13/02/2026
FROM RADIO LISTENER TO RADIO OWNER!
Sin-o bala ang magdumdom nga ang isa ka konduktok sadto makaangkon sang iya kaugalingon nga radio network?
Ini ang istorya ni Doc Ramel Uy, Chief Executive Officer sang K5 News FM Philippines.
Antes pa man makaangkon sang network si Doc Ramel, siya ang isa ka maukod nga tagpalamati sang radyo, sa diin paborito sini nga pamatian ang mga drama kag komentaryo sang iya gina-idolo nga mga anchorman.
Tubtob nga nag-abot sa iya ang handum nga mangin isa ka reporter apang wala ini natuman.
Sa tuyo nga makapagusto ini advertise sang iya clinic kag mga produkto, nagtukod ini sang iya kaugalingon nga radyo.
Suno sa kay Doc Ramel, wala siya nahadlok mag-engkwentro sa mga dalagko nga network bangud suno sa iya nakahibalon siya sang iya himuon.
“Wala gid ko nahadlok. Where in fact ginhambalan pa kami nga lima lang na sila kabulan, tatlo lang na kabulan, indi na ya magdugay… pero subong ari na kami sa isa ka dekada nga operasyon. Wala ko nahadlok that time kay kabalo ko sang akon himuon”, pahayag ni Doc Ramel.
Dugang pa sini, kun wala ang radyo, indi niya malab-ot ang estado niya karon. Bangud suno sa iya, ang radyo ang isa sa mga medium or tool nga nagapaalam, nagadugang sang ihibalo, nagahatag sang mga technique kag nagahatag sang wisdom.
“Kun wala g**o ang radyo indi ko maabot sa sini nga estado ko. Sig**o manug-uma lang gyapon ko konduktok gyapon ko…tungod sa radyo nakaabot ko sa ini nga estado”, dugang pa ni Doc Ramel.
Ginsiling man ni Doc Ramel nga tungod sa radyo nangin ‘blessing’ siya sa iban.
Subong nga World Radio Day, ang K5 News FM ang nagasaulog kag nagadumdom sa importante nga papel sang radyo sa komunidad kag sa hinimuan sang mga tawo sa likod sini.*
