Diocese of Tagum - Ditascom

19/09/2025

|| SEPTIYEMBRE 20, 2025 – Sabado
SAN ANDRES KIM TAEGON, Pari
SAN PABLO CHANG HASANG UG MGA KAUBAN, Mga Martir Memorial

Ang pagsunod ug pagkat-on gikan sa spirituhanong pangulo magsugod sa pagpaminaw ug pagpamalandong sa nadunggan. Ang sambingay nga gihisgutan karon sa Ebanghelyo nagbutyag nga ang Ginoo nagdani kanato nga mahimong tigpamati sa iyang walay katapusang Pulong. Kitang tanan, sa walay paghukom, mga angayan nga mahimong sumusunod, tungod kay ang liso sa pulong sa Ginoo gitanum sa walay pagpili sa yuta nga pagatamnan niini. Ang matang sa yuta nag-simbolo sa mga paagi sa pagpaminaw. Ang sambingay nagdapit kanato sa usa ka tininuod nga pagtimbang-timbang kon giunsa nato sa pagpaminaw. Ang atong pagdawat sa klase sa atong pagka-yuta mahimong agianan sa Spiritu ngadto sa atong naga-uga, batuon ug tunukon nga mga kasingkasing, aron mausab kini ngadto sa tabunok nga yuta, andam nga modawat ug ma-abi-abi sa liso.

KINUTLO GIKAN SA UNANG SULAT NI SAN PABLO NGADTO KANG TIMOTEO (1 Tm. 6: 13-16)
Atubangan sa Dios nga maoy naghatag og kinabuhi sa tanan, ug atubangan ni Cristo Jesus nga misaksi sa kamatuoran atubangan ni Poncio Pilato, gisugo ko ikaw pagtuman sa tanan nga gipabuhat kanimo. Ug matngoni nga dili kini kabulingan ug dili masaway hangtod sa pagbalik sa atong Ginoong JesuCristo. Ang iyang pagpadayag himoon sa Dios sa hustong panahon, ang Dios nga dalaygon ug bugtong Magbubuhat, ang Hari sa mga hari ug ang Ginoo sa mga ginoo. Siya lamang ang walay kamatayon ug nagpuyo sa kahayag nga dili maduol. Wala pa gayoy nakakita kaniya ug wala gayoy makakita kaniya. Ipahinungod kaniya ang dungog ug walay katapusang gahom! Amen.

SALMO RESPONSORYO Ps. 100: 2, 3, 4, 5
T. Duol kamo nga malipayon ngadto sa atubangan sa Ginoo.
Alagari nga malipayon ang Ginoo; duol kamo kaniya sa masadya nga awit.
T. Duol kamo…
Sayri ninyo nga ang Ginoo Dios; siya ang nagbuhat kanato, kita iyaha gayod; ang iyang lungsod, ang panon nga iyang gidumala.
T. Duol kamo…
Sulod nga mapasalamaton sa iyang mga ganghaan, sulod kamo sa iyang mga kahawanan uban sa pagdayeg.
T. Duol kamo…
Pasalamati siya; dayga ang iyang ngalan, kay siya maayo; ang Ginoo, kansang kaluoy nagalungtad sa kahangturan, ug ang iyang kamatinud-anon, ngadto sa tanang kaliwatan.
T. Duol kamo…

