DXED 1224Khz Radyo Agila Tagum City

08/08/2025

| KAMPO SA 18TH INFANTRY BATTALION SA LAMITAN, BASILAN, GILABAYAN OG GRANADA; 4 SAMARAN!

BASILAN — Upat ang naangol human gilabayan og granada ang kampo sa 18th Infantry Battalion sa Barangay Campo Uno, Lamitan City, Basilan.

Sumala sa report sa Lamitan City Police Station, duha ka sakay og motorsiklo ang miitsa og granada sa sulod sa kampo niadtong alas 7 sa gabii sa Agosto 6, 2025.

Tulo matud pa ka sundalo ug usa ka sibilyan ang naigo sa shrapnel gikan sa granada nga mao sila Pvt. Chico D. Obillo, Pvt. Armando M. Patinio III, Cpl. Generalao Olado Jr., ug si Elmer Andrade Tolosa nga sibilyan.

Gidala dayon sila sa Lamitan District Hospital aron sila matambalan. Samtang nagpadayon ang imbestigasyon sa kapulisan aron masuta ang mga responsable niini.

Nakigtambayayong na usab ang Lamitan City Police Station sa mga kasikbit nga estasyon aron maglunsad og dragnet operation batok sa mga suspetsado.

📷: Credit to the rightful owner



DXED 1224Khz Radyo Agila Tagum City
@highlights

08/08/2025

| ₱1.7M NGA SHABU, NASAKPAN SA MOTEL SA GUIWAN

ZAMBOANGA CITY — Usa ka 22-anyos nga lalaki nga giila sa alyas “Chan Chan”, taga-Southcom, Calarian, nadakpan sa buy-bust operation sa Room 208, sa iladong Motel sa Brgy. Guiwan, Zamboanga City, alas 12:28 sa kaadlawon, Agosto 7, 2025.

Gikumpiska sa mga pulis ang 5 ka sachet nga shabu (250g, ₱1.7M street value) itom nga belt bag, Buy-bust money nga ₱50,000

Ang operasyon gikasa sa CDEU sa ZCPO kauban ang PDEA Zamboanga, ug gi-record gamit ang body cam para sa transparency.

Gi-explain ngadto sa suspect ang iyang katungod atubangan sa barangay officials, media ug police investigators.

Sa karon, ang suspect temporaryong gi-detain sa ZCPO Headquarters samtang gi-andam ang ipasakang kaso batok kaniya.

📷: PDEA



DXED 1224Khz Radyo Agila Tagum City
@highlights

08/08/2025

| 1 PATAY, 9 SAMARAN HUMAN MIBANGGA ANG PICKUP TRUCK SA TULAY SA GENSAN

Patay diha-diha ang usa ka pasahero sa itom nga pickup truck samtang siyam (9) sa iyang mga kauban ang naangol human mibangga ang sakyanan sa cement par**et wall sa tulay sa Barangay Datal Salvan, Barangay San Jose, General Santos City, pasado alas-4:30 sa hapon niadtong Agosto 7, 2025.

Base sa inisyal nga imbestigasyon sa traffic enforcement unit sa maong lugar, pagkawala sa preno o loose brake ang hinungdan mao nga gibangga na lang sa tulay ang maong sakyanan.

Dali usab nga miresponde ang mga rescuers aron madala dayon ang mga samaran sa labing duol nga balay tambalanan alang sa medical nga atensyon.

📷: MNU/(Facebook).



DXED 1224Khz Radyo Agila Tagum City
@highlights

08/08/2025

| 10-WHEELER TRUCK, NABANGGA SA POSTE SA MARILOG, DAVAO CITY

Davao City – Usa ka 10-wheeler nga van-type nga trak ang nibangga sa poste human kini moliko gikan sa highway didto sa Purok 11, Lajog, Marilog District sa Davao City buntag sa dlawng Biyernes, Agosto 8, 2025.

Matud sa mga awtoridad, ang trak nawad-an og kontrol tungod sa mechanical trouble o problema sa makina, hinungdan nga nawala kini sa linya ug nidiretso sa kilid sa kalsada, ug didto na nabangga ang poste.

Dali nga nakaresponde ang mga personahe sa rescue team sa central 911 sa Davao City. Hinuon, wala may grabe nga naangol ni bisan kinsa sa nahitabong aksidente, ug wala sab nareport nga nakabsan.

Padayon ang imbestigasyon sa mga otoridad aron masuta ang tinuod nga hinungdan ug kung adunay posible nga kapabayaan sa bahin sa drayber o sa tag-iya sa maong trak.

📷: Credit to the rightful owner



DXED 1224Khz Radyo Agila Tagum City
@highlights

08/08/2025

| MANANAGAT SA BOSTON, DAVAO ORIENTAL, NASIKOP TUNGOD SA KASONG PAGPATAY!

