https://www.facebook.com/116695814661660/

BobbTine TV, Purok 5, Apokon Highway Tagum City, Tagum City (2026)

08/08/2026

August 09, 2026

Ang Santos nga Ebanghelyo sumala kang San Mateo

Mateo 14:22-33

Mateo 14:22
Ug ang mga tinun-an gipasakay ni Jesus sa sakayan ug iyang gipauna sila sa pag-adto sa pikas nga baybayon samtang nagpapauli pa siya sa mga panon sa katawhan.
Mateo 14:23
Ug sa napapauli na niya ang mga panon sa katawhan, sa kabungturan mitungas siya nga nag-inusara aron sa pag-ampo. Ug sa pagkasawomsom na, siya mao rang usa didto,
Mateo 14:24
apan niadtong tungora ang sakayan kapid-an na ka d**a halayo sa mamala, gihampakhampak sa mga balud, kay sungsongon man ang hangin.
Mateo 14:25
Ug sa ikaupat nga hugna sa bantay sa kagabhion, kanila miadto siya nga naglakaw sa ibabaw sa tubig, sa lanaw.
Mateo 14:26
Apan sa ilang pagkakita kaniya nga naglakaw sa ibabaw sa tubig, ang mga tinun-an nangalisang ug nanag-ingon, 'Naay abat!' Ug naniyagit sila sa kalisang.
Mateo 14:27
Apan dihadiha kanila misulti siya nga nag-ingon, 'Salig kamo, ako kini; ayaw kamo kalisang.
Mateo 14:28
Ug kaniya mitubag si Pedro nga nag-ingon, 'Ginoo, kon ikaw man uga-ling, paanhaa ako diha kanimo sa ibabaw sa tubig.
Mateo 14:29
Ug siya miingon kaniya, 'Umari ka.' Busa si Pedro mikawas sa sakayan ug milakaw sa ibabaw sa tubig ug miadto kang Jesus.
Mateo 14:30
Apan sa pagkakita niya sa hangin, siya nahadlok, ug sa nagkatidlom siya, misinggit nga nag-ingon, 'Ginoo, luwasa ako!
Mateo 14:31
Dihadiha gituyhad ni Jesus ang iyang kamot, ug iyang gikuptan siya, ug miingon kaniya, 'O tawong diyutayg pagtoo, nganong nagduhaduha ka man?Mateo 14:32
Ug sa nakasakay na sila sa sakayan, ang hangin milurang.
Mateo 14:33
Ug sila nga didto sa sakayan misimba kaniya ug miingon, 'Sa pagkatinuod ikaw mao ang Anak sa Dios.

Pamalandong:
Maayong adlaw na usab kanatong tanan mga Egsuon ko diha kang Hesukristo. Sa atong Ebanghelyo karong adlawa gikuso-kuso sa unos ug kusog nga hangin ang mga Apostoles sa dihang nagsakay sila sa sakayan, ug unya nakita nila ang atong Ginoong Hesukristo nga naglakaw sa ibabaw sa tubig. Ang mga Tinun-an nagtuo nga abat ang naglakaw, apan nisulti ang atong Ginoong Hesukristo nga dili sila angay mahadlok kay siya mao ang ilang nakita. Ug sa dihang nadungog ni San Pedro nga si Hesukristo diay ang naglakaw, nihangyo siya nga mukuyog kang Hesukristo ug mulakaw usab siya sa tubig ug natuman kini, sa dihang naglakaw na siya sa tubig nahadlok ug nagduha-duha siya kay tungod sa unos o kusog nga hangin, ug diha niunlod siya, maong nagpakitabang siya ug gitabangan usab siya sa atong Ginoong Hesukristo. Brothers and Sisters, kining pagduha-duha ug kahadlok mao gayud ang dakong babag sa atong Pagtuo. Kitang mga Kristiyanos dako gayud ang atong Pagtuo sa Diyos, apan usahay kung muabot ang mga unos sa Kinabuhi nga mao ang problema ug mga pagsuway magduha-duha dayon kita ug mahadlok. Apilan pa gayud sa mga tentasyon nga maoy makapukan sa atong pagkatawo. Ug diha mawad-an kita ug Pagtuo sa Diyos, pero ang mensahe sa atong Ebanghelyo karong adlawa nga kung muabot kita ana nga sitwasyon, ang ato lang buhaton mao ang pagtawag sa atong Ginoo ug magpakitabang kita, ug musalig nga kaya kaayo kitang luwason sa atong Ginoo. Sama ni San Pedro niunlod siya sa tubig kay nawad-an siya ug Pagtuo, apan sa dihang nagpakitabang siya sa atong Ginoong Hesukristo gikuptan siya dayon ug giluwas. Ang Diyos walay gipili nga luwason Basta modoul lang kita kaniya.

