26/07/2025
ππ’πππ π π 15-ππππ
ππππππ ππ ππππππππππ ππ ππππππ πππππ; πππππ, πππππ πππππππππ
SULOD lang sa 15-oras malampusong nadakpan sa mga sakop sa Tagum City Police Station (TCPS) pasado alas 10 kagabii, July 25, ang usa ka suspek sa pagpamusil-patay didto sa Purok 4, Gumamela Drive, Brgy. Apokon, sa maong siyudad.
Sumala sa hepe sa Tagum PNP Lt. Colonel Frederick Deles giila ang dinakpan nga usa ka Jay-r, 27, ulitawo, laborer ug renter sa usa ka Apartment, sa Purok Galingan, Brgy. Mankilam, Tagum City.
Matud ni Deles ang suspek nasikop sa mga pulis pinaagi sa hot pursuit operation didto sa giarkilahan nga apartment alas 10:45 sa gabii sa susamang adlaw tungod sa violation sa RA 10591 (Comprehensive Fi****ms and Ammunition Regulation Act) nga miresulta usab sa pagkasakmit sa iligal nga droga ug mga paraphernalia.
Matud ni Deles si Jay-r ang usa sa mga gitudlong suspek sa pagpusil-patay sa usa ka Eduardo didto sa Bermudez, Barangay Apokon, Tagum City sayo sa buntag niadtong adlawa.
Usa ka caliber .45 pistol, usa ka magazine nga loaded og eight (8) ka mga bala; ug klase-klaseng sizes sa giingong shabu nga adunay Standard Drug Price nga P13,600.
Anaa na sa kustodiya sa kapulisan ang dinakpan.
π· Tagum PNP
