What are the opening hours?

Monday 6am - 6pm Tuesday 6am - 6pm Wednesday 6am - 6pm Thursday 6am - 6pm Friday 6am - 6pm

https://www.facebook.com/721775904352182/

Ang Dakila, 8th Street Brgy. Katuparan, GHQ Village, Taguig (2026)

29/07/2026

‎𝗠𝗔𝗚𝗕𝗔𝗛𝗔𝗚𝗜 𝗡𝗚 𝗗𝗨𝗡𝗢𝗡𝗚 𝗦𝗔 𝗣𝗔𝗔𝗥𝗔𝗟𝗔𝗡, 𝗗𝗢𝗡𝗔𝗦𝗬𝗢𝗡 𝗡𝗚 𝗟𝗜𝗕𝗥𝗢 𝗣𝗔𝗥𝗔 𝗦𝗔 𝗠𝗔𝗚-𝗔𝗔𝗥𝗔𝗟
‎
‎Inaanyayahan ng Kagawaran ng Filipino na makibahagi sa paparating na Book Donation Drive sa paaralan. Hinihikayat ang bawat magulang at mag-aaral na makiisa sa aktibidad na magsisimula sa ika-3 ng Agosto.
‎
‎Maaring magbigay ng English o Filipino na libro na hindi karaniwang ginagamit sa loob ng inyong tahanan. Ang bawat aklat na inyong ibabahagi ay magsisilbing ilaw at gabay upang higit pang malinang ang kakayahan sa pagbasa at mapaunlad ang kaalaman ng mga mag-aaral.
‎
‎📍 Lugar: PDMHS Ground
‎
⏰ Oras: 9:00 AM – 2:00 PM
‎
‎Layunin nitong mapatibay ang ugnayan ng tahanan at paaralan tungo sa pagkatuto, mapalakas ang pakikipagtulungan ng bawat magulang sa mga programa at gawaing pang-edukasyon.
‎
‎Para sa karagdagang impormasyon at katanungan, maaaring lapitan si Gng. Lovely Angeli Pioquinto—Filipino Reading Coordinator ng paaralan.
‎
‎Malugod naming inaabangan ang inyong pakikiisa sa makabuluhang layuning ito. Nawa'y maging simbolo ito ng pagtutulungan, malasakit, at paglilingkod ng bawat isa para sa karunungan.

20/07/2026

‎𝗠𝗮𝗶𝗻𝗶𝘁 𝗻𝗮 𝗽𝗮𝗴𝗯𝗮𝘁𝗶 𝘀𝗮 𝗺𝗴𝗮 𝗯𝗮𝗴𝗼𝗻𝗴 𝗺𝗶𝘆𝗲𝗺𝗯𝗿𝗼 𝗻𝗴 𝗔𝗻𝗴 𝗗𝗮𝗸𝗶𝗹𝗮!
‎
Mula sa ipinakitang husay at kahandaan sa isinagawang screening, matagumpay ninyong napatunayan na ang determinasyon at pagsisikap ay may kaakibat na bunga.

Magsilbi itong panibagong simula upang higit pang malinang ang inyong kakayahan at mapaunlad ang inyong mga talento.
‎
‎Malugod namin kayong binabati sa mahalagang tagumpay na ito. Nawa'y maging gabay ninyo ang kahusayan, integridad, at paglilingkod sa bawat hakbang ng inyong paglalakbay.

15/07/2026

𝗕𝗔𝗟𝗜𝗧𝗔 | Higit 80 kalahok, dumalo sa screening ng "Ang Dakila"

‎Lumahok ang mahigit walumpong estudyante mula sa President Diosdado Macapagal High School (PDMHS) sa ginanap na screening ng “Ang Dakila” upang paghandaan ang nalalapit na School Press Conference, matagumpay naman nitong naidaos ang nasabing kaganapan nitong Miyerkoles, Hulyo 15, 2026.
‎
‎Ayon kay Christian Mandap, Punong Patnugot ng Ang Dakila, paghahanda ito para sa darating na patimpalak sa Setyembre at layunin nilang mahubog ang husay ng mga estudyante sa larangan ng pagsulat at pagguhit.
‎
‎“Nais din po naming kumuha ng mga mahuhusay na mayroong potential po na maging kasapi ng opisyal na Filipino Journalism sa Diosdado,” dagdag ni Mandap.
‎
‎Samantala, magkakaroon naman ng matinding pagsasanay ang mga estudyanteng mapipili.