11/07/2026

July 12, 2026

Ang Santos nga Ebanghelyo sumala Kang San Mateo

Mateo 13:1-23

Mateo 13:1
Ug sa mao rang adlawa, si Jesus nanaug sa balay ug milingkod sa lapyahan sa lanaw.
Mareo 13:2
Ug midugok kaniya ang mga dagkung panon sa katawhan, nga tungod niana misakay siya sa usa ka sakayan ug milingkod didto; ug ang tibuok panon sa katawhan nanagtindog sa baybayon.
Mateo 13:3
Ug iyang gisuginlan sila sa daghang mga butang pinaagig mga sambingay. Ug siya miingon: 'Usa ka magpupugas miadto aron sa pagsabod ug binhi.
Mateo 13:4
Ug sa nagsabod siya, may mga binhi nga diha mahulog sa daplin sa dalan, ug midugok ang mga langgam ug ilang gituka kini.
Mateo 13:5
Ang ubang mga binhi diha mahulog sa kabatoan diin dili daghan ang yuta, ug kini migitib dayon sanglit kini wala may giladmon diha sa yuta,
Mateo 13:6
apan sa pagsubang sa Adlaw, kini nalawos; ug kay wala may gamut, kini nalaya.
Mateo 13:7
Ug may uban pang mga binhi nga diha mahulog sa kasampinitan, ug ang mga sampinit mitubo ug milumos niini.
Mateo 13:8
Ug ang ubang mga binhi diha mahulog sa maayong yuta ug kini namunga; may namungag usa ka gatus ka pilo, ang uban kan-oman, ug ang uban katloan.
Mateo 13:9
Ang may mga dalung-gan nga makadungog, kinahanglan siya magpatalinghug.
Mateo 13:10
Unya miduol ang mga tinun-an ug miingon kaniya, 'Nganong pinaagi mag mga sambingay ang imong pagsulti kanila?
Mateo 13:11
Kanila mitubag siya nga nag-ingon, 'Kaninyo gitugot ang pagpakasabut sa mga tinagoan mahitungod sa gingharian sa langit, apan kanila wala kini itugot.
Mateo 13:12
Kay siya nga adunay iya pagahatagan ug labaw pa, ug makabaton siya sa kadagaya; apan siya nga walay iya pagakuhaan sa bisan unsa nga anaa kaniya.
Mateo 13:13
Mao kini ang hinung-dan ngano nga magasulti ako kanila pinaagig mga sambingay; kay bisan tuod sila magatutok, dili man sila makakita, ug bisan tuod sila magapaminaw, dili man sila makabati ni makasabut.
Mateo 13:14
Ug diha kanila maayo gayud nga pagkatuman ang profesiya ni Isaias nga nagaingon: `Manimati ug manimati kamo apan dili gayud kamo makasabut, ug magatutok ug magatutok kamo, apan dili gayud kamo makakita.
Mateo 13:15
Kay nahabol ang kasingkasing niining mga tawhana, ug ang ilang mga dalunggan magalisud sa pagpakabati, ug ang ilang mga mata ginapiyong nila, sa kahadlok nga tingali unyag makakita sila pinaagi sa ilang mga mata, ug makabati sila pinaagi sa ilang mga dalunggan, ug makasabut sila pinaagi sa ilang kasingkasing, ug managbalik sila kanako aron ayohon ko sila.
Mateo 13:16
Apan bulahan gayud ang inyong mga mata kay makakita man kini, ug ang inyong mga dalunggan kay makabati man kini.
Mateo 13:17
Sa pagkatinuod, magaingon ako kaninyo, nga daghan ang mga profeta ug mga tawong matarung nga nangandoy sa pagtan-aw unta sa inyong nakita, apan wala sila niini makakita; ug sa pagpamati unta sa inyong nabatian, apan wala sila niini makabati.
Mateo 13:18
Busa patalinghugi ninyo ang sambingay sa magpupugas.
Mateo 13:19
Bisan kinsa nga nagapatalinghug sa mga pulong sa gingharian ug dili niya sabton, moanhi ang dautan ug moilog sa napugas sa iyang kasingkasing; mao kini ang nahapugas sa daplin sa dalan.
Mateo 13:20
Ug ang nahapugas sa kabatoan, mao kadtong nagapatalinghug sa pulong, ug sa gilayon gidawat niya nga malipayon;
Mateo 13:21
Apan kaniya walay gamut, kondili milungtad sa diyutayng panahon lamang; ug kong moabut ang kalisdanan kun paglutos tungod sa hinungdan sa pulong, gilayon siya mahipangdol.
Mateo 13:22
Ug ang nahapugas sa kasapinitan; kini mao kadtong nagapatalinghug sa pulong, apan ang pag-atiman niini nga kalibutan ug ang limbong sa mga bahandi nagalumos sa pulong, ug mahimo siyang dili mabungahon.
Mateo 13:23
Apan ang nahapugas sa maayong yuta, mao kadto ang nagapatalinghug sa pulong, ug nakasabut niini. Siya sa pagkamatuod nagapamunga: ang usa, usa ka gatus; ang usa, kan-uman; ug ang usa, katloan.

