DXED 1224Khz Radyo Agila Tagum City

DXED 1224Khz Radyo Agila Tagum City Eagle Broadcasting Corporation, Mabilis, Malakas, Pumapagaspas! (News, Drama and Edutainment)

DUHA KA INDIBIDWAL, NADAKPAN SA BUY-BUST OPERATION SA TAGUM CITY!Nadakpan sa kapulisan ang duha ka giingong mag live-in ...
10/09/2026

DUHA KA INDIBIDWAL, NADAKPAN SA BUY-BUST OPERATION SA TAGUM CITY!

Nadakpan sa kapulisan ang duha ka giingong mag live-in partner sa gikasang anti-illegal drugs operation sa Barangay Magugpo West, Tagum City, alas 11:11 sa gabii niadtong September 9, 2026.

Gipangulohan sa Tagum City Police Station, uban ang DNPIU/DNPDEU, ang buy-bust operation nga misangpot sa pagkadakop sa mga suspetsado nga giila sa mga alyas nga “Junel,” 38 anyos, ug si “Resly,” 35 anyos. Pareho silang residente sa maong barangay.

Sumala sa kapulisan, nakapalit ang poseur-buyer gikan kang “Junel” og usa ka heat-sealed transparent plastic sachet nga adunay gituohang shabu. Gigamit sa transaksiyon ang usa ka ₱500 bill ug pito ka machine-copied ₱1,000 bills isip buy-bust money.

Sa operasyon, dugang usab nga nakumpiska gikan sa mga suspetsado ang duha ka heat-sealed transparent plastic sachets nga adunay gituohang shabu, usa ka open sachet nga adunay mga nahibiling substance, usa ka improvised glass tube tooter nga adunay gituohang shabu, usa ka checkered coin purse, ug usa ka green lighter.

Ang kinatibuk-ang nakumpiskang gituohang shabu gibana-banang motimbang og duha ka gramo, nga adunay standard drug price nga mokabat sa ₱13,600.

Ang duha ka suspetsado anaa na karon sa kustodiya sa Tagum City Police Station samtang giandam ang kasong paglapas sa Sections 5 ug 11, Article II sa Republic Act No. 9165 kun Comprehensive Dangerous Drugs Act of 2002.

📷: Tagum CPS


MAG-ASAWA, GIKAWATAN UG GIPUSIL PATAY SA SULOD SA ILANG BALAYPatay ang usa ka mag-asawang Moro human giatake sa mga arma...
10/09/2026

MAG-ASAWA, GIKAWATAN UG GIPUSIL PATAY SA SULOD SA ILANG BALAY

Patay ang usa ka mag-asawang Moro human giatake sa mga armadong lalaki sulod mismo sa ilang panimalay sa Sitio Matiyumpong, Barangay Dalgan, Montawal, Maguindanao del Sur niadtong Martes sa gabii, Setyembre 8.

Giila sa mga lokal nga opisyal sa Montawal ug Pagalungan, lakip ang mga opisyal sa Bangsamoro Special Geographic Area sa Cotabato, ang mga biktima nga sila si Alex Monib Pandapatan ug Bai Macabimban Salipada-Pandapatan.

Gideklarar silang dead on the spot human nakaangkon og mga samad pinusilan sa ilang lawas.

Base sa inisyal nga imbestigasyon sa kapulisan, gisulod sa mga armadong suspek ang balay sa mag-asawa ug gipangita ang ilang mga kabtangan.

Gikuha sa mga suspek ang kuwarta, mga alahas ug cellphone sa mga biktima sa wala pa sila gipusil gamit ang mga assault r***e.

Human sa pagpamusil, dali nga misibat ang mga suspek sa wa matinong direksyon. Wala na sila maabti sa mga community watchman ug barangay officials nga miresponde sa insidente.

📷: Contributed Photo/(FB).


36TH REGIONAL GIRL SCOUT CAMP, OPISYAL NANG GISUGDAN SA TAGUM CITYMing-abot na sa Energy Park sa Tagum City ang mga Girl...
10/09/2026

36TH REGIONAL GIRL SCOUT CAMP, OPISYAL NANG GISUGDAN SA TAGUM CITY

Ming-abot na sa Energy Park sa Tagum City ang mga Girl Scout gikan sa nagkalain-laing lugar sa Eastern Mindanao alang sa 36th Regional Camp.