+KINUTLO GIKAN SA BALAANG EBANGHELYO SUMALA NI SAN LUCAS (Lk. 8: 4-15)
Daghang mga tawo gikan sa kalungsoran nangadto kang Jesus ug sa nagkapundok na sila, iyang gisulti kining sambingaya.
“May usa ka tawo nga miadto sa uma aron pagpugas og mga binhi. Samtang nagsabod siya, pipila sa mga binhi nahulog diha sa agianan diin gitunobtunoban kini sa mga tawo ug gituka sa mga langgam. Nahulog ang uban sa yutang batoon ug sa pagturok niini, nalaya kay wala nay kaumog ang yuta. Ang ubang binhi nahulog sa dapit sa mga sampinit apan natuok sa mga sampinit nga mitubo uban niini. Ug ang ubang binhi nahulog sa maayong yuta; mitubo kini ug namungag usa ka gatos ka uhay ang matag binhi.”
Unya midugang si Jesus pag ingon, “Busa pamati kon may dalunggan kamo!”
Nangutana ang mga tinun-an ni Jesus unsay buot ipasabot sa maong sambingay. Ug mitubag si Jesus, “Ang pagsabot sa mga t inago bahin sa Gingharian sa Dios gihatag na kaninyo; apan sa uban gihatag kini pinaagi’g sambingay aron kon motan-aw sila dili makakita, ug kon mamati, dili makasabot.”
“Mao kini ang kahulogan sa sambingay: ang binhi mao ang pulong sa Dios. Ang binhi nga nahulog sa agianan mao kadtong mga tawo nga nakadungog sa Pulong sa Dios; apan mitungha ang Yawa ug misakmit niini gikan sa ilang kasingkasing aron dili sila motuo ug unya maluwas. Ang binhi nga nahulog sa yutang batoon mao kadtong nakadungog sa mensahe ug malipayong midawat niini, apan wala kini makagamot sa ilang kasingkasing. Mituo lamang sila sa makadiyot, ug unya namiya sa panahon sa pagsulay. Ang binhi nga nahulog dapit sa mga sampinit mao kadtong namati sa Pulong sa Dios; apan ang mga kabalaka ug mga bahandi ingon man ang mga kahilayan niining kinabuhia mituok kanila ug wala gayod sila kahinogi’g bunga. Ang binhi nga nahulog sa maayong yuta mao kadtong nakadungog sa mensahe ug midawat ug mituman niini, ug magpadayon hangtod nga mamunga sila.”
----------


----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

19/09/2025

18/09/2025

𝐓𝐀𝐊𝐁𝐎 𝐏𝐀𝐑𝐀 𝐒𝐀 𝐒𝐄𝐌𝐈𝐍𝐀𝐑𝐘𝐎 2025 || 𝐑𝐞𝐚𝐝𝐲 𝐭𝐨 𝐉𝐨𝐢𝐧 𝐭𝐡𝐞 𝐅𝐮𝐧?

𝑶𝒏𝒔𝒊𝒕𝒆 𝑹𝒆𝒈𝒊𝒔𝒕𝒓𝒂𝒕𝒊𝒐𝒏 𝒊𝒔 𝒐𝒇𝒇𝒊𝒄𝒊𝒂𝒍𝒍𝒚 𝒐𝒑𝒆𝒏. Swing by our partner spots and secure your slot today, interested participants may register at the following locations:

• 𝐅𝐈𝐍𝐈𝐒𝐇𝐋𝐈𝐍𝐄 𝐒𝐔𝐁𝐋𝐈𝐌𝐀𝐓𝐈𝐎𝐍
(Garcia Building, Rizal St., Tagum City, Philippines)

• 𝐐𝐀𝐂𝐒 𝐑𝐄𝐆𝐈𝐒𝐓𝐑𝐀𝐑
(Queen of Apostles College Seminary, Seminary Drive, Magugpo West, Tagum City)

For Online Registration and Payment Process:

1. 𝑹𝒆𝒈𝒊𝒔𝒕𝒆𝒓 𝑶𝒏𝒍𝒊𝒏𝒆 – Scan the QR code or click the registration link to select your category and fill out the form. https://forms.gle/Rh4eJLqt9BWt2EoY8

2. 𝑺𝒆𝒄𝒖𝒓𝒆 𝒀𝒐𝒖𝒓 𝑺𝒍𝒐𝒕 – Complete payment based on your chosen category and distance, keep a screenshot or receipt of the transaction, and upload it on the google form as proof of payment.

3. 𝑵𝒆𝒆𝒅 𝑯𝒆𝒍𝒑? – Contact the official page (QACSEMS) or the Secretariat hotline for assistance.

4. 𝑪𝒐𝒏𝒇𝒊𝒓𝒎𝒂𝒕𝒊𝒐𝒏 – Once payment is verified, participants will receive an official confirmation and details on when to claim their race kits.

𝑫𝒂𝒕𝒆 𝒐𝒇 𝑹𝒖𝒏: 𝑶𝒄𝒕𝒐𝒃𝒆𝒓 𝟐𝟓, 𝟐𝟎𝟐𝟓 | 𝑺𝒂𝒕𝒖𝒓𝒅𝒂𝒚
𝑫𝒆𝒂𝒅𝒍𝒊𝒏𝒆 𝒐𝒇 𝑹𝒆𝒈𝒊𝒔𝒕𝒓𝒂𝒕𝒊𝒐𝒏: 𝑶𝒄𝒕𝒐𝒃𝒆𝒓 𝟐𝟓, 𝟐𝟎𝟐𝟓 | 𝑺𝒖𝒏𝒅𝒂𝒚

Lace up, bring your energy, and don’t miss the chance to run with us!