Pamalandong:
Maayong adlaw na usab kanatong tanan mga Egsuon ko diha kang Hesukristo. Ang atong Ebanghelyo karong adlawa mao ang sambingay sa usa ka magpupugas. Ang mga binhi o mga liso sama sa Pulong sa Diyos, nindot kaayo kini nga klase sa binhi o liso, apan nagdepende kini sa Tawo nga makadungog sa maong pulong. Kung makadungog kita sa Pulong sa Diyos apan ipalabay lamang nato kini sa atong pikas dalunggan, mahisama kita sa mga binhi nga gituktok lang sa mga langgam ug nausik lamang kay nakadungog man unta apan wala itanom sa iyang kasingkasing. So wala nakatuhop ang pulong sa Diyos diha sa atong kaugalingon. Kung ang atong kasingkasing sama sa usa ka batuon nga yuta, mutubo ang Pulong sa Diyos diha kanato, apan tungod sa mga pagsulay ug mga problema nga atong masugatan, mawala dayon ang atong Pagtuo kay kuwang man ang atong Pagtuo ug dili lig-on ang atong pundasyon. Ang binhi nga natagak sa kasampinitan, mao kadtong mga Pulong nga nadungog sa usa ka Tawo ug iyang gidawat ang Pulong apan napilde siya sa mga tentasyon, mga kahilayan ug mga materyal nga butang dire sa Kalibutan. Ang gikinahanglan nato mga Egsuon para mutuhop ug mutubo ang Pulong sa Diyos diha sa atong kaugalingon mao ang kasingkasing nga andam mudawat niini. Sama sa usa ka yuta nga tambok, kay sa wala pa kini tamni gipreparar naman siya sa mag-uuma ug gisigurado sa maong mag-uuma nga mutubo ug mamunga gayud ang iyang gitanom. Maong mga Egsuon sa dili pa kita mubasa sa Bibliya, mag-ampo kita nga ihatag unta sa Diyos ang matuod nga kahulugan sa iyang mga Pulong ug andamon nato ang atong kasingkasing sama sa yuta nga andam mudawat sa maayong binhi.