05/07/2026

‎𝗜𝗽𝗮𝗺𝗮𝗹𝗮𝘀 𝗮𝗻𝗴 𝗶𝘆𝗼𝗻𝗴 𝗱𝗮𝗸𝗶𝗹𝗮𝗻𝗴 𝗵𝘂𝘀𝗮𝘆 𝗮𝘁 𝗵𝗶𝗹𝗶𝗴 𝘀𝗮 𝗗𝘆𝗼𝗿𝗻𝗼!
‎
‎Inaanyayahan ang lahat ng mga mag-aaral na may husay at hilig sa larangan ng Dyorno na makilahok sa gaganaping Screening sa Biyernes, ika-10 ng Hulyo.
‎
‎Kung ikaw ay may kakayahan sa pagsulat, pagguhit, pagkuha ng larawan, pagdidisenyo, o iba pang larangan ng pamamahayag, ito na ang iyong pagkakataong maipamalas ang iyong talento at maging bahagi ng opisyal na pangkat ng mga mamamahayag ng paaralan.
‎
‎Bukas ang screening para sa Collaborative Desktop Publishing (CDP), Online Desktop Publishing (ODP), at mga Indibidwal na kategorya.
‎
‎Sa mga nagnanais makilahok, mangyaring sagutan ang paunang aplikasyon sa ibaba:
‎
‎https://forms.gle/T2XFbf6FyReK8H3c7
‎
‎Ito na ang iyong pagkakataon, upang isulat ang katotohanan. Ibahagi ang mahahalagang kuwento at ipakita ang iyong husay. Sama-sama nating itaguyod ang dakilang kahusayan sa pamamahayag!

06/12/2025

Pagbati sa ating mga dakilang dyorno!

Malugod naming ipinagmamalaki ang mga dyornong sumabak at nagtagumpay sa tagisan ng pagsulat at boses para sa katotohanan sa naganap na Division Schools' Press Conference (DSPC) nitong nagdaang ika-27 hanggang 30 ng Nobyembre at ginawaran ng karangalan nitong ika-5 ng Disyembre 2025.

𝗣𝗮𝗴𝘄𝗮𝘄𝗮𝘀𝘁𝗼 𝗻𝗴 𝗦𝗶𝗽𝗶 𝗮𝘁 𝗣𝗮𝗴-𝘂𝘂𝗹𝗼 𝗻𝗴 𝗕𝗮𝗹𝗶𝘁𝗮 | Jay Anne Villahermosa, 1st Place | Trainer: Romeo Lucero Jr.
𝗣𝗮𝗴𝘀𝘂𝗹𝗮𝘁 𝗻𝗴 𝗔𝗴𝗵𝗮𝗺 𝗮𝘁 𝗧𝗲𝗸𝗻𝗼𝗹𝗼𝗵𝗶𝘆𝗮 | John Rich Encarnacion | Trainer: Jenifer O. Tosco

𝗖𝗼𝗹𝗹𝗮𝗯𝗼𝗿𝗮𝘁𝗶𝘃𝗲 𝗗𝗲𝘀𝗸𝘁𝗼𝗽 𝗣𝘂𝗯𝗹𝗶𝘀𝗵𝗶𝗻𝗴 | Trainer: Davy Jones Austria
Jel Campos
Athena Arevalo
Cyra Joy Bermudez
John Marco Abapo
Christian Mandap
Jillian Panangon
Adrian Jerome Denum

𝗢𝗻𝗹𝗶𝗻𝗲 𝗗𝗲𝘀𝗸𝘁𝗼𝗽 𝗣𝘂𝗯𝗹𝗶𝘀𝗵𝗶𝗻𝗴 | Trainer: Frenie Macaraeg Ubiña
Jotham Padua
Ma. Carla Venice Andog
Roxanne Dale Escullar
John Vincent Amado
Cyrus Jireh Dullas

𝗥𝗮𝗱𝗶𝗼 𝗕𝗿𝗼𝗮𝗱𝗰𝗮𝘀𝘁𝗶𝗻𝗴 𝗮𝗻𝗱 𝗦𝗰𝗿𝗶𝗽𝘁𝘄𝗿𝗶𝘁𝗶𝗻𝗴 | Trainer: Jhony Ombid
Matthew Ivan R. Manzano
Ryanne Zandra L. Reyes
Dyrin Xyrelle J. Ramos
Tricia Lorraine A. Perez
Gabrielle Santino R. Cabarce
Angel Rose P. Ballares
Jaycel Mae B. Anobling

Taos-puso rin naming ikinararangal ang kahusayan ng mga lumahok at tumanggap sa hamon ng dyornalismo, na nagwagayway sa pangalan ng ating mataas na paaralan.