This is QACSEMS, your inside look at the Queen of Apostles College Seminary.

18/09/2025

|| SEPTIYEMBRE 19, 2025 – Biyernes
SIKAKAWHAAG-UPAT NGA SEMANA SULOD SA TUIG
m. of St. Januarius, Obispo ug Martyr - Red

Ang mga makugihong babaye nga mitabang sa buluhaton ni Jesus milikay pag-ayo sa mga katilingbanong panagtigum sa mga unang kapanahonan diin ang tanang kapanginabuhian gikuptan sa mga kalalakin-an samtang sila tig-atiman lamang sulod sa panimalay. Mapangahason ang paghulagway ni San Lukas tungod kay iyang gibutyag ang buluhaton sa mga babaye nga maoy moatiman kang Jesus ug sa iyang kaubanang mga apostoles, mga bulohaton kini nga alang lamang sa mga lalaki. Ang mga babaye nga tagaGalilea wala lamang giayu ni Jesus gikan sa daotang espiritu ug sa mga balatian kondili gikan usab sa ubos kaayung pagtan-aw kanila pinaagi sa paghatag ug higayon nga mahimong kabulig sa mga kalalakin-an sa mga buluhaton sa pagpalapnag sa Gingharian.

KINUTLO GIKAN SA UNANG SULAT NI SAN PABLO NGADTO KANG TIMOTEO (1 Tm. 6:2-12)
Bisan pa kon ang mga agalon nila mga magtutuo sama kanila, angay gihapon silang magtahod. Angay pa gani nga modugang pa kamaayo ang ilang pag-alagad kay ang makapahimulos sa ilang pag alagad mga magtutuo ra man usab nga ilang gihigugma.
Itudlo ug iwali kining mga butanga. Ang magtudlo og laing pagtulon-an inay nga mouyon sa matuod nga pagtulon-an sa atong Ginoong JesuCristo ug sa atong tinuohan, nagpasigarbo pag-ayo ug walay alamag. Gikabuangan niya ang pakig-lantugi ug pakiglalis mahitungod sa mga pulong, ug mosangpot kini sa kasina, pagkabahinbahin, pagbugalbugal, dautan nga mga katahap, ug walay hunong nga panaglalis sa mga tawo nga dili makasabot ug wala na magbaton sa kamatuoran. Naghunahuna sila nga ang relihiyon usa ka paagi sa pagpadato.
Hinoon, ang relihiyon maka padato gayod pag-ayo sa tawo kon siya kontento lamang sa anaa kaniya. Unsa bay atong dala sa pagkatawo nato dinhi sa kalibutan? Wala! Ug unsa may atong madala inigkamatay nato? Wala usab! Busa angay kitang makontento kon makakaon ug makabisti. Apan kadtong buot madato mahiagom sa tentasyon ug malit-ag sa daghang mga binuang ug makadaot nga mga tinguha nga makayudyod sa tawo ngadto sa kapildihan ug kalaglagan. Kay ang pagkamahigugmaon sa salapi maoy tinubdan sa tanang pagkadautan. May mga tawo nga tungod sa kadako sa ilang tinguha nga masapian, nahimulag hinoon sa pagtuo ug nahiagom sa daghang mga kagul-anan.
Apan kay ikaw iya man sa Dios, likayi kining tanan. Paningkamuti nga mahimo kang matarong, diosnon, may pagtuo, may paghigugma, mainantuson ug ma aghop. Paningkamuti kutob sa imong mahimo nga makadaog ka sa bugno sa pagtuo ug makadawat sa ganti nga mao ang kinabuhing walay katapusan; kay gitawag ka man sa Dios alang sa maong kinabuhi sa pagsugid mo sa imong pagtuo atubangan sa daghang mga saksi.

SALMO RESPONSORYO Ps. 49:6-7, 8-10, 17-18, 19-20
T. Bulahan ang mga kabus sa espiritu; kay ilaha ang gingharian sa langit.
Nganong mahadlok man ako sa dautang mga adlaw diha nga ang mga dautan magalibot kanako? Nagasalig sila sa ilang kadato; ang kahamogaway sa ilang bahandi maoy ilang garbo.
T. Bulahan ang mga…
Apan dili gayod makaluwas sa iyang kaugalingon ang tawo ni makabayad sa iyang kaugalingong lukat ngadto sa Dios; Dako ra kaayo ang bili aron maluwas ang iyang kinabuhi; dili gayod siya makabaton sa igo Aron mabuhi siya kanunay ug dili makakita og kalaglagan.
T. Bulahan ang mga…
Ayaw kahadlok kon ang usa ka tawo madato na, diha nga ang bahandi sa iyang balay madako na, Kay inigkamatay niya, wala siya madala niini; ang iyang bahandi dili mosunod niya ngadto sa lubnganan.
T. Bulahan ang mga…
Bisan sa buhi pa siya nag-isip siya sa iyang kaugalingon nga bulahan, “Daygon ikaw nila tungod sa imong pagkapalaran.” Apan motipon siya sa pundok sa iyang mga katigulangan nga dili na gayod makakita sa kahayag.
T. Bulahan ang mga…