Kung kita andam nga mudawat sa Pulong sa Diyos ug ato kining amumahon diha sa atong kasingkasing, mutubo kini ug mamunga ug daghan kaayong mga maayong buhat,

11/07/2026

LITURGICAL BIBLE SHARING

GKK SVF - APOKON ,UNIT 2 SPONSOR: ARMILLA FAMILY
7.11.26

06/07/2026

✝️ 𝗧𝗛𝗘 𝗠𝗘𝗔𝗡𝗜𝗡𝗚 𝗢𝗙 𝗜𝗡𝗥𝗜

The four letters INRI are among the most recognizable symbols of Christianity. Found above Christ on crucifixes and sacred images, they proclaim a truth far greater than the accusation they were intended to convey.

INRI is the abbreviation of the Latin phrase:

Iesus Nazarenus, Rex Iudaeorum

which means:

"Jesus of Nazareth, King of the Jews."

These words were placed above Jesus on the Cross by order of Pontius Pilate. What was meant as a charge against Him became a testimony to His divine kingship.

✝️ 𝗜𝗡𝗥𝗜 𝗣𝗥𝗢𝗖𝗟𝗔𝗜𝗠𝗦 𝗝𝗘𝗦𝗨𝗦 𝗔𝗦 𝗞𝗜𝗡𝗚

• Jesus is the true King promised by God.

• His kingdom is not of this world.

• He reigns through truth, mercy, and love.

The Cross reveals the kingship of Christ.

✝️ 𝗜𝗡𝗥𝗜 𝗙𝗨𝗟𝗙𝗜𝗟𝗟𝗦 𝗚𝗢𝗗'𝗦 𝗣𝗥𝗢𝗠𝗜𝗦𝗘𝗦

• The prophets foretold the coming Messiah.

• Jesus fulfilled the hopes of Israel.

• He established an eternal kingdom.

God's promises find their fulfillment in Christ.

✝️ 𝗜𝗡𝗥𝗜 𝗥𝗘𝗩𝗘𝗔𝗟𝗦 𝗧𝗛𝗘 𝗣𝗔𝗥𝗔𝗗𝗢𝗫 𝗢𝗙 𝗧𝗛𝗘 𝗖𝗥𝗢𝗦𝗦

• The world saw defeat.

• God revealed victory.

• Through His suffering, Jesus redeemed humanity.

The Cross became the instrument of salvation.

✝️ 𝗜𝗡𝗥𝗜 𝗧𝗘𝗔𝗖𝗛𝗘𝗦 𝗧𝗛𝗘 𝗣𝗢𝗪𝗘𝗥 𝗢𝗙 𝗛𝗨𝗠𝗜𝗟𝗜𝗧𝗬

• Christ embraced humiliation for our sake.

• He chose obedience over worldly glory.

• His humility opened the gates of Heaven.

True greatness is found in self-giving love.

✝️ 𝗜𝗡𝗥𝗜 𝗖𝗔𝗟𝗟𝗦 𝗨𝗦 𝗧𝗢 𝗙𝗢𝗟𝗟𝗢𝗪 𝗖𝗛𝗥𝗜𝗦𝗧

• We are invited to carry our cross daily.

• We are called to trust God's plan.

• We are challenged to live faithfully.

Discipleship requires courage and perseverance.

✝️ 𝗜𝗡𝗥𝗜 𝗥𝗘𝗠𝗜𝗡𝗗𝗦 𝗨𝗦 𝗢𝗙 𝗚𝗢𝗗'𝗦 𝗟𝗢𝗩𝗘

• Jesus willingly gave His life for us.

• His sacrifice reconciled humanity with God.

• His love continues to transform hearts.

The Cross is the greatest sign of divine love.

✝️ 𝗜𝗡𝗥𝗜 𝗣𝗢𝗜𝗡𝗧𝗦 𝗧𝗢 𝗧𝗛𝗘 𝗥𝗘𝗦𝗨𝗥𝗥𝗘𝗖𝗧𝗜𝗢𝗡

• The story of Christ does not end at Calvary.

• The King who died also rose again.

• His victory conquered sin and death.

The Cross always leads to Easter.

✝️ 𝗥𝗘𝗠𝗘𝗠𝗕𝗘𝗥

Every time we see the letters INRI, we are reminded that Jesus Christ is the King who conquered not by force, but by sacrificial love.

What began as an inscription of condemnation became a proclamation of salvation.

