kaklase ang ilang matalik na kaibigan, ngunit panibagong mukha, bagong samahan, at sariwang alaala naman ang naghihintay sa bawat silid-aralan. Kaya kita-kits sa pasukan, Scientians!

PS: Unang araw pa lang, wala munang "Penge papel" at "Pahiram ballpen" ah.

05/06/2026

PANOORIN | Opisyal na sinimulan ang Brigada Eskwela 2026 sa pamamagitan ng sama-samang pagkilos ng mga estudyante, magulang, at mga boluntaryo. Ang pagbabayanihan ng taumbayan ay naisakatuparan sa tulong ng mga kaguruan na malaki ang naging bahagi sa kaayusan at kahandaan ng paaralan para sa bagong taong panuruan.

TINGNAN | Matagumpay na sinimulan ang Brigada Eskwela 2026 nitong Lunes, Hunyo 1, sa Taguig Science High School, kung sa...
02/06/2026

TINGNAN | Matagumpay na sinimulan ang Brigada Eskwela 2026 nitong Lunes, Hunyo 1, sa Taguig Science High School, kung saan nagtulong-tulong ang mga g**o, magulang, at mga boluntaryo sa paghahanda ng paaralan para sa nalalapit na pagbubukas ng klase.

Kuha ni Alissa Coballes

‎PRIDE MONTH | Masyado nga bang special? ‎‎"May Pride Month?" Oo, at may dahilan kung bakit.
01/06/2026

‎PRIDE MONTH | Masyado nga bang special?
‎
‎"May Pride Month?" Oo, at may dahilan kung bakit.

Buti pa ang eskwelahan, pinaghahandaan at ipinaglalaban ang kinabukasan. Ikaw? Pinaghintay, pero hindi ipinaglaban.Handa...
01/06/2026

Buti pa ang eskwelahan, pinaghahandaan at ipinaglalaban ang kinabukasan. Ikaw? Pinaghintay, pero hindi ipinaglaban.

Handa na ba ang inyong puso at isipan na tumugon sa panawagan ng bayanihan para sa sektor ng edukasyon?

Ang paghahanda sa pagbubukas ng panibagong taong panuruan ay hindi lamang gampanin ng mga g**o at pamunuan ng paaralan, kundi isang kolektibong tungkulin ng paaralan. Ang isang malinis, ligtas, at maayos na kapaligiran ay mahalagang salik sa mas epektibong pagkatuto ng bawat mag-aaral.

Ang bawat patak ng pinturang ating inilalapat, bawat sirang upuang ating kinukumpuni, at bawat sulok na ating nililinis ay sumasalamin sa pagpapahalaga natin sa kinabukasan ng susunod na henerasyon.

Kaya ano pang hinihintay niyo? Tara na, magkaisa, maglinis, at magpawis para sa kinabukasan ng kabataan!

Sulat ni Farah Pamittan
Lapat ni Riyanna Morales

BREAKING NEWS | Sumiklab ang sunog sa isang residential area sa Pulong Kendi 2, Barangay Sta. Ana ngayong hapon.‎‎Unang ...
25/05/2026

BREAKING NEWS | Sumiklab ang sunog sa isang residential area sa Pulong Kendi 2, Barangay Sta. Ana ngayong hapon.
‎
‎Unang itinaas ang sunog sa unang alarma dakong 5:57 ng hapon bago itong iakyat sa ikalawang alarma pagsapit ng 6:02 ng gabi, ikatlong alarma nitong 6:10 ng gabi, hanggang sa umabot sa ikaapat na alarma nitong 6:37 ng gabi.
‎
‎Sa kasalukuyan, wala pang inilalabas na ulat ang mga awtoridad hinggil sa bilang ng mga nasugatan o nasawi sa naturang insidente. Umakyat na sa ika-limang alarma ang sunog kaninang 7:05 ng gabi.

Itinaas ng Bureau of Fire Protection ang sunog sa Sta. Ana sa Task Force Alpha bandang 7:19 ng gabi.

Nangangahulugan ito na masyado nang malaki ang sunog upang maapula lamang ng mga local substations kaya kinakailangan na ng mahigit dalawampung fire truck upang tuluyang makontrol at mapuksa ang apoy sa nasabing lugar.

Bumisita si Kgg. Maria Laarni 'Lani' Cayetano sa mga residenteng naapektuhan ng sunog sa Pulong Kendi, Sta. Ana na kasalukuyang pansamantalang nanunuluyan sa Taguig Integrated School.

Ulat ni Dwight Azcarrate

21/05/2026

PANOORIN | Pamamahagi ng School Packages para sa estudyanteng Taguigeño sa Taguig Science High School.

Noong Mayo 15, naganap ang pamamahagi ng School Packages na naglalaman ng iba't ibang kagamitan na magagamit sa darating na taong panuruan. Naglalaman ito ng Notebook, Papel, Ballpen, Sapatos, at iba pang mahalagang kailangan para sa pasukan.

Isang taos pusong pasasalamat ang ipinaabot ng Mataas na Paaralang Pang-agham ng Taguig sa Local Government Unit ng Taguig City sa pamumuno ni Mayor Lani Cayetano, Vice Mayor Arvin Alit, at kasama ang Sangguniang Panlungsod ng Taguig. Isang malaking tulong ang inisyatibang ito sa pagpapatupad ng Transformative, Lively, and Caring City para sa lahat ng Taguigeño.