+KINUTLO GIKAN SA BALAANG EBANGHELYO SUMALA NI SAN LUCAS (Lk. 8:1-3)
Wala madugay, miadto si Jesus sa kalungsoran ug sa kabalangayan, nagwali sa Maayong Balita mahitungod sa Gingharian sa Dios. Mikuyog kaniya ang napulog-duha ka tinun-an, ug pipila sa mga babaye nga naayo gikan sa dautang mga espiritu ug sa mga balatian; sila mao si Maria (nga ginganlag Magdalena) nga gikan kaniya gipagula ang pito ka yawa; Si Juana, ang asawa ni Cusa nga opisyal ni Herodes; si Susana, ug kapid-an pang mga babaye nga mitabang kang Jesus ug sa iyang mga tinun-an pinaagi sa ilang katigayonan.
----------


----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

18/09/2025

𝗣𝗥𝗜𝗘𝗦𝗧𝗟𝗬 𝗛𝗜𝗚𝗛𝗟𝗜𝗚𝗛𝗧𝗦 || 𝗥𝗲𝗻𝗲𝘄𝗲𝗱 𝗶𝗻 𝗙𝗮𝗶𝘁𝗵: 𝗖𝗹𝗲𝗿𝗴𝘆 𝗼𝗳 𝗧𝗮𝗴𝘂𝗺 𝗛𝗼𝗹𝗱 𝗔𝗻𝗻𝘂𝗮𝗹 𝗥𝗲𝘁𝗿𝗲𝗮𝘁

During the 2nd Batch Retreat at Regina Rosarii Institute for Contemplation in Asia (Regina RICA) in Tanay, Rizal, the Tagum Clergy priests came together in this sacred sanctuary to renew their commitment and deepen their spiritual lives. It was here that they paused from their daily duties, at the serene grounds surrounded by the tranquil beauty of nature, united by faith and brotherhood, seeking reflection, prayer, and renewal, guided by the vision of silence, contemplation, and service that Regina RICA embodies.

18/09/2025

17/09/2025

|| SEPTIYEMBRE 18, 2025 – Huwebes
SIKAKAWHAAG-UPAT NGA SEMANA SULOD SA TUIG

Ang babaye nga gihisgutan sa Ebanghelyo, giila nga makasasala. Apan, naghinulsol siya sa iyang mga sala pinaagi sa pagsilbi o pag alagad kang Jesus. Ang babaye nagpaubos sa iyang kaugalingon aron pagpangayo’g kapasayloan kang Jesus. Ug gipasaylo siya ni Jesus. Tungod sa pagpaubos ug pagtoo sa babaye, nakadawat siya og kapasayloan sa iyang mga sala.
Kitang tanan usab makasasala (sama sa babaye). Busa, kinahanglan usab nato magpaubos sa atong kaugalingon aron mangayo’g ni Cristo. kapasayloan sa atong mga nabuhat nga kasal-anan. Gikinahanglan nato ang pagtoo kang Jesus nga Siya makahatag kanato og kalinaw sa kalag. Ug sayud kita, nga si Jesus andam kanunay mopasaylo kanato. Diha sa Sakramento sa Kumpisal, atong madawat ang kapasayloan
Atong pamalandongan: “Unsa kadtong atong mga kalapasan ug kakulangan nga gusto nato ipangayo og kapasayloan sa Ginoo? Sa unsang pamaagiha kita nangayo og kapasayloan sa atong mga sala?”