INRI — Jesus of Nazareth, King of the Jews.

The King who reigns from the Cross and invites every soul into His eternal kingdom.

"Jesus answered, 'My kingdom is not of this world.'" (John 18:36)

Lord Jesus Christ, King of the Universe, have mercy on us and reign in our hearts forever.

Ignatius Catholicum ✍️✝️

06/07/2026

LITURGICAL BIBLE SHARING

GKK SVF - APOKON ,UNIT1
SPONSOR: BALISTA FAMILY
7.6.26

05/07/2026

LITURGICAL BIBLE SHARING

GKK SVF - APOKON ,UNIT1
SPONSOR: BACTONG FAMILY
7.5.26

04/07/2026

LITURGICAL BIBLE SHARING

GKK SVF - APOKON ,UNIT1
SPONSOR: BAHULAY FAMILY

04/07/2026

MGA PAGBASA - JULY 5, 2026
Ikanapulo’g Upat nga Domingo Sulod sa Tuig
PASIUNA
Kinsa ang Dios alang kanato? Siya ba mao ang makagagahom nga Dios kinsa nagdani kanato pinaagi sa iyang gahom? Siya ba mao ang Dios nga maningil sa atong mga binuhatan?
Diha ni Jesus uban kanato, gipakita niya ang iyang kaugalingon isip usa ka way gahom nga Dios, kinsa mapaubsanong nagtawag kanato sa pagtubag sa iyang gugma. Mao kini ang Dios nga mianhi kanato diha ni Jesus dinhi niining Eukaristiya.
Unang Pagbasa Zac 9: 9-10
Ang Manunubos magmadaogon pinaagi sa pagpaubos. Si Propeta Zacarias nag-ingon: ang gisaad nga manunubos moabot dili uban sa gahom apan diha sa pagkamapaubsanon. Sa ingon niini, buntugon niya ang mga gamhanan ug dad-on niya ang kalinaw ngadto sa tanang katawhan.
KINUTLO GIKAN SA BASAHON NI PROPETA ZACARIAS (Zec. 9: 9-10)
Pagmaya pag-ayo, O katawhan sa Sion! Singgit, O katawhan sa Jerusalem! Moanhi kanimo ang imong hari, moanhi nga madaugon ug mapaubsanon nga magkabayog a**o - sa nati sa a**o. Ipahilayo niya sa Efraim ang karwahe ug sa Jerusalem ang mga kabayong iggugubat. Balion niya ang mga pana, ug hatagag pakigdait ang kanasuran. Ang iyang gingharian maglakip sa tanang kadagatan, sukad sa Suba sa Eufrates ngadto sa tanang suok sa kalibutan.
ANG PULONG SA GINOO. SALAMAT SA DIOS.
SALMO RESPONSORYO (Ps. 145: 1-2, 8-9, 10-11, 13-14)
T. Daygon ko ang imong ngalan sa kahangturan, akong hari ug akong Dios.
Ibayaw ko ikaw, O Dios ug Hari ko, ug daygon ko ang imong ngalan hangtud sa kahangturan. Matag adlaw daygon ko ikaw, ug himayaon ko ang imong ngalan hangtud sa kahangturan.
T. Daygon ko ang imong ngalan sa kahangturan, akong hari ug akong Dios.
Ang Ginoo maayo ug maluloy-on, dugay nga masuko ug dako sa kaluoy. Ang Ginoo maayo alang sa tanan ug maluloy-on sa tanan niyang mga binuhat.
T. Daygon ko ang imong ngalan sa kahangturan, akong hari ug akong Dios.
Papasalamata kanimo, O Ginoo, ang tanan mong mga buhat ug padayega kanimo ang imong buotang mga alagad. Pahisgota sila bahin sa himaya sa imong gingharian ug pasultia sila mahitungod sa imong gahum.
T. Daygon ko ang imong ngalan sa kahangturan, akong hari ug akong Dios.
Ang Ginoo matinumanon diha sa tanan niyang mga pulong ug balaan diha sa tanan niyang mga buhat. Ang Ginoo nagpabangon sa tanan nga napukan ug nagapatindog sa tanan nga nangalipay.
T. Daygon ko ang imong ngalan sa kahangturan, akong hari ug akong Dios.

