Pinoy Trending

11/05/2026

Alan Peter Cayetano, hinalal bilang bagong Senate President

11/05/2026

SEN. ALAN PETER CAYETANO, BAGONG SENATE PRESIDENT

Sa botong 13 ay pinalitan ni Sen. Alan Peter Cayetano si Sen. Tito Sotto bilang Senate President.

Matapos ang supresang pagdalo ni Senador Ronald "Bato" dela Rosa sa Senado ay nakakuha ng sapat na boto ang mga Senador para palitan si Sotto.

Nangyari ang palitan ng Senate President sa gitna ng botohan ng impeachment ng House of Representatives laban kay Vice President Sara Duterte.

11/05/2026

REP. ADIONG, HINDI NA NAGULAT NA HIGIT 90 PORSYENTO NG MGA PILIPINO AY PABOR NA IHARAP SI VP SARA SA PAGLILITIS

Hindi na umano nagtaka si Lanao del Sur Rep. Zia Alonto Adiong na napakaraming Pilipino ang gustong humarap si Vice President Sara Duterte sa impeachment.

Sa isang pahayag, ibinahagi ni Adiong ang resulta na isinagawa ng Tangere survey kung saan ay 90 porsyento ng mga Pilipino ang gustong humarap si Vice President Sara Duterte sa impeachment trial.

Ayon kay Adiong, gusto umanong makita ng taumbayan si Duterte na sagutin ang mga alegasyon ng korupsyon.

“It is not surprising that nearly nine out of 10 Filipinos want Vice President Sara to face the Senate trial. Given the weight of the evidence, the people are not looking for a lawyer. They want Vice President Sara herself,” ani Adiong.

“If there are questions about the P612.5 million in confidential funds, the P6.77 billion money trail, the cash envelopes at the Department of Education, and threats that escalated to an alleged assassination plot, it is only natural that the public wants her to face them," dagdag pa niya.

Hindi na umano sapat ang press conference at pag kwestiyon sa 'technicalities' ng impeachment proceeding.

11/05/2026

SEN. DELA ROSA, SINUBUKAN UMANONG HARANGIN NG NBI PAPASOK SA SENADO

Ibinahagi ni Senador Ronald "Bato" dela Rosa na nasugatan siya habang sinusubukan na makapasok sa Senado matapos siyang harangin ng mga miyembro ng National Bureau of Investigation (NBI).

Sa kanyang unang pagpasok sa Senado matapos ang ilang buwan niyang hindi pagpapakita sa publiko, sinabi ni Dela Rosa ang kawalang-respeto ng NBI sa Senado.

“Hinaharang hindi papasukin sa session. Kung ako’y absent hinahanap ako ninyo, sumusweldo, hindi nagpapakita. Ngayon papakita ako dito, hinarang ako ng NBI. Ni-restrict ako. Sugat-sugat ako,” ani Dela Rosa.

“Wala silang respeto sa institusyon ng Senado, bakit ganoon ang NBI?" dagdag pa niya.

Lumitaw si Dela Rosa sa Senado sa gitna ng posibleng botohan ng bagong Senate President.

11/05/2026

REP. ISIDRO, SINABING INUTUSAN SIYA NG KONSTITUSYON PARA GAMPANAN ANG IMPEACHMENT LABAN KAY VP SARA

Pinangunahan ni House Committee on Justice chair at Batangas Rep. Gerville Luistro ang sponsorship speech para sa impeachment complaint laban kay Vice President Sara Duterte.

Ayon kay Luistro, hindi politika ang kanilang ginagawa at naka-base sa ebidensya ang mga desisyon ng kanilang komite.

"Hindi po kami narito para humatol ng pagkakasala, hindi rin po kami naririto para magparusa, ang tanong lang na nasa harap natin ngayon, may sapat bang dahilan upang ipagpatuloy ang paglilitis sa Senado?" ani Luistro.

"Yan ang sagradong tungkulin na ipinapasa ngayon ng Committee on Justice sa buong kapulungan, hawak po natin ngayon ang bunga ng mahabang proseso, hindi ito nabuo sa isang gabi, hindi produkto ng tsismis, galit, o sigaw sa social media," dagdag pa niya.

Iginiit rin ni Luistro na pinakinggan nila ang lahat ng kampo.