KINUTLO GIKAN SA UNANG SULAT NI SAN PABLO NGADTO KANG TIMOTEO (1 Tm. 4:12-16)
Ayaw itugot nga tamayon ka tungod sa imong pagkabatan on, hinunoa himoa ang imong kaugalingon nga panig-ingnan sa mga magtutuo—sa imong pagpanulti, sa batasan, sa gugma, sa pagtuo, ug sa kaputli. Hangtod nga moanha ako diha, pagkugi pagbasa sa Kasulatan atubangan sa kadaghanan, ingon man sa pagwali ug pagpanudlo. Gamita ang espirituhanong gasa nga anaa kanimo, nga nadawat mo sa dihang nanulti ang mga propeta ug ang mga kadagkoan sa simbahan nagpandong kanimo sa ilang kamot. Ug buhata kining mga butanga sa matinud-anon gayod aron makita sa tanan ang imong pag-uswag. Bantayi ang imong kaugalingon ingon man ang imong pagpanudlo, ug buhata kini kanunay kay niining paagiha maluwas mo ang imong kaugalingon ug ang mamati kanimo.

SALMO RESPONSORYO Ps. 111:7-8, 9, 10
T. Pagkadako sa mga buhat sa Ginoo!
Ang mga buhat sa iyang mga kamut matinud-anon ug matarong; dili kaduhaduhaan ang tanan niyang mga sugo. Kasaligan hangtod sa kahangturan, gibuhat diha sa kamatuoran ug kaangayan.
T. Pagkadako sa mga buhat…
Nagpadala siyag kaluwasan ngadto sa iyang katawhan; gidasonan niya ang iyang kasabutan hangtod sa kahang turan. Balaan ug katahaan ang iyang ngalan.
T. Pagkadako sa mga buhat…
Ang kahadlok sa Ginoo mao ang sinugdan sa kinaadman; mapuangaron ang tanan nga nagsubay niini sa ilang kinabuhi. Nagalungtad ang iyang kadayganan hangtod sa kahangturan.
T. Pagkadako sa mga buhat…

+KINUTLO GIKAN SA BALAANG EBANGHELYO SUMALA NI SAN LUCAS (Lk. 7:36-50)
Unya may usa ka Pariseo nga midapit kang Jesus sa pagpangaon. Busa miadto si Jesus sa balay sa Pariseo ug nakigsalo kaniya. Niadtong lungsora may usa ka babaye nga daotag kinabuhi. Sa iyang pagkadungog nga si Jesus nagkaon didto sa balay sa Pariseo, miadto siya dala ang usa ka tibod nga alabastro nga puno sa pahumot. Samtang diha siya sa luyo ni Jesus dapit sa tiilan, mihilak siya ug nahumod sa iyang mga luha ang mga tiil ni Jesus. Unya gipahiran niya sa iyang buhok ang mga tiil ni Jesus, ug gihagkan ug gibuboan sa pahumot. Sa pagkakita niini sa Pariseo nga nagdapit kang Jesus, miingon siya sa iyang kaugalingon, "Kon kining tawhana tinuod pa nga propeta, makaila unta siya kon kinsa kining babaye nga mihikap kaniya, ug unsa kadaotan ang iyang kinabuhi!"
Apan miingon si Jesus kaniya, "Simon, aduna akoy isulti kanimo."
Si Simon mitubag, "Sige, Magtutudlo, sultihi ako."
"Ang usa nakautang ug kinyentos ka denario ug ang usa singkwenta. Apan kay silang duha dili man makabayad, gipapas na lamang ang ilang utang. Karon, kinsa man sa duha ang labaw nga mahigugma sa nagpahulam kanila?"
"Sa akong hunahuna," mitubag si Simon, "kadtong dakog utang."
"Husto ang imong tubag," matod ni Jesus. Unya milingi siya sa babaye ug miingon kang Simon, "Nakita mo ba kining babaye? Mianhi ako sa inyo, ug wala mo ako hatagig tubig aron ihugas sa akong mga tiil, apan gihugasan niya ang akong mga tiil sa iyang mga luha ug gipahiran sa iyang buhok. Wala mo ako hagki sa imong pagdawat kanako, apan nagpunay siyag halok sa akong mga tiil sukad sa akong pag-abot. Wala mo hisuig lana ang akong ulo, apan iyang giagwahan ang akong mga tiil. Busa sultihan ko ikaw nga ang dakong gugma nga iyang gipakita nagmatuod nga gipasaylo na ang daghan niyang mga sala. Kinsa kadtong gipasaylo sa diyotayng mga sala nagpakita ug diyotay lamang nga paghigugma."
Unya giingnan ni Jesus ang babaye, "Gipasaylo na ang imong mga sala."
Ug ang uban nga didto sa kan anan miingon sa ilang kaugalingon, "Kinsa ba kining tawhana nga nagpasaylog mga sala?"
Apan miingon si Jesus sa babaye, "Ang imong pagtuo nagluwas kanimo; pauli nga malinawon."
----------


----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

17/09/2025

#𝐃𝐨𝐭𝐍𝐞𝐰𝐬𝐔𝐩𝐝𝐚𝐭𝐞 || ADORACION NOCTURNA FILIPINA

Malampuson nga gipahigayon sa Parokya sa Our Lady of Fatima ang instalasyon sa mga bag-ong miyembro sa Adoracion Nocturna Filipina niadtong Setyembre 13 ,2025.