Opisyal nang gisugdan Septyembre 10, 2026 ang maong regional camp nga molungtad og upat ka adlaw.

Samtang nag-abot ang mga partisipante, pipila kanila ang misugod na sa pag-andam ug pag-set up sa ilang mga tent ug subcamp nga ilang kapuy-an ug gamiton atol sa kampo.

Gilauman nga mahimong higayon ang maong kalihokan alang sa mga Girl Scout nga makakat-on, makig-amigo, ug makaapil sa nagkalain-laing kalihokan nga nagtumong sa pagpalambo sa ilang mga kahanas ug pagkamapangandam.

Ang 36th Regional Camp nagdala usab sa mga partisipante gikan sa nagkalain-laing lugar sa Eastern Mindanao ngadto sa Tagum City ubos sa tema sa panaghiusa ug pagkat-on pinaagi sa scouting.

📷: LGU Tagum


OPLAN K*K CARAVAN OF SERVICES, MIABOT SA SAWATA, DAVAO DEL NORTENaabot na sa munisipyo sa Sawata ang nagkalain-laing ser...
10/09/2026

OPLAN K*K CARAVAN OF SERVICES, MIABOT SA SAWATA, DAVAO DEL NORTE

Naabot na sa munisipyo sa Sawata ang nagkalain-laing serbisyo nga gitanyag sa Provincial Government of Davao del Norte pinaagi sa Oplan K*K o Kaagapay sa Kalinaw ug Kalamboan Caravan of Services.

Nakabenepisyo sa mga serbisyo ang mga residente gikan sa Barangay Datu Balong, Libuton, Dacudao, Monte Dujali ug Pinamuno.

Gilauman usab nga ipadayon sa Oplan K*K ang paglibot sa mga nahabiling barangay sa Sawata aron mas mapaduol pa sa mga residente ang serbisyo sa probinsiyal nga panggamhanan.

Ang maong programa kabahin matud pa sa paningkamot sa probinsya nga mahatagan og direktang serbisyo ang mga komunidad, ilabi na ang mga lugar nga layo sa sentrong bahin sa probinsya.

📷: One DavNor Network/(FB).


GROUNDBREAKING SA REHABILITATION SA TAGUM-MACO DIVERSION ROAD, GIPAHIGAYON!Gipahigayon ang pagsugod sa Rehabilitation ug...
10/09/2026

GROUNDBREAKING SA REHABILITATION SA TAGUM-MACO DIVERSION ROAD, GIPAHIGAYON!

Gipahigayon ang pagsugod sa Rehabilitation ug Reconstruction sa Tagum-Maco Diversion Road, nga gilauman nga makatampo sa pagpauswag sa konektibidad ug transportasyon sa lugar adlaw'ng Huwebes, Setyembre 10.

Mitambong sa groundbreaking ceremony si Mayor Rey T. Uy, Davao del Norte 1st District Representative Congressman De Carlo “Oyo” Uy, Board Member Jane Ang, uban ang mga opisyal sa Barangay Madaum nga gipangulohan ni Kapitan Leo Uy, ingon man ang Barangay Council sa San Isidro.

Pinaagi sa maong proyekto, gitinguhang mapauswag ang kahimtang sa diversion road aron mahimong mas hapsay, luwas ug episyente ang pagbiyahe sa mga residente ug motorista.

Gipatuman ang proyekto pinaagi sa suporta sa Opisina ni Congressman Oyo Uy, sa Lokal nga Pangagamhanan sa Tagum, ug sa Department of Public Works and Highways o DPWH.

Gilauman nga ang rehabilitasyon sa maong dalan makahatag og dugang benepisyo sa komunidad, ilabina sa pagpalambo sa road network ug pagpadali sa pagbiyahe sa mga molupyo ug mga motorista.

