01/03/2025
*NASAKPAN NAKO AKONG BANA NGA NAMB0S0*
Hi, ako si Lyn, 29 anyos, ug ang akong bana kay 35 anyos. 12 na ka tuig mi nga minyo ug naa mi’y duha ka anak. Gusto na unta ko makigbulag sa akong bana, pero dili gyud siya mosugot.
Ngano gusto ko makigbulag? Kay wala na koy gibati para niya. Nagsugod ni katong nasakpan nako siya nga namb0s0. dili lang kausa, pero duha ka beses.
Ang una kay sa among silingan, niadtong nangabang pa lang mi. Ang ikaduha, uyab sa akong higala nga t0mb0y, ug ako pa gyud mismo ang nakakita. Gideny pa niya sauna, ug nakasakit na pud siya nako kausa. Dili nako malimtan ang iyang mga sala nako, pirmi lang ko makahunahuna ato.
Sa matag lalis namo, pirmi nako siya sumbaton ana. Bisan og gusto na gyud nako mobiya, dili ko kabuhat kay naghunahuna ko sa among mga anak. Unsa na lang sila kung magbuwag mi sa ilang papa? Wala ko kahibalo unsaon. Maayo man akong bana, responsable nga amahan ug kugihan. Wala gyud mi niya biya-i bisan kanus-a.
Pero bisan pa, dili gyud nako malimtan ang iyang mga sala nako bisan dugay na nga panahon ang milabay. Wala koy kalinaw sa huna-huna. Kada hisgot nako ana niya, pangutan-on nako siya ngano niya gibuhat to nako. Pero hilom ra siya ug ibaliwala lang niya, usahay pa gani, i-joke lang niya. Dili niya matug-an nako ang iyang mga sala.
Ang gusto ra gyud nako kay mutug-an siya sa iyang mga sayop nga nabuhat kaniadto. Wala kabalo akong pamilya sa iyang pagpangb0s0. Wala nako sila giingnan kay maulaw ko. ug tungod kay love pud nako kaayo sya.
unsa kaha akong angay buhaton Kuya unta matambagan ko ninyo, salamat sa pagbasa.
