19/09/2025
๐ ๐ด๐ฎ ๐ฒ๐บ๐ฝ๐น๐ฒ๐๐ฎ๐ฑ๐ผ ๐๐ฎ ๐ธ๐ฎ๐ฝ๐ถ๐๐ผ๐น๐๐ผ ๐ด๐ถ๐ฎ๐ป๐ฑ๐ฎ๐บ ๐๐ฎ ๐ฒ๐บ๐ฒ๐ฟ๐ต๐ฒ๐ป๐๐ถ๐๐ฎ ๐๐ด ๐ฝ๐ฎ๐ด-๐ฎ๐๐ถ๐บ๐ฎ๐ป ๐๐ฎ ๐ธ๐ถ๐ป๐ฎ๐ถ๐๐ฎ๐ต๐ฎ๐ป
Sa ika-125 nga anibersaryo sa Philippine Civil Service, gipahigayon sa Probinsyal nga Panggamhanan sa Davao del Norte ang Employees' Disaster Prevention Awareness Day ug Environmental Awareness Day aron ipakita nga ang mga kawani dili lang lingkod bayani sa serbisyo publiko, kundili frontline pud sa kaluwasan ug kinaiyahan.
Dungan nga gihimo sa DavNor Gym, Mankilam, Tagum City kaniadtong Septyembre 19, ang selebrasyon sa panguna sa Provincial Human Resource and Management Office duyog ang Provincial Disaster Risk Reduction and Management Office (PDRRMO) ug Provincial Environment and Natural Resources Office (PENRO).
โGwapo kaayo ning event kay gusto nato nga ma-aware ang atong mga empleyado unsa kaimportante ang prevention ug response in case of emergencies, sa workplace ug sa panimalay,โ matod ni Michelle Claridad, Supervising Administrative Officer sa PHRMOโ Human Resource Development Division.
Kabahin sa aktibidad ang pagbansay sa Basic Life Support (BLS) - Cardiopulmonary Resuscitation (CPR) ug First-Aid aron kabalo ang mga empleyado moresponde sa kritikal nga sitwasyon. โKung layo pa ang PDRRMO, ang first five minutes mao na ang pinakakritikal. Mao nga importante nga kabalo ang empleyado sa CPR ug first aid,โ pasabot ni Eric Rosillo, Operations and Warning Division Head sa PDRRMO.
Apil usab sa kalihokan ang, matod pa, ginaatangan sa mga empleyado nga Basuresiklo program, diin pakambyo ang mga recyclable plastics ug PET bottles og bugas, canned goods, ug noodles. Subay sa datos, kapin 300 kilos ang natigom karong tuiga.
โNalipay ang mga empleyado kay gikan pa sa Enero nagtigom na mi aron makapakambyo. Sa akong nadawat, 22 kilos tanan gikan sa akong mga plastic bottles nga gi-segregate,โ sulti ni Edgar Badillo, usa ka mason sa PSYDO nga personal nga nakapahimulos sa programa.
Alang sa mga environmental advocates, dakong tabang kini bisan gamay lang nga bahin sa dako nga problema sa basura. โDili gyud ni makasulbad sa tanan, pero every small part counts. Dako na kaayo ni siya og epekto sa atong kalikopan,โ giingon ni Phoebe Kate Panes, project in-charge sa solid waste management sa PENRO.
Gipasabot usab ni Panes nga ang Basuresiklo nga nagsugod sa mga eskuylahan niadtong 2019, anaa na sa ikatulong tuig sa pag-implementar niini sa capitolio, nga ginahimo matag Civil Service Month celebration.
Human sa kalihokan, gipahinumdoman sa organizers nga ang pagkab-ot sa resiliency dili lang panahon sa natural hazards apan apil na usab ang mga kalit nga emergency sa opisina ug sa panimalay.
โ | Jun Rey Villanueva
๐ท | Michael Balila