📷: LGU Tagum


14 KA BARANGAY SA KAPALONG, NAKADAWAT OG ₱200,000 CASH ASSISTANCE UBOS SA BAWAT BAYAN MAKIKINABANG PROGRAMDAVAO DEL NORT...
10/09/2026

14 KA BARANGAY SA KAPALONG, NAKADAWAT OG ₱200,000 CASH ASSISTANCE UBOS SA BAWAT BAYAN MAKIKINABANG PROGRAM

DAVAO DEL NORTE — Nakadawat og tig-₱200,000 nga cash assistance ang 14 ka Barangay sa Kapalong ubos sa Bawat Bayan Makikinabang Program atol sa turnover ceremony niadtong adlaw'ng Miyerkules, Setyembre 9, 2026.

Gitunol ang ayuda isip kabahin sa pagpalig-on sa koordinasyon tali sa lokal, probinsyal ug nasyonal nga panggamhanan. Gitambongan kini ni Nickel Suaybaguio, Chief of Staff ug representante ni Vice Governor Clarice Jubahib, uban sa mga personahe sa Department of the Interior and Local Government o DILG.

Gikan sa ₱200,000 nga nadawat sa matag barangay, ₱100,000 ang alang sa lima ka identified scholars, samtang ang laing ₱100,000 igahin sa mga proyekto ug inisyatibo nga motubag sa panginahanglan sa komunidad.

Nakadawat usab og tig-₱200,000 nga cash assistance ang tulo ka barangay sa Talaingod atol sa maong kalihokan.

Mitambong sa turnover ceremony si Kapalong Mayor Edgardo L. Timbol, kauban si MLGOO VI Marc Voltaire F. Daquigan sa Kapalong ug MLGOO Michell M. Galope sa Talaingod. Anaa usab si Kapalong ABC President Arnulfa A. Betalmos ug Ex-Officio Board Member sa Sangguniang Panlalawigan sa Davao del Norte nga si Norman Libero.

Pinaagi kang Suaybaguio, gipahayag ni Vice Governor Clarice Jubahib ang padayong paningkamot sa iyang opisina nga makahatag og mga programa ug serbisyo nga direktang makatabang sa mga lungsod ug barangay sa Davao del Norte.

Nagpasalamat usab si Mayor Timbol sa maong programa ug giila kini nga dakong suporta alang sa mga barangay ug mga estudyanteng nanginahanglan og dugang nga tabang.

Gilauman sa lokal nga panggamhanan nga ang maong pondo magamit sa mga programa nga makahatag og dugang oportunidad ug mas responsive nga serbisyo alang sa katawhan./ via | Richard Pueblas.

📷: Kapalong InfoCenter


LGU EMPLOYEES SA NEW CORELLA, MITAMBONG SA MENTAL HEALTH SEMINAR!DAVAO DEL NORTE — Mitambong ang mga empleyado sa Local ...
10/09/2026

LGU EMPLOYEES SA NEW CORELLA, MITAMBONG SA MENTAL HEALTH SEMINAR!

DAVAO DEL NORTE — Mitambong ang mga empleyado sa Local Government Unit (LGU) sa New Corella sa CSC Mental Health Seminar nga gipahigayon adlaw'ng Huwebes, Septyembre 10, 2026, sa Municipal Gym sa New Corella.

Gipangunahan ni Provincial Mental Health Coordinator and Supervising Health Program Officer Doris S. Sobremisana ang diskusyon kabahin sa “Mental Health in the Workplace: Strengthening the Well-being of Government Employees.”

Gipasiugda sa seminar ang kamahinungdanon sa pagmentinar sa balanse tali sa trabaho ug personal nga kaayohan, aron dili mapasagdan sa mga empleyado ang ilang kaugalingong kaayohan samtang nagtuman sa ilang mga katungdanan isip mga public servant.

Gituki usab ang nagkalain-laing workplace stressors ug mga pamaagi sa hustong pagdumala niini aron makatabang sa pagpalambo sa kahimsog sa panghunahuna ug emosyonal nga kaayohan sa mga empleyado.

Ang maong kalihokan usa ka inisyatibo sa Human Resource Management Office (HRMO) sa New Corella, nga nagtumong sa pagpalig-on sa mental well-being ug kinatibuk-ang kaayohan sa mga kawani sa lokal nga panggamhanan./ via | Rolly Timbal.