Malampusong nasikop ang usa ka lalaki nga nahibilin sa karsel human sa gikasang nga Manhunt Operation sa mga personahe sa Boston Municipal Police Station, niadtong alas 11:30 sa buntag sa Agosto 7, 2025 didto sa Purok 4, Danipas, Barangay Labisma, Bislig City, Surigao del Sur.

Giila ang suspek nga si alias “Bibi,” 32 anyos, single, usa ka mananagat ug residente sa Sitio 5M, Barangay Caatihan, Boston, Davao Oriental. Gikonsiderar siya nga Top 9 Most Wanted Person sa Provincial Level.

Giaresto ang suspek pinaagi sa pagpatuman sa warrant of arrest alang sa kaso nga Homicide ilawom sa RPC Article 249, ubos sa Criminal Case No. 5250-2025 nga giisyu ug gipirmahan ni Hon. Justine Keith Sarabosquez, Presiding Judge sa Regional Trial Court, 11th Judicial Region, Branch 7, Baganga, Davao Oriental, niadtong Abril 8, 2025.

Ang korte nagrekomendar ug piyansa nga ₱120,000.00 alang sa temporaryong kagawasan sa suspek.

Sa karon, ang dinakpan anaa na sa kustodiya sa Boston Municipal Police Station alang sa tukmang legal nga proseso.

📷: Boston MPS



DXED 1224Khz Radyo Agila Tagum City
@highlights

08/08/2025

Balita | TOP 1 MOST WANTED SA BANAY-BANAY, NASIKOP TUNGOD SA KASONG QUALIFIED R**E UG LASCIVIOUS CONDUCT

DAVAO ORIENTAL — Nasikop ang usa ka suspek nga giilang si alias “Jon”, hamtong sa pangidaron ug residente sa Banay-Banay, Davao Oriental, human gitunolan kini og warrant of arrest sa mga personahe sa Banay-Banay Municipal Police Station sa pagpanguna ni PCPT Conson, OIC sa maong buhatan, niadtong Agosto 7, 2025.

Si alias "Jon" gi-konsiderar nga Top 2 Most Wanted Person sa Provincial Level ug Top 1 Most Wanted Person sa Municipal Level.

Ang suspek gaatubang sa mga kaso nga:

Duha (2) ka counts sa Qualified R**e batok sa usa ka menor de edad, ug

Usa (1) ka kaso sa Lascivious Conduct ilawom sa Republic Act 7610 (Special Protection of Children Against Abuse, Exploitation and Discrimination Act).

Ang warrant of arrest gipagula ug gipirmahan ni Hon. Alona Tabana Labtic-Pioquinto, Presiding Judge sa Family Court, Branch 9, Lupon, Davao Oriental.

Walay piyansa nga gi-rekomendar para sa duha ka kaso sa r**e, samtang ₱200,000 ang gi-set nga piyansa para sa kaso sa Lascivious Conduct.

Ang nadakpan anaa karon sa kustodiya sa Banay-Banay Police Station alang sa tukmang legal nga disposisyon.

📷: Banaybanay MPS



DXED 1224Khz Radyo Agila Tagum City
@highlights

08/08/2025

| LABORER SIKOP, GITUOHANG SHABU UG GRANADA NASAKMIT!

TAGUM CITY — Malampusong nasikop ang usa ka laborer sa operasyon nga gikasa sa kapulisan didto sa Blk. 1, Lot 39, Purok Popular, Brgy. Magugpo East, Tagum City, Davao del Norte.

Base sa ulat sa Tagum City Police Station, ang nadakpan giila nga si alyas Mel, 46-anyos, ulitawo ug residente sa maong lugar.

Giduso ang operasyon sa mga sakop sa Tagum City Police Station kauban ang DNPDEU ug 1st DNPMFC subay sa Search Warrant nga gi-isyu ni Hon. Sharon Rose T. Saracin, Executive Judge sa RTC Branch 30, 11th Judicial Region, Tagum City.

Sa maong operasyon, nakuha gikan sa suspek ang mosunod:

A.) Usa (1) ka medium square heat-sealed plastic sachet nga adunay puti nga kristal-kristal nga substansiya nga giangkon nga shabu
B.) Unom (6) ka elongated heat-sealed plastic sachets nga adunay susamang substansiya
C.) Usa (1) ka itom nga coin purse
D.) Usa (1) ka granada
E.) Usa (1) ka asul nga pencil case
F.) Usa (1) ka plastic straw nga adunay residue
G.) Usa (1) ka berde nga lighter
H.) Usa (1) ka foil strip
I.) Usa (1) ka kahon
J.) Usa (1) ka itom nga panapton

Sa karon, paslak na sulod sa selda ang dinakpan sa kustodiya sa Tagum PNP ug mag-atubang kini sa kasong paglapas sa Republic Act 9165 kun Comprehensive Dangerous Drugs Act of 2002, lakip na usab ang illegal possession of explosives.

📷: Tagum PNP



DXED 1224Khz Radyo Agila Tagum City
@highlights

08/08/2025

08/08/2025

08/08/2025