KINUTLO GIKAN SA SULAT NI SAN PABLO NGADTO SA TAGA-ROMA (Rom. 8:9, 11-13)
Wala na kamo magkinabuhi nga minandoan sa tawhanong kinaiya kondili sa Espiritu, kon tinuod man ugaling nga ang Espiritu sa Dios anaa na sa inyong kasingkasing. Kadtong walay Espiritu ni Cristo, dili iya ni Cristo.
Kon nagpuyo sa inyong kasingkasing ang Espiritu sa Dios nga nagbanhaw kang Jesus, siya nga nagbanhaw kang Cristo mohatag usab ug kinabuhi sa inyong mga lawas pinaagi sa iyang Espiritu nga anaa kaninyo.
Busa, mga igsuon, aduna kitay katungdanan apan dili sa pagkinabuhi sumala sa tawhanong kinaiya. Kon magkinabuhi kamo minandoan sa tawhanong kinaiya, mamatay gayod kamo; apan kon pinaagi sa Espiritu patyon ninyo ang tawhanong binuhatan, mabuhi gayod kamo.
ANG PULONG SA GINOO. SALAMAT SA DIOS

ALELUYA (Mateo 11:25)
T. Aleluya.
O Amahan, Ginoo sa langit ug sa yuta! Nagpasalamat ako kanimo kay gipadayag mo man ngadto sa mga walay kahibalo ang imong gililong sa mga maalamon ug sa mga makinaadmanon.
T. Aleluya.

KINUTLO GIKAN SA EBANGHELYO SUMALA NI SAN MATEO (Mt. 11:25-30)
Unya si Jesus miingon, “O Amahan, Ginoo sa langit ug sa yuta! Nagpasalamat ako kanimo kay gipadayag mo man ngadto sa mga walay kahibalo ang imong gililong sa mga maalamon ug sa mga makinaadmanon. Oo, Amahan, natuman kini kay mao may imong gusto ug pagbuot.”
“Ang akong Amahan naghatag kanako sa tanang butang. Walay nakaila sa Anak gawas sa Amahan, ug walay nakaila sa Amahan gawas sa Anak ug kadtong mga tawo nga buot sa Anak nga makaila sa Amahan.”
“Umari kamo kanako, kamong tanan nga gikapuyan ug gibug-atan sa inyong gipas-an, ug papahulayon ko kamo.”
“Isangon ang akong yugo ug sunda ninyo ako, kay malumo ako ug mapaubsanon sa espiritu, ug makapahulay kamo. Sayon ang yugo nga akong ihatag kaninyo, ug gaan ang ipapas-an ko kaninyo.”
ANG EBANGHELYO SA GINOO. DAYGON IKAW, O CRISTO.

KATILINGBANONG PAG-AMPO
P: Mag-ampo kita ngadto sa Amahan nga makabaton kita sa hiyas sa pagkamapaubsanon ug ato kining mapuy-an ug mapaambit sa uban. Sa matag pangamuyo kita moingon: GINOO, PATALINGHUGI KAMI.

a. Nga ang tanang nagdumala sa Simbahan ilabi na sa atong Santo Papa, mga kaobispohan, mga pari ug mga layko nga magmakanunayon unta silang mosangyaw sa pulong sa Dios ilabina sa mga sinalikway sa katilingban. Mag-ampo kita sa Ginoo.
b. Nga ang tanang mga lideres sa atong nasyonal ug lokal nga panggamhanan maantigong mogamit sa ilang kaalam o kahibalo aron mapalambo ang atong nasud dili tungod sa garbo apan tungod sa kaangayan ug gugma. Mag-ampo kita sa Ginoo.
c. Nga ang atong mga igsuon nga nag-antus sa nagkadaiyang mga pagsulay sa kinabuhi, nagkalisodlisod, biktima sa pagpanlupig mapaubsanon unta nilang ihalad ngadto sa Dios nga maoy mohatag kanila sa ganti nga dili matupngan. Mag-ampo kita sa Ginoo.