Malipayon kitang midawat kanila isip mga matinud-anon nga prayer warriors alang sa kaayohan sa atong katilingban ug aron mas mapaduol kita kang Hesukristo.

Daghang salamat sa Kura Paroko, Rev. Fr. Rosil D. Naparan, uban sa iyang mga kauban nga pari nga sila Rev. Fr. Allan O. Alindajao ug Rev. Fr. Domingo G. Estrada, Jr.

Salamat usab sa presensya ni Rev. Fr. Bonnie D. Banal isip direktor sa grupo.

Viva Jesus!
---------

----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠💕🙏

16/09/2025

Branch Planning is more than just strategy; it is a promise of service. With our Executive Director, Rev. Fr. Raymund D. Bagohin joining in, the SPFI Panabo Branch, located at Prk. 10 Lorsing Subdivision, San Vicente, Panabo City, set its vision for the year ahead. With clear goals in place, they are ready to serve client-members better than ever.

16/09/2025

|| SEPTIYEMBRE 17, 2025 – Miyerkules
SIKAKAWHAAG-UPAT NGA SEMANA SULOD SA TUIG
or m. of St. Robert Bellarmine, Bishop and DotC – White
or m. of St. Hildegard of Bimgen, Virgin and DotC - White

Ang mga katalirongan ni Juan nga Magbubunyag ug ni Jesus, ilabi na ang mga relihiyosong mga pangulo, wala makaila sa timaan nga gihatag sa Ginoo kanila sa nagkaduol nga pag-abot sa Gingharian tungod sa hilabihan nilang pagtamod sa ilang kaugalingong pagtoo sa kabalaan. Ang matinud-anong pagkinabuhi ni Juan ug ang iyang tawag sa paghinulsol nagapasidaan sa nagsingabot nga Gingharian, apan ila siyang gisalikway ingon man ang iyang pagtulon-an sa pagkabalaan. Diha kang Jesus, miabot gayud ang Gingharian dinhi sa yuta, busa ang iyang presensiya kinahanglan nga saulogon ug magsadya. Apan sama ni Juan, wala usab masabti sa mga tawo sa iyang kapanahonan ang iyang paagi busa ila usab siyang gihinginlan. Ang mga pulong ni Jesus sa Ebanghelyo nga gibasa karon mahimong pagasabton nga pasidaan alang kanato batok sa atong gituohan nga kabalaan nga wala pagpanginlabot sa uban ug midumili sa pag-abli sa walay kinutubang kahigayunan sa Ginoo.

KINUTLO GIKAN SA UNANG SULAT NI SAN PABLO NGADTO KANG TIMOTEO (1 Tm. 3: 14-16)
Samtang gisulat ko kini kanimo, gilaoman ko nga sa dili madugay makaanha ako kanimo. Apan kon malangan ako, kining sulata maoy magtudlo kanimo kon unsaon nato pagkinabuhi diha sa panimalay sa Dios, nga mao ang simbahan sa buhi nga Dios, ang haligi ug ang sukaranan sa kamatuoran! Walay makalimod unsa kadako ang tinago sa atong relihiyon:
Nagpadayag siya ingon nga tawo,
Ug namatud-an nga matarong pinaagi sa Espiritu,
Ug nakita siya sa mga anghel, giwali siya sa kanasuran,
Gituohan dinhi sa kalibutan,
Ug gibayaw ngadto sa langit.