𝗣𝗮𝗴𝗸𝘂𝗵𝗮 𝗻𝗴 𝗟𝗮𝗿𝗮𝘄𝗮𝗻 | John Vincent Baldon | Trainer: Reinalyn J. Ganan
𝗣𝗮𝗴𝘀𝘂𝗹𝗮𝘁 𝗻𝗴 𝗞𝗼𝗹𝘂𝗺 | Ana Rose Mendoza | Trainer: Michelle Angela G. Pornea
𝗣𝗮𝗴𝘀𝘂𝗹𝗮𝘁 𝗻𝗴 𝗘𝗱𝗶𝘁𝗼𝗿𝘆𝗮𝗹 | Camille Reyes | Trainer: Mary Grace M. Reotiras
𝗣𝗮𝗴𝘀𝘂𝗹𝗮𝘁 𝗻𝗴 𝗕𝗮𝗹𝗶𝘁𝗮𝗻𝗴 𝗜𝘀𝗽𝗼𝗿𝘁𝘀 | Edgar Pacleb Jr. | Trainer: Magdalena B. Ocado
𝗣𝗮𝗴𝘀𝘂𝗹𝗮𝘁 𝗻𝗴 𝗟𝗮𝘁𝗵𝗮𝗹𝗮𝗶𝗻 | Ma. Ysabhelle Armea | Trainer: Marisa M. Tuscano
𝗣𝗮𝗴𝗴𝘂𝗵𝗶𝘁 𝗻𝗴 𝗞𝗮𝗿𝘁𝘂𝗻𝗴 𝗘𝗱𝗶𝘁𝗼𝗿𝘆𝗮𝗹 | Mary Michellin Aloba | Trainer: Lovely Angeli Alvez-Pioquinto
𝗣𝗮𝗴𝘀𝘂𝗹𝗮𝘁 𝗻𝗴 𝗕𝗮𝗹𝗶𝘁𝗮 | Lovely Leano | Trainer: Cresenciano G. Liwagon Jr.
𝗠𝗼𝗯𝗶𝗹𝗲 𝗝𝗼𝘂𝗿𝗻𝗮𝗹𝗶𝘀𝗺 | Gabriel Mendoza | Trainer: Reinalyn J. Ganan

Ito ay bunga ng hindi matatawarang dedikasyon, prinsipyo, at talino. Nawa'y magsilbi ang mga tagumpay na ito upang magbaga ang apoy ng dyornalismo sa puso ng mga mag-aaral at mamayagpag ang katotohanan sa mundong kasalukuyan.

Buhay ang dyornalismo sa Dado!

| Kapsyon ni Cyra Joy Bermudez
| Grapiko ni Adrian Jerome Denum

08/11/2025

𝗕𝗔𝗟𝗜𝗧𝗔 | NSED kontra “The Big One”, nilahukan ng PDMHS

Matagumpay na nakibahagi ang President Diosdado Macapagal High School (PDMHS) sa ginanap na 4th Quarter Nationwide Simultaneous Earthquake Drill (NSED), sa tulong ng pakikipag-ugnayan sa pamunuan ng Barangay Katuparan upang palakasin ang kahandaan ng pampublikong paaralan sa posibleng sakuna.

Pinangunahan ni G. John Ray Mendoza, School Disaster Risk Reduction and Management (SDRRM) Coordinator, ang nasabing drill katuwang ang iba’t ibang organisasyon ng paaralan upang matiyak ang maayos at ligtas na pagsasagawa nito.

Sa panayam kay G. Rodolfo Bedejo, Barangay Security Force Assistant Team Leader, kanyang sinabi na isinagawa ang earthquake drill upang masig**o ang kahandaan ng lahat sakaling tumama ang hindi inaasahang “The Big One” na tinatayang aabot ng 7.2 magnitude.

“Pero kung sakali mang tumama, siyempre, handa ang buong barangay sa anumang posibleng mangyari,” pagbibigay-diin ni G. Bedejo.

Samantala, naglaan ang pamunuan ng Barangay Katuparan ng mga ambulansya, medic, at responders para sa isinagawang earthquake drill ng paaralan na ginanap nitong Huwebes, Nobyembre 6, ganap na alas-nuwebe ng umaga.

| Sulat ni Athena Arevalo
| Larawan ni John Vincent Baldon
| Grapiko ni Adrian Jerome Denum

05/10/2025

𝗕𝗔𝗟𝗜𝗧𝗔 | Mga kinatawan ng clubs, SPTA, Alumni, opisyal nang nanumpa ng katungkulan

Pormal nang nanumpa at kinilala ang bawat opisyales mula sa iba’t-ibang organisasyon, School Parents-Teachers Association (SPTA), at Alumni Association ng President Diosdado Macapagal High School (PDMHS) bilang bigyang bisa ang kanilang pamumuno at maisulong ang aktibong partisipasyon sa mga gawaing pampaaralan.

Binigyang punto ni G. Ferdinand Delgado, Punong-G**o ng paaralan, sa kanyang pambungad na pananalita ang importansya ng pagkakaisa at sama-samang pananagutan sa isang samahan.

“Be a good leader, be a good example to your colleagues,” dagdag pa ni G. Delgado.