11/05/2026

11/05/2026

REP. ELAGO, PINANGUNAHAN ANG PAGDARASAL SA PLENARYO BAGO ANG BOTOHAN SA IMPEACHMENT LABAN KAY VP SARA

Pinangunahan ni Gabriela Rep. Sarah Elago ang pagdarasal sa plenaryo ngayong araw kung saan ay pagbobotohan ang impeachment complaint laban kay Vice President Sara Duterte.

Sa kanyang panalangin, hiniling ni Elago na sana'y gabayan sila na magkaroon ng desisyon na magpapatupad ng pananagutan para sa taumbayan.

Ipinagdasal din niya ang pagiging tapat ng mga proseso sa kanilang mga gagawing aksyon.

"We pray for transparency in every process that the light of public scrutiny may shine upon all our actions ensuring that power is exercised for the common good of the people," ani Elago.

"We pray for a steadfast commitment to justice, may the laws and policies shaped in this hall be instruments for the protection of human rights for the right to a life free from hunger, for the right to peaceful assembly and expression, for the right to seek truth and redress," dagdag pa niya.

Kasalukuyang 250 na mambabatas ang nasa plenaryo ngayon.

11/05/2026

NBI DIRECTOR MATIBAG, IBINAHAGI ANG KANYANG PAGHANGA SA KANYANG ASAWANG SI REP. MATIBAG SA MOTHER'S DAY

Ibinahagi ni National Bureau of Investigation (NBI) Director Atty. Melvin Matibag ang kanyang mensahe para sa kanyang asawa na si Laguna 1st District Rep. Ann Matibag sa Araw ng mga Ina.

Sa kanyang mensahe, sinabi ni Matibag kung gaano siya humahanga sa kanyang asawa na nagpasasabay ang trabaho bilang mambabatas at ilaw ng tahanan.

"Thank you for the endless love, sacrifices, and care you give to Manuel, Iana, and Audi. Through every hug, lesson, prayer, and sacrifice, you continue to be the kind of mother our children will always look up to and be proud of," ani Matibag.

"Watching you balance motherhood and public service with so much grace and compassion inspires me every single day. No title or achievement will ever compare to the beautiful role you play in our home, the loving light that keeps our family strong and together," dagdag pa niya.

11/05/2026

Rep. Elago, pinangunahan ang panalangin bago ang botohan sa impeachment laban kay VP Sara

11/05/2026

COMELEC CHAIR GARCIA, SINABING MAGLULUNSAD SILA NG IMBESTIGASYON SA UMANO'Y VOTE-BUYING NI REP. LEVISTE

Maglulunsad ng isang fact-finding probe ang Commission on Elections tungkol sa mga alegasyon ng pamimili umano ng boto ni Batangas 1st District Rep. Leandro Leviste noong nakaraang eleksyon.

Sa isang panayam, gustong malaman ni Garcia kung kandidato na ba si Leviste sa isang video na kuha habang namimigay umano ito ng pera sa ilang indibidwal sa Batangas.

"Inaalam namin kung kailan nangyari at kung talagang nangyari. Upang malaman kung kandidato na ba sya ng panahon na yon," ani Garcia.

Sinisi naman ni Leviste si Executive Secretary Ralph Recto na nasa likod umano ng pagpapakalat ng nasabing video na hindi naman umano kuha noong eleksyon.

"Pinapakalat ni Ralph Recto ang video ng pamimigay ko ng pera noong Pasko na galing sa sarili kong bulsa," ani Leviste.

"Mas mabuti ba kung huwag na lang tumulong, kahit hindi eleksiyon at hindi ka-distrito? O dapat ba ang ipamigay ay pera ng gobyerno, o pera ng contractor? Nagtatanong lang po," dagdag pa niya.

11/05/2026

SAFE SI TITO SEN? KUDETA PARA PALITAN ANG SENATE PRESIDENT, KINAPOS UMANO NG NUMERO

Kumakalat ngayon ang mga ulat na kinapos ng boto ang minority para mapalitan bilang Senate President si Tito Sotto.

Matatandaang ilang pahayagan ang nagkumpirma na mayroong kudeta na nangyayari sa Senado sa papalapit ng botohan para sa impeachment laban kay Vice President Sara Duterte sa House of Representatives.

Kinakailangan ng mahigit 13 na boto mula sa mga senador upang mapalitan si Sotto bilang Senate President.

Kasalukuyang nasa siyam ang kumpirmadong miyembro ng minority kaya't kinakailangan nila ng 4 pa na boto mula sa Majority na pinamumunuan ni Sotto.