SALMO RESPONSORYO Ps. 111: 1-2, 3-4, 5-6
T. Pagkadako sa mga buhat sa Ginoo!
Pasalamatan ko ang Ginoo sa tibuok kong kasingkasing, kuyog ug diha sa pundok sa mga matarong, dako ang mga buhat sa Ginoo, malumo diha sa tanan nilang kamakalipay.
T. Pagkadako sa…
Halangdon ug mahimayaon ang iyang buhat, ug ang iyang katarong nagalungtad sa kahangturan. Nabantogan siya tungod sa iyang katingalahang mga buhat; maayo ug maluluy-on ang Ginoo.
T. Pagkadako sa…
Gitagaan niyag pagkaon sila nga mahadlokon kaniya; mahinumdom siya kanunay sa iyang kasabutan. Gipahibalo niya sa iyang lungsod ang gahom sa iyang mga buhat, gihatagan niya sila sa kabilin sa kanasuran.
T. Pagkadako sa…

+KINUTLO GIKAN SA BALAANG EBANGHELYO SUMALA NI SAN LUCAS (Lk. 7:31-35)
Si Jesus miingon ngadto sa katawhan, “Karon, sa unsa ko itandi ang katawhan niining panahona? Sa unsa sila nahisama? Sama sila sa kabataan nga nagyampungad sa merkado. Ang usa ka pundok mosinggit ngadto sa laing pundok, ‘Gitugtog na namo ang honi sa kasal, apan wala kamo mosayaw! Giawit namo ang alawiton sa paglubong, apan wala kamo magminatay! Mianhi si Juan nga Magbubunyag ug nagpuasa siya ug wala moinom og bino, apan kamo miingon, ‘Giyawaan siya!’ Mianhi ang Anak sa tawo, ug siya mikaon ug miinom, apan kamo miingon, ‘Tan-awa kining tawhana! Ulit ug palainom siya, ug higala sa mga kobrador sa buhis ug sa mga makasasala.’ Apan bisan pa niini, ang kaalam sa Dios giila nga tinuod sa tanan nga midawat niini.
----------


----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

15/09/2025

𝐇𝐀𝐏𝐏𝐘 𝐁𝐈𝐑𝐓𝐇𝐃𝐀𝐘, 𝐑𝐄𝐕. 𝐅𝐑. 𝐓𝐈𝐓𝐎!
Diocesan Clergy of Tagum (DCT)
September 16, 2025
"Before I formed you in the womb I knew you, before you were born I set you apart; I appointed you as a prophet to the nations" - Jeremiah 1:5
----------



----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝑳𝒊𝒌𝒆 𝒂𝒏𝒅 𝑭𝒐𝒍𝒍𝒐𝒘 𝒐𝒖𝒓 𝑺𝒐𝒄𝒊𝒂𝒍 𝑴𝒆𝒅𝒊𝒂 𝑨𝒄𝒄𝒐𝒖𝒏𝒕𝒔💕🙏🏻

15/09/2025

|| SEPTIYEMBRE 16, 2025 – Martes
SAN CORNELIO, Papa ug SAN CIPRIANO, Obispo, Mga Martir
Memorial

Si SAN CORNELIO, usa ka Romanhon, maoy nagbalhin sa mga lawas ni San Pedro ug San Pablo sa mga lugar diin sila nag-antus sa pagka-martir. Gidakop siya ubos sa pagmando sa Emperador ug gipahinginlan tungod kay matinud-anon siya sa iyang katungdanan isip kristiyano. Sa tuig 253 siya gipunggotan og ulo. Si SAN CIPRIANO usa ka suod nga higala ni San Cornelio. Siya ang usa ka importanteng tawo sa kalamboan sa kristiyanismo sa ikatulong siglo ilabina sa Amihanang Africa. Hataas ang iyang edukasyon ug bantugan usab siya nga orador. Misupak siya sa mga nagasunod kang Santo Papa Esteban tungod kay supak sila sa kabililhon sa bunyag nga gihimo sa mga erehes ug sa mga mibulag sa simbahan.

Sa pagbuhi bagbalik ni Jesus sa namatay nga anak sa biyuda, daw gibalik usab ni Jesus ang kinabuhi sa namatyan nga inahan. Tungod kay alang sa katilingban sa mga Hudeo, giisip ang babaye nga wala gayoy hinungdan kon walay lalaki. Busa ang babaye nga biyuda ug nawad-an pa gayud sa iyang anak nga lalaki, sama ra usab nga namatay. Nasabtan ni Jesus ang iyang kahimtang ug gihatag ang panginahanglan bisan wala kini pangayo-a sa biyuda pinaagi sa iyang pagbuhat sa milagro. Si Jesus, niining yugto-a sa Ebanghelyo mipakita sa Amahanong kasingkasing, kinsa nasayud sa atong mga panginahanglan bisan sa wala pa nato kini ikabungat.