Nagbahagi rin ng makabuluhang mensahe at suporta para sa mga batang lider ang mga kagalang-galang na opisyal mula sa Lungsod ng Taguig, kabilang dito sina Konsehal Eduardo Prado, Konsehal Danilo Castro, Konsehala Marisse Balina-Eron, Konsehala Bing Villamor, Konsehala Iony De Lara-Bes, Konsehal Edgar Baptista, at SK Chairman Jerome Paolo Gonzales.

Pinangunahan naman ni Konsehala Marisse Balina-Eron ang sabayang panunumpa ng bawat lider na isinagawa sa PDMHS school grounds nitong Sabado, Oktubre 4.

Dinaluhan ang nasabing mahalagang seremonya ng mga mag-aaral, g**o, magulang, alumni, non-teaching staff, at mga kinatawan mula sa lokal na pamahalaan.

Samantala, nagsilbing simbolo ang seremonya ng pagkakaisa, pagtitiwala, at responsibilidad na kailangang gampanan ng bawat opisyal sa kanilang bagong papel sa paaralan.

| Sulat ni Athena Arevalo
| Larawan ni Jel Campos
| Grapiko ni Adrian Jerome Denum

13/09/2025

𝗕𝗔𝗟𝗜𝗧𝗔 | PDMHS, isinagawa ang Card Distribution para sa unang bahagi ng semestre

Matagumpay na naipamahagi ng mga g**o sa President Diosdado Macapagal High School (PDMHS) ang inaasahang report card ng mga mag-aaral para sa unang kwarter ng taong 2025.

Ginanap ang nasabing Card Distribution nitong Sabado, ika-12 ng Setyembre sa ganap na oras na 8:00-9:00 ng umaga para sa mga baitang 8, 10, 12 at 10:00-11:00 ng umaga sa baitang 7, 9, 11.

Ayon kay G. Lucero, tagapayo ng pangkat gold mula sa baitang 12 (STEM), naging matagumpay para sa kaniya ang naganap na Card Giving, nagalak ang mga magulang sa perfomance ng kanilang mga anak sa 1st quarter, at walang naging problema sa mga magulang ng kaniyang advisory class.

"Para sa akin, ang naging highlight talaga ng Card Giving ay makita ang kagalakan ng mga magulang para sa kanilang mga anak, sabi ko nga sa kanila, ang kaligayahan niyo po ang tunay na award ng mga anak niyo dahil naniniwala po ako na alay po nila sa inyo ang kanilang pagsusumikap,” malugod na ani ng g**o.

Kasabay nito, isinagawa na rin ang paggawad ng sertipiko ng karangalan sa ilang baitang at pangkat sa paaralan.

Sa kabilang banda, nagsilbi ring pagpupulong ng mga g**o at magulang patungkol sa mga kaganapan ng kanilang mga anak sa eskwelahan ang naturang kaganapan.

| Sulat ni Cyra Joy Bermudez
| Photo courtesy: Ginoong Lucero
| Grapiko ni Adrian Jerome Denum

11/09/2025

𝗕𝗔𝗟𝗜𝗧𝗔 | ARAL program, pinagtibay ng DepEd

Pinaigting ng Department of Education (DepEd) ang programang Academic Recovery and Accessible Learning (ARAL) sa isinagawang dalawang araw na pagsasanay para sa mga g**o upang tiyakin ang kahandaan at kakayahan ng mga tagapagturo sa epektibong pagpapatupad ng programa sa kani-kanilang paaralan.

Ayon kay G. Davy Austria, G**o ng Filipino sa President Diosdado Macapagal High School (PDMHS), ipinatupad ang ARAL upang pahalagahan ng bawat mag-aaral ang pagbabasa at tugunan ang krisis sa pagkatuto na kinahaharap ng bansa.

“Nilalayon ng nationwide implementation ng ARAL na pataasin ang kalidad ng pagbasa para sa mga estudyante,” pagbibigay-diin ng g**o.

Aktibong nakilahok naman ang kaguruan mula sa PDMHS, na kinabibilangan nina G. Austria, Gng. Datul, at Gng. Tosco, sa pagsasanay na isinagawa sa Benigno "Ninoy" Aquino High School noong Setyembre 9 at 10.

Samantala, inaasahan na magdudulot ng positibong resulta para sa mga mag-aaral at sa sistema ng edukasyon sa bansa ang naging implementasyon ng programa.

| Sulat ni Athena Arevalo
| Grapiko ni Adrian Jerome Denum

Ang Dakila

29/07/2026

20/07/2026

15/07/2026

05/07/2026

06/12/2025

08/11/2025

05/10/2025

13/09/2025

11/09/2025

Address

Opening Hours

Website

Alerts

Shortcuts

Share

Category

Listing takedown request

Monday	6am - 6pm
Tuesday	6am - 6pm
Wednesday	6am - 6pm
Thursday	6am - 6pm
Friday	6am - 6pm