29/04/2025
๐๐๐๐๐ฒ๐จ๐ง๐ ๐๐จ๐ง๐ฌ๐ญ๐ซ๐ฎ๐ค๐ฌ๐ฒ๐จ๐ง ๐ฌ๐ ๐๐ฎ๐ ๐๐ง๐๐ฒ ๐๐ซ๐ข๐๐ ๐, ๐๐ข๐ฆ๐๐๐ง ๐ฌ๐ ๐๐ข๐ง๐ฎ๐-๐๐ง๐๐ฒ ๐ง๐ ๐ ๐๐๐ซ๐๐ข๐ฌ๐ฒ๐จ ๐ง๐ข ๐๐จ๐ง๐ . ๐๐ฅ๐๐ง ๐๐ฎ๐ฃ๐๐ฅ๐ข
Carmen, Davao del Norte โ Padayon karon ang konstruksyon sa Tuganay Bridge nga nahimutang sa National Highway, Barangay Tuganay, Carmen, Davao del Norte, ubos sa pagdumala sa Licsal Construction Corporation, nga nagkantidad โฑ104,545,343.90. Gilauman nga matapos ang proyekto sulod sa 285 ka adlaw ug nakalatid ang target completion date niini sa Enero 20, 2026.
Napondohan ang maong tulay pinaagi sa inisyatibo ni Congressman Alan โAlduโ Dujali, nga nagtan-aw nga mas mapadali ang transportasyon ug koneksyon tali sa mga komunidad sa maong dapit. Ang konstruksyon sa Tuganay Bridge nagpamatuod sa seryosong tinguha ni Cong. Dujali nga tumanon ang iyang mga saad sa katawhan, bisan pa sa mga pagpangdaut nga gipanglabay sa iyang mga kontra sa politika.
Gipasabot sa kampo ni Cong. Dujali nga ang maong proyekto dili lamang usa ka imprastraktura, kondili simbolo sa pagpaningkamot sa usa ka lider nga aduna'y tinuod nga kadasig sa pagserbisyo.
Sa pagkakaron, makita ang aktibo nga trabaho sa lugar nga gipanagiyahan sa Licsal Construction Corporation, nga gisiguro nga molungtad ug kalidad ang tulay nga magahatag ug dugang kalamboan sa ekonomiya ug kahimtang sa mga molupyo sa Carmen ug kasikbit nga mga lugar.
Gilauman nga pagahumanon kini sa nakatakdang petsa nga Enero 20, 2026, kon walay mga babag nga moabot sa panahon sa konstruksyon.
Ang proyekto sa Tuganay Bridge usa lamang sa daghang inisyatiba ni Cong. Dujali nga nagpaluyo sa tinud-anay nga serbisyo ug kalamboan alang sa Davao del Norte.