P: Amahan, malaumon kami nga Imong hatagan og katumanan ang among mga pag-ampo. Tabangi kami sa among pagpaningkamot sa pagsunod ug pagbuhat sa Imong kabubut-on ilabi na sa inadlaw-adlaw namong panginabuhi. Kini among gipangayo pinaagi ni Cristo among Ginoo. Amen.

28/06/2026

June 28, 2026

Ang Santos nga Ebanghelyo sumala kang San Mateo

Mateo 10:37-42

Mateo 10:37
Ang mahigugma sa iyang amahan o inahan labaw pa kanako, dili takus kanako; ug ang mahigugma sa iyang anak nga lalaki o anak nga babaye labaw pa kanako, dili takus kanako;
Mateo 10:38
ug ang wala magpas-an sa iyang krus ug wala lmagsunod kanako, dili takus kanako.
Mateo 10:39
Ang makakaplag sa iyang kinabuhi kawagtangan himoon niini; apan ang magawagtang sa iyang kinabuhi tungod kanako, makakaplag ra niini.
Mateo 10:40
Ang magadawat kaninyo magadawat kanako, ug ang magadawat kanako magadawat sa nagpadala kanako.
Mateo 10:41
Ang magadawat sa profeta tungkod kay kini usa ka profeta, magadawat siya sa balus nga alang sa profeta; ug ang magadawat sa tawong matarung tungod kay kini usa ka tawong matarung, magadawat sa balus nga alang sa tawong matarung.
Mateo 10:42
Ug bisan kinsa nga magahatag ug bisan usa na lang ka kabo nga bugnawng tubig aron ipainom sa usa niining mga gagmay tungod kay kini usa ka tinun-an, sa pagkatinuod, magaingon ako kaninyo, dili gayud siya kawad-an sa iyang balus.'

Pamalandong:
Maayong adlaw na usab kanatong tanan mga Egsuon ko diha Kang Hesukristo. Sa atong Ebanghelyo karong adlawa gisulti sa atong Ginoong Hesukristo nga kung mas mahigugma pa kita sa atong Ginikanan o sa atong mga Anak labaw pa sa paghigugma nato sa Diyos dili takus para sa pagsunod sa atong Ginoong Hesukristo. Ngano man mga Egsuon? Kana tungod kining gugma usahay gamiton sa dautan para sa atong Kalaglagan. Example ani mga Egsuon tungod sa atong gugma sa atong Anak, ato siyang panalipdan sa iyang nabuhat nga sala. Kung naay makaaway ang atong Anak bisan tuod siya ang nakasala, ato siyang labanan o panalipdan kay lage ato man siyang kadugo. Apan dakong sayop diay kini mga Egsuon, dapat gyud nga atong ipakita sa atong mga Anak unsa ang maayo ug unsa ang dili maayo, aron magdako siya nga may kahadlok sa Diyos ug magpuyo nga nagsubay sa Kabubut-on sa atong Ginoo nga atong Diyos. Kung atong panalipdan ang atong Anak bisan sa iyang sayop magsalig kining bataa ug mahimo na hinuon siyang walay respeto sa iyang isig ka Tawo ug unya inag abot sa panahon wala na usab siyay respeto diha sa iyang mga Ginikanan. Busa atong agakon ang atong mga Anak diha sa pagbuhat ug mga maayong buhat kay matud pa sa atong Ginoong Hesukristo dili mawala ang iyang ganti bisan pa ug unsa ka gamay sa iyang nahimo nga maayong binuhatan. Ikaduha nga gisulti sa atong Ginoong Hesukristo nga ang wala magpas-an sa ilang Krus dili takos para sa atong Ginoong Hesukristo. Brothers and Sisters ang pagpas-an sa Krus nagpasabot kana ug sakripisyo ug kalisod tungod sa pagsunod nato sa kasuguan. Anaay daghang mga Tawo nga magpakasayon na lamang ug mohimo nalang ug dautan ug kana dili kahimut-an sa Diyos mga Egsuon. Sama sa usa ka gatos ka tawo mga makakita ug pitaka nga naay daghan sod nga kwarta. Pipila lang siguro ang makahuna-huna nga iuli kini, ug ang daghan magpakasayon nalang ug dili gyud nila iuli kay lage naglisod pod sila. Brothers and Sisters atong paningkamutan nga makasulod sa sigpit nga dalan sa kaluwasan, kaysa magpakasayon ta pero malaglag ang atong Kalag.