TINGNAN | School Supplies Packages, inihandog sa mga mag-aaral ng TagSciIkinasa ang pamamahagi ng school supply packages...
17/05/2026

TINGNAN | School Supplies Packages, inihandog sa mga mag-aaral ng TagSci

Ikinasa ang pamamahagi ng school supply packages sa mga mag-aaral ng Mataas na Paaralang Pang-Agham ng Taguig sa ganap na araw ng Biyernes, ika-15 ng Mayo, bilang paghahanda sa nalalapit na pagbubukas ng taong-panuruan 2026-2027 sa ika-8 ng Hunyo.
‎
‎Inilunsad ang implementasyon ng naturang palutuntunan sa hangaring mapadali ang sistema ng distribusyon para sa mga akademikong pangangailangan ng mga estudyante.
‎
‎Kumakatawan sa pagsasakatuparan ng itinakdang proseso ang inatasang on-site assistance teams galing sa lokal na pamahalaan, kabilang na rin ang ilan sa mga kinatawan ng naturang institusyon.
‎
‎Ayon sa isang Scientian, nakakapanibago ang prosesong sinusunod sa distribusyon ngayon kumpara sa mga nagdaang taon, kung saan nagkakaroon ng puwang at hindi katiyakan sa kung kailan makakatanggap ang mga mag-aaral ng binabahaging materyales o kasuotan na kanilang inaasahan.
‎
‎"Sa ganitong setup, na-aaccommodate ang ilan sa concerns at questions ng students, katulad nalang ng adjustments sa sizes o kakulangan sa natanggap na materyales na madali nalang ilapit sa mga nag-aasikaso kalakip ng kaagarang pagtugon kung mayroon man," saad ni Daniella Espinosa, paparating na ika-12 baitang na mag-aaral.
‎
‎Dagdag niya, bawas hassle ito sa iisipin na mga kakailanganin sa napapalapit na pasukan kasama na rin ang natabas na gagastusin sa iba pang kanilang kakailanganin.
‎
‎Inaasahan ng ilang mag-aaral na makuha ang kanilang inilista na sukat sa mga kasuotan
‎na kasama sa ipinangakong nilalaman ng bawat school supply packages ng bawat baitang, bago ang opisyal na pagsisimula ng klase.
‎
‎Patuloy na isinasagawa ang distribusyon ng school supply packages sa mga pampublikong paaralan ng lungsod kaakibat ang mga respektibong petsa at oras ng pamamahagi ng mga ito.

Sulat ni Ben Duran
Kuha ni Felicity Roque

‎JUST IN: Binalot ng tensyon ang Senado nito lamang gabi ng Mayo 13 matapos umanong makarinig ng mga putok ng baril sa i...
13/05/2026

‎JUST IN: Binalot ng tensyon ang Senado nito lamang gabi ng Mayo 13 matapos umanong makarinig ng mga putok ng baril sa ikalawang palapag ng Senate Building.
‎
‎Sa Facebook Live ni Sen. Alan Peter Cayetano, nanawagan siya ng tulong mula sa ibang ahensya ng gobyerno upang malaman kung ano ang naging sanhi ng putukan.
‎
‎"We have to turn off the lights dahil may putukan na nangyayari," ani Cayetano
‎
‎Dagdag pa niya, "Hindi namin alam kung ano ang nangyayari, lahat ay nakakulong sa kani-kanilang mga silid ngayon, hindi kami makalabas. Hindi namin ma-secure ang iba pa naming mga tauhan."
‎
‎Dahil sa insidente, maraming mamamahayag mula sa iba't ibang awtlet ng midya ang nanatili sa loob ng gusali dahil nagkaroon dito ng "lockdown."
‎
Samantala, nagtungo rin sa Senado si DILG Secretary Jonvic Remulla upang i-secure ang lugar.

Sa kasalukuyan, hindi pa rin kinukumpirma ng mga awtoridad kung sino ang pinaputukan at ano ang pakay ng mga gumawa nito.
‎
‎Ayon naman kay Senate Secretary Mark Llandro Mendoza, wala pang naitatalang bilang ng mga nasawi bandang 8:30 ng gabi.

‎PANITIKAN | Liwanag ng Pag-ibig ng Ina‎‎Nais kong bumalik sa mga braso mo, Inay. Walang ibang dahilan kundi upang matun...
10/05/2026

‎PANITIKAN | Liwanag ng Pag-ibig ng Ina
‎
‎Nais kong bumalik sa mga braso mo, Inay. Walang ibang dahilan kundi upang matunghayan ang unang pagsikat ng pag-asa ko.
‎
‎Sa bawat pagod na iyong dinadala, naroon ang tahimik na pakikibaka, na hindi kailanman nasusuklian ng kahit anong salita o gawa, sapagkat ang iyong pag-ibig ang laging nauuna.
‎
‎Ayokong makalimot sa init ng iyong boses na payapa, na kayang patahimikin ang unos sa aking diwa, sa mga gabing ikaw ang ilaw sa gitna ng ligaya at lumbay na dala.
‎
‎At kung sakaling maligaw
‎
‎sa gitna ng sariling agos at tadhana, hahanapin kita—
‎
‎hindi bilang takbuhan, kundi gabay na payapa.
‎
‎Sapagkat sa puso kong ikaw ang simula, ikaw din ang dulo na hindi nawawala.
‎
‎Sulat ni Farah Pamittan
‎Dibuho ni Sherwin Balasta

Address

Taguig Science High School, Barangay San Miguel
Taguig
1630

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Friday 9am - 5pm

Website

Alerts

Be the first to know and let us send you an email when Sinagtala posts news and promotions. Your email address will not be used for any other purpose, and you can unsubscribe at any time.

Shortcuts

Share

Category