📷: LGU New Corella


DAVAO DEL NORTE, MISALMOT SA 3RD QUARTER NSED!DVAO DEL NORTE — Aktibong misalmot ang Provincial Government of Davao del ...
10/09/2026

DAVAO DEL NORTE, MISALMOT SA 3RD QUARTER NSED!

DVAO DEL NORTE — Aktibong misalmot ang Provincial Government of Davao del Norte sa 2026 3rd Quarter Nationwide Simultaneous Earthquake Drill o NSED, Septyembre 10.

Gipangunahan sa Provincial Disaster Risk Reduction and Management Office o PDRRMO ang earthquake drill nga gipahigayon sa Government Center sa Mankilam, Tagum City.

Anaa sa maong kalihokan ang mga kawani gikan sa nagkalain-laing provincial offices, lakip ang PGSO, TECHVOC, PEEDO ug PHO.

Atol sa earthquake simulation, gipraktis sa mga partisipante ang “Duck, Cover and Hold” isip hustong paagi sa pagpanalipod sa kaugalingon panahon sa linog.

Human sa simulation, migawas ang mga empleyado sa building ug mitapok sa gitakdang evacuation area isip kabahin sa evacuation drill.

Gipahigayon usab ang fire drill sa pakigtambayayong sa Bureau of Fire Protection o BFP, diin gipakita ang mga batakang pamaagi sa fire safety ug hustong pagresponde sa insidente sa sunog.

Tumong sa maong kalihokan nga mapalig-on ang kahandam, koordinasyon ug kahibalo sa mga kawani sa hustong emergency procedures aron mas epektibong maatubang ang mga kalamidad ug uban pang emerhensiya./ via | Rolly Timbal.

📷: One DavNor Network/(FB).


PAGPAHUGOT SA SEGURIDAD SA MGA ESKWELAHAN SA TAGUM CITY, GIDUSO SA CPOC!TAGUM CITY — Gipalig-on sa City Peace and Order ...
10/09/2026

PAGPAHUGOT SA SEGURIDAD SA MGA ESKWELAHAN SA TAGUM CITY, GIDUSO SA CPOC!

TAGUM CITY — Gipalig-on sa City Peace and Order Council (CPOC) ang mga lakang alang sa kalinaw ug seguridad sa syudad atol sa ilang 3rd Quarter Meeting niadtong Septyembre 10, 2026, sa TACEMPCO Conference Room, City Hall Complex, Tagum City.

Usa sa mga nag-unang gihisgutan ang Drill on Active Attack in Schools nga gilunsad sa Department of Education (DepEd) aron mas maandam ang mga estudyante ug magtutudlo sa posibleng pag-atake sulod sa eskwelahan.

Gipresentar ni Mr. Marjun Dawal, DepEd Project Officer II, ang maong programa atol sa miting.

Sumala ni DILG Tagum City Head Jeannette Palmera, subay sa mando ni Mayor Rey T. Uy, gipasiguro usab nga adunay mga Barangay Tanod nga magbantay sa matag pampubliko ug pribadong eskwelahan sulod sa ilang tagsa-tagsa ka barangay aron mapadayon ang kahapsay ug seguridad matag-adlaw.

Gihisgutan usab ang pagpadayon sa Barangay Road Cleaning, Barangay Kalinisan Program o Bayanihan, ug ang pagpangandam alang sa umaabot nga Undas.

Mipresentar usab sa ilang mga programa ug kalihokan ang Tagum City Police, Philippine Army 60th Infantry Battalion, PDEA Davao del Norte, Philippine Coast Guard, Bureau of Fire Protection, ug Bureau of Jail Management and Penology (BJMP).

Gipangulohan ang panagpulong ni City Administrator Edgar de Guzman, uban sa presensya ni Vice Mayor Eva Lorraine Estabillo, Committee on Peace and Order and Public Safety Chairperson Hon. Meliton D. Lemos, ug Liga ng mga Barangay President Bethoveen Rubinos./ via | Rolly Timbal.

📷: LGU Tagum



Address

Purok Maharlika Senangote 2, Magugpo East
Tagum City
8100

Telephone

+639127301274

Website

Alerts

Be the first to know and let us send you an email when DXED 1224Khz Radyo Agila Tagum City posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DXED 1224Khz Radyo Agila Tagum City:

Shortcuts

Share

Category