20/06/2026

June 21, 2026

Ang Santos nga Ebanghelyo sumala kang San Mateo

Mateo 10:26-33

✝ Mateo 10:26
"Busa, dili kamo magakahadlok kanila, kay walay bisan unsa nga nasalipdan nga dili igapadayag, bisan unsa nga tinago nga dili hibaloan."
✝ Mateo 10:27
"Ang ginaingon ko kaninyo sa mangitngit, igaingon ninyo sa mahayag, ug ang ginapatalinghugan ninyo sa igdulungog, igamantala ninyo sa mga ibubongan."
✝ Mateo 10:28
"Ug dili kamo managkahadlok sa mga nagapatay sa lawas apan dili arang makapatay sa kalag; apan kahadlokan ninyo una kadtong arang makalaglag sa kalag ingon man sa lawas didto sa in****no."
✝ Mateo 10:29
"Wala ba igabaligya ang duha ka mga gagmay nga langgam sa usa ka diyut? Ug bisan usa kanila dili mahulog sa yuta sa wala ang inyong Amahan."
✝ Mateo 10:30
"Apan bisan pa ang mga buhok sa inyong ulo naisip nga tanan."
✝ Mateo 10:31
"Busa dili kamo managkahadlok; kamo mga labaw pa ug bili kay sa daghan nga mga langgam."
✝ Mateo 10:32
"Busa, bisan kinsa kadtong magasugid kanako sa atubangan sa mga tawo, ako magasugid usab kaniya sa atubangan sa akong Amahan nga atua sa langit."
✝ Mateo 10:33
"Apan bisan kinsa nga magalimod kanako sa atubangan sa mga tawo, igalimod ko usab siya sa atubangan sa akong Amahan nga atua sa langit."

Pamalandong:

Maayong adlaw na usab kanatong tanan Brothers and Sisters. Sa atong Ebanghelyo karong adlawa gisaysay sa atong Ginoong Hesukristo nga walay bisan unsang butang nga matago, labina gayud ngadto sa Diyos Amahan. Daghan kaayong nagpakaaron ingnon lamang apan diha sa ilang kasing-kasing wala gayud ang matuod nga gugma o pagtabang sa isig ka Tawo. Daghan kaayo karon ang gusto mosikat sa social media nga nitabang kuno sila sa ilang isig ka Tawo pero ang tinuod nga tumong para lang musikat o makadani ug daghang viewers sa ilang vlogs. Daghan kaayo ang mupahiyom atubangan sa mga Tawo pero naa diay gitaguan nga kasuko o kayugot sa iyang isig ka Tawo ug anaa silay gitagoan nga dautang tumong. Daghan kaayo ang palasimba apan wala gayud mutuhop diha sa ilang Kasing-kasing ang pulong sa Diyos. Brothers and Sisters ato untang ipakita o ipasundayag sa kadaghan ang tinuod natong gugma sa atong Ginoo ug sa atong isig ka Tawo kay si Hesukristo mao ang magdala kanato ngadto sa Gingharian sa Langit nga nagtan-aw sa tinuod nga anaa sa atong kasing-kasing. Ang kalimpyo sa huna-huna kasingkasing ug Kalag maoy tan-awon sa Diyos ug dili ang atong physical nga porma. Dili kita angay mahadlok kung unsa ang makapatay sa sa atong Lawas, kundi ang atong angay kahadlokan mao ang makalaglag sa atong Kalag ngadto sa nagdilaab nga kalayo.

BobbTine TV

08/08/2026

11/07/2026

11/07/2026

06/07/2026

06/07/2026

05/07/2026

04/07/2026

04/07/2026

28/06/2026

20/06/2026

Address

Telephone

Website

Alerts

Contact The Business

Shortcuts

Share

Category

Listing takedown request