KINUTLO GIKAN SA UNANG SULAT NI SAN PABLO NGADTO KANG TIMOTEO (1 Tm. 3: 1-13)
Tinuod kining maong panultihon: Ang buot mahimong pangulo sa simbahan nagtinguha og maayong buhat. Kinahanglan dili masaway ang pangulo sa simbahan ug usa ray iyang asawa, maugdang siya, mapugnganon sa kaugalingon, ug mahigugmaon sa kalinaw. Kinahanglan maabiabihon siya sa mga dumuduong diha sa iyang balay, ug maantigong motudlo, dili palahubog ug dili palaaway, kondili malumo ug makigdaiton. Kinahanglan dili siya hinapi, maayo modumala sa iyang kaugalingong panimalay ug makapanton sa iyang mga anak aron sila magmasinugtanon ug magmatinahuron kaniya. Kay kon ang usa ka tawo dili maantigong modumala sa iyang kaugalingong panimalay, unsaon man niya pagdumala sa simbahan sa Dios? Kinahanglan nga siya dili bag-o pa lang nakabig kay tingali unyag magmapagarbohon siya pag-ayo ug tungod niini silotan siya ingon sa nahitabo sa Yawa. Kinahanglan gitahod usab siya sa mga dili sakop sa simbahan aron dili siya kaulawan ug mahulog sa lit-ag sa Yawa.
Kinahanglan nga ang mga katabang diha sa simbahan maayo usab og kinaiya ug matinud-anon, dili magpalabig inom ug dili hakog. Kinahanglan nga magpadayon sila sa paghupot sa gipadayag nga kamatuoran sa pagtuo inubanan sa putli nga konsensya. Ug kinahanglan nga sulayan una sila, ug unya, kon makalabang sila sa pagsulay, makaalagad na sila. Kinahanglan nga ang ilang asawa maayo usab ug kinaiya ug dili tiglibak, maugdang, ug dili limbongan. Ang katabang sa simbahan kinahanglan usa ray asawa ug maantigong modumala sa iyang mga anak ug panimalay. Ug kadtong maayo sa ilang pag alagad makaangkon ug dungog, ug makahimo pagsulti nga maisugon mahitungod sa ilang pagtuo kang Cristo Jesus.

SALMO RESPONSORYO Ps. 101: 1-2, 2-3, 5, 6
T. Maglakaw ako sa walay buling nga kasingkasing.
Mag-awit ako mahitungod sa kaluoy ug hukom; O Ginoo, kanimo mag-awit akog pagdayeg. Magpadayon ako diha sa dalan sa kaligdong; anus-a man ikaw moari kanako?
T. Maglakaw ako…
Maglakaw ako diha sa kabug os sa akong kasingkasing, sulod sa akong balay; dili ako magbutang atubangan sa akong mga mata og ang butang nga mangil-ad.
T. Maglakaw ako…
Bisan kinsay maglibak sa iyang silingan sa tago, siya akong laglagon. Ang tawo nga mapalabilabihon ug mapahitas-on og kasingkasing dili ko antuson.
T. Maglakaw ako…
Ang akong mga mata gitan aw ko sa mga matinumanon sa yuta, aron magpuyo sila uban kanako. Siya nga naglakaw nga maligdong mag-alagad kanako kanunay.
T. Maglakaw ako…

+KINUTLO GIKAN SA BALAANG EBANGHELYO SUMALA NI SAN LUCAS (Lk. 7:11-17)
Unya wala madugay, miadto si Jesus sa lungsod sa Nain; mikuyog kaniya ang iyang mga t inun-an ug ang usa ka dakong panon sa mga tawo. Sa pag-abot niya sa ganghaan sa lungsod, mao gayoy paggula sa mga tawo nga naglubong og minatay. Ang minatay bugtong anak nga lalaki sa usa ka biyuda, ug mikuyog kaniya ang daghang mga tawo gikan sa lungsod. Sa pagkakita ni Jesus sa biyuda, naluoy siya ug miingon sa babaye, “Ayaw paghilak.” Unya miduol si Jesus ug gihikap niya ang lungon, ug mihunong ang mga tawo nga nagyayong sa lungon. Unya miingon si Jesus, “Dong, bangon!” Milingkod ang minatay ug misulti, ug gihatag siya ni Jesus ngadto sa iyang inahan. Nahadlok ug nahibulong ang tanan, ug gidayeg nila ang Dios sa pag-ingon, “Usa ka gamhanang propeta mitungha kanato!” ug “Ang Dios mianhi aron pagluwas sa iyang katawhan!”
Mikaylap sa tibuok Judea ug sa kasikbit nga kayutaan ang maong balita mahitungod kang Jesus.
----------


----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