01/02/2025
3 PATAY, 2 SAMARAN ATOL SA PAG-SILBI OG WARRANT OF ARREST SA TAGUM
Patay ang 3 ka Indibidwal human misukol sa kapulisan atol sa gikasang operasyon nga warrant of arrest sa Camella Trails, sa dakbayan sa Tagum, Biyernes sa gabie, Enero 31, 2025.
Pinaagi sa report gikan sa hepe sa Tagum City Police Station PLCOL Wildemar Tiu nagpahigayon og joint operation ang kwerpo sa PIU DNPPO, SWAT 1st DNMFC, ug RID PIT DPPO sa pagserbi sa warrant of arrest batok sa duha ka mga pinangita sa balaod gumikan sa kasong two counts of murder nga sila si Norman Saquian ug Rozendel CaΓ±ete.
Pag-abot sa lokasyon sa kapulisan diin e-serve na unta ang warrant of arrest matud pa, namusil gilayon ang mga suspek, hinungdan sa pagbinayluay og buto tali operating units nga miresulta sa samarang si PSSG Evan S. Tapayan, ug nasamdan usab sa tiil nga bahin si PCpl Jayson Baliad kinsa mga sakop sa SWAT Team.
Sa nahitabong aksyon, midagan pagawas ang mga suspetsado nga si CaΓ±ete ug lain pang usa ka wala mailhing lalaki samtang nagpaarak sa second floor ang lain pang suspek nga si Saquian diin naigo kini sa otoridad ug nadala pa sa Davao Regional Medical Center (DRMC) apan gideklarang dead on arrival sa doktor.
Samtang sa bakanteng lote nakabsan sa kinabuhi si CaΓ±ete human nakigpinusilay pa kini ug napuruhan sa mga operatiba.
Naabtan usab sa creek nga bahin ang mitagong kauban sa duha kinsa nailhang usa ka Renz Balmaceda, nga misukol og pinusilay diin napatay usab sa mga otoridad.
Luwas ra usab sa peligro ang duha ka sakop sa SWAT team kinsa naangol sa maong operasyon.
Gumikan sa maong insedente gi-cordon sa dul-an 5 ka oras ang entry ug exit point sa Camella Trails Timog sa syudad. (via EBB)
Like